كرونيك:💓💓حب_غير_متوقع💓💓

33

#الحلقة_33
كملو الفيلم و طلعو نامو كل واحد في بيتو ناضت يسرى الصباح سرواك جين و تريكو Blan وبسكات blan هزت مونطوها و هبطت تفطر كي هبط سيف يفطر لقاها لابسة قلها: لاه وين راكي رايحة قتلو: رايحة للخدمة و نتا لاه متروحش قلها: نن اليوم نخدم في الدار قتلو:ok وضرك باي راحت خرجت وصلت للريستورون تفقدت الخدمة كان عندها بزاف مجاتش وولات راحت للكوزينة تتفقد في الخدامة حتى صونا تيليفونها تلقاه سيف هزت عليه قلها: يسرى ضرك جي للدار قتلو: راني نخدم كيفاه نجيك قلها: نسيتي بلي أنا راكي تحت أمري حتى لغدوة كوبات عليه و جات خارجة قتلهم يبعثولها حسابات المطعم على الإيمايل باش تقدر تراجعهم في الدار راحت دخلت تلقاه جالس في الصالون صدرو عريان قتلو: خير لاه عيطتلي قلها : ديريلي قهوة قتلو: جبتني من الخدمة باه نطيبلك القهوة قلها: وي وضرك روحي طيبيها
راحت يسرى طيبتها و داتهالو قتلو: و ضرك تقدر نروح للخدمة قلها: نن تبقاي هنا راحت بدلت و لبست سالوبات تع جين مقطعة و جابت الpc تعها و بدات تشوف في الحسابات حتى قلها: ماهوش وقت خدمة هذا قتلو: مالا وقت و شنهي قلها : أرواحي ديريلي مساج لراسي راهو يوجع بدات ديرلو و هي راهي تسب فيه في قلبها حتى قلها: احبسي نتي يديك من غير الماكلة مايعرفو يديرو والو حتى ماكلتك و ماهيش بنينة لدرجة كبيرة قتلو: والله هذا رأيك نتا أنا الناس لي ذاقو من ماكلتي أكل ولاو مدمنين عليها نتا برك لي عندك خلل في حاسة التذوق تاعك قلها: à bon قتلو: à oui و راحت جلست مقابلاتو بقا هو يتفرج حتى قلها القهوة خلاصت زيدي جيبيلي و حدة وألحقيني للبيرو راحت دارتلو قهوة حامية و داتهالو حطتها فوق البيرو و خرجت حتى تسمع فيه يعيط و يتوحوح راحت تجري للبيرو لقاتو سيح القهوة على يدو اليسار و بقا يتوجع راحت ليه هزاتو للصال دو بان حلتلو الماء البارد على يدو لاكن هو تحرق و باين الحرق كبير خرجو من الصال دو بان راحت جابتلو مرهم و دارتولو و ضمدتلو الحرق بقاو شوي وقتلو: سترحت شوي قلها : شوي قتلو ألبس قشك و ألحقني قلها: وين قتلو هيا ضرك تشوف راح لبس قشو هبط لقاها تستنا فيه ركبو في الطونابيل و ديمارات كي كانو فالطريق خزت التيليفون و بدات تهدر دارتو أوت بارلول وقالت: ألو بشرى cv ، بشرى: وي cv لاكن هذي غيبة ،يسرى: يخي راكي في الكابيني تاعك، بشرى: وي لاه ، يسرى: راني جاية و جايبة معايا مريض إصابة حرق ،بشرى: وي مرجبا بيك راني نستنا كوبات و قتلو: هذي صحبتي طبيبة تع جلد قلها: ولاه رانا رايحين ليها قتلو: باه تشوفلك الحرق لي فيدك قلها: نن مانحبش نروح قتلو: لازم تروح و لا يخماجلك الجرح و لا راك خايف من الطبيبة قلها: نن كيفاه راجل كيفي يخاف حكمتلو خدو و قتلو: مالا نقلك و راسك غير راك خايف mais متخافش راني معاك وصلو للكابيني هبطو دخلو طول لبيرو الطبيبة رحبت بيهم بشرى: أهلا أهلا أيسرى عاش من شافك منهار زوجت مازدنا شفناك ، يسرى: أسكتي برك يعني كون مانجيش أنا نتي ماجيش المهم بشرى نعرفك سيف راجلي سيف نعرفك بشرى صحبتي من أيام الليسي صافحو بعضاهم و بشرى نحات الفاصمة على جرح سيف و قتلو: أممممم لازم نعصروه يسرى نتا أحكم في إيد يسرى إذا و جعتك زير عليها قتلها يسرى: و شنهي يزير عليها هذا قتلها بشرى: ماهيش خصارة في راجلك مدتلو يسرى يدها
و بشرى كانت داوي فيه وتعصر و هو كلما توجع يزير على يد يسرى حتى خلصو مدتلها الوصفة باه جيب الدواء و نعتتلها كيفاه تستخدمو و خرجو ركبو في الطونابيل شاف سيف إيد يسرى زرقا حكمهالها وقلها: لاه ماقلتيليش كي زيرت عليك ووجعتك تبسمت و قتلو: أنا متأكدة بلي هي كانت توجع فيك كثر راحو شراو الدواء و روحو.....