و خرجت تماره من الجامعه و عيونها مليئه بالدموع و قالت فى نفسها " ايه دا هو فاكر نفسه مين علشان يتكلم معايا بالطريقه دى .. عمال يقول انا اسر المهدى و اسر الزفت و اسر المعفن يوووه عامل كان محدش اده يا لهوى .. انا هوريك يا اسر الزفت انا اتهزق اودام الناس .. تمام يا اسر انا لو مخلتكش تلف حولين نفسك و تقول حقى برقبتى مكنش انا تماره الشرقاوى ابدا .. " خرجت هدير و وقفت امام تماره و قالت بضحك " يا لهوى يا تماره انتى من كلامك مع الدكتور اتجننتى يا عينى عليكى يا بنتى " تماره بغضب هيستيري " متقوليش يا بنتى دى تانى مفهوم و لا لا " هدير " خلاص حاضر مش هقولها تانى اسفه بس انا عايزه اعرف هو ليه بيتعامل معاكى كدا " تماره " هقولك ايه بس ؟؟ اذا انا مش عارفه هو بيعاملنى كدا ليه ... بس تعرفى انا مش هاممنى حاجه غير انه هزقنى اودام الناس .. انا صعبان عليا نفسي اوى بجد " هدير مستغربه من طريقه تماره " هو انا ممكن افهم انتى ليه بتتكلمى بالشكل دا ؟؟" تماره " انا بتكلم عادى " هدير" لا انتى مش بتتكلمى عادى .. تماره اللى تبهدل اتخن واحد فى العالم يحصل فيها كل دا من واد زى دا و لا راح و لا جيه " تماره بغضب " ايوا صح فعلا انا اقوى من اى حد ... انا لازم اخد حقى و لو على رفدى " و دخلت مره اخرى الى الجامعه و قالت " تماره استنى يا بت استنى .. يا تماااره تعالى اقولك بس .. استنى يا مجنونه " و رقضت خلف تماره بسرعه كبيره و دخلت تماره بكل غضب و ابعدت الباب بكل قوتها و قالت بصوت عالى جدا " يا ااااسر " و ينظر لها اسر باستغراب شديد مذوج ببعض من الغضب و يقول " هو فى ايه بالظبط انتى داخله فين يا بنتى " تماره بغضب و هى تصعد على الاستدج و تشاور لها باصبعها و تقول " متقولش يا بنتى دى تانى " اسر و هو يمسك اصباعها " اولا بس شيلى دا و انتى بتتكلمى معايا تمام بدل ما اخليكى تعيدى الماده من قبل ما السنه تبدأ اساسا " تماره بلا مبلاه " اعمل اللى انت عايز تعمله انا مبقاش فارق معايا لكن كل اللى انا عايزاه انك تحترم نفسك و انت بتتعامل معايا" و قالت اخر جمله و هى تضربه فى كتفه .. قال بصدم من فعلتها " ايه دا انتى بتمدى ايدك عليا تانى" تماره " اه بمد ايدى عليك تانى وتالت كمان و لو فكرت بس مجرد تفكير انك تعمل اى حاجه بدايقنى هتكون دى النهايه تمام ؟؟" اسر ببرود متصنع " طب ممكن تخرجى دلوقت علشان اكمل المحاضره و بعد كدا نتكلم " تماره " لا انا اساسا مش هتكلم معاك تانى " اسر ببرود اكثر " طب تمام براحتك بس ممكن تخرجى علشان انا عندى زفت محاضره و عايز اتنيل اخلصها " نظر له تماره نظره بها الكثير من الاسئله كأنها تريد ان تقول له من انت ايها الشاب الغريب ؟؟ لما تتعامل معى بهذه الطريقه و انا لم افعل لك شيئا مطلقا ؟؟ و لكن انهى تلك الاسئله اسر بجملته " طب ممكن تخرجى دلوقت و اى حاجه عايزه تقوليها ليا يبقى بعد المحاضره " تماره بارتباك شديد " ااا طب .. تمام " و خرجت تماره من المدرج و قال اسر ببرود للطلاب " يلا بينا نكمل الشرح كنا بنقول .." و عاد اسر مره اخرى فى شرح المحاضره ... و خرجت تماره و جلست فى الكافتيريا مع هدير .. قالت هدير لها " تيمو فى ايه مالك ؟؟" تماره " ايه يعنى مالى !! انا كويسه اهوه " هدير " لا مش كويس انا عارفاكى " تماره بنفاذ صبر " قولى اللى انتى عايزه تقوليه بوضوح بعد اذنك لانى مش فايقه اساسا للالغاز بتاعتك دى خالص " هدير " انا اصدى انك زعلانه من الدكتور اسر مش كدا ؟؟" تماره " اه انا زعلانه " هدير " طب ممكن تقوليلى ليه انتى اعده مستنيه المحاضره تخلص ؟؟" تماره " عادى يعنى هخش المحاضره اللى بعدها " هدير " لا و الله هتخشي المحاضره اللى كمان ساعتين لا و كمان ايه بتاعت الدكتوره شيما الخولى لا مش ممكن يا تيمو دى مستحيل اصدقها بقى " تماره " ليه مستحيل " هدير " لان ببساطه كدا احنا مش بنحضر المحاضرات بتاعتها احنا بنحضر للدكتور شريف فاروق و لا نسيتى ؟؟" تماره " خلاص يعنى اروح علشان تستريحي ؟؟" هدير " اه " تماره بعند " طب مش هروح ايه رايك بقى ؟؟" صمتت هدير بصدمه قالت لها تماره " فى ايه يا هدير مالك ؟؟ هدير !! مالك فى ايه ؟؟" ليأتى صوتا من خلفها صوتا تعلمه جيدا .. انه ذالك الغريب المغرور و يقول " احنا دلوقت ممكن نتكلم عادى لو عايزه يا انسه ؟؟ اه صح مقولتيش اسمك ايه ؟؟" و مد يده كى يصافحها قالت هدير " طب انا بقى هروح اجيب قهوه من المكتبه .. اصدى كتاب من المكتبه كنت محتاجاه و نسيت عن اذنك يا دوك.. باى يا تيمو " اسر " تيمو !! اسمك تيمو ازاى ؟؟" تماره ببرود متصنع " انا اسمى تماره و دلعى تيمو و يا ريت تقولى يا انسه تماره .. تمام ؟؟" اسر " تمام " تماره " ايه بقى اللى انت عايز ترغى فيه ؟؟" اسر باستغراب " ايه انت دى انا الدكتور بتاعك و كمان ايه ارغى في ايه دى كمان !! ايه يا بنتى حرام عليكى انتى فتاه جامعيه يعنى مليانه رقه و ثقافه و تتحضر زياده عن كدا شويه .. لكن مش ايه اللى عايز ترغى فيه لا و كمان لمين للدكتور بتاعها " تماره " يا عم انت جاى تتكلم و لا تعلمنى الادب !!" اسر " لا انا مش جاى اعلمك الادب انا بس بعرفك اللى انتى ممكن تكونى نسياه يا تماره " تماره ببرود " انسه تماره لو سمحت يا دكتور " اسر " لا بجد " تماره " ايوا بجد .. ايه بهزر معاك يعنى ؟؟" اسر " تماره اتكلمى عدل علشان انتى بتتكلمى مع الدكتور بتاعك و كمان واحد اكبر منك " تماره و هى تنهض و تضرب الطاوله بغضب لينظر اليها جميع من فى الكافتيريا لتقول بغضب و صوت عالى " و الله انا مش هستنى واحد زيك يجى يقولى اعملى دا و متعمليش دا و احترمى دا و اتنيلى فى دا .. انا واعيه و ناضجه و عارفه انا بعمل ايه و اكيد مش عايزه منك تعليق على اى حاجه بعملها او بقولها لانك و لا حبيبى و لا صاحبى و لا اخويا و لا قريبى انت حيلا الدكتور بتاعى تمام ؟؟ مفهوووم ؟؟" اسر بحرج مغطى بالغضب
" من الواضح انى عملت قيمه لواحده اساسا مهمشه الشخصيه .. " تماره " احترم نفسك " اسر " انا محترم نفسي من غير ما تقولى " تماره " طب تمام امشي بقى " اسر " طب تصدقى انى غلطان لما جيت و كنت هكلمك و اصالحك .. كل البنات دلوقتى بيحسدوكى على مكانك دا " تماره " انت اساسا مطولش تتكلم معايا ... و لو على البنات فدا شئ عادى و انت اساسا كلك على بعضك قرف " اسر
" احترمى نفسك .. الظاهر انك متربتيش و عايزه تتربى ... لو امك مش واخده بالها منك كويس قوليلى و انا اقوم بالازم معاكى " تماره بغضب شديد " متجبش سيره اهلى على لسانك " اسر " ليه يعنى ان شاء الله هما فعلا معرفوش يربوا بنتهم " لترقض تماره بحزن و هى تبكى بحرقه و خرجت من الجامعه و ركبت تاكسي لتأتى هدير على اخر جمله قالها اسر و تقول له " انت ايه اللى انت عاملته دا يا دكتور اسر بس !! حرام عليك تماره يتيمه " اسر بصدمه " ايييه !!"
......................................................
و بكدا يكون البارت خلص و لو عجبكم يا ريت شجعونى بتصويت و تعليق ... باااى
YOU ARE READING
احببتها بالصدفه # Neno
Romanceلم اكن اتخيل اننى سوف ارى ملاك على هيئه بشر .. لن اخبركم بما حدث ... لانه لا يوجد له وصف
