نجوم الحب

5

.
.
.
.
.
.مااعرف،بس انت شلون عرفت بينه مموجودين
..مووو اا ابويه رايح الكم للبيت وعرف مموجودين وبقينه نسأل وين انتم، انا اول شي سويته اا رحت لجيرانكم ووطلعتلي سارة وگالتلي عن الصار
..هاااا گتلي سارة طلعتلك
..اا اي هسة ماگلتيلي شوكت ترجعون
..ههههههه مااعرف روح اسأل سارة شوكت نرجع
..نجممممة انجبي لج شعليه بيها ،اووووه نجومة نلتقي ونسولف بهالموضوع، وان شاء الله من اشوفج الج يمي هدية تعجبج للجامعه
..فدييييت احلا بسوومة،سديته ونداريت ولگيت رقيه واكفه وراي صافنه ..ولج منو هذاا
..هههههه عزااا شبيج فززتيني هذا اخويه بسام
..يااا عندج اخوو
..ايي عندي بسام ومحمد وفرح اخواني من ابويه بس هو الجبير وبس هو شايفته وعلى تواصل وياه
..يااا فدووة ماتخليني اشوفه
..لااا مايفيدج هههههه، بالغدا التمو خوالي وخالاتي يجهزن نفسهن يردن يرجعن لبيوتهن،بيبي توصي بيهن وخوالي يسألونهن شمحتاجات، بقت عيوني تفتر عليهم وعلى محبتهم لبعض ضحكهم ومن يتذكرون طفولتهم ولعبهم سوة،

انتابني شعور بالوحدة ليش موعندي عائلة مثلهم بس مو مثلهم اتمنى اروح ازورهم ويكونون حبابين ومثل خوالي بس اخاف ماما تزعل واخاف من بابا لسه مامتقبلته رغم اكو فرح بداخلي لوجودة وسؤاله عني ،حست بيه ماما وركزت نظرها عليه ابتسمت اطمنها

للعصر وماما حزمت امرها وقررت نهائي نرجع لبيتنه وبلغتهم رغم اعترضو بس قنعتهم. ثاني يوم جهزنه نفسنه وبيبي ترستنه تمر وخضرة من حديقتهم اشترتلي ملابس ولماما ملابس

،المشكله خالو حسن طالع للمستشفى لصديقه والسيارة عنده

. وسيارة خالو حسين مابيها بانزين ردنه نأجر تكسي وخالو گال انتظروا انا اشوفلكم تكسي وارجع بعده ماطالع واتصل بسام گتله راجعين للبيت بس منتظرين خالو يأجرلنه تكسي، بسام سمع هيج وگال..انا اجيكم اصلا قريب يمكم جنت بسيارتي طالع، گلتلهم بسام جاي وخالو رجع ماراح شويه ووصل بسام

دخله للبيت خالو ورحب بيه واني رحت اركض حضنتنه وسلمت عليه وهو يضحكلي، بالصدفه اجتي بنت خالي حسين من الكليه وشافته برا بقت تباوع هو مدنگ واخذه غراضنه لسيارته واحنه طلعنه وراه ماحبيت نظراتها ........

رجعنه لبيتنه وبسام ويانه ماما گعدت يمنه شويه بعدين راحت ترتاح تعبانه واحنه بقينه نسولف

مرت ايام واجه بسام يمنه بقه يسولف بأمور عادية لمن طلعت ماما التفت علية وگال
..نجمة ممكن نحجي بموضوع بدون زعل وتسمعيني للأخير
..اي گول

..شوفي نجمة انا وياج بكلشي وساندتج لأن ادري بيج انظلمتي اكثر ،باعي نجمة ابويه ندمان ومتنمي منج فرصه يقوي علاقته بيج صدگي جان دائما يتذكرج ويتمنى يشوفج وانا اسكت لان ادري ماراح تقبلين، البارحه والله لگيته گاعد بالمطبخ وحدة يفكر ودمعته بعينه