نجوم الحب

9

.
.
.
.
.
.

نجمة..مرت الايام سارة وبسام بالعسل، بابا يروح ويرجع علينه

حمودي تعلق بماما حيل وبقه يمها، فرح بدت تتقربلي وصرنه تقريبا حالنه حال الاخوات ،صرنه نلح ع ماما نريد طفل  صغير، وهي ترد ننتظر طفل من بسام و سارة

لاا ماما نريد اخ

حمودي يگلها مو نجمة وفرح اخوات اثنين بس انا وحدي اذن جيبلي اخ بعد ههههههه صارت تسايرنه وتگول اي ان شاء الله حمستوني للأطفال

زيد نفسه كل فترة الگه وردة بمكاني ،اغاني حب ونظراته نفسهن نحجي بالسيارة بمواضيع عامة مرات البنات يشاركونه مرات لا
سارة تبقى بس تغمزلي وتبتسم هذي البنيه على يوم تفحنه 

مرت اشهر و اكتمل بيتنه واجه بابا وگال باجر نروح نختار الاثاث ونرتبه وبعدها تنتقلون

،ثاني يوم راحت ماما وبابا كملو اثاث البيت والعصر رحنه كلنه نرتب وننظف بيه اجتي مرت عمو واجتي خالتي هم يساعدونه جان تصميمه كلش حلو

طارمة جبيرة بطرفها حديقه بعدها تجي صاله ومطبخ لجوة يصير بابه الخارجي للحديقه والثاني ع الصاله بعدها يجي ممر بنهايته 

غرفتين متقابلات وغرفه ثالثه ببينهن  ،و الفوك غرفتين وحمام وصاله صغيرة اخيرا استقرينه

ثاني يوم عزمنه خوالي و اهل سارة وعمو ومرته وعمتي اصلا هي عدنا اجتي بنت خالو حسين تباوع على سارة ماعاجبها عابت هاي بعدهي عينها على بسام ..

خلينه الغدة اشكال متعددة الزلم بوحدهم والنسوان وحدهم

الطبخ بأيد عمتي وماما و اني وفرح وسارة تحت ايدهن

، بيبي كووومة توصي بماما وگلتلها اخوانج حجو ويه رجلج وحذروه يغلط بشي وياج وهو گللهم اخليها بعيوني ، سارة وبسام اختارو  غرفتهم فوگ

، اني وفرح بغرفه جوة وطبعا حمودي ويانه وماما وبابا بغرفه بقت غرفه للضيوف ،بديت اشوف ماما تحلا اكثر وتتجمل طبعا تركت الدوام بقرار بابا

، فعلا عوضو عن الايام الراحت دائما يطلعون يتعشون برا او يرحون زيارة يرحون يتونسون احنه مرات نطلع وياهم ومرات لا بس حمودي لازك بيهم شهر مر براحه

بس الي شغل بالي تعب ماما جنت اشوفها كل شوي تگعد تلزم راسها لو تهفي بأيدها على وجها اخر شي صارت تستفرغ هواي تخبلت عليها وگابلتها ابجي

..ماما فدوة خل نروح للطبيب
..ولج يمه شبيج تبجين مابيه شي والله
..شلون مابيج شي باعي وجهج راح اتصل على بابا بس هو يگدرلج، بعدني مارفعت تلفوني ووگعت بأيدي صحت بكل صوت اجو فرح وسارة وياي شلناها وغسلنه الها ، اتصلت على بابا ابجي واصيح واجه يركض واخذناها اني و بابا للمستشفى