نجوم الحب

7

.
.
.
.
.

هبة..قبل حنة بسام بيوم اجتي فرح ويه بسام و محمد مثل كل مرة زيارة ويجهزون للعرس اكثر اعتمادهم علية رحت للمطبخ اجهزلج ضيافه اجتي وراي مرتبكه بلسانها حجي
..خير فروحه شبيج صاير شي
..اا خاله اريد احجي وياج
..كولي ،جرت نفس واجت لزمت ايديه كعدتني وكعدت يمي لازمه ايدي وتباوع بوجهي

فرح..خاله اكيد تعرفين شلون ماتت ماما، جنت لسه صغيرة ماافهم شي تعبت بغيابها حيل بعدها تحملت مسؤلية و اني صغيرة من شفتج وشفت حنانج لنجمة ضجت اعترف جنت غلطانه انقهرت منكم لأن اني جنت محتاجه امي هواي بس شويه شويه حبيتج هوايه وشفت بيج الحنان الفاقدته خاله جايتج بطلب ارجعي لبابا وعوضينه عن الحرمان خاله الله يخليج اني كلش محتاجتج طامعه بكرمج لاترديني ميخالف اذا ماتردين ترجعين خليني اني يمكم اني تعبت ولسه صغيرة، صغيرة على تربية اخوي والزم بيت لوحدي محتاجه حنانج خاله الله يخليج ارجعي

هبة..متت قهر عليها عقل حكيم بجسم طفله،
تبجي وتترجه كسر قيود الزعل والقهر بگلبي ،بالاساس اني دأفكر هوايه وكل مرة اوصل لقرار اكول خلص ارجع وابدي من جديد و اتردد بس هالمرة اجتي فرح كأنما تدفعني انفذ قراري،

حضنتها ميته قهر عليها سودة عليه حبيبتي خلص الي تريديه يصير ولاتبجيت ولاتهمين بالدنيا كلنه يمج ونساعدج لاتخافين ، جانت تبجي بحضني بكل قهر وحسرة طولت هواي تبجي خليتها على راحتها يمه اتخيلت نجمة بمكانها وتگطع گلبي ،راحو هم و اني افتر بتوتر شلون ابلغ نجمة مدري شسوي يمكن تفرح ويمكن لا ،گعدت يمها وهي تگلب بكتابها

..نجمة باعي بدون لف و دوران اريد احجي وانتي من حقج تطرحين رأيج، ااني قررت نرجع يعني عائلة انتي واني واابوج واخوانج فكرت هواي وشفت الانسب انطي فرصه ثانيه لزواجي

نجمة..تححي مرتبكه خلصت و اني كمزت لحضنها اضحك فرحااانه، ماما اي عفيه احسن قرار ماما متأمله هوااي بحياتنه الجديدة تكمل حياتي بوجود اهلي كلهم اصبح بوجهم و امسي بوجهم ماما اضمنلج هلمرة كل شي راح يكون تمام الله احس نفسي انولدت من جديد ماما

هبة..حبيبتي ربي يخليج الي ويخلي ھٌ الضحكة الحلوة ،لليل نامت نجمة و اني گاعدة افكر استرجع ذكرياتي معقولة بعد هالسنين نرجع شبيك يا گلبي لسه تنبض بأسمه ياترى شلون راح تكون ايامنه مع بعض معقولة الفرح يدگ بابي مثل كل يوم اتعودت بيه بليل يدز رسائل غزل او سلام

،هالمرة دز ..رِدناكُم ومامِش فُرص
ابتسمت و ايدي بالتلفون شگوول؟

رديت ..هَذوله احنَه اليعَذب گلوبنَه نحبَه ،
امممم جاهزة انطي فرصه لحياتنه

اتصل عليه بسرعه وطلعت برة ورديت عليي

..اخيييرا رديتي، وعد راح ماراح تندمين وعد اعوضج عن كلشي
..ان شاء الله
..نجمة عرفت
..اي گلتلها
..تمام، باجر اجي وترجعون وياي
..لااا، ابد اني مااطلع من بيتي صراحه تعودت هنا ولا اگدر افارگ جيراني
..شلون لعد، شنو هالحجي غير نعيش ببيت واحد
..اعرف هو دأكلك انتم تعالو
..لا والله
..والله