.
.
.
.
.
.
افتر بالغرفه وهو كاعد مرتاح ولايمه و يگلب بتلفونه خلاني افووور
..كاعد مرتاح ولاكأنه مسوي شي كوم رجعني لأهلي يلاا
..اي صار اكعدي نحجي واسمعيني نحدد يوم لزواجنه وروحي ماكو تحلمين تطلعين منا بعد
..لابله منو يمنعني
..انا امنعج عاقد عليج سيد ومحكمة
..زييد كوم رجعني ، وكف يمي جر ايدي وكعدني وكعد
زيد..شوفي نجمة سويتي الي بالج وسكتت وتأجل عرسنه وسكتت ولاتردين عليه وتطالبين بفصخ العقد وسكتت عفتج تهدين بالج خليتي اللوم كله علية وحاسبتيني على شي مو ذنبي وسكتت
بس لهنا وكافي حاجيني فهميني انا شسويتلج سمعتي مني بيوم كلمة ماتعجب شفتي عليه تصرف مايعجب ،
نجمة لاتعذبيني هيج تدرين بيه فراگج يذبحني
بجيت ودنكت راسي..زيد انت ماتعرف شگد اعز امي ،امي عندي قبل كلشي مااگدر اسمح لأحد يحجي بكلمة عليها ويأذيها احس اني السبب بأذيتها ،طلعت تلفوني وشوفته الرساله قراها ودنك راسه ساكت ثواني ورجع جسمة ع السرير وتمدد وجرني لحضني نمت ع ايده وهو يحجي
..حقج والله اعرف قيمة الام انا هم امي عندي عزيزة كلش، امي وابوي من زمااان من زواجهم وهم مامتصافين كله مشاكل ومشاكل امي تحملت هوايه منه اهلها
ماخلوها تتطلگ منه من البدايه واحنه صغار ماگدرت تطلك واستمرت مشاكلهم لهذا يومنا من سمعت بيه دازلج رساله وشافت وضعي اتصلت عليه وتعاركت وياه وراحت لكل
عمامي وخوالي وحجتلهم كل شي هم تحلفو بيه بس يرجع يحاسبونه بطريقتهم وهو من سمع بيهم بعد ما سمعنه منه صوت بعد ما اله لاتلفون ولا رجعه لهنا خاف من تهديدهم، كافي الله يخليج تعبت من البُعد
..حسيت هدأ بركان النار بگلبي ورجع الحب والحنين ولو هو موجود ويزيد ما ينقص ،احمم خطية امك
باوعلي بطرف عينه وابتسم وگال..اصلا امي فرحانه خلصت من المشاكل
..امممم
..هاا راح الزعل!
ابتسمت اباوع بعيونه ..اممم راح
..اووووف الحمدلله، بس انا اريد فصل
..فصل شنو
..اي مرتي هاجرتني صار سنتين الا شويه وحارگه دمي حتى تدخين دخنت
..عزاا ماما ديربالك اشوفك تدخن
..ههههههه ،اييي، باوع بعيوني مبتسم ..يلا افصلي
..دنكت بخجل وقربت وجهي لوجهة، ردت ابوسه واستحييت ،ضحك بصوت عالي وباسني غمضت عيوني ورحت بعالم ثااني ويا ملمس شفايفة وهنه طابكات عل شفايفي خلاني انتهي حسيت بهمساته..حبيبي لاتفقدين وتخليني اتهور
فتحت عيوني باوعتله يضحك
..هسة لو متزوجين جان انتي بحضني
..ليش هسة وين ههههه
..هههههه لا لا حضن ثاني
..ضربته بكتفه بخجل، صاير ماتستحي گوم رجعني يلا
..كومي يلا گمت اباوع قميصي مفتوح نصه وشعري منكوش عزاا وين جنت عدلت
ملابسي بسرعه ونزلنه خاله باستني وتعذرت
YOU ARE READING
نجوم الحب
Romanceيقال(ان حظ البنت مثل امها) سعادة او حزن لكن الحب قادر على تضميد الجروح ويعيد لك الامل بحياة وردية يحلم بهال الجميع .......... طفلة صغيرة تهتم بطفل!كيف هذا وهي من تحتاج لذلك طفلة تكون مسؤلة عن بيت واب واخ ! اي ظلم ظلمتها الحياة ويبقى الحب مرهم لتطيب...
