رواية زوجتي الصغيرة رومنسيه خليجية

٧٦

في بيت جواد

كان متمدد على السرير و يناظرها ببرود و هي تصرخ

فرح و هي شوي و تبكي : حرام عليك اللي تسويه فيني

حطت وجهها بين يديها و هي تبكي

رفعت راسها مرة ثانيه و هي تقول ببكا : انت السبب في كل شي انا فيه .

امي شكت فيني

و اخواني عرفوا باللي صار

و اللحين خالتي شاكه فيني و اليوم تسالني و تقولي انتي حامل و انا بس اكذب عليها

خلاص ابي اموت ما ابي اعيش

و انهارت و هو تبكي بقوة

قام جواد و هو نادم على اللي يصير لها

هو دايما يحس بالذنب و صحيح انه ظلمها بس هي دايما تكبر الامور

قال و هو بدا يعصب : خلاص فرح انتي دايما و انتي تقولين اني انا السبب

ليش مو احنا الاثنين السبب

لو ما انتي اللي خرجت من غير شوري كان ما سويت كذا

و لا ما تذكرين يوم اخذذتك الشقة و انتي تتمسخريني علي

فرح لا تصيرين حساسه و دلوعه كثير

فرح و هي تشوف معاه بعيونه مدمعه و رموشها مبتله من الدموع

وقفت و في نفسها صحيح اني دلوعه من كنت ببيت ابوي بس اللحين صرت اكثر و صرت احس اني ابكي على اي شي تافه

ما ادري شنو فيني بس على طول احس ان الدموع بعيوني

مشيت باتجاه الحمام و هي تنفض راسها من الافكار

دخلت الحمام

دخلت تحت الدوش و دموعها ينزلوا تحس نفسها مخنوقة

جلست و هي ضامه نفسها و ترتجف من الماء البارد

صارت تشهق من بروده الماء

اللي صاير فيها مو قليل مفروض تفرح مثل ام و تخبر اهلها انها حامل و ان قريب ابوها و امها يصيروا جدود

و تخبر خالتها و عمها و يفرحولها

و تخبر اخواته لجواد

و تخبرالكل و الكل يفرح معاها

المفروض تعيش شهر عسلها في السفر و الاستمتاع و الحب مع زوجها

مو في الحمل و القرف و الاستفراغ و تعب الحمل

رجعت راسها على ورا و هي تبكي بالم لقسوة الظروف اللي خلتها تعيش و هي تايهة

مو عارفة تعيش كاي عروس صارت تكذب عشان تخفي حملها عن الكل

صارت تحتقر نفسها و تحس انها سوت شي حرام وهي تشوف نظرات الشك في عيون الناس

غمضت عيونها بتعب و هي تشوف جواد اللي دخل الحمام و علامات الخوف على وجهه

عمره ما خاف علي عمره ما بين انه يحبني كل اللي يسويه عشان ابنه

...

كان جالس في الغرفة بعد ما دخلت للحمام يدري انه قسى عليه بس تصرفاتها

حط وجهه بين يديه و زفر بقوة تعب منها ومن تصرفاتها و هي ما كملت شهر و للحين بس مر عليهم اسبوع

رفع راسه و هو يشوف مع الساعه طولت بالحمام لها اكثر من ساعة

و صوت الماء ما وقف

كل الافكار السلبيه جاته و هو يفكر في كلامها

انت السبب في كل شي انا فيه .

امي شكت فيني

و اخواني عرفوا باللي صار

و اللحين خالتي شاكه فيني

خلاص ابي اموت ما ابي اعيش

...

خلاص ابي اموت ما ابي اعيش

خلاص ابي اموت ما ابي اعيش

خلاص ابي اموت ما ابي اعيش