فـتـاة مـن فـولاذ

الحلقة السادسة

الفصل السادس
¤¤¤¤¤¤¤¤¤¤

صباح ثاني يوم الساعه 6 صباحاً ريما صحيت وقررت تنزل اوضه الجيم

وبعد كدا راحت أوضه الجيم وقعدت تدرب ساعتين كاملين من غير راحه لحد ما تعبت وطلعت اوضتها و لبست

ونزلت لقت يزن صاحي ولابس
ريما بمرح : شوفت زينو اهو مش طلعت علي ظهرك النهارده
يزن ضحك و بصلها : اه شوفت الحمد لله ، المهم شوفتي الأخبار
ريما بخبث : من غير ما اشوفها أي حاجه الملكه بتقولها بتحصل وأكيد زمان شاكر وهو و عز هيتشلوا
يزن بضحك : يا واثقه أنتي يلا علي الفطار يا حبيبتي
ريما بصتله و ابتسمت قعدت جنبه هو حط ليها الأكل علي الطبق اللي قدامها و هي بصتله و ابتسمت و بدأت تاكل
يزن بتذكر : اه ريما اللواء محمود فاروق مديرنا أتصل بيا و عايزنا إحنا الإتنين النهارده في مبني المخابرات
ريما بصتله بإستغراب : مش قال ليك السبب
يزن : لا بس حاسس من نبرة صوته أن في حاجه وشكل كدا جه الوقت اللي صاحبه الموت والذئب يظهروا شويه للناس
ريما : لما نشوف محمود عايزنا في إيه بس مش هنروح النهارده عندي حاجات أهم
يزن : ماشي ريما عمري إحنا في مصر اللبس ده كدا غلط
ريما : متقلقش أختك رجل برضوا
يزن بتنهيد : ماشي يا ريما مافيش فايده
ريما بدلع : خلاص بقي زينو أنا احبك الله
يزن بضحك : و أنا كمان بحبك يا قلب زينو يلا علي الشركه
ريما : يلا زينو
وخرجوا هما الاثنين من القصر وركبوا العربيات ووصلوا الشركه وكان مبني مش بيقل جمال عن شركات المنشاوي ولا الأسد لا وكان أحلا وليه لا وهو تصميم الكينج آسر المنشاوي

ودخلوا والكل أول لما شافهم اتصدم من جمال الإثنين وفي ناس تعرفهم وفي ناس لا والكل بيبص علي ريما وجمالها والبنات علي يزن وجماله و رجولته والكل بيحي الاثنين وهما بيحركوا رأسهم بنعم علي خفيف و ماشين بكل ثقه وغرور
و يدخلوا المكتب و وراهم أسطول من العمال و معاهم ماكس ايد ريما اليمين
ريما ببرود : إيه الطابور ده الكل برا واللي بيبقي بس ماكس و أستاذ عصام برا الباقي
الكل خرج وريما قعدت علي الكرسي بتاعها بكل غرور وتكبر
ريما : إيه يا عصام اللي طالبته امبارح جهز
عصام بتوتر : اه يا ملكه كله تمام وفي مناقصه جديده دخلتها شركات كبيره
ريما ببرود : تمام احنا لازم نكسبها فاهم ولا لا الأرباح بتاعتها كويسه و أنا اللي هشتغل عليها بنفسي و هنقدم السعر النهائي قبل المناقصه بربع ساعه عشان ماحدش يعرفه مفهوم ولا لا
عصام : مفهوم يا ملكه
ريما : اطلع برا بقي واطلب من حد يعملي قهوه
عصام : حاضر حاضر
وخرج جري وهي بتبص ليه بقرف و سخريه
يزن : المناقصه ديه فعلاً مهمه بس فرضا بنات أسد فيها
ريما : الصداقه ملهاش دعوه بالشغل عارف لو كان آسر نفس مجالي ، أنا كنت خرجت منها عشان خاطره .
ماكس : طب اشمعنا آسر وبنات أسد لا
ريما بهدوء : آسر أنا اعرفه من زمان جداً وهو اخويا ذي يزن بالظبط وأنا أساساً ماكنتش أعرف بنات أسد غير من الأنتقام من رعد الحديدي وعلاقتي كويسه جداً مع نوران ونور وجيسي أما نورين عصبيه وأنا مش بحب كدا وعايزه الكل يمشي بالقانون بتاعها وبس ومش أنا اللي امشي على قوانين حد أنا الكل يمشي علي قوانيني وبس عشان كدا علاقتي بيها عاديه المهم يلا نشتغل علي المناقصة.................

- فضيحه أحفاد الرفاعي بقت حديث الصحف والمجلات

_ تمر الايام و يجي معاد المناقصه و تكسبها شركات الليث و أرسلان وصهيب يتعموا من الغضب لما يعرفوا أن اللي كسبتها شركات الليث ذي العاده وهما خسروا منها ذي العاده

_ فريق الأسود القائد محمود يقول ليهم أن صاحبه الموت والذئب هيبقوا ضمن الفريق لفتره مؤقته بسبب عمليه مهمه هيقول عليها لما يجي صاحبه الموت والذئب وده يعصب أرسلان اكتر وبقي يلعن ويدعي للملكه بالموت

_ الكل في مبني المخابرات متشوق يشوف صاحبة الموت والذئب بعد ما عرفوا أنهم في مصر والكل فاكر أن الإثنين ولاد

_ شاكر يقبل عرض ريما ليه والشرط الجزائي وده يسبب ثقه ليها ويبدأ يجهز المشروع وريما دورها جاي علي الباقي و بتحضر نفسها لأولاده

_ يزيد يخف من اللي ريما عملته فيه ويرجع للسهر والسكر ثاني ومره واحده يدخل البوليس و يقبض علي التلات شباب ويدخلوا السجن أربع أيام علي زمه التحقيق وتبقي ثاني فضيحه لعيله شاكر الرفاعي

_ اما بالنسبه لترنيم و نورسين اتقبض عليهم في شقه مفروشه وكانت ثالث فضيحه لعيله شاكر

_ شاكر يدخل المستشفى نتيجه ازمه قلبيه نتيجه الصدمه

_ ريما تبعت حد يحرق الفرع بتاع الشركه بتاعها في اسكندريه و تقدم الشرط الجزائي للبوليس و بعلاقتها يتقبض علي عز

وفي يوم تروح ريما السجن وتطلب من الظابط مقابله عز الرفاعي وأولاده ...............................................................................