فـتـاة مـن فـولاذ

الحلقة الثالثة و العشرون

الحلقة الثالثة و العشرون
*******************
ريما بخبث : أنا هقولك يا سيدي اسمع الرجل اللي اسمه ليث ده كان دفعه واحده وهو و ابويا المهم بسبب فرق الخبرات ابويا بقي مقدم وهو لسه بقي تحت الارض وبقي يكره ابويا عشان ابويا كان القائد بتاعه المهم بقي يكرهه عشان دايما ابويا الاحسن و الأكثر كفاءه و لما مات فرح المهم شوفته اول مره كان في معسكر في الصين وهو القائد بتاع الفريق المصري و كان مطلع عين اهلي و اللي عرفته أن ابنه كان معايا في الترقيه والمفروض حد فينا هو اللي يترقي اختاروني انا عشان كدا بقي يكرهني رجل معقد اصلا تقول ايه بقي خساره فيه الاسم يلا ننام عشان الشوايش عطيه ده ميقرفش اهلنا أكثر من كده
الكل ضحك و بعد كدا دخلوا الاوضه وناموا كلهم و صحيوا خمسه في المعاد وخرجوا قبل باقي الفرق و ليث جه ليهم

ليث : لا جاين بدري
ارسلان ببرود : اكيد
ليث بخبث : لما نشوف
واتجمع كل الفرق و وقفوا في صفوف متساويه
ليث بصوت عالي : اول حاجه جري عشرين دوره ده الاول
ايلا بغيظ : ربنا يهد حيلك يا اخي
يزن ضحك عليها وهي سرحت معاه بعد كدا خدت بالها لما ريما ضربتها بالكوع في جنبها
ريما مالت عليها : عارفه أن اخويا أمور بس أتلمي بغير ها
وضحك و ايلا ضحكت معاها
وبعد كدا ريما جريت و ارسلان جنبها وهي كملت جريت وهو تعب وحط أيده علي رجله
وهي ضحكت عليه و كملت جري وهو بص ليها بحب وضحك وجري
بروين : يا اختي لا مش قادره بجد مش قادره هما بيجروا كدا ازاي
عمر قرب منها ومسك ايدها : انتي كويسه
بروين ببرود : اه عن اذنك
وجريت وهو جري جنبها : بروين
بروين بسخرية : ايه ده اول مره تقول اسمي من غير كلمه رجل
عمر باحراج : أنا آسف
بروين بسخرية : اسف اممم لا عدي عليها وقت يا سياده الرائد عن اذنك
وجريت بسرعه وسبقته وهو بص ليها بصدمه من تغيرها المفاجئ ده
رهف بسخرية : ايه يا معلم لسعتك مش قولتك هتندم الاول كانت بتحبك وانت عارف كدا دلوقتي بقي الله واعلم
وجريت و سبقت اخوها وهو بيبص علي بورين بخوف ومش عارف سببه
وبعد ما عدي العشرين دوره الكل وقف و ياخد نفسه و ريما حطت أيدها علي رجلها تاخد نفسها و عرقانه بطريقه فظيعه
ليث : ايه الكل تعب مالكم دول منظر ضباط
ريما بسخرية وبصوت تقريبا سمعه الكل : لا حوش الكرش بتاعك اللي مش نازل
الكل دخل في نوبه ضحك حتي الضباط الاعلي رتبه من الفرق وليث بص لريما بغضب و توعد
ليث : ثبات
الكل وقف ضحك و أدوا التحيه العسكريه
ليث قرب من ريما : كنتي بتقولي لمين يا سياده المقدم
ريما ببرود : أنا مش بقول لحد ومقولتش اسم معين عشان حضرتك تزعل اوي كدا راي ومشاعر زياده مني مش أخرجها
ليث بغضب : لا مش تخرجيها انتي هنا في معسكر مش في ملاهي شكلك مش متعوده لسه جهزي نفسك انتي بالذات النهارده للتصويب
ريما ادت التحيه بحزم : امرك يا فندم
ليث : اتفضلي غيري هدومك عشان نبدا وانتي قدامي
ريما : تحت امرك
يزن ليه هيتكلم ريما غمزت ليه وهو سكت
وراحت ريما وغيرت هدومها عشان التصويب و راحت للمكان المخصص و الكل متابع و ريما مسكت السماعه الكاتمه للصوت وحطتها علي ودنها وليث قدامها
ليث شاور بالبدايه و صوب بس كان بعيد عن الهدف وريما مسكت المسدس و عمرته و صوبت في النقطه السوداء و الكل بص بذهول ليها وهي بصت بثقه لليث اللي بص ليها بغضب و ضرب في الهدف مره ثانيه
دور ريما وصوبت في الهدف و وصلوا لاخره طلقه وليث صوب مظبوط و جه دور ريما اللي اعلي من ليث بنقطه
ريما في نفسها : يلا يا بنت ليث ابوكي لازم يتشرف فيكي قدام الكل مهما كان مين اوعي تخاف يلا يا ريما
و خدت نفس طويل وبعد كدا دخلت في الهدف
و الكل مصدوم أنه ريما غلبت القائد بتاعها
ريما ابتسمت بفخر واعتزاز وراحت لعند ليث و شالت السماعه
ريما بفخر : بنت ليث عبدون لازم نكون شبل حتي لو بنت و ليث عبدون بيربي رجاله وبس
اقدر اطلع ارتاح دلوقتي ولا لسه فيه تحدي ثاني
ليث بإعجاب : لا اطلعي يا سياده المقدم
ريما اومات بهدوء و مشيت و معها الفريق كله
ليث بهدوء : اممم لا شكلي نظرتي هتختلف يا بنت ليث

__________________

في المكان المجهول

دخل سليم لعادل
عادل بلهفه : ها عرفت فين اكمل
سليم : اتحبس ريما كشفته وهو ريناد
عادل بذهول : ازاي
سليم حكي ليه كل حاجه حصلت
عادل بغضب : غبيه متخلفه هو وهي اغبي من بعض
سليم لازم نهرب اكمل من السجن ده عارف عني كتير
سليم : ازاي يا باشا ده في سجن المخابرات وحضرتك عارف هو ازاي
عادل بخبث : عشان عارف هو ازاي اسمع ........
عادل : بس لازم ريما و ارسلان يكونوا مش موجدين
سليم : هما في معسكر تدريبي في الصحراء مش هنا
عادل بشرود : طب اطلع دلوقتي ونفذ اللي قولتك عليه في اسرع وقت
سليم : امرك وجه يخرج لقي رنا داخله
رنا : مالك يا عادل
عادل حكي ليها كل اللي حصل وهي اتصدمت
رنا بذهول : يعني ريما طلعت في المخابرات
عادل بسخريه : مقدم يا اختي رتبه مقدم
رنا : يا نهار اسود طب هنعمل ايه ده كدا قوتها وجبروتها بيزودا وهي عماله تاخد منا واحد ورا الثاني ذي الخرفان كدا وماحدش عارف يقرب منها
عادل : لازم اخلي اقرب حد ليها هو اللي يضربها
رنا باستغراب : ازاي واكملت بصدمه هتموتها
عادل بصت ليها بغضب اعمي : مستحيل اقرب منها لو فكرتي بس تاذيها أنا اللي هموتك فاهمه ولا لا أنا مش عندي عزيز وانتي عارفه كدا
رنا بخوف : لا لا لا مش هقرب منها متقلقش
عادل بص ليها بقرف وأكمل بخبث : لما نشوف يا ست رنا ازاي عامر سرحان يتحبس و ماحدش ليه يد في الموضوع او حتي بنتك لو طلعتي عايزه تطلعني من المولد بلا حمص ده انا هطلع عليكي القديم والجديد ( للي مش فاكر عامر سرحان ده اللي ريما دخلت في السجن و عملت لعبه عشان يشك في رنا وهي نجحت )
رنا قربت منه : ما تسيبك من الشغل والكلام ده بقي
عادل بخبث : وماله
( سكتت شهرزاد عن الكلام المباح )
( جاتكم القرف عالم معفنه 😠 😠)

__________________

في المعسكر

ريما قاعده مع الكل

ايلا بذهول : لا طلعتي جامد في التصويب ده انتي غلبتي القائد
بروين : ده بقي منظره في الأرض
رهف : احسن وربنا ده خلانا لفينا عشرين دوره المفتري ابن المفترين رجلي ورمت اااه يانا
صهيب بقلق : انتي كويسه
ريما بسخرية : اهدي يا عم الحنين البت قدامك اهو بطل يا عم تامر حسني اخوها قاعد احترم نفسك يا يلا
يزن بسخرية : مياعه بعيد عنك
صهيب بغيظ : اتلم يالا
الكل ضحك
ريما بضحك : وربنا معاك حق يا ابني رومانسيه مقرف تصدق أنا لما بشوف بالصدفه فيلم رومانسي بكون اقسم بالله عايزه اخرج اللي في بطني
ارسلان بصدمه : هو انتي علي طول كدا
ريما : ده اللي هو ازاي طب بزمتك الفرق بين افلام الرعب وافلام الرومانسيه ذي السما و الارض ايه الرومانسيه القرف ديه حاجه قلبه معده و ربنا عالم فاضيه بياخدوا فلوس عشان يفقعوا مراراه الناس هي ناقصه اشكال ***** بقي و شلل أنا واحده عايزه اموت موتت ربنا مش اموت من الشلل
الكل ضحك علي كلامها و بعد كدا كل واحد نام في مكانه وارسلان بيفكر في حاجه واحده وبس وهي ريما .........................................................................