فـتـاة مـن فـولاذ

الحلقة الثالثة عشر

الحلقة الثالثة عشر
*****************

في الصبح.........

الكل صحي بعد ليليه من القلق والتوتر النفسي  وريما صحيت من النوم و خدت شور و لبست  و كانت بدله باللون البينك الفاتح وعليه بادي من اللون الابيض

وبعد كدا نزلت تحت  لقت الكل صاحي

ريما بهدوء : صباح الخير
الكل : صباح النور
ريما : صافي يزن بيه لسه نايم
صافي بتوتر : احم لا يا ملكه اطلع اصحيه لحضرتك
ريما  : لا أنا هطلع ذي كل يوم
وطلعت وعيون ارسلان عليها بغضب
ارسلان في نفسه : اه صح عايز أنا إيه من واحده كل حياتها برا ولبس زفت يعني
أنا هي مش فرق معاها كل النظرات ديه وطلعت لاخوها
ريما دخلت من غير ما تخبط ذي العاده وهو كان نايم وطلعت علي ظهره وقعدت تزق فيه
ريما : يزن يزن زينو  قوم بقي يا حبيبي
يزن بنوم : ريما مش النهارده خالص هموت و انام برا
ريما  : بتطردني يا يزن
يزن بنوم : اه برا
ريما بخبث : عيوني
أما يزن أستغرب الهدوء ده ولسه هينام لقي  مياه علي رأسه ساقعه
يزن بزعيق : ريماااااااااا
أما ريما طلعت ليه لسانها ونزلت جري من علي السلم والكل سمع زعيق يزن ومافيش ثواني نزلت ريما وهي بتضحك بصوت عالي و أرسلان بوقه في الأرض ان البارده بتضحك
إيلا : هو في ايه
بروين : شكلها عملت فيه حاجه
أما ريما نزلت ذي البرق  من علي السلم ويزن نزل وراها من غيره ما ياخد باله أن فيه ناس و قبل ما تجري مسكها ورفعها علي ظهره
يزن : في حد يعمل كدا
ريما بضحك جامد علي غير العاده : هههههههههههه كان شكلك هههههههههههه مسخره والله هههههههههههه
يزن : مش هتكبري ابدا
ريما مسكت خدوده : ده بزمتك أنا بعمل كدا مع حد ثاني
يزن بسخرية : لا الصراحه بس أنا برضوا مش بحدف حد في البسين غيرك
ريما بصتله بصدمه بعد كدا صرخت  : انت يا حيوان نزلي
يزن ماشي بيها وساره بتضحك أما صهيب و أرسلان بيطلعوا نار من عنيهم
يزن : وربنا ابدا
ريما بتهديد : وربنا يا يزن ولو ما نزلتني هولع فيك
وهنا دخل مازن و اتصدم أن ابنه عريان ومش لابس غير بنطلون وكله مايه وأنه شايل ريما و بيخانقوا وعرف انهم ذي كل يوم
مازن بملل : أهلا ثنائي المشاكل
ريما بفرحه ولسه متشاله  :  روح قلبي ثواني وهنزلك يلا بقي ابوك جه نسلم ونعمل بعد اللي احنا عايزينه
يزن : اهلا يا حج بس استني اخلص منها واجي
ريما : بابي خلي الحيوان ده ينزلني
مازن بصله بملل : يزن نزل ريما
ريما : ايوا اسمع كلام بابي
يزن بسخرية : الأدب بينزل وهو موجود إيه  التربيه ديه
ريما بسخرية برضوا : نفس تربيتك 
مازن بصلهم بضيق و اتكلم بنفاذ صبر  : بس بقي أنتوا الإثنين مخي ورم يزن نزل ريما
يزن : اهو علي الله تتلم
يزن نزل ريما راحت ليه وحضنته جامد : بابي حمدالله علي سلامتك
مازن بحنان : غزالي الصغير وحشتيني يا حبيبتي 
ريما : وأنت كمان
يزن بابتسامه : مازن 
مازن : اطلع يا كلب يا ابن *****  البس
ريما ضحكت و حضنت مازن أما يزن بص لنفسه بصدمه وطلع جري والكل بقي يضحك
ريما : شباب اعرفكم ده بابي وبابا يزن سوا
بروين بضحك : ابو مين صلي عن النبي في قلبك ده فيه شباب اكتر مننا
مازن ضحك : بتعاكس كدا و لا إيه
رهف : اه وربنا هو أنت متجوز
مازن : لا بس بعشقك مراتي ومافيش واحده بالنسبه ليا احلا منها
ايلا : أنت معدن  نادر  و الله
مازن : هي اللي كانت نادره
ريما بصتله :  طب احترمني شويه الله
مازن بصلها : هو انا قولت ليكي إني معرفتش اربي
ريما : كتير الصراحه ليه
مازن : لا أنا هتجنن منك
ريما : بعد الشر عليك من الجنان يرضيك لما أنت تتجن أجنن مين بعد كدا
يزن نزل وكان لابس : تجنني اهلي أنا عادي برضوا أنت اتخلقتي عشان تجنني اللي حواليكي
ريما ببرود : و إيه المشكله هو كام واحده بنت ليث يعني
مازن : كلك ابوكي ونفس كلامه
ريما  بسخرية: اه بس هو كان طيب شويه اما لا
مازن اتنهد ويزن راح ليه وحضنه : حمدالله علي سلامتك يا بابا
مازن  : اللي يسلمك
ريما : مازن  ليه مش اتصلت بيا امبارح كنت جيت ليك المطار و استقبلتك بنفسي
مازن بسخريه : ذي الاستقبال ده مش اظن الصراحه
ريما ويزن بصوا لبعض وضحكوا وبعد كدا الكل راح للفطار
مازن : أنت صهيب
صهيب : اه
مازن   : طلعت امور بس  مش واخد كتير من ليث ريما اقرب ليه في كل حاجه نفس العيون والشعر البني الداكن ده و غمزته   حتي التصرفات
ريما : عيب عليك يا مازن  برضوا أنا تربيه ليث و أنت
أرسلان بصلها بتعجب : هو أنتي عندك غمازه
ريما بصتله بإستغراب : اه في خدي الشمال ليه
أرسلان بسخرية : عشان مش شوفتها الصراحه من كتر ما أنتي مكشره في وش الخلق
ريما بصتله ببرود
يزن بضحك : هههههههههههه حد قال الصراحه مره
ريما بابتسامه صفرا : اممم زينو حبيبى اتلم بدل ما المك مازن لم ابنك بدل ما تلاقيه جثه عندك
مازن ضحك : اتلم يلا ديه جباره ممكن تولع فينا قادرة و تعملها
ريما ضحكت و غمزتها بانت و أرسلان سرح في الضحكه
ريما بضحك : ماعدا عليك يا قلب الملكه
رهف : هو حضرتك ازاي يعني والد يزن  وريما بتقولك بابي أو هي ازاي عايشه معاه لوحدهم
ريما ببرود : وحياتك وبنام معاه
البنات بصت ليهم بصدمه ويزن شرق من المايه ومازن قعد يضحك
يزن : كح كح كح الله يخرب بيتك يا شيخه هنتفضح من غير سبب وربنا هي اختي في الرضاعه 
الكل اتصدم وعمر و أرسلان الأول و بصوا لصهيب اللي بص ليهم بسخريه
ايلا بفرحه :  بتتكلم بجد
يزن بإستغراب منها : اه وربنا مالك
ايلا بتوتر : احم لا مافيش
ريما بسخرية : و أنتي كنتي فاكره اني ممكن اخليه يهزر معايا كدا من غير ما نكون اخوات او ممكن يشيلني مستحيل
يزن بسخرية : اه كانت ولعت فيا عادي ذي ما ضربتي العميل فكرا
ريما باستفزاز : لا فاكره مش عشان مسك ايدي وكان عايزني اركب معاه في العربيه
مازن بصلها بجديه  :  وازاي مقولتيش
يزن بسخرية : يا مازن هي سابت فيه حته سليمه ده لحد دلوقتي الواد بيتعالج ده لما عرفت روحت عشان اتصرف لقيتها ناقص تولع فيه بالعربيه خدت الرجل المستشفي ولقيت ضلعين مكسورين وكان عنده كسر في الجمجمة وأيده محتاجه عمليه كبيره ولسه بيتعالج
ريما ببرود : مش هو اللي قليل الادب اعمل إيه يعني
ساره بعدم استيعاب : أنتي مش معقوله
ريما : لا لسه بدري ده أنتي هتشوفي مواهب يلا زينو 
يزن مسك تفاحه وحدفها عليها وهي مسكتها وكلت منها
ريما : حلوه التفاحه ديه
يزن : دوقيني كدا
ريما حطت التفاحه في بوقه وكل منها وهي خدتها وكلت منها ثاني والكل بيبص ليهم بذهول
مازن : هو أنتوا مجانين
ريما وهي بتاكل : ليه بس يا مازن  كان عايز حته اقول لاخويا لا يرضيك كدا
يزن : وفرضا قالت لا ممكن ابص فيها تموت وهي بتاكلها
ريما : كلامه مظبوط
مازن بتعب : لا أنا طالع انام وكفايه عليا كدا وطلع من غير ما يرد علي ريما أو يزن وبعد ما طلع قعدوا يضحكوا
ريما بجديه : يلا علي الشركه
زين اتعود عليها خلاص وأنه كل دقيقه بحال
يزن : اه ماشي
اما صهيب جه ليه خيبه الامل : أنا طالع
ريما وقفت قدامه : رايح فين
صهيب : النهارده اجازه و أنا هطلع انام ومش بروح الشركه النهارده
ريما : تيجي معايا نشوف الشركه سوا
يزن ابتسم لأخته وفرح أن ريما ابتدت تتعامل مع صهيب ذي اخوها
صهيب بصدمه : نعم
ريما ضحكت : مالك ايه مش موافق خلاص يا خساره بقي
صهيب : استني يا ستي أنا جاي
ريما : تمام الكل بقي يحضر نفسه ويلبس عشان هنروح الشركه سوا ومالت علي ودن صهيب : بس رهف جامده طلعت بتعرف تختار
صهيب بص ليها بصدمه وهي ضحكت وغمزت ليه
والكل عجبه فكره ريما وطلعوا وريما بعتت ليهم لبس مع الخدم اما هي طلعت غيرت هدومها بعد ما اتبهدلت من الهزار مع يزن و لبست ونزلت لقت الكل جاهز
صهيب بضيق : هو أنتي كل لبسك كدا
ريما : بص عشان نبقي تمام مع بعض أنا مش بحب حد يقول ليه أو ايه او لا أنا بحب اسمع ماشي تمام امرك حاضر غيرهم لا
صهيب بسخرية : ليه هو يزن بيقولك كدا
ريما بصت ليه ببرود وعرفت أنه غيران ولازم تتصرف قبل ما يكره يزن أما يزن نزل الكل في جو مشحون بقي الكل ساكت
يزن بصلهم بإستغراب  : فيه ايه
ريما : يزن هسألك سؤال
يزن بحنان : عمري اؤمري يا حبيبتي وأنا انفذ
ريما : لما بطلب منك حاجه اي كانت ومن غير ما اقول ليك السبب أنت ليه مش بتسألني عليها و بتعملها
يزن بحب : عشان أنا بثق فيكي اكتر من نفسي وانا متاكد انك عمرك ما هتعملي حاجه غلط تضيع سمعه ليث و عارف ان هيجي الوقت واللي تقولي ليا عشان أنتي عمرك ماخبيتي عني حاجه وانا متاكد من تربيه ليث وأنه عمره ما يربي غلط
ريما ؛ طب لبسي
يزن : بصي يا ريما رغم اني معترض عليه مش من دلوقتي من زمان بس اللي متاكد منه أن مافيش حد يقدر يرفع عينه علي الملكه ولو فكر موته جيه  و أنا مهما كان هفضل جنبك في اللي أنتي عايزاه المهم وحاسه انك هتكوني مبسوطه فيه ده كفايه عندي ولو حد فكر فيكي غلط قبل ما يخلص تفكيره هكون مات مني المهم ملكتي تكون كويسه ومسح علي شعرها  بحنان و باس  رأسها وهي ابتسمت لاخوها بثقه أنها متاكده منه وعمره ما يخيب ثقتها فيه ابدا
يزن : أنا خارج مستنيكم في العربيه
وخرج أما ريما راحت لصهيب
ريما بسخرية : و أنا كنت متاكده من رد يزن عليا عارف ليه عشان أنا وهو بنفهم بعض من غير ما نتكلم  ودلوقتي أنت عرفت الفرق بينك وبينه ومحتاج سنين عشان تفهمني ذيه لو فضلت بنفس الطريقة ديه
و لبست نظارتها بغرور وثقه مش بتليق غير ليها هي وبس و مشيت
ساره : أنت بتغلط و هتخسرها من ايدك من غيرتك اللي مش ليها اي سبب او معني ريما عمرها ما تسيب يزن أو هو يسبها و لو حد دخل في حياتهم محتاج يفهم أنهم دايما سوا وريما أنت شوفتها بنفسك وماحدش قدر يرسم الضحكه علي وشها غير يزن وهو مش تابع ليها لا ده بيثق بيها ثقه عمياء من غير حدود ولو قالت ليه موت نفسك عشاني هيعملها من غير ما يفكر عشان هو بيثق فيها افهم كلامي كويس واعقل ولما هي اتكلمت معاك الصبح أنا بصيت ليه لقته فرحان عشانك يزن مش وحش ابدا بالعكس معني أنه يهتم بيها من صغرها  وهما نفس السن ده معناه أنه بيحبها جداً ومش حب ذي اللي ممكن تفهمه غلط لا حب اخوي و صداقه عمر من سنين
صهيب : فهمت
ومشي وهو والباقي وخرجوا سوا عشان يروحوا الشركه بتاعتها و ريما بتبص ليه ببرود وهو مضايق من نفسه و أرسلان ارتاح من أن يزن اخوها بس مش أي حد يقبل انها تكون علي علاقه كدا بيه حتي لو أخوها و وصلوا الشركه ونزلوا من العربيات و ارسلان مذهول من الصرح اللي قدامه ده احسن ميت مره من شركات الرعدي و تصميمه خرافه

ودخلوا الشركه والكل مصدوم من النظام في مكاتب الموظفين والكل قام أول لما شافها هي ويزن وبقوا تحيهم وهما بيحركوا رأسهم بهدوء و غرور وركبوا الاسانسير
ريما : يزن
يزن بإستماع : نعم
ريما بسخرية : رهان أن أنت هتلاقي السكرتيره بتاعتك واقفه برا وخبطته في كتفه : معجبه زينو
يزن بقرف : هي  مش ناقصه و الله ما ناقصه أنا اصلا همشيها بس مستني الصفقه الجديده تخلص واغورها من هنا
ريما  : السكرتيره ١١ في الشهر ده
رهف بصدمه : ١١ ليه يا ابني
يزن  : هما كلهم اشكال زباله  بعيد عنك مش جاين لشغل جاين لعريس وأنا بعيد عن العريس خالص ولا عمري هتجوز اصلا هي ناقصه ده أنا مستحمل ريما اللي الكبير ييقعد معاها بيتشل
ريما بسخرية :  علي رائيك خليك قاعد جنبي
وطلعوا دور رئساء الأقسام  و لقوا سكرتيره يزن مستنيه  و الكل كتم ضحكه ماعدا إيلا اللي بصت ليها بغضب
رابي بدلع  : صباح الخير يزن بيه
يزن بغضب : صباح الزفت علي دماغ اهلك إيه القرف اللي أنتي عملاه ده في نفسك ده حد قالك أنك جايه فين
رابي بخوف  : ما هو ريما هانم لابسه كدا
يزن بسخرية وغضب : انتي بتقرني نفسك بيها  هي تربيه ليث عبدون أما أنتي بقي الله واعلم تربيه مين  ولما تتكلمي علي  ستك تتكلمي وعيونك في الأرض ديه اتخلقت بس عشان الناس تسمع كلامها ويبقي الكل خدم ليها و غوري جاتك القرف خدي حسابك ناقصه علي الصبح هي ودخل مكتبه ورزع الباب
ريما ببرود  : يلا  من هنا مش ناقصه بتقارني نفسك بيا ده أنتي اللي اتصرف عليكي طول حياتك أنا بصرفه في اسبوع ولما تتكلمي عن الملكه تتكلمي بإحترام بدل و ربنا يخليكي عبره لمن اعتبر ودلوقتي برا
رابي حركت رأسها بنعم بخوف ومشيت اما ريما دخلت مكتبها و معاها الكل مكتبها وكان مكتبها فخم ومش بيقل فخامه عن الشركه من برا ولقت السكرتيره واقفه مستنيها وكان باين عليها الاحترام
ريم السكرتيره : صباح الخير يا ملكه
ريما بابتسامه : يا ريم قولتلك أنتي بالذات تقولي ليا ريما وبس ذي يزن
ريم السكرتيره  : بس احنا في شغل
ريما : شغل إيه و بتاع ايه أنا ريما وبس وأنا ذي اختك الكبيره
ريم بابتسامه : اكيد ده شرف ليا أن اختي الكبيره تكون عسل كدا
ريما ابتسمت : شكرا يا ريم الأول هنشوف الشباب تشرب ايه وبعد كدا تروحي ليزن تساعديه في المناقصه عشان طرد السكرتيره ذي العاده
ريم بضحك : حاضر حضرتك
ريما : تمام  اعرفك ده اخويا صهيب وده أرسلان الرعدي و إيلا الرعدي وعمر العالمي وأخته رهف العالمي و بروين المحمدي أصحابه
ريم بابتسامه : منورين
ريما : اوك يا ريم روحي بقي ليزن وخلي حد هو اللي يعمل لينا قهوه
ريم : حاضر عن اذنكم
عمر : هو أنا قولتلك أنك بميت حال أنتي لسه طارده  واحده برا ودلوقتي بتتكلمي مع واحده ثانيه عادي
ريما بسخرية : وأنت البعيد اعمي مش شايف الفرق بينهم ولا ايه
عمر بص ليها بإحراج ودخل ماكس
ماكس : ريما  أسهم شركات عامر سرحان وقعت
ريما بخبث : الضحيه الثانيه وابتدا اللعب الجد بقي بص اسمع اللي هقولك عليه تنفذه بالحرف الواحد مفهوم ماكس .....................................................................