اوغاد بشرية

البارت 16

السلام عليكم ...♥

اوغاد بشرية
الكاتبة اطياف راحلة (aswlha97)

أبتاه ..!
مازال في قلبي عتاب
لِمَ لَمْ تعلّمني الحياة مع الذّئاب؟!

كلت نع...بعدني مامكملة گلامي وسمعت صوت صفاء يكول شكوو شصااير
جان يم الشيخ طرده وكله ماعدنه بنات للزواج وبقه يسب ويغلط عليهم

ولله عجبني شكد دعيتله عبالك اجاني الفرج شكد فرحت لمن هيج اجه
ابتسمت وخالة ضاجت دخل صفاء عصبي يصيح شصااير هنااا

خالة ارتكبت وباوعتله گالت -: ماكوو شي هيه عجبة وافقت  وراد يعقدون

صفاء -: لا احلفي شنو هل حجي هلسخافة الزايده رووح شديصير صدك
موافقة؟؟

اني سكتت مجاوبتة اخاف من خالة قابل شكلة ...
لا وخالة جبرتني ماكدر

صفاء -: وااحد يفهمني شصاااير هناا اشو البيت خرباانة وضعيته خلي
يجي امان ويتصررف عدل هسه شكوو امال

امال باوعت علئ امه واشرت عليه كالت كلله صوجه هيه جاابت العريس
وتريد اتزوجة...

صفاء راح تقرب من امه وحجه "بعصبية " كلش خفت منه طلع هم اعصاب
-عجل يممه تريد امان يتخبل موو؟؟ شنو من گلب عندج...!! موو تدرين
ابنج يححبة ...

خالة ابتعدت عنه وخزرتة -: لـمصلحتة هيچ اسووي مو انت تعلمني صفاااء
اذ تعلي صوتك مره ثانية العب جولة بيك افتهمت ...

صفاء -: هسه انتٍ مسوية تصرف عددل واسكت ترردين ازوجية لوااحد شاايب البكده شبعوو موت بكبرهم شگلتي لروحج بنت اختچ هااااي......

-معلليك صفاء لاتتدخل وهيه موافقة جانت

"صفاء اندار عليه وتتقدم الي جنت مدنكة راسي وافرك بايدي خايفة"
-ارفعي راسچ صدك موافقة ؟؟

باوعت علئ خالة خزرتني سكتت بقيت مدنكة مجاوبتة بس امال جاوبتة بدالي كالت لاااا مجبوره هاي فااهية

صفاء -: خوش خلي يجي امان ويصرف ...

خالة باوعتلة بنظره شفقه وتتوسل بعيونة اله -لاااا صفاء لادكلة بغلاتي عليك لادكلة هذااا خبل متعرف شيسوي

صفاء-: جاااان فگرتي قبل لااا اسوينه شنو من عقل عندج يممه
لو ماملحك تدرين جان امان حرك البيت فوك راسنة ...

-لااادكلة صفاء ولله ماعيده بس لااتحجي شي
-شحدج تعيديه ولله اني الاحرك البيت فوك راسكم يوولي خافي ربج بنية فقيره وين تروح مافكرتي بييه خلي رحمه عندج ...

راح دخل ...صح اني ماعندي ميانه ويه ولا احجي بس علئ كد الشي بس هسه شكد كبر بعيني وحبيتة نقذني من اكبر مصيبة ...

رحت بسرعة صعدت فوك ماصدكت خلصت هم ونزاح من گلبي اجتي امال كالت عيني هذا امان كلساع يخابرني عليج بس رصيده مبخت ميخلص