مرحبا …🌸🌸
اوغاد_بشرية
الكاتبة اطياف راحلة (aswlha97)
البارت -26-
حسناءُ في درب الهوى لاقيتُها
تشكو إليَّ من الحظوظ العاثرَة
أعطيتها مفتاح قلبي مرةً
لتقيمَ فيهِ ليلةً وتغادره
لكنها مِن دون أن أدري بها
كسرته، وانفردت بقلبي الماكرة
قلت أخرجي، قالت أنا أحييتُهُ
ويجوز أن أجتاحَهُ وأُصادرَهْ
أفدي الفقيهة ما أشد دهاءها
رأيٌ أصيل، والفتاوى حاضرَة
"
""
رگضت انداريت شفته گام يمشي بطيئ اخذت نفس سريع …كمت امسح باطراف عبايتي بوجهي من العرق الي يتساقط من وجهي …خايفة باوعت وين رايحه عود. أنيِ …صدك احجي ولله خايفة؟؟
وگفت بس گلبي بعده يرگض يريد اروح وأحضنه واخلص من هم گلبي ماعرف ليش بس أعتقد الله ماكاتب النه نعيش سوه …!!
هو وصل يمي باوعلي أبرود ماسوه اي شي توقعتة يصيح يگتلني بلشارع
بس عكس الي اشوفة كدامي احسه مثل برگان بس يريد ينفجر بس مايبين بي …!!
أشرلي بايده علئ السيارة مشيت گدامة هو چان يمشي بطيئ ويستغفر… ولله حقة شيسوي بيه عادي …أني شلون طلعت للشارع ولله حرت عليمن ادعي علئ حظي المصخم …
فتح السيارة صعدت بلصدر هو ساكت واني ساگتة الصمت بهذا الوقت جان هو شعارنه اثنينه مانحجي …أنيِ بس منتظره شوگت يحجي بس يفاجئني ابروده گلشي مايكول باوعت بقيت افر بعيني بس المهم ماتوكع عيني بعينه...
شفت وگف السيارة رفعت راسي وصلنه للبيت …!!!
أتوقعته ميجبني هناا لان عماته موجودات خابر أمال كله اطلعي وجيبي وياج …مافتهمت شنو قصده ومالي عين أحجي …
اجتي أمال جايبة البدلة معقولة راح يگمل العررس بدون ماايعرف ليش انهزمت لا اگيد هذا موو أمان …مستحيل يسويه بدون ماايحجي شي
وصلني للصالون اشرلي علئ الباب حتئ ماحجه وياي نزلت حجه ويه امال عود خابري صفاء يجيكم …
بس لا هو ينهزم ويسوي مثلي بقيت اضحك علئ تفكيري شگد غبية
ولله حيرتني تصرفاتة لو معيط ومصيح ولله أحسن من البرود …
دخلنة تلگتني ام صالون بس تسولف دوختني رأسي ينفجر منها وأني بالي مو يمها أبد وگلساع تعيد السوال زواجكم علئ حب واكله أي دكلي هنيالج …
ماصدگت گملت كمت لبست البدله باوعت بل مراية شكد حلو طلعت عروس الناس تشوفني عروس وماخذه الاحبه دكول هنياله بس مايدرون شصاير ..اتمنئ أمي وياي وتشوفني هسه واطلع من بيتنه وأبوي يسلمني لـ امان تنگلب الدنيا قابل؟؟
فززتني امال من حلمي گالت اجه صفااء رحت خليت عباية علئ جتفي ونزلتلي البركع خايفة شراح يصير امشي بخطوات مجهوله...وصلت للسياره رفعت راسي اخذ هوه يخنك …
YOU ARE READING
اوغاد بشرية
Romanceكنت استيطع التذمر بشان مامررت به من حظ عاثر وخطوط متعثرة في الحياة حتئ التقيت بك ... شعرت لاول مره احتضنك فيها بانك رساله اعتذار من الحياة .....
