السلام عليكم …🌸💕
اوغاد - بشرية
البارت 31
الگاتبة اطياف راحلة aswlha97
هل هانَ على الحبٍ أن تدمع رموشنا ؟
لماذا نختنق الغصات وكان امامنا العناق ؟
منذ متئ تعلمنا الحديث بأعيننا ؟
منذ متئ جعلنا «أحبك » المسگينة سجينة الحبٍ ؟
دون جدوئ انظر الئ الاسفل
دون جدوئ ابكي عليك …
لماذا نقرأ الحب بأعين بعصنا وندير له ظهر الغياب ؟
ما زالت الدموع تتلالا گحبات الندئ گلما تذكرتك
واقول للاخرين اني تجاوزتكٌ …!!
،،،
گال "ازدحام بلطريق هسه يوصل "
اتحطمت أمالي عبالي يكول غير كلامة ومايرضه يطلك …بس هيه دومه خايبه امالي كعدت تعبت من الوگفة كتله لـ بابا" حيل عطشانه جيبلي مي"…
هو راح شفت من بعيد أمان اجه يمشي يتقدم باتجاهي …بقيت اباوعله صفنت عليه شكد كاشخ وحلو عبالك عرسه ويبتسم …
درت وجهي لزمت الموبايل قوي حرت شاسوي حيل ضجت من تصرفة وانقهرت يعني لهل درجة اني رخيصة عنده … ماتحملت گمت باوعتله
كتله "اذ هيج فرحاان بلطلااك جان من البداية طلكتني بعد شكوو ؟؟"
-هم الج عين وتحجين ويايه؟؟ يولي مشايف مثل صلافتج شدخلج بيه انتِ اضحك انقهر لاتتدخلين فهمتي؟؟
فشلني رجعت كعدت ودرت وجهي اجه بابا انطاني مي وببسي باوع لـ امان كال خوما حجه وياج شي يضوجج؟؟
هزيتله راسي( بـ لا )كعدت اشرب واباوعله يكلب موبايله صار الوقت دخلنه جنت ماريد ادخل اريد الوقت يطول اگثر اول مره الوقت يمشي سريع..
القاضي حاول بس اثنينه رفضنه وخاصه هو حيل مصر بدت وبسرعة انتهت لحيث من اول جلسة اطلكنه …!!! حتئ ماحاول هوواي القاضي استعجل.…
طلعنه دمعتي كوه حابسته يعني معقوولة هيج انتهه گلشيي بينه …!!
طلع هو تقرب باتجاهي يمشي احس شي بكلبي اخذه ويه … كال لـ ابوية اريد احجي ويه شوية وخر
بابا راح اجه وگف كبالي دنكت راسي مد ايده رفعه باوعتله بخذلان گتله
"شتريد بعد مو طلكتني ارتاحيت هسه؟؟"
-ديربالج علئ نفسج لاتاذين روح بترصفاتج اصرفي بعقل ترئ امان بعد مو ويااج ويحميج بعد مشوفيني لاتصيرين غبية ويروح حقج …
نزلت دمعتي -: اي امان بعد مو ويايه وانت مو تصير عصبي علئ گلشي ولاتشرب نركيلة هواي ولاتغني بوقت متاخر خطية خليهم نايمين…
مد ايده مسح دمعتي -: خوش بنيتي خلي الكلام براسج لاتخلين احد يتقرب الج لو يلمسج ضمي وياج سجينة وكتلي حاافضي علئ نفسج يله اني اروح محتاجة شي؟؟
-ااامان لاتعوفني ماااا م م ماااتحمل ولله…
-شايفة لو كايله الي اختارك جان جبت اخوانج بمكالمة وحده بس بعد طلعتي من كلبي وتمنيت ماحبيتج بعمري راح تتحملين وتنسيني وصيرين قوية لاتجيني بيوم متندمه ماسامحج ولا استقبلج انتِ الردتي هذاا يله بنيتي ديري بالج علئ نفسج …
KAMU SEDANG MEMBACA
اوغاد بشرية
Romansaكنت استيطع التذمر بشان مامررت به من حظ عاثر وخطوط متعثرة في الحياة حتئ التقيت بك ... شعرت لاول مره احتضنك فيها بانك رساله اعتذار من الحياة .....
