اوغاد بشرية

البارت 22

اوغاد بشرية
الكتابة اطياف راحلة aswlha97

تدري انت شكثر بيك اني محظوظ
واحس بختي كعد لمن لكيتك
واذ فكرت اعوفك وانسئ ذكراك
ياخذني الكلب كوه علئ غرفتك
كالو صعب دربة يتعب هواي
ورغم كل هذا التعب اعتنيتلك...

..باوعتله بتسائل شنوو شتريد أسوي وخرر مني اختنكت ...هو باوعلي خله ايده علئ وجهي يتلمس بي وخر مني وكام جر حسره كومي روحي منااا لاتخليني اسوي غلط اندم عليه ...

اني وكفت عدلت دشداشتي وكفت كباله باوعتله بعتاب اماان بس ولله من شفت الصوره انقهرت ...
باوعلي بعصبية -اطلعي لاا احركج هسسه امشي ولي من خلقتي ...

طلعت ضجت انقهرت منه نزلت جوه شفت امال كاعده تلعب بموبايلة باوعتلي غمزتلي -شلونه ليله البارحة بس لا حبلج بتؤم ...

-يااا عزا لالا
-داسكتي مبينه من سحابتج المفتوحة ...شنو لاتقنعيني عاقلين لا عيني ...

انتبهت السحابة من يم صدري مفتوحه عزاا هاي شوكت فتحه ...!!
سديته -اامال اصلا تعاركنة صدك
-ليش شصااير؟ ؟
-بس موو دكولين لكيت صوره بنية *** بمووبايل امان احس نفسي ماطيقة من شفته ...

-عزا لج لاا خاف اعلان لا امان مايسويه لوو وحده بدون عرض ادزلة
-وهو شنو اعلان لا هوو خايني امال مايحبني
-لاا انجبي كل هذا ومايحبج ولله بطرانة ...

سكتت صحيح كلامة بس اني هواي غلطت عليه رحت نظفت ذبيت حركتي بي كملت رحت كبال المراية تسلمت ركبتي شكد حلو باسني ...

رحت كعدت امان جان كاعد بس ميباوع بوجهي ...صفاء كلي خابري يقين لحي عليه تجي يمنه امان جاوبه ليش ؟ شبيه
صفاء -ماعنده بيت وعايش ويه واحد يتحارش بيه
-هااا يقين هذيج نفسه موو بلجامعة؟؟
هو جر حسره وكله اي

اني جاوبته صفاء ماترضه هيه تستحي تجي ...
امان -اكلك صفاء كله خلي تجي هنا تعيش هو بس بل زياره يجون هناا
صفاء -اي ولله خوش شغلة بس شلون تعيش وحده اخاف عليه
امان -اخطفة وازوجه غصب علئ راسة وفضهه

روح -لالا عزاا هيه ماتقبل تزوج صفأء راح طلع وامال راحت وره بقة بس هوو كاعد كبالي يكلب بتليفونه بقيت خاله ايدي علئ خدي وصافنة اباوعله وهو ولا يمه دخلت امال كعدت بصفي
كالتلي صافنة وايدج علئ خدج يمكن عاشكة وبالج احد ...

اشرتله بعيوني عليه هيه ضحكت...
وهو يسوي نفسه مايشوفني شكد قاسي راح طلع مديت راسي وره شفته صعد فوك ...اامال شوفيلي حل اريده ...
-هوو شتردين كومي واعتذريله وشوي كلام حلو
كمت اضحك -لالا استحي

- طبج طوب كومي وره بهدوء اسالي مو عيااط
-خووش رايحة ادعيلي اامانه ...
-ترجعين من الحرب منصوره باذن الله...

كمت بس جنت خايفة شرااح يسوي توكلت علئ الله وصعدت امشي علئ كيف فتحت الباب شفته متمدد بلشورت استحيت بس مشيت ماحب زعله غطيته وكعدت يم راسه ولايباوعلي سحبت التليفون من ايده باوعت جان يباوع يحيئ ولميس شكد قديمة ...