السلام عليكم …🌟🌹
اوغاد - بشرية
البارت (35)
الكاتبة اطياف راحلة aswlha97
ما گاسر خاطر بشر!!
چا ليش حيلي تگسر ؟؟…
جاوبتني بجت -: اي روح خطب اليوم …!!
احس شي داس علئ گلبي شمرت الموبايل وصيحت بصوت عالي ماتحملت بقيت ابجي واصيح ليش هيج سووه … ؟؟
اجتي رشا حضنتني حضنته كتله "احبه ولله ليش هيج ولله اموت عليه يعني راح يروح بعد يحضنه اله ويغنيله ويتغازل بيييه مووووو؟؟"
سمعت انمار يبجي مارحتله بقيت ابجي اجه بابا جابه …
صحت مااريدكم ماااريد احد بيكم عوفوني واطلعوو ماااريد احد حتئ طفل اخذوو يله …
بابا عافه علئ جرباية يبجي وراح سد الباب خليت ايدي علئ اذاني وابجي اصيح اسسكت اسكت فتحت عيني لكيته مفرفح من البجي …
ركضت حضنته وابجي ويه هو سكت باوعتله كتله ابوك خطب راح يزوج وهم يصير عنده جهال يعني اخوانك يصيرون بس لاتضوج اذ اشوفهم يحبهم هو امنيته يصير عنده ولد لاتنقهر بس ولله اذ يدري بيك راح يحبك متاكدة …
هو بس صافن يباوعلي فاتح عينه كلشي مايفتهم هنياله رضعته -هاهيه بعد ابوك صفحه وانتهت مانرجع سوه بعد نعيش بس اني وياك تدري انمار جان گلش يحبني بس القدر محالفنه انمار هو بعد ملك غيري …
مسحت دموعي ونومته رحت شلت الموبايل لكيت مكسور الجامه …حتئ هذا تليفون اليجمعني بامان واشوفه ماريده شمرته بلزبالة …
بقيت گاعده لحد ماطلع الصبح صافنة علئ جامة امان هسه يحجي ويه ويخابره هم يعصب عليه ويغار عليه مثلي …
رحت بدلت ونزلت جوه ماتريكت ولاحجيت وياهم جان مالي خلك اشوف اي شخص صعدت ويه قيس باوعتله هذا شكد يحبني وكاتل نفسه عليه وهذاك حتئ نساني …
هو باوعلي ضحك گال "شعجب صافنة عليه اليوم؟؟"
-لاا علئ مراية اباوع …دنگت راسي شكد ثولة اني وصلت للروضة علئ نص واختنكت اخذت اجازة وگبل اخذت انمار ورحت اخذت تكسي للامام هناك ارتاح …
دخلت للحضره كعدت بصف الباب حاولت مانزل دموعي كدام هاي النسوان استحي …بقيت العب ويه انمار طلعت احس ارتاحيت بقيت اباوع شفت واحد اصلع ظهره يشبه امان بقيت صافنة عليه …
اندار باوعلي طلع مو هوو كبل مشيت سريع …رحت للبيت احس كلشي ملل تمر الايام بطيئة احسه ماتمشي عايشة لخاطر انمار وبس حتئ گلامي قل وبلبيت گبل اصعد فوك …،،،،،،،(مر سنة )واني نفس حياتي عايشتة امان ماعرف اخبارة اخر شي خطب ادري بي صار ماضي صفحته طويته…
VOCÊ ESTÁ LENDO
اوغاد بشرية
Romanceكنت استيطع التذمر بشان مامررت به من حظ عاثر وخطوط متعثرة في الحياة حتئ التقيت بك ... شعرت لاول مره احتضنك فيها بانك رساله اعتذار من الحياة .....
