السلام عليكم …🌞🌸
اوغـاد - بـشرية
البارت -40-
الكاتبة اطياف راحلة
( المطاف الاخير …♥ )
في نهاية الطريق كنت حيث الالم والانكسارات والياس لاشي يدعو للحياة لقد وجدت الامل في النهاية وجدت ملجاي بعيدا عن اولائك البشر بعيدا عن الحقد والكره …
استطيع القول الان انا بخير …
تعثرّت ثلاثمائة ألف مرّة وأصطدمت بعشرة حوائط وسقطت في مئات الحفر وتمّ زرع عدّة قنابل في طريقي ولكن "مازلت بخير والحمدلله لقد تركت الشياطين ورائي الله لا يترك احدا من دون حساب ".…
،،،
صاحت "رووح امـان اتـصاوب وهـسه بلـعمليات …!"
ابـتسمت -: كـاعدة تشاقين مو؟؟
-لا ولله بلعمليات ادعييله روح …
صحت اطلعي من الغرفة اااطلعي
بقيت بس ارمـش مامـصدكة الصار بـقــيت لحظات مرت بس احـس سنين مامستوعبة الي صار معقولة حقيقة امان بين الحي والموت يعني يكدر هسه يموت ويعوفني …!!
بقيت اباوع رحت غيرت ملابـسي ونزلت ركض اريـد اعرف شصار لكيت باجي كاعده تبجي وتقره قران رحت كـعدت علئ ركبتي باوعتله بعيون مدمعه صحت -:
-باجي صدك امان بلعمليات يعني يموت …؟؟
ضربتني علئ حلكي كالت استغفرلله اسكتي بدال هلحجي كومي اقري قراان كومي …
باوعتله اول مره تصير عليه هيج قاسية خليت راسي علئ قنفة وابجي بعد كلشي الصااار امان يموت لا يارب لاتموته فدوه ابني بعده صغير شذنبه يصير بدون اب ؟؟
احس فقدت كل الامل بس الياس يحتلني والبجي بعد كل هذا الحب يموت يختفي بلحظات امداك يلللعراق امداك تاخذ بس الزينين متبقي واحد …
الحزن احتل كلبي مابقة مجال للفرح …هاهيه احس انتهئ كلشي بعد ماكو امل جنت ابجي احس عيوني اتغوشت من البجي حسيت انمار يمي يزحف يضربني …
زدت بلبجي صحت -: روح رووح منااا …
هو كب بلبجي بقه يعيط ويضرب بيه اجتي يقين اخذته …
احس بصداع مو طبيعي يحتل راسي …فتحت عيني المغوشة رفعت راسي باوعت شفت القران صح مو بوضوح بس شفته اجاني احساس غريب …!؟
باجي باوعتلي وجرت حسره كالت بنيتي گلشي مااايفيد بس القران كومي اقريله وادعليييه وانزعي الاسود فال مو زين لاتخافين امان سبع مايموت باذن الله هو يحيئ الموتئ مو بعيده. عليه ينجح عمليته …
سمعت كلامة رحت ركضت لبست دشداشة غير لون رحت كبال المغسلة شفت المكياج بعده ثابت رغم كل البجي بس عيوني صايرة حمره بقيت افرك بي اريد يروح اتوضيت وكعدت فتحت القران طلعلي سورة يوسف …
وكعت عيني علئ الاية بديت بيه بسم الله الرحمن الرحيم …
(يا بَنِيَّ اذْهَبُواْ فَتَحَسَّسُواْ مِن يُوسُفَ وَأَخِيهِ وَلاَ تَيْأَسُواْ مِن رَّوْحِ اللَّهِ إِنَّهُ لاَ يَيْأَسُ مِن رَّوْحِ اللَّهِ إِلاَّ الْقَوْمُ الْكَافِرُونَ)
أنت تقرأ
اوغاد بشرية
Romanceكنت استيطع التذمر بشان مامررت به من حظ عاثر وخطوط متعثرة في الحياة حتئ التقيت بك ... شعرت لاول مره احتضنك فيها بانك رساله اعتذار من الحياة .....
