رواية دموع العاشقين بقلم/مريم مصطفي(مكتملة)

البارت الرابع

"انا لم أكن ولن أكون مجرد ذكري في حياة من احبهم بل سأكون كل ذكرياتهم"
لو سمحتم التفاااااااعل
رواية دموع العاشقين
للكاتبه مريم مصطفي
........................................
الفصل الرابع
تدخل زينه الشركه لتجد الدنيا مقلوبه
زينه لأحد العمال:هو في ايه هنا
العامل:والله يابنتي معرفش الظاهر عليها مشكله كبيره
زينه:ربنا يستر
العامل:يارب
وتتحرك زينه لتصعد الي مصيرها
عند مكتب عدي تلمح زينه اميره
زينه:اميره يا اميره
اميره:نعم يازينه
زينه:هو في ايه هنا
اميره:ايه دا انتي متعرفيش
زينه:لا في ايه
اميره:في ملف بتاع صفقه مهمه جدا اتسرق من الشركه
زينه بصدمه:ازاي
ليفتح الباب في هذا الوقت ويخرج عدي ليراها في صدمتها
عدي بحده:نورتي يا هانم
زينه:انا اسفه والله يا فندم بس
عدي مقاطعا لها:من غير بسبسه نوره
لتأتي نوره من خلفه:نعم يا فندم
عدي:هاتي ورق المناقصه وقولي للموظفين ان في اجتماع دلوقتي
نوره:حاضر يا فندم
ليذهب عدي الي غرفة الاجتماع
لترمق نوره زينه بنظره سامه وتذهب خلف عدي
زينه في نفسها :هو مش المفروض اني انا سكرتيرته الشخصية يبقي المفروض التعليمات دي ليا
لتقاطعها اميره في هذا الوقت يلا يازينه عشان الاجتماع
زينه :يلا
ليدخل الجميع الي غرفة الاجتماع ويسود الصمت منتظرين عدي ليتحدث
عدي:طبعا كلكم عارفين اللي حصل النهارده ودي اول مرة تحصل في شركتي حاجه زي كدا بس معلش انا مش هسامح اي حد عمل حاجه زي كدا والظاهر انه مايعرفش هو بيلعب مع مين ان مكنش يعرف انا هعرفه هو لعب مع مين وبكدا يكون الاجتماع خلص
ليتركهم ويغادر ويخرج خلفه خالد
اميره:زينه قومي بسرعه ولا استاذ عدي بدل مايطلعهم عليكي انتي
زينه:طب وانا مالي هو انا اللي سرقتهم
اميره:اخلصي يازينه
زينه:طيب قايمه
في مكتب عدي
خالد:طب ممكن تهدي
عدي بهدوء:ومين قال اني مش هادي انا مش فارق معايا ورق الصفقه انا كل اللي فارق معايا اني اعرف مين اللي عملها بس
خالد:ان شاء الله هنعرف
لتدلف زينه في هذا الوقت (بعد ماستئذنت طبعا)
لتجد في المكتب عدي وخالد ونوره
نوره في هذا الوقت:بس يعني حضرتك مش شايف ان في حاجه غريبه
عدي:حاجه غريبه ازاي
نوره وهي تنظر لزينه:يعني اول مرة تحصل عندنا حاجه زي كدا
زينه وقد فهمت مقصدها:بصي ياانسه أولا مجرد انك تتهميني بحاجه زي كدا فأنا مسمحليكيش
نوره:وانا كلمتك ولا اللي علي راسه بطحه
زينه وقد بدأت تفقد اعصابها:بصي يابتاعه انتي اولا انا لسه جديده و معرفش اي حاجه عن ورقكم او صفقاتكم
نوره:طب مانتي ممكن اللي بعتك معرفك كل حاجه
زينه ببرود:وانتي عمرك شفتي حد من اول مايشتغل يروح يسرق عشان يتشك فيه اول واحد لوسمحتي تبقي فكري قبل ماتتكلمي
وقبل أن ترد تتركها وتفادي لتثير غيظها أكثر
نوره بإحراج:عن إذن حضرتك يا فندم
عدي :اتفضلي
خالد:بجد انا مبسوط من زينه اوي
عدي:ليه يعني
خالد:شفت قصفت جبهتها ازاي
عدي:عادي يعني
....................................................................................
انا اسفه بجد نسيت اعرفكم علي نوره
نوره بنت وحيده من عيله غنيه مش فقيرة بس هي اشتغلت في شركة عدي لأسباب خاصة هنعرفها بعدين عندها ٢٤ سنه
....................................................................................في مكتب زينه
زينه بتفكير:طب انا اعمل ايه عشان اقدر اساعدهم
لتقوم بالإتصال علي أحدهم
زينه :السلام عليكم
السكرتيره:وعليكم السلام
زينه:ممكن اكلم يوسف بيه
السكرتيره:مين حضرتك
زينه:انا ابقي سكرتيرة عدي بيه
السكرتيره:تمام هبلغه دلوقتي وارد عليكي
زينه:تمام
لتنتظر زينه قليلا
السكرتيره:هحوله المكالمة دلوقتي
زينه:تمام
يوسف بيه(رجل كبير في السن ومن أكبر رجال الأعمال) وشريك عدي في الصفقه اللي اتسرقت
يوسف بيه:ايوا
زينه:ازاي حضرتك انا ابقي سكرتيرة عدي بيه وكنت عايزه من حضرتك نسخه من ورق الصفقه
يوسف باستغراب:ليه وانتو الورق اللي كان معاكم راح فين
زينه بتردد:حضرتك الورق اتسرق
يوسف:ايه اتسرق ازاي يعني
زينه:بص حضرتك من غير ازاي وليه اللي انت لازم تعرفه ان اللي سرق الورق لو بدأ يشتغل عليه الخساير مش هتبقي لينا لوحدنا وانت كمان هتخسر
يوسف :اممممم طب خلاص هخلي السكرتيره تبعته
زينه بفرح:شكرا بجد ليك يا فندم
.................................................
في مكان آخر
:مش هينفع اللي انت بتقوله دا البت دي لسانها طويل ومبتخافش وممكن تعملنا مصيبه  
:ياعم متخافش يعني هتعملنا ايه
:بلاش احسنلك
:بلاش انت حر
ليقترب هذا الشاب من الفتاه
الشاب:هو القمر بيطلع بالنهار ولا ايه
ريتال:نعم
الشاب:نعم الله عليكي
لتهب ريتال لترك المكان ولكنه يمسكها من يدها لمنعها
ريتال:ايه دا انت اتخبلت في نافوخك ولا ايه
الشاب:وهو مازال ممسكا بيدها:اه اتخبلت بس بجمالك
لتقوم ريتال بصفعه بشده
لينتبه الناس لهذا 
:في حاجه ياانسه
ريتال:اه بيعاكسني وبيقولي كلام ميصحش يقولو
ليأتي صديقه من الخلف
:ايه دا انتو علطول كدا بتحبوا تهزرو في الشارع وانت حضرتك مفيش حاجه دا يبقي خطيبها وهما بيحبوا يعملو مقالب في الناس
ريتال:متصدقوش دا كداب
:ربنا يسامحك
لتصرخ ريتال بشده:ابعد عني ياحيوان والله لاوديك في داهيه ليأتي أحد رجال الشرطه علي صوتها
الضابط:خير في حاجه ياانسه
ريتال:حضرتك بيعاكسني ومش راضي يخليني امشي
رجل الشرطه وهو يقبض عليه هو وصديقه:طب معلش ممكن تيجي تعملي محضر في القسم
ريتال:حاضر
لتذهب ريتال مع الضابط الي القسم
........................................
في الشركه
عدي:خلاص يا خالد روح انت اعمل اللي قولتلك عليه
خالد:تمام
دخلت زينه الي مكتب عدي
زينه:عدي باشا مفيش داعي انك تدور علي ورق الصفقه
عدي:ليه خايفه
زينه :لا حضرتك الورق اهو
عدي بشك:هو انتي اللي اخدتي الورق
زينه:ايه اللي انت بتقوله دا اولا انا مسرقتش حاجه
خالد وهو يحاول أن يهدأ الوضع:اومال عملتي ايه يازينه
زينه:كل اللي عملته وحكت اللي عملته
عدي بعصبيه:انتي ازاي تتصرفي من دماغك
زينه:والله انا كنت عايزه اساعد بس
عدي:شكرا مستغنيين
زينه بدموع:انا اسفه
خالد موجها حديثه لعدي: ليه كدا
عدي بحده:روح اعمل اللي قولتلك عليه
ليخرج خالد من المكتب
.....................................
في بيت زينه
كريمه:واد يا حسام تصدق انا لقيت حتة فكره
حسام :فكرة ايه
كريمه:هخلي محمد يطرد البت زينه من البيت
حسام دا اللي هو ازاي بقا مانتي عارفه دا بيحبها اد عنيه
كريمه بخبث:هيبقي كان بيحبها اد عنيه هقولك بس مش دلوقتي
.............................
في الشركه
تدلف نوره :عدي بيه يوسف بيه برا
عدي:داخليه فورا
يوسف:اهلا ياعدي
عدي:اهلا بحضرتك
يوسف :ايه اللي حصل
عدي:ورق الصفقه اتسرق
يوسف:انا مش جاي عشان كدا انا جاي عشان اقولك ان الصفقه هتم
عدي بفرحه:بجد
يوسف:بس ممكن تدخلي سكرتيرتك
عدي:نوره
يوسف :لا زينه
عدي:زينه
يوسف:اه
ليطلبها عدي للحضور
زينه وهي يبدو عليها البكاء :نعم حضرتك عايزني في حاجه
عدي:يوسف بيه هو اللي عايزك
زينه:نعم يا فندم
يوسف:بجد انا يحترمك جدا علي صراحتك وحبك لشغلك بالرغم من انك جديده
زينه:شكرا دا من زوق حضرتك
يوسف موجها كلامه لعدي:احنا هنعمل حفلة لتوقيع الصفقه بكرا وكمان هتبقي علي شرف زينه
زينه:بس مفيش داعي
...........................

في القسم
ريتال:بس كدا هو دا اللي حصل
الضابط:طيب اتفضلي امضي هنا وانا هعلمهم الأدب
ريتال:شكرا عن إذن حضرتك
...................
في سيارة خالد
خالد:بجد
عدي:اه والله
خالد:طب يلا الحمد لله انها عدت علي خير المرة دي
.......................

وبكدا يكون الفصل خلص وبكرة يا تري الحفله هتبقي عامله ازاي
رواية دموع العاشقين
للكاتبه مريم مصطفي