❤️ لمن يهدهد قلبي فور رؤيته، لمن يخفق قلبي فور سماع صوته، لمن يرقص قلبي فرحاً بعودته، لمن أعشقه وأذوب بين ذراعيه، أهدي لك كلماتي المتواضعة لكي تكون دليلاً لك على عشقي لك
♡♡♡♡♡♡♡♡♡♡♡♡♡♡♡♡♡♡♡♡♡♡
رواية دموع العاشقين
للكاتبه مريم مصطفي
الفصل الثالث عشر
وبعد ان انتهي اليوم الأول لزينه في بيت عدي جاء الغد وهو محمل بأحداث جديده
ليستيقظ عدي مبكرا كعادته وينزل الي اسفل ليجد امه جالسه
عدي:صباح الخير ياماما
عايده:صباح النور ياحبيبي
عدي:هي زينه لسه مصحيتش
عايده:لا لسه
عدي:طيب تمام
ليجلسا الاثنان ويتحدثا سويا حتي تأتي الخادمه وتخبرهم ب
الخادمه:عدي بيه في واحده برا بتقول انها عمة المدام الصغيره
عدي:طيب خليها تدخل
عايده:ياساتر استر
لتدخل سلوي بصحبة كمال وايمان
ايمان بهمس:واااااو هو دا بيت ولا قصر
كمال:عندك حق يابت والله
سلوي:اتكتمو انتو الاتنين هتفضحونا
لتدخل سلوي الي حيث يجلس عدي وامه
سلوي بدموع تماسيح:ياحبيبتي يابنت اخويا وحشتيني ياتري عملتي ايه من غيرنا
عدي:ممكن توطي صوتك عشان انا بضايق من الصوت العالي
سلوي:معلش يابني اصلي مش واخده علي بعدها
ليقاطعهم في هذا الوقت صوت زينه
زينه ببرود:ودا من امتي دا
لتقابلها سلوي وهي ترتمي عليها وتحضنها:وحشتيني يابنت الغالي
زينه وهي تبعدها عنها:دا انا لسه جايه هنا امبارح يعني ملحقتش اوحشك وبعدين انا مجيتش بيت غريب دا يبقي بيت جوزي يعني دا الطبيعي
كمال وهو لايسيتطيع ان يبعد نظره عنها:بصراحه ياماما كلامها صح
ليلاحظ عدي نظرات كمال ليشعر بالضيق من نظراته
(ايوا نسيت اقولكم زينه كانت لابسه فستان قصير وضيق الي حد ما وكان لونه اسود)
عدي:زينه لو سمحتي عايزك
زينه:حاضر
ليبتعدو قليلا
عدي:لوسمحتي اطلعي غيري اللي انتي لابساه دا
زينه باستغراب:نعم
عدي:زي ماسمعتي اطلعي غير اللي انتي لابساه دا
زينه:طب ليه
عدي:من غير ليه اللي انا قولته يتسمع
زينه:بص لو انت بتهزر قول لأني مش هغيره
عدي بعند:لأ هتغيريه
زينه بعند اكبر:لا مش هغيره
ليقوم عدي بحركه مفاجئه ويجذبها من خصرها ويلصقها به ويقرب وجهه من وجهها كثيرا
عدي:وانا قولت هيتغير
زينه بتوتر:بس انا
عدي:من غير ماتقولي حاجه اطلعي غيريه
زينه بتوتر:حاضر
********************
في بيت نوره
نوره بعصبيه:هموت واعرف هي فيها ايه زيادة عني
سميره:اهدي ياحبيبتي خلينا نفكر
نوره بعصبيه اكبر :هو انا لسه هفكر
سميره:طب انتي متأكده ان هي راحت تقعد عنده في البيت
نوره:اه اخوها هو اللي قالي
سميره:مش يمكن يكون بيسرح بيكي
نوره:لا معتقدش اصلا دا عبيط افتكرني اني بحبه وجه قالي انه بيحبني
سميره:ازاي
***********************************************
فلاش باك
حسام:بجد انا مش قادر موته كسر ضهري
نوره:لأ اجمد ميصحش كدا
حسام:نوره انا محتاجك جنبي
نوره بخبث :وانا جنبك
لتقترب منه وتضمه
حسام وهو في حضنها:نوره انا بحبك وهفضل جنبك علطول
نوره: وانا كمان ياحسام
********************
باك
سميره:طب وانتي ناويه تعملي ايه
نوره:ناويه اخد حقي
**********************************************
في الكافيتيريا
كان يجلس رامي ويظهر علي وجهه علامات الأسي والحزن
اميره:ازيك يااستاذ رامي
رامي:تمام الحمد لله
اميره:البقاء لله
رامي:ونعم بالله
اميرة:انا عارفه انها جت متأخر بس مكنتش عارفه اجي والله كان عندي شوية ظروف
رامي:لا عادي ولا يهمك المهم روحتي لزينه
اميره:اه روحتلها
رامي:طب كويس
ليصمت الاثنان لبعض الوقت لتقاطع اميره هذا الصمت
اميره:انا عارفه انها غريبه اني اطلب اني اقابلك هنا بس مكنش ينفع اجي البيت بعد مازينه مشيت
رامي بحزن:مفيش مشاكل
اميره بشفقه علي حاله:طيب علفكري انت ممكن تعتبرني زي صاحبتك وتحكيلي لو فيه حاجه مضيقاك
رامي:شكرا بس بجد انا كويس
اميره بحزن :طيب براحتك عن اذنك
رامي:بصي انا ارتحتلك بس والله انا مش قادر دلوقتي
اميره بابتسامه رقيقه:وانا مش هضغط عليك وانت معاك رقمي واي وقت تحتاج لحد يسمعك انا موجوده
رامي:شكرا بقلم/مريم مصطفي
لتذهب اميرة ويجلس رامي قليلا ثم يعود الي المنزل مره اخري
**********************************************
في منزل عدي
كان يجلس الجميع (وزينه سمعت كلام عدي وغيرت هدومها ولبست بنطلون اسود وتيشرت رصاصي بنص كم وجاكت اسود)
ليقاطع الصمت رنين هاتف ايمان لتستأذن بالانصراف
ايمان:طيب عن اذنكم هروح ارد ع الفون وراجعه
لتذهب ايمان وبعدها بقليل تذهب سلوي خلفها الي الخارج
بينما في الداخل
كمال:انتي عارفه يازينه البيت وحش اوي من غيرك وانا مش عارف اقعد فيه من غيرك
زينه ببرود:امممممممم معلش
كمال:ورامي ياعيني زعلان عشان انتي مشيتي
ليقاطع كلامهم صوت عالي جدا قادم من الخارج
كمال:دا صوت ماما
ليقوم الجميع بفزع باستثناء زينه التي قامت ببرود شديد
لتخرج لتجد سلوي تمسك ايمان من شعرها
سلوي:مين دا يابنت ال
ايمان:طب اوعي وملكيش دعوه بيا
لتنهال سلوي عليها بالضرب
سلوي:بقا انا مليش دعوه بيكي طيب اياكي اشوف وشك في البيت ولا بيتي ولا بيت اخويا يلا ياكمال خلينا نمشي
لتذهب سلوي ومعها كمال
لتقع ايمان علي الارض وهي تبكي بشده :طب انا هروح فين دلوقتي
لتقترب منها عايده:تعالي ياحبيبتي ندخل جوا وبعدين نبقي نشوف ايه اللي هيحصل
لتقوم ايمان وهي تبكي وتحتضن عايده بشده ليشاهد عدي زينه وهي تقف تنظر اليهم ببرود شديد
ليدخل الجميع
ايمان ببكاء:ياربي طب انا هروح فين دلوقتي
عدي:اهدي ياانسه ايمان انتي ممكن تفضلي قاعده معانا لحد ماتحلي مشاكلك انتي ومامتك
ايمان:لا مش عايزه اتقل عليكم
عدي:لا متقوليش كدا دا بيتك
لينظر عدي الي زينه ليجدها تنظر اليه بغضب والشرر يتطاير من عينيها لتتجاهله وتصعد الي اعلي
♡♡♡♡♡♡♡♡♡♡♡♡♡♡♡♡♡♡♡♡♡♡
الفصل خلص ياحلوين عايزه تفاعل بقي انا عارفه انه قصير بس انتظرو الفصول القادمه عشان هتبقي نار
رواية دموع العاشقين
للكاتبه مريم مصطفي
أنت تقرأ
رواية دموع العاشقين بقلم/مريم مصطفي(مكتملة)
Romance"أصبحت كالغريق في بدايتنا وكان عشقك هو القشة التي تعلقت بها فلا تخذلني وابقي معي" #مريم مصطفي
