رواية دموع العاشقين بقلم/مريم مصطفي(مكتملة)

البارت التاسع

"من أصعب المشاعر ان تحب أحد يكرهك بشده"
رواية دموع العاشقين
للكاتبه مريم مصطفي
...............................
الفصل التاسع
ويأتي يوم كتب الكتاب ويستعد الجميع لهذا اليوم
...........
في الشركه
يدلف خالد الي مكتبه لتلحق به نوره بسرعه
نوره:هو استاذ عدي مش جاي النهارده
خالد :بتسأل ليه
نوره بتوتر :عادي يعني اصله عمره ماعملها
خالد باستفزاز:اصل عقبال عندك النهارده كتب كتابه
نوره بصدمه:ايه ازاي
خالد:مالك اتخضيتي اوي كدا
نوره :لا عادي بس مين بقا العروسه
خالد:زينه
نوره بقرف:زينه مين قصدك السكرتيره
خالد:ومالك قرفانه كدا اه زينه السكرتيره 
نوره:طب هو انا ممكن اجي
خالد:اه اكيد تقدري تيجي
نوره: شكرا عن اذنك
خالد:اتفضلي
..............................................
في بيت عدي
ينزل عدي الي أسفل ليجد امه تتحدث في الهاتف
عايده:بس انا عيزاه غالي مش رخيص خالص دا مش لأي حد دا لمرات ابني
................
عايده:تمام بس ياريت بسرعه سلام
لتنتبه لوجود عدي
عايده: كويسانك صحيت ياحبيبي عشان معندناش وقت
عدي :ماما انا عايز اسألك سؤال
عايده:اتفضل
عدي:انتي ليه اصريتي ان الجواز يحصل بسرعه اوي كدا مع انك مكنتيش موافقه
عايده بتوتر:ابدا انا بس ارتحت للبنت وحبيتها وهي متربيه وكويسه
عدي بخبث:هو دا بس ياماما
عايده:اه بس وقوم يلا أجهز عشان نلحق نروح عندهم
عدي:ماشي هعديها المرة دي
................................
في بيت زينه
تستيقظ زينه علي صوت ريتال وهي تصرخ
ريتال:زينهههه
زينه:ايه يازفته عايزه ايه
ريتال :يابنتي قومي دا الميتين صحيو وانتي لسه نايمه
زينه:فكك مني عشان انا هموت من النعس غوري بقا
ريتال:اكيد كنتي سهرانه بتكلميه يارب اوعدنا
زينه:اكلم مين ياشاطره
ريتال:عدي
زينه:طب وربنا ابدا دا انا كنت بكلم ماما
ريتال:عليا
زينه:يابت بقولك وربنا وبعدين انا مكلمتوش خالص من آخر مره كان فيها هنا
ريتال:طب قومي بقا ياشاطره عشان تجهزي
زينه:أجهز ليه ايه
ريتال:لا ياحبيبتي ابدا يادوب كتب كتابك النهارده
زينه:طيب دي حاجه بسيطه
ريتال:زينه متنرفزنيش قومي يلا
زينه:اووووووف يلا هو انتي في حد يعرفك ويعرف ينام
ريتال بفخر:طبعا يابنتي دا انا ريتال هانم
لتضربها زينه بالمخده ثم ترد لها ريتال نفس الضربه لتتحول الغرفه الي ساحة حرب بينهم ليوقفهم صوت رنين هاتف زينه
زينه بضحك :استني هرد وارجعلك
ريتال:مين بيتصل
زينه:رقم من غير اسم
لترد زينه علي الهاتف
زينه بضحك:الوووووو مين معايا
:مش مهم مين معاكي المهم انك لازم تبقي عارفه اني انا ابقي حبيبة اللي هيتجوزك النهارده وانا مش هسيبك في حالك ابدا لو اتجوزتيه وأغلق الخط في وجهها
ريتال:بت مين كان بيكلمك
زينه:معرفش
ريتال:يعني ايه متعرفيش طب قالك ايه
زينه:قالتلي انها حبيبة عدي ومش هتسيبني في حالي لو اتجوزته
ريتال:يعني ايه الكلام دا احنا لازم نكلم عدي في الموضوع دا
زينه:انتي عبيطه نكلمه في ايه انا وعدي مفيش بينا حاجه اصلا ريتال انتي لازم تعرفي ان الجوازه دي غصب عنا احنا الاتنين انا هتجوزته عشان خاطر ابويا وتعبه وهو هيتجوزني عشان ينقذني من اللي حصل بس
ريتال:انتي ليه محسساني انك بتتكلمي عن حاجه بسيطه اوي كدا دا جواز ياماما وبعدين لو هنفرض ان كلامك صح بعد الجواز هتعملي ايه
زينه:ابدا شهر ولا اتنين وهنتطلق ولو سألونا هنقول ان احنا متفقناش
ريتال:طب وعدي يعرف كل الكلام دا
زينه:انا لسه ماقولتلوش بس هو اكيد عارف ان احنا جوازنا هيبقي علي ورق ومش حقيقي
ريتال:ربنا يهديكي يازينه يلا عشان تجهزي
زينه:يلا
..............................................
وبعد مرور القليل من الوقت استعد الجميع لهذه المناسبه
♡♡♡♡♡♡♡♡
في بيت عدي
عدي:يلا ياماما
عايده وهي تنزل من اعلي :انا جاهزه اهو ياحبيبي
عدي:طب يلا مش عارف الزفت خالد دا اتأخر ليه
عايده:زمانه جاي
خالد:مين جايب في سيرتي بقا
عدي:ياريتنا كنا افتكرنا حاجه عدله
خالد:بس ياه
عايده:بس انتو الاتنين ويلو عشان هنتأخر
عدي:يلا
ليذهبو في سيارتهم الي منزل زينه
****************
في منزل نوره
سميره:اهدي مينفعش العصبيه اللي انتي فيها دي
نوره:اهدي ازاي بقا يسيبني انا ويروح يتجوز البتاعه دي دا انا سبت شركة بابي وروحت اشتغل حتة سكرتيره عنده مع اني بنت رجل اعمال كبير وقلت لنفسي معلش هاجي علي نفسي عشان خاطره وبعد كل دا يسيبني ويروح يتجوز دي بت بنت موظف عادي ويسيب اللي من مستواه
سميره:بس ياحبيبتي متقلقيش اكيد هيتسلي بيها شويه وبعدين يسيبها
نوره:لا ياماما انا حتي مش هسيبه يتهني بيها اصلا انا هوريه بقا بعد كل حبي دا يسيبني ويروح يتجوز غيري
سميره بعصبيه:لا يانوره انتي عارفه كويس اوي انه مبيحبكيش
نوره بعند:لا بيحبني وانا هثبتلك انه بيحبني انا وبس
سميره:هتعملي ايه
نوره:هروح كتب الكتاب
سميره:طب وهتعملي ايه
نوره:ولا حاجه هباركلهم
سميره:بلاش يانوره لا انتي ولا ابوكي اد عدي الخولي
تتركها نوره دون ان ترد عليها ويشغل بالها فكره
************************
يصل عدي وعائلته الي منزل زينه ويصعدو الي الشقه
محمد:اهلا نورتونا والله
عدي:بنورك ياعمي
خالد:هو المأذون وصل ولا لسه
محمد:كلمناه وقال انه زمانه علي وصول
عدي:تمام
ليجلس الجميع
عايده:اومال فين العروسه
محمد:روحي ياكريمه اندهي لزينه خليها تيجي تقعد مع عايده هانم
كريمه بخنقه:حاضر
محمد بهمس:وجيبي حاجه يشربوها
كريمه:حاضر
**********
في غرفة زينه
ريتال:متزعليش من الحصل وفكك
زينه:يابنتي انا مش مضايقه والله
لتدخل كريمه الي الغرفه دون ان تستأذن
زينه بخضه:هو فيه حد بيدخل علي حد كدا
كريمه بتهكم:كلمي برا انا معرفش ايه اللي خلا الناس النضيفه دي يبصولك انتي
ريتال كادت ان ترد ولكن زينه ضغطت علي يديها لتصمت
زينه ببرود:حاضر جايه
************
لتخرج كريمه من الغرفه تستشيط فاهي لم تنجح في اغضابها مثلما ارادت
**************
ريتال:ليه مسبتنيش ارد عليها
زينه:ياستي فكك منها هي عايزه تعصبني يلا بس عشان نخرجلهم
ريتال:يلا
*********
ليخرجا الفتاتان الي الصاله
زينه:السلام عليكم
لينتبه الجميع لهم
عايده :ماشاء الله ايه الجمال دا
(كانت زينه تتألق بفستان من اللون الزيتي الغامق الذي يلبق لبشرتها قصير من الامام وله ذيل طويل من الخلف باللون الاسود وجعلت شعرها في هيئة الذيل حصان )
زينه:شكرا ياماما
ريتال وهي تهمس لزينه:شكل امه اللي واقعه مش هو
زينه:بس يابت الله يحرقك هتفضحينا
عايده:زينه تعالي اقعدي جنبي وانتي كمان ياقمر
ريتال:انا
عايده:اه
خالد في نفسه:دي قمر دي
لتجلس زينه وريتال بالقرب من عايده ويتحدثو سويا
ليدق جرس الباب في هذا الوقت
رامي:دا اكيد المأذون اما اروح افتح
ليفتح الباب ليفاجئ بفتاه جميله ذو ملامح هادئه
رامي بهيام:مين المزه
:نعم مش دي شقة زينه
ليأتي صوت زينه من الخلف اميرة
زينه:اميره حبيبتي وحشتيني ادخلي واقفه عندك ليه
اميره:لوسمحت ممكن اعدي
ليتحرك رامي من مكانه وهو ينظر اليها :اهااااااا
زينه:بجد انا مبسوطه اوي انك جيتي
اميرة :وانا اقدر اتأخر عليكي بردو ياقمر
زينه:حبيبتي تسلميلي تعالي بقا اما اعرفك علي عيلتي
اميره:يلا
لتذهب اميرة وزينه الي العائلة وتعرفها بهم وخاصة ريتال التي احبتها واصبحو اصدقاء
*************************
ليمرأ القليل من الوقت ويدق جرس الباب مرة اخري
محمد:دا اكيد المأذون رامي روح افتح
رامي:ايه بتقول حاجه يابابا
محمد :لا ولا اي حاجه قوم ياحسام يابني افتح
حسام:ماشي
ليفتح حسام الباب
حسام:ايه دا هو فيه كدا
نوره بدلع:هي دي شقة زينه
حسام:اه شقة زينه وابو زينه وام زينه
نوره:طب ممكن ادخل
حسام :اكيد
لتدخل نوره الي حيث يوجد الجميع
ليتفاجئ الجميع بوجودها
ريتال بهمس:مين دي
زينه:دي نوره البت اللي انا حكيتلك عنها
ريتال :اممممممممممم بس هي ليه لابسه كدا
(كانت نوره ترتدي فستان قصير بشده وضيق من عند الصدر باللون الاسود)
عدي:خالد هي عرفت ازاي
خالد:انا اللي قولتلها
عدي:طب وتقولها ليه
خالد:بصراحة حبيت احرق دمها
عدي:ماشي ياخالد هعرفهالك منوره يانوره
نوره:ميرسي
محمد:اتفضلي يابنتي
نوره بقرف:اتفضل فين المكان ضيق اوي انتو قاعدين هنا ازاي
زينه:طالما ماهو ضيق ايه اللي جابك من غير ماحد يعزمك
نوره باحراج:يعني انا غلطانه اني جايه عشان اباركلك
محمد:عيب يازينه معلش يابنتي اتفضلي
ليدق جرس الباب للمرة الثالثه
محمد:المرة دي انا اللي هروح افتح
ليذهب محمد لفتح الباب :اخيرا جيت دا احنا مستنينك بقالنا سنه اتفضل
ليدخل المأذون يلا ياجماعه العريس وابو العروسه
(بارك الله لكما وبارك عليكما وجمع بينكما في خير)
لتنطلق زغروطه من ريتال واميره في نفس الوقت
وبدأت المباركات للعروسين
بعيدا عن الاهل كانت تقف نوره ثم اقتربت من حسام
نوره بدلع:لوسمحت ممكن اطلب منك طلب
حسام:انت تؤمر ياجميل
نوره:انا راسي وجعاني جدا ممكن كوباية شاي بس ياريت تكون سخنه جدا عشان مش بحب اشربه بارد
حسام:من عيوني
نوره :تسلملي عيونك
ليذهب حسام لتلبية طلبها ويعود بعدها بعشر دقائق
حسام:اتفضلي احلي كوباية شاي
نوره:ميرسي ياخبر انا نسيت ابارك للعروسه انا لازم اروح اباركلها
لتذهب نوره باتجاه زينه وعدي وتبارك لعدي ثم تتجه الي زينه
نوره:زينه الف مبروو ليسكب الشاي علي اقدام زينه
زينه:ااااااااه
♡♡♡♡♡♡♡♡♡♡♡♡♡♡♡♡♡♡♡♡♡♡وبكدا الفصل التاسع خلص رأيكم في الفصل وياريت تتفاعلو
رواية دموع العاشقين
للكاتبه مريم مصطفي