رواية دموع العاشقين بقلم/مريم مصطفي(مكتملة)

البارت السادس عشر

روايه دموع العاشقين
للكاتبه/مريم مصطفي
الفصل السادس عشر
عدي في نفسه:ليلتك سودا يازينه النهارده
زينه:صباح الخير
عايده:صباح النور ياحبيبتي انتي رايحه الجامعه ولا ايه
زينه:اه ياماما هروح عشان انا كدا ضيعت وقت كتير والامتحانات مش فاضل عليها كتير
عايده:ربنا يكون في عونك
زينه بابتسامه:يارب
عدي وهو يستشيط غضبا:زينه تعالي ورايا لوسمحتي
زينه:ليه
عدي:انا قلت تعالي ورايا
زينه:خلاص من غير ماتتعصب جايه
لتصعد زينه خلفه ليدخلو الي جناحه
زينه:واااو هي دي اوضتك بجد حلوة
ليقوم عدي بجذبها اليه مرة واحده ويقربها منه كثيرا
عدي:ايه اللي انتي لابساه دا
زينه بتوتر:ماله اللي انا لابساه ماهو حلو اهو
كانت زينه ترتدي بنطلون اسود ضيق وبلوزه بيضه مفتوحه من عند الصدر قليلا
عدي:اه حلو عشان بتستعرضي بيه جسمك
زينه وهي تشد نفسها من بين يديه:انا مسمحلكش انك تقول عليا كدا
ليجذبها عدي اليه مرة اخري
عدي:طب والمصحف يازينه لو ملمتيش نفسك وطلعتي غيرتي القرف دا هزعلك
زينه بعند اكبر:لا ياعدي مش هغير
عدي بخبث:هتغيري بمزاجك ولا اغيرلك انا غصب عنك
لتنظر له زينه بصدمه
عدي:خلاص براحتك يلا بينا وامسك بيدها بشده متجها الي غرفتها
ليدخلو من باب الغرفه لتجذب زينه يدها منه بشده
زينه بتوتر:خلاص هغير
عدي بخبث:لا لا خليكي مفيش داعي
زينه بخوف:لا خلاص انا هغير لوحدي
عدي بتفكير:طيب روحي غيري
زينه بخجل:طب خلاص هروح اغير
لتخرج من الغرفه وتذهب الي غرفتها وعدي يلحقها ودخل خلفها الغرفه
زينه:عدي اطلع برا
عدي:ليه بس مانا وانتي واحد
زينه:عدي
عدي:هستناكي برا عشر دقايق وتطلعي
زينه:تمام
*********************************************
في بيت نوره
نوره:حسام انا عايزه اروح البار دا تاني بأي طريقه
:........................................
نوره:مليش دعوه هو النهارده يعني النهارده
:..........................
نوره:تمام مستنياك
وبعد ان انهت اتصالها
نوره لنفسها:ايه الصداع دا دماغي هتتفرتك مش قادره بجد
*********************************************
عند رامي
رامي:ازيك ياأميره
اميره:الحمد لله وانت اخبارك ايه
رامي:تمام الحمد لله انا كنت جاي عشان عايز اقولك علي حاجه مهمه
اميره:خير
رامي:اميره انا معجب بيكي وعايز اجي اطلب ايدك من أهلك
اميره بصدمه:ايه
رامي:زي ماسمعتي
اميره:ايوا يارامي بس احنا منعرفش بعض كويس بردو
رامي:ياستي لو علي الموضوع دا فانعمل خطوبه نتعرف وبعدين ياستي انا مقدم علي منحه لبريطانيا وان شاء الله هتقبل فيها وهاخدك ونسافر
اميره بضحك:لا طالما فيها بريطانيا انا كدا هغير رأيي
ليضحك رامي عليها :طيب ان شاء الله آخر الأسبوع دا هاجي لباباكي
اميره بخجل:طيب انا همشي دلوقتي
رامي:سلام يازوجتي المستقبليه
اميرة:سلام
*********************************************
عند عدي
زينه:كدا حلو
عدي:هو مش حلو اوي بس هعديها المرة دي
زينه:ايه ودا مش عاجبك لتكمل بتريقه ايه رأيك لو البس ملحفه وانتقب
عدي:اشطا انا موافق جدا
زينه:عدي متعصبنيش
عدي:يلا يازينه يلا ياماما
زينه:أمك في البيت بتعملك بيض تحبه مقلي ولا عيون😂(شرشوحه اوي زينه دي)
عدي بصدمه:انتي بتقولي ايه
زينه:ولا حاجه ياباشا استأذن انا
عدي:طب تعالي يامجنونه انا هوصلك
زينه بتفكير:امممم ماشي يلا بينا
عدي:انتي كمان بتفكري
زينه:اه طبعا هو انا اي حد
(طبعا كل الكلام دا قدام اوضة زينه)
عدي:طب يلا ياست المهمه عشان ننزل نفطر تحت ومتتأخريش علي كليتك
زينه:اشطا
ليهبطو الي اسفل وهم يضحكون وهناك عيون تراقبهم بنظرات حاقده
ايمان:ايه دا يازينه انتي لسه ماروحتيش الكليه
زينه مقلدة طريقتها:انتي شايفه ايه
ليضحك عدي علي طريقتها مما يزيد من اختناق ايمان
عايده:زينه حبيبتي
زينه:نعم ياماما
عايده:كنت عيزاكي تيجي معايا مشوار
زينه:حبيب قلبي اجي معاكي تغور الجامعه
عايده:لا اركحي هتيجي معايا بس بكرا مش النهارده
زينه:كدا تعشميني وتخلي بيا
ليقاطعها صوت رنين هاتفها
زينه:قلبي يارب واحشني اوي
......................:
زينه:بجد مبروووووك ياقلبي
........................................:
زينه:بجد فرحتني اوي
...............................:
زينه:طب بص هستأذن من عدي واقولك
......................................:
زينه:سلام ياحبيبي
(طبعا مش محتاجه اقولكم ان كل دا وعدي سامع اينعم اتبسط منها عشان حطته قدامه بس ازاي تقول لحد حبيبي وياقلبي ازاي)
عايده:خير يازينه ياحبيبتي
زينه:انا مبسوطه اوي ياماما
عايده:ربنا يبسطك دايما ياحبيبتي بس ليه بقي
زينه:رامي قرر يخطب
ايمان:ومين بقا ان شاء الله عروسة
زينه:اميرة سكرتيرة خالد
ايمان:ايه
زينه:ايه مالها متعلمه وشغاله
ايمان:ايوا بس رامي هيبقي دكتور
عدي:الف مبروك يلا بقا علي الكليه
زينه:تمام
********************
في الطريق من المنزل عدي ظل صامتا بينما زينه لم يعجبها هذا الوضع
زينه:عدي
عدي:نعم
زينه:ممكن اروح بيتي بعد الكليه
عدي:لا
زينه:ايه طب ليه طيب
عدي:لما ابقي معاكي متروحيش لوحدك
زينه:هخلي رامي ياخدني
عدي بعصبيه:انا قلت كلمه واحده لا يعني لا
زينه بدموع:خلاص مش عايزه منك حاجه ومش عايزه اروح مكان
عدي:قمصه هانم
زينه عيطت بشده لطريقته معها بينما هو قلبه رق بشده لمنظرها واحتضنها بقوة
عدي:خلاص خلاص ايه دا كله انا اسف
زينه:انت كلمتني وحش اوي
عدي:خلاص انا اسف مش هكلمك كدا تاني وياستي لو علي المرواح روحي بعد الجامعه بس هاجي اخدك بالليل اشطا
زينه بفرحه:اشطا شكرا بجد واحتضنته
عدي:ياريتك تفضلي فرحانه كدا علطول
زينه اتحرجت منه
زينه:انا اسفه
عدي:يلا عشان وصلنا انزلي
زينه نزلت وكانت مبسوطه جدا
*********************************************
في الكلية
زينه:ياه اخيرا اليوم دا خلص
ريتال:كان يوم غتت فعلا
زينه:بقولك ماتيجي معايا
ريتال:هنروح فين
زينه:عندنا
ريتال:تمام انا اصلا زهقانه
زينه:يلا بينا
******************
بعد قليل وصلت زينه وريتال الي منزل زينه
زينه:يلا ياختي
ريتال:يلا
وصعدو الاثنتين الي اعلي
زينه:يارامي يارامي
رامي وهو يخرج من غرفته:ايه يازفته بتزعقي ليه
زينه:تصدق انا غلطانه اني جايه اهيصلك
رامي:تهيصي ايه يامتخلفه هو فيه حاجه عشان تهيصي عليها
زينه:اوعي ياه انت قفلتني اومال فين حسام
رامي:نزل
زينه:طيب انا جعانه
رامي:ادخلي شوفي ماما عامله ايه
زينه:لا خلاص مش عايزه
كريمه:زينه حبيبتي عامله ايه
زينه استغربت كريمه جدا:انا تمام الحمد لله
كريمه:يارب دايما
لتكمل:كنت سمعاكي وانتي بتقولي جعانه تعالي انا عامله مكرونه بالبشاميل
زينه:لا خلاص مش عايزه انا كنت بهزر
كريمه:زينه تعالي معايا عيزاكي جوه
لتدلف زينه معها الي الداخل
كريمه بإحراج:بصي يازينه انا أسفه
زينه:اسفه علي ايه
كريمه:علي كل حاجه عملتها فيكي انا اسفه بجد انا عارفه اني كرهتك فيا وعارفه كمان اني مكنتش ليكي ام ومكنتش بعاملك بما يرضي الله
زينه:وايه السبب بقا
كريمه:بصي يازينه انا بعتذرلك علي كل حاجه عملتها فيكي
زينه:بصي انا مش هكدب عليكي انا مش هقدر اسامحك اوي بس هحاول
لتحتضنها كريمه بشده :ان شاء الله هتسامحيني يلا بقا اخرجي اتصلي علي جوزك وحماتك يجو يتغدو معانا
زينه باستغراب:حاضر
لتتركها كريمه وتغادر وتتردد زينه في الاتصال علي عدي لتحسم امرها وتتصل به
زينه:الو
عدي:اممم خير
زينه:طنط كريمه بتقولك لو ينفع تيجي تتغدي معانا انت وماما لو انت فاضي
عدي:تمام شويه وهاجي بس امي مش هينفع
زينه:ليه خير
عدي:بتتغدي مع صاحبتها
زينه:طب ابقي جيب خالد معاك
عدي:ماشي سلام
لتغلق معه الخط وتخرج من الغرفه لتجد عمتها وابنها انضمو للجلسه
سلوي:ازيك يازينه ياحبيبتي
زينه:تمام ياعمتو
كريمه:سلوي اتصلي بإيمان تيجي
لتتوتر سلوي:كمال كلمها عشان معيش رصيد
كمال:حاضر
ليتصل بها وتخبره انها قادمه
دق جرس الباب
زينه:انا هفتح استنو
عدي:ايه سنه عشان تفتحي
زينه:ايه دا انت لسه رانن الجرس
خالد:خلاص حصل خير
زينه:دودو اخبارك
عدي بحده:زينه ايه دودو دي
خالد:ياعم انت مالك دودو دودو
عدي:وانت لما ايدي تلبس في وشك واعلم عليك هتتبسط
خالد:لا ياعم خلاص وانتي انسي الاسم دا خالص
زينه بضحك:حاضر ادخلو بقا
ليدخلو ويندمجو في الحديث ليقاطعهم صوت رنين
الجرس
رامي:انا هقوم افتح
ليذهب ويفتح الباب ليجد ايمان
ايمان:الف مبروك يارامي
رامي:الله يبارك فيكي ادخلي
وبالفعل دلفت ايمان للداخل لتجدهم يتسامرون ويضحكون وجلست بالقرب من زينه وعدي
زينه:لا كله كوم ولما شافني انا كوم تاني
ريتال:طلع يجري اصلها تخوف بصراحه
ليقترب رامي من زينه:قطع لسان اللي يقول علي اختي كدا
لتقوم زينه وتحتضنه:قلب اختك خد قلبي خلاص مش عيزاه😂
رامي:ولا انا عايزه
زينه:تصدق خسارة فيك
اثناء انشغالهم بالحديث دلفت ايمان لإحدي الغرف
رامي:تشكر ياباشا
زينه:رامي بطل استفزاز
ريتال:بت يازينه هنطلعه علي عينه هو واميرة
خالد:طب واميرة ذنبها ايه
ريتال:ملهاش ذنب بس هو كدا وخلاص
خالد:ياشريره
ريتال:انا دا انا علي نياتي ومسكينه عدي هو انا ممكن اطلب طلب
عدي:اكيد اتفضلي
ريتال:انا كنت عايزه اتدرب عندك في الشركه
عدي:اكيد تنورينا خالد ريتال هتتدرب تحت ايدك وانت المسؤول عنها تمام
خالد:تمام
لتشعر ريتال بفرحة لا تعلم سببها اهي لانها ستظل مع من نبض له قلبها
ريتال:تمام
بعد قليل من الوقت
زينه:انا هقوم اشرب
وبالفعل قامت زينه لتسمع سلوي وايمان
سلوي:يعني يابنت الموكوسه بقالك اسبوع ومش عارفه تخلس الواد في ايدك
ايمان:ياماما طب اعمل هو قفل معايا اوي
**************************
الفصل خلص ياحلويات انتظرو الفصل التاني بالليل بقا
رواية دموع العاشقين
للكاتبه/مريم مصطفي