رواية دموع العاشقين بقلم/مريم مصطفي(مكتملة)

البارت السابع

"لست كبيره بما يكفي ولكني افضل منك "
رواية دموع العاشقين
للكاتبه مريم مصطفي
....................
الفصل السابع
زينه:باباااااا
زينه وهي تقترب منه:يابابا ارجوك رد عليا انا اسفه خلاص مش هضايقك وهوافق يابابا يابابا
لتصرخ زينه باسم رامي
يأتي رامي علي صوتها
رامي:في ايه ايه اللي حصل
لتروي له زينه ماحدث
رامي :طب يلا خلينا نوديه المستشفي بسرعه
زينه ببكاء:يلا
لتدلف كريمه في هذا الوقت
كريمه:يالهوي ماله الحاج
رامي :مفيش بس اوعي من طريقي
لتبتعد كريمه عن طريقه
كريمه وهي توجه حديثها لزينه:اكيد انتي السبب
نظرت لها زينه نظرة حزينه ثم تركتها لتذهب مع والدها الي المستشفي
......................................
في بيت عدي
استيقظ عدي وارتدي ملابسه ليذهب الي عمله
عدي:صباح الخير
عايده:صباح النور
عدي:ها فطرتي ولا لسه
عايده:فطرت من زمان جدا
عدي:طب كويس يلا عايزه حاجه بقا
عايده:سلامتك ياحبيبي
.....................................
في المستشفي
زينه:وهي تبكي انا اسفه يابابا انا السبب
ليأتي رامي من خلفها
رامي:مش كفايه عياط بقا ولا ايه
زينه ببكاء اشد:انا السبب يارامي
رامي:بطلي عبط دا قضاء ربنا وبعدين ان شاء الله هيبقي كويس
زينه:يارب
لتأتي كريمه من خلفهم وهي تبكي
كريمه:منك لله يا شيخه انتي السبب في كل دا انتي السبب في اللي بيحصلنا غوري بقا تعبتينا واوعي توري وشك لمحمد لحسن يتعب اكتر
زينه ببكاء وهي تبتعد وتشعر بالالم في قدمها:حاضر عشان خاطر بابا
...............................
في مكتب عدي
عدي:نوره هاتي الملفات وقولي لخالد يجيلي
نوره:حاضر يا فندم
عدي:في ايه يانوره واقفه ليه
نوره:اصل يا فندم السكرتيره اللي اسمها زينه مبتجيش
عدي:طب وانتي مالك بيها
نوره :اصل
عدي بعصبيه :ولا اصل ولا فصل روحي اعملي اللي قولتلك عليه
نوره:حاضر
.....................................
في المستشفي
حسام:في ايه يا ماما ماله بابا
كريمه:تعب بسبب مقصوفة الرقصه اللي اسمها زينه
حسام:بسببها ازاي
كريمه:الظاهر شد معاها بسبب الجوازه اللي جاتلها
حسام:اممممممم ياريتنا ما كنا عملنا حاجه
كريمه:ازاي يعني
حسام:دلوقتي هي بدل ماهتخسر شغلها وأبوها هتتجوز واحد غني هيعيشها ملكه
كريمه:وحياتك عندي ماهخليها تعيش يوم واحد عدل بعد ما تتجوز بس استني عليا
حسام:مش عارف يا ماما بس انا قلقان
كريمه:قلقان من ايه
ليقاطعهم في هذا الوقت رامي
رامي بعصبيه :ايه اللي انا سمعته دا 
.......................................
في الشركه
عدي:كدا تمام
خالد:اه تمام قلت لامك علي انك اتقدمت لزينه
عدي:لا لسه ومش هقولها دلوقتي
خالد:اومال امتي
عدي:انا نروح نتفق
خالد:طب وانت ايه اللي مخليك واثق اوي كدا
عدي:عادي
ليقاطعهم في هذا الوقت نوره
عدي:خير يانوره
نوره بقرف:زينه برا
ليقف عدي من مكانه :دخليها فورا
خالد:طيب استئذن انا بقي
عدي:تمام
لتدخل زينه وهي تعرج علي قدمها ويظهر علي وجهها علامات البكاء
عدي:اتفضلي ياانسه زينه
زينه:انا موافقه
عدي:موافقه علي ايه
زينه:موافقه علي الجواز
عدي:طب انتي في حد اجبرك
زينه:لا مفيش عن إذن حضرتك انا مضطره امشي
عدي:طيب هاجي اوصلك انتي باين عليكي انك تعبانه
زينه:لا انا كويسه شكرا
لتقف زينه وتشعر بالصداع والدوخه لتسقط مره واحده مغشيا عليها
عدي:زينه
ليحملها ويضعها علي الاريكه
عدي وهو يحاول افاقتها:زينه ردي عليا ليقوم برش الماء علي وجهها
لتبدأ زينه تفيق
عدي:انتي كويسه
زينه اه كويسه بس هو ايه اللي حصل
عدي:دوختي  واغمي عليكي
زينه:انا لازم امشي دلوقتي حالا
عدي:بس انتي تعبانه استني لما اوصلك 
زينه:لا مفيش داعي
عدي بحده: يلي
زينه بتعب:يلا
ليخرج عدي وهو يسند زينه لتري الشركه بأكملها هذا المنظر
نوره في نفسها:هو في ايه بالظبط انا لازم اعرف
.................................
في المستشفي
رامي:ايه اللي انا سمعته دا
كريمه بتوتر:ايه اللي انت سمعته
رامي:انتو السبب في كل اللي بيحصل دا حسبي الله ونعم الوكيل
كريمه:ماتلم نفسك انت نسيت اني ابقي امك
رامي:انتي ام ربنا يسامحك ليه كل الكره دا
حسام:بقولك ايه مبقاش غيرك اللي هيدينا درس في الاخلاق انت ملكش دعوه باللي احنا بنعمله تمام
رامي:انا فعلا مليش دعوة بس بابا ليه دعوة
حسام:بابا مين يا ابو بابا انت نسيت نفسك ولا ايه انت ابوك مات ودا ميبقاش ابوك
رامي بحزن:انت بتعايرني بس انا عايز اقولك حاجه انا اه مبقاش ابنه بس انا بحبه وقلبي عليه اكتر منكم انتو الاتنين واللي حصل دا انا مش هسكت عليه ولازم بابا يعرف
حسام:اتفضل روح قوله عشان يتعب اكتر وتبقي انت السبب
لينظر له رامي نظرة اشمئزاز ويذهب بعيدا عنه
..............................
في عربيه عدي
يقف عدي امام أحد المحلات
زينه:ايه دا انت وقفت هنا ليه
لينزل عدي دون ان يرد عليها ويعود بعدها بقليل وهو يحمل أكياس في يديه
عدي:امسكي
زينه:ايه دا
عدي:اكل
زينه:مش عايزه شكرا
عدي بعصبيه:امسكي
لتمسك زينه الأكياس وتضعها بجانبها دون أن تنطق بحرف
عدي بنقاذ صبر:تحبي اكلك بالمره
زينه:والله انا مليش نفس ومش هقدر أكل
عدي:معلش تعالي علي نفسك وكلي عشان ميغماش عليكي تاني
ليناولها في يديها بسكوت وعصير
زينه وهي تتناول القليل :وصلني علي المستشفي لو سمحت
عدي:انا شايف انه مفيش داعي انتي هتبقي كويسه
زينه:مش ليا
عدي:اومال لايه
زينه:بابا هناك
عدي:اممممممم طيب
...............................
يقف الجميع ليرو عدي وزينه قادمين
حسام وهو يوجه حديثه لزينه:هو في ايه انتي مبقاش ليكي حد يلمك
رامي :ملكش دعوه بيها
حسام انت اللي ملكش دعوه
ليخرج الدكتور في هذا الوقت
رامي :خير يا دكتور
الدكتور :انا مش قايلكم ان عضلات القلب عنده ضعيفه فبلاش ضغط عليه
رامي وهو ينظر لكريمه:حاضر يا دكتور
زينه:دكتور لو سمحت هو انا ممكن ادخله
الدكتور:مينفعش الزياره دلوقتي
زينه وهي تبكي:ارجوك يادكتور
الدكتور:ماشي بس متأخريش وبلا ش زحمه
لتدلف زينه بسرعه الي الغرفه
زينه وهي تبكي:بص انا عارفه انك زعلان مني بس انا مقدرش علي زعلك انا وافقت يابابا وهتجوز عدي متزعلش مني امانه عليك
محمد بتعب:انا مقدرش ازعل منك يا قلب ابوكي انا بس عايز اطمن عليكي قبل ما اموت
زينه:بعد الشر عليك
محمد:الموت عمره ماكان شر
ليدلف الجميع الي الغرفه للاطمئنان عليه
كريمه:حمد الله علي سلامتك يا حاج كدا تخضنا عليك
رامي:حمد الله على سلامتك يا بابا
محمد:ازيك ياعدي
عدي:الحمد لله يا عمي حمد الله على سلامتك
محمد:الله يسلمك
عدي:طيب استئذن انا
لينتهي هذا اليوم الملئ بالاحداث ويأتي اليوم الذي يليه
............................
في منزل زينه
محمد:بت يازينه انتي يابت
زينه:بابا انت ايه اللي مقومك من ع السرير انت مسمعتش  الدكتور قال ايه عن الراحه
محمد:معلش المهم انا جاي اقولك ان عدي جاي النهارده هو وامه عشان نتفق علي كل حاجه
زينه بصدمه:ايه
.............................
وبكدا الفصل يكون خلص ادوني رأيكم عشان بجد يهمني
رواية دموع العاشقين
للكاتبه مريم مصطفي