"غابت شمسك عن سمائي ياحبيبي،فأصبح الكون كله ظلاما دامسا،اصبح الكون كله بدون ملامح او الوان او اصوات،لم اسمع سوي صدي صوتك يرن في اذني،لم اعد اري سوي صورة وجهك الحبيب،لم اعد اتذكر الا صورة وجهك ونظرات عينيك عند الوداع"
♡♡♡♡♡♡♡♡♡♡♡♡♡♡♡♡♡♡♡♡♡♡ارواية دموع العاشقين
للكاتبه مريم مصطفي
***************
الفصل الحادي عشر
رامي:بابا مات
ريتال بصدمه:ايه
رامي:اوعي تبيني قدام زينه او تقوليلها حاجه هاتيها بسرعه علي المستشفي وتعالو
ريتال بحزن:حاضر
ثم اغلقت الهاتف
زينه:مالك يابت وشك قلب كدا ليه
ريتال بتوتر:لا ابدا بس نورهان صاحبتنا عملت حادثه
زينه بحزن:طب وهي عامله ايه
ريتال:مش عارفه تعالي نروحلها
زينه:طب وانتي مين اللي قالك
ريتال بتوتر:امها
زينه باستغراب:طب امها جابت رقمك منين
ريتال:مش وقته يازينه يلا بينا
زينه:طب استني لما اقول لبابا
ريتال بحزن :مفيش داعي
زينه :يعني ايه مفيش داعي لا طبعا لازم اقول لبابا
ريتال:طب يازينه تبقي قوليلو بعد مانوصل
زينه:ماشي يلا
ليوقفا تاكسي ويذهبا الي المستشفي
.......................
وبعد وقت ليس بكثير يصلا الي المستشفي
زينه:اه
ريتال:مالك
زينه:مش عارفه حسيت بنغزه في قلبي ووجعني اوي
ريتال:طب تعالي ارتاحي
زينه:لا مفيش داعي
ريتال:طيب يلا
وصعدتا الي فوق لتتفاجئ زينه بوجود رامي وكريمه وعدي
زينه:ودول ايه اللي جابهم كمان
ليقترب منها رامي ويأخذها في حضنه
رامي :زينه حبيبتي انتي عارفه ان كلنا امانه ربنا سايبها في الارض لمدة معينه وبعدها بياخدها تاني وهي دي سنة الحياة
زينه بعدم فهم:تقصد ايه يارامي انا مش فاهمه حاجه
رامي بدموع:البقاء لله ياحبيبتي
زينه:مين اللي مات
رامي:بابا يازينه
زينه بعدم تصديق :انت كداب
رامي وهو يحتضنها :قدر الله وماشاء فعل
لتبعده زينه عنها بقوة
زينه بعصبيه :انت بتقول ايه بطل كدب بقا انا هثبتلك ان بابا عايش هي دي الاوضه
رامي وهو يحاول ان يمسكها:ايوا هي
زينه وهي تركض باتجاه الغرفه وبمجرد ان فتحت الباب ورأت والدها ووجهه مخبأ حتي شعرت بأن قلبها يعتصر من شدة الالم لتقترب من السرير بحذروهى تضع يدها علي قلبها وتقوم برفع الغطاء عن وجهه
زينه ببكاء:بابا هو رامي ليه بيقول كدا بابا رد عليا عشان اثبتلهم انك مامتش يابابا رد بقي بابا هو انت مش وعدتني انك عمرك ماهتسيبني وقولتلي اني لازم احضر فرحك واشوفك بالفستان الابيض وعمرك ماهتسيبني ليه خلفت بوعدك وسيبتني ليه وعدتني بحاجه وخلفت بيها انت كدبت عليا يابابا وسيبتني زي ماما ليه كدا ليه خلتني يتيمه اب وام انا كدا مبقاش ليا دهر من بعدك لتزيد من بكائها وتبكي بحرقه اكبر رد بقي انت هتفضل سايبني اتكلم لوحدي كدا كتير
لتصرخ زينه بكل الم بابا قوم بقا ومتسبنيش لوحدي
ليدخل الجميع علي صوتها
ليراها عدي في هذا الوقت ويشعر بالالم في قلبه من منظرها
رامي:وهو يبعد زينه عن محمد :يلا يازينه مينفعش كدا
زينه ببكاء هستيري:ابعد عني وملكش دعوه بيا
عدي:رامي خدها انت ع البيت وانا هكمل باقي الاجراءت عشان الدفن
رامي :شكرا
زينه:سيبوني بقا انا عايزه افضل معاه عايزه اشبع منه
رامي وهو يحتضنها:يلا يازينه
ليذهبو الي البيت
مازالت زينه علي حالها تبكي بشده ولكن هذه المرة بصمت
ريتال:خلاص بقا ياحبيبتي اهدي قدر الله وماشاء فعل
لتأتي في هذا الوقت عايده
عايده وهي تحتضن زينه بشده:انتي كويسه ياحبيبتي
لتشعر زينه بالحنان الذي افتقدته اليوم ياالله لقد شعرت بنفس الحنان مرة اخري بعد ان افتقدته من اعز واغلي الأشياء فالأب هو اغلي واعز الناس
زينه وهي تزيد من احتضانها وتبكي بشده:بابا مات ياماما
عايده ببكاء:قدر الله وماشاء فعل
زينه:مش هقدر اعيش من غيره هو كان كل حياتي
عايده: ياحبيبتي دا قضاء ربنا
زينه:ونعم بالله
.....................
ليمر القليل من الوقت ويأتي عدي ليصعد الي الاعلي
عدي:رامي
رامي:نعم ياعدي
عدي:انا خلصت كل الورق وطلعت تصريح الدفن
رامي:شكرا بجد تعبتك معايا
عدي:عيب عليك متقولش كدا بس فيه مشكله
رامي:خير
عدي:لازم نستني لبكرا عشان ندفن لان الوقت اتأخر ومش هينفع ندفن دلوقتي وعشان لازم يكون قرايبكم موجودين
رامي:تمام بس بابا هنوديه فين
عدي:هنحطه في اوضته
رامي:ماشي ياعدي
ليصعد رجال الاسعاف وهم يحملون محمد ووجهه مغطي ويدخلوه الي غرفته
لتقف زينه من مكانها وهي تري هذا المشهد
وتتجه خلفهم ليمسكها عدي من يدها
عدي:انتي رايحه فين
زينه:رايحه عند بابا
عدي:مينفعش
زينه :هو ايه اللي مينفعش انا عايزه اشوفه
ليأتي رامي في هذا الوقت
رامي :مينفعش يازينه تدخلي
زينه ببكاء:ارجوك يارامي خليني ادخل عايزه اشوفه لاخر مرة ارجوك اخر مرة
عدي وهو مشفق علي حالها:ادخلي يازينه
زينه:شكرا
لتدخل زينه الي غرفة ابيها لتراه لاخر مرة في هذه الحياة
"ياله من شعور ان تذهب لتري شخص انت تعلم انك لن تراه مرة اخري رغم حبك الشديد له يالله هون علينا لحظات الفراق "
*********************
في الكافيه
نوره بضحك:بجد انت مسخره ياحسام
حسام :طبعا يابنتي دنا حسام
نوره:تشرفنا يااستاذ حسام
ليرن هاتف حسام للمرة المئه
نوره:رد ياحسام انا بجد صدعت من تليفونك
حسام:حاضر عشان عيونك ياقمر
حسام:الو
كريمه:الو يازفت مبتردش علي تليفونك ليه
حسام:مش فاضي
كريمه:طب تعالي بسرعه
حسام:خير
كريمه:ابوك مات
حسام:ايه انا جاي حالا
نوره:في ايه ياحسام
حسام:بابا مات
نوره:ايه البقاء لله
ليغادر حسام وتغادر هي ايضا
*********************
في بيت زينه
تدخل امرأه في اواخر الخمسينات ومعها شاب في اواخر العشرينات وفتاه في منتصف العشرينات
سلوي:ياحبيبي ياخويا مكنش يومك اه ياحبيبي اتخطفت
كمال:اهدي ياماما مينفعش كدا
ايمان:اه ياماما كمال عنده حق
"سلوي تكون اخت محمد وكمال وايمان يكونا اولادها"
لتخرج كريمه علي هذا الصوت
لتحتضنها سلوي:البقاء لله ياحبيبتي
كريمه وهي تبتعد:ونعم بالله
سلوي:اومال فين بنت الغالي
كريمه:جوه قاعده مع ابوها
سلوي:ماشي انا هدخلها
ليقف رامي في طريقها
رامي:مينفعش
سلوي :اشمعنا زينه ماهو زي ماهو ابوها يبقي اخويا
عدي:طب استني لما زينه تخرج وبعدين تبقي ادخلي
سلوي:وانت مين بقا ان شاء الله عشان تقولي اعمل ايه ومااعملش ايه
رامي:دا عدي يبقي ج
ليقاطعه دخول حسام وهو يبكي
حسام:بابا فين
رامي:في الاوضه دي
ليدخل حسام الي الغرفه دون ان يسمع احد
ليدخل الي الغرفه ويجد زينه تمسك بيد محمد وفي يدها الاخري تمسك بالمصحف وتقرأ القرآن وتبكي
ليأتي حسام بجانبها ويبكي:ليه سيبتني ليه ويظلو يبكو حتي يقاطعهم دخول سلوي وهي تبكي وتولول
زينه:اششششش مش عايزه صوت انتي متعرفيش ان كدا حرام
سلوي وهي تحتضنها:معلش ياحبيبتي زعلانه عليه
لتبعدها زينه عنها وتخرجها من الغرفه
وتظل زينه بجوار والدها الليل بطوله حتي جاء الوقت الاصعب وقت الفراق الابدي
جهز كل شيئ وذهبو به الي حيث سيبقي ويرتاح
بينما في بيته حاله من الحزن الشديد والبكاء
وبعد انتهاء الدفن الذي حضره جميع الاقارب والجيران محبة في هذا الرجل الطيب عاد الجميع الي بيوتهم
********************
في بيت زينه
عايده:انا عارفه انه مش وقته بس انا هاخد زينه تعيش معايا
سلوي:نعم وانتي تاخديها ليه بقي ان شاء الله كنتي مين عشان تاخديها
عدي:لوسمحتي يامدام ميصحش كدا اتكلمي بأسلوب احسن من كدا
عايده:بس ياعدي احنا مش هناخد اذنها انا بقولكم اني هاخدها تعيش معايا
سلوي:بأمارتك مين
عايده:بأمارة اني حماتها
سلوي بصدمه:ايه هي اتجوزت
***********************************************
وبكدا الفصل يكون خلص أنا عارفه ان هو كئيب شويه بس بجد هي دي الحقيقه احنا من غير ابائنا ولا حاجه هما سندنا ودهرنا في الدنيا دي هما سبب عزتنا الابهات دول نعمه في حياتنا لازم نحافظ عليها لان احنا من غيرهم نضيع ودهرنا يتكسر اوعو في يوم تزعلوهم لان صدقوني الواحد مبيحسش بقيمة النعمه غير لما تروح منه خلو بالكم من كدا
رواية دموع العاشقين
للكاتبه مريم مصطفي
ČTEŠ
رواية دموع العاشقين بقلم/مريم مصطفي(مكتملة)
Romance"أصبحت كالغريق في بدايتنا وكان عشقك هو القشة التي تعلقت بها فلا تخذلني وابقي معي" #مريم مصطفي
