Project One: Clarkson Hell Anderson (COMPLETE)

Chapter 8

Nagulat ako nang makita ko si kuya na naandito sa loob ng bahay. Maaga akong nakauwi ngayon at gan'n na lamang ang gulat ko ng makita ko siya.

"Akala ko ba ay gabi ka pa makakauwi?" nagtatakang tanong ko.

"Sinusubukan ko lamang ikaw kung uuwi ka pa rin ng gabi," sabi nito sa akin saka umakyat sa taas papunta iyon sa kwarto niya panigurado ako.

Agad din akong pumanik sa taas upang magpalit ng damit.  Naghilamos saka umiga sa kama. Maaga pa naman dahil mag-aala-sais pa lamang. Masyado kaming maaaga pinauwi.

Binuksan ko ang cell phone ko at sinimulang mag-faceboss. Tamang scroll lang dahil wala naman akong magawa.

Halos panay QTA ang nasa newsfeed ko na ikakasal na daw ang isang myembro doon. Napaka bata pa nila sabi ko sa isip-isip ko.

Sa mga 'di pa nakakaalam kung ano ang QTA . Sila 'yung Kpop band sa korea, basta ewan! Nalaman ko na lang rin dauil panay ito ang nasa news feed ko.

Rinig kong kumatok ang kuya ko mula sa pinto.

"'Di ka pa ba kakain?"

"Maya-maya na, Kuya." rinig ko ang tsinelas nito na halatang itoy pababa na sa hagdan.

Gulat ko nalamang ng may nag-chat sa akin.

Si Nell LLever.

'Hey ! Saan ka ? Tara dito sa bahay mag-group study...' chat niya sa akin.

Agad naman akong na alerto sa sinabi nito. Mabilis akong bumaba para ipakita kay Kuya ang chat sa akin ni Nel.

"Kuya! tignan mo 'to!" at pinatingin ang chat ng classmate ko. "Oh? Sino naman 'yan ?" kunot ang noo niya.

"Classmate ko, Kuya..."

"Magbihis ka na. Alam mo ba kung san 'yan nakatira?"

"Chat ko pa lang siya." saka umakyat sa taas upang magpalit. Ang sinuot ko lamang ay tshirt na maluwag na plain white at Nike air drip short sa madaling salita ay pambasket ball ngunit hindi ito kalakihan sa akin, hindi ito umabot sa tuhod ko.

Naglagay ako ng konting liptint at saka tinali ang buhok ko.

Mukha akong tibo pero ganito talaga ako manamit pagpambahay. Kaya ko naman magsuot ng pambabae pero mas komportable ako magsuot ng panlalaki.

Agad akong nag-chat kay Nellisa na ibigay ang address nito. Mabilis itong nag-reply at ibinigay ang hinihingi ko.

Hinatid ako ni kuya sa address na ibinigay ni Nellisa.

"Hey! Ay! Hello po!" pagbati ni Nell nang makita ang kuya ko. "'Di mo naman sinabi na dinala mo jowa mo..."  ni Decerly na agad naman nanlaki ang mata ko.

"Kuya ko 'yan!" sigaw ko na kinagulat nila.

"Alam mo bayaw.. Ang sarap ng niluto kong egg sandwich kanina," ani Decerly sa akin at saka ako inakbayan. "Sayang at hindi mo natikman..." dagdag pa nito sa akin at kumindat. Agad ko namang inalis ang pagkaakbay nito sa akin. Nasisiraan na siya.

"Please take care of my sister, bye!" paalam ni kuya at agad naman itong sumakay ulit sa sasakyan nito at tuluyan ng umalis.

"Akala ko talaga ay jowa mo iyon!" kuminang pa ang kanyang mga mata. "Ang gwapo na gulat ako!" ani Nellisa na halos kinikilig ang itsura saka sila nagtitili ni Decerly at nagtatatalon.

"Gwapo? 'Di naman gwapo 'yon..." sabi ko sa kanila na kaagad naman silang ngumusong tumitig sa akin na parang hindi nila nagustuhan ang sinabi ko.

Eh, totoo naman, e! Siguro ay nu'ng ipinakilala ko siya sa inyo ay masasabi ko pang gwapo iyon pero kung depinisyon lamang ng kagwapuhan ang basehan ay walang binatbat ang kuya ko kay Hell!