♍عذراء و قوس♐|مكتملة✨️

8

♍عَــــــذْرَاءْ وَ قَــــــوْسْ♐
للكاتبة✒️: Victoria kaelin
💜📖الجزء 186💜📖
بعدما كلاو حتى التحلية تخلص الحساب و خرجو من تما...
عذراء:كانت تجربة زوينة بزااف شكراا بزااف
قوس بتاسم:مزيان ملي عجبك
عذراء:الجو شحال زويين
قوس:للأسف عندي خدمة كون ضرنا شوية بالرجل
عذراء:تيعجبك الضوران بالرجل؟؟
قوس:اكيد راني شخص رياضي
عذراء:ااه وي باينة غير من(حطات يدها على كتفها)
قوس ضحكاتو هاد الحركة:ههه العضلات زعمة
عذراء:اه هادوك
قوس:بالتمارين و البروتين و المثابرة اي واحد غيوصل لهكا
عذراء:كان يتصحابلي تزاديتي هكا ههه
الشيفور حل ليهوم الباب و طلعو...
قوس:علاه كاين لي تيتزاد هكا؟
عذراء:راه غير ضحكت معاك زعمة
قوس:اه هه
عذراء:بغيت نعرف واحد الحاجة زعمة واش متتحسش بالثقل يعني مثقلين عليك باينة قاصحين
قوس:تأكدي بنفسك ههه
عذراء:زعمة نقيسك؟(حشمات) لا لا
قوس:شنو فيها؟؟
عذراء:حشمت
قوس:نتي تعرفي
بقات غادية الطونوبيل حتى وصلو ل الشركة و هبطو...
عذراء:شكرا مرة خرى داز غداء زوين معاك
قوس:و حتى نتي My Honey (عسلي🍯)
عذراء حشمات ويلي ويلي على ماي هاني اول مرة يتغزل فيها شي راجل هكا حتى من غزلو راقي ماشي بحال شي ماركات لي لقاوها يلبقو ليها "ديالي" و هاهوا الدلع المغريبي...
قوس قرب منها و باسها فحنكها:بسلامة
حركات ليه راسها و مشات بخطوات متسارعة هاد الحركات مذوبينها و زارعين فيها حشمة كبيرة مزال مولفات عليهوم..طلعات فالسانسور حتال طابق العارضات و دخلات عند بنان...
بنان لي كانت تتقرا واحد الكتاب حطاتو من يديها و طلعات حاجبها:على السلامة
عذراء جلسات و صاكها باقي فكتفها:الله يسلمك
بنان تقادات فالجلسة و كمشات عينيها:عذراء مالك معايا؟؟؟
عذراء:كيفاش مالي معاك؟؟
بنان:راك معاجبانيش! شي برود خارج منك معرفت منين جا
عذراء:مامالي والو يمكن غير ليغيگل قريبة تجيني و صافي تدير ليا هكا
بنان شافت فيها بنضرات الشك ولكن معندها مادير خلاتها على خاطرها:المهم الجلسة التصويرية بقات ليها ساعة انا هابطة دابا نتفقد مكان التصوير
عذراء:اوكي انمشي معاك
ناضت بنان و تبعاتها عذراء حتى هبطو لمكان الجلسة التصويرية...
♍عَــــــذْرَاءْ وَ قَــــــوْسْ♐
للكاتبة✒️: Victoria kaelin
💜📖الجزء 187💜📖
فالصالون كانت رفيف جالسة و مرام معاها تيدويو حتى دخلات عليهوم رواء هازة واحد الكارطونة...
رفيف:هااا السبع جااا(قصدها برج الأسد)
رواء حطات الكارطونة و سلمات معاها:ياختي توحشتكووم و واحد العووجة ناسيية واش عندها واحد صاحبتها سميتها رواء!!
رفيف:راها مع الخدمة هاد ليامات حنا نيت قليل فاش تنشوفوها
مرام جبدات تيليفونها تتشاطي ممسوقاش و رواء شدات الجماعة مع رفيف...
رواء:عرفتي ياختي الثور ديالي
رفيف:مالو ياختي؟؟
رواء:خرجنا انا وياه مزال زاد دخل ليا لخاطري و الله تصدمت من راسي عقلييتي مناسبة عقلييتو و عندي احساس انه هو الزوج المناسب
رفيف بتاسمات:ويلي ويلي على المشعككة كبرات و ولات تدوي دابا على الزواج غير داك النهار كنتي تدابزي نتي و عذراء على بيمو فالساحة و انا تنجي من القسم لاخور باش نفككوم و نجمعها معاك حيت ضربتي ختي هههه
رواء رجعات خصلة من شعرها ورا ودنها مبتسمة:دغيا الوقت تيدوز حتى من عذراء باقة كيفما كانت فصغرها ماراسياش فقنت واحد ههه
رفيف:هاديك غير خليها على الله معاها متأكدة مغتهنا حتى تجي بشي مونتيف غيسكت مناتيفها القدام
رواء:ياك لباس؟؟؟
رفيف شافت فمرام و هزات حجبانها لرواء زعمة فهمي راسك حتى هي فهماتها من الطيارة و قلبات الهضرة فلمح البصر...
رواء:اجي قولي ليا بغيت نزيد ليميش لشعري ولكن ماشي دابا قلت حتى يقرب عرسي الى بغا الله تجي معايا الشهوبية ياكي؟؟
رفيف:اكييد اكييد مع شعرك تتكريبيه هاكاا لووك بوورفاااكت لصيف
رواء بتاسمات:اه عندك الحق صافي ملي تسالي عذراء تصبغو ليا
رفيف:واهياتا راني قلت ليك هاديك ممسالياش و زايدون شتندير انا هنايا نصبغو ليك
رواء:ربي خليك ليا تطيح عليك شي ضرافات بعد المرات تتخليني غير متعجبة
رفيف ناضت عاقدة حجبانها:شفتي نتي و ختي ماركة وحدة ميصلاحش لبوكوم الخير
رواء ناضت تتهدن فيها:وا صااافي رااني غير بغيييت نشد فيك شوية شحال هادي مشفتك اتا
رفيف غادة تتمشا و رواء شاداها من كتافها تتحزر فيها حتى خرجو من الصالون و وقفو مبعدين عليه شوية...
رواء بجدية:شنو بيها عذراء؟؟
رفيف هزات فيها راسها:ختي ا لالة جاتها المراهقة المتأخرة!
رواء:كيفاش؟؟زعمة التبرهيش؟الهبال؟؟هادوك راه جينات يمكن فدمها ماشي مراهقة متأخرة
رفيف:لا لا ماشي داكشي النواور هادشي
رواء:و شنو؟؟؟
رفيف تنهدات:ختي غادة و تتوقع فالحب
رواء حطات يديها على صدرها بصدمة:صرفقيني!!ميمكنش!!تتبغي برنااااس!!!!
رفيف:والااااا وا الباطرون ديالها الشاف ديالها رب عملها معامن غتطيح الموصيبة!!!
رواء بدهشة:شناهوااا؟؟؟؟