طلقها فعشقها ❤(مكتمله)

الحلقة ٩

اياد مممم بصراحه هي .... زينة اخت احمد

رنيم: ضحكت ضحكة عالية هههههههههههه ياربييي

اياد: شبيج كلت شي غلط ،ترة سوزان زميلتي ومخطوبة وماكو اي شي بيني وبينها

رنيم: تريد نخطب زينة الك ٠٠

اياد: اي والله ياريت والله بنية حبابة واخلاق ومعجب بيها وبديت احبها ، بس خاف متوافق علية.

رنيم: خلي نحجي وية ماما وبابا ونروح نخطبها

اياد: بس صدك شون عرفتي بسالفة سوزان ؟

رنيم: مممم العصفورة كالتلي تشوفك تمشي وية سوزان وجانت تبجي عبالها انت تحبها😂

اياد؛ يعني زينة، هههههههه🤣 يعني زينة معجبة بية ،الحمد لله الخطه نجحت وعرفت تحبني ،لج فدوة اروحلج انتي اليوم احجي وية بابا حتى اخطبها

اياد طار من الفرح من عرف زينة تحبه..
...................
((محل احمد))

عبير: صباح الخير احمد

احمد : هلا بيج تفضلي

عبير: شلونك ان شاءالله بخير؟

احمد: الحمد لله زين وانتي شلونج

عبير: الحمد لله ،احمد شنو كلت على الموضوع

احمد: شون يعني تكدرين تساعديني؟ وشنو المقابل بمساعدتج هاي؟

عبير: اول شي تبيع هذا المحل وفلوسة اشاركك بيهن واشاركك بمحل ثاني اكبر ويكون شراكه اني وياك، واجهزلك بضاعة كاملة اكثر من ٦ ملايين ملابس واحذية وجنط بس بشرط والشرط يرادلة كعدة واكلك شنو شروطي مقابل انقذك من هل ورطه ، وبس تقبل بشروطي راح ادز لصديقك كل الديون الي عليك

احمد: وشنو شروطج؟

عبير: مممم مراح احجي هسه لان اريد اطلع وياك لمول بغداد هم اريد اتونس وهم هناك نكعد واحجيلك بكلشي راح اعوفك هسه تفكر لان بدو يجون زبائن عليك بس صدكني مراح تخلص من ورطتك الا اني اساعدك وكتلك اني كل املاك ابوية بأسمي واملاك امي هم الية يعني ال ١٠ ملايين شي قليل بالنسبة الي اذا موافق عود اتصل بية .

احمد: يعني شركة ابوج مال صناعة المفروشات الج؟

عبير: اي اني البنت الوحيدة وابوية توفة والله يرحمه يعني كلشي يملكه الي صار ،يلا اني رايحه فكر بموضوع الكتلك عليه خووش ورجعلي خبر.

((بيت احمد))
رنيم: رجعت البيت و اول مدخلت جانت زينة منضفه وطابخه

زينة : هلا حبيبتي ، بسرررعة كوليلي حجيتي وية اياد

رنيم: اي حجيت وياه هسه انتي شيخصج 😏

زينة: شنو شيخصني شبيج تغيرتي ؟؟☹☹

رنيم: فتت من يمها ومجاوبتها ههههه لان ردت نسويها الها مفاجأة 😊

زينة: هاي شبيها ،اكيد يحب هاي سوزان ومرادت تحجيلي ،زينة راحت لغرفتها بسرعه ودموعها على خدها وتغطت جوة فراشها وهي تبجي ومسكتت