طلقها فعشقها ❤(مكتمله)

الحلقة ٢٩

رنيم/ تنفست نفس عمييق....

حسيت لساني توقف عن الكلام ...

ياسين/ ايي كولي بنتي لتستحين هاي حياتج

رنيم/ اني موافقة على حمزة😊

ريم/ ابتسمت ... والله ونعم الاختيار

ياسين/ لعد تردين نتصل بيهم

رنيم/ لاا بابا خليهم بعد 😂
---------------------------

احمد/ رجعت اتمشى وبأيدي الهدايا الي رفضتهن رنيم و گلبي صاير جمر هاهيه بعد ماكو أي امل عندي انو رنيم ترجعلي

اني واتمشى افكر وين راح اودي هاي الهدايا ... طبعا عبير متستاهل اوديهن الها هسه عبالها ميت عليهة

احسن شي اوديهن لزينة...وصلت لبيت زينة

دك باب بيتهم وطلعله اياد

اياد/ اهلاا احمد

احمد/ شلونك اياد...

اياد/ اهلا بيك تفضل....زززينة زززينة تعاالي

اياد/ يلا راح اخليكم على راحتكم

زينة/ دخلت ..وشافت اخوها بيدة اغراض... هلاا حبيبي شلونك

أحمد / الحمد لله انتِي شلونج شخبارج أبن اختي شلونه خوما معذبج

زينة/ بعد طالع على خاله احمد اكيد معذبني 😂😂😂

أحمد / رحم الله والديج 😅

المهم هاي شوية هدايا جبتهن الج واعذريني ادري بنفسي مقصر وياج بس انتِي تعرفين وضعي

زينة / حبيبي الله يحفظك الي مقصرت الله يفرحك بأصيل ويرزقك أخوان اله

أحمد/ ان شاءالله يارب...

زينة/ شبيك حمودي مبين عليك ضايج احجيلي شبيك

أحمد/ والله يااختي ماعرف شكلج بس مطايق روحي هل ايام

زينة/ علمود سالفتك وية رنيم

احمد/ اي والله ... اني أيست انو ترجعلي

زينة/ احمدد شسوي بعد الي صار بالماضي صار وهي هم بصراحه حقها وانت هم ليش مطلكت عبير يمكن لو مطلك عبير جان قبلت ترجعلك

احمد/ المشكلة عبير عدها علاج وماكدر اعوفها بس زييينة اني من صدك احب رنيم والله العظيم مرات احس روحي اناني

بس والله اعشق رنيم اعشق التراب التمشي عليه حرت وياها شلون ارجعها بس هي قفلت عليه مرات اكول يمكن هذا دلع او زعل لان هي هيج جانت تتدلع من تزعل مني بس هسة ماعرف

زينة/ احمددد هاهية اتقبل الامر الواقع رنيم ح تتزوج

احمد/ شتقبل الامر الواقع والله گلبي محترك حرك عليها مداكدر اتخيلها ويه هذاك السافل بس حتى لو قبلت بي وتزوجته راح اخرب حياتهم واخذ ابني يمي انحرمت منها ماخليها تحرمني من ابني