طلقها فعشقها ❤(مكتمله)

الحلقة ١٢

ريم__ كملت دورات الحاسوب وقوت علاقتي بأستاذ أمجد يعني صرنة مثل الاصدقاء هيج شيي،

والاجواء هل أيام تجنن شتاء ومطر يعني الدوام بالشتاء يجنن بالنسبة الي واستاذ امجد دائما يحجي وياية بالكلية وبقة يدرس بالجامعة مالتنه واني سجلت بدورات المستوى الثاني(مستوى متوسط)

___________________

جنت اتمشى بالجامعة ووياية صديقتي عذراء وشافني استاذ امجد

أمجد// تقرب من يمي شوية وكال.... صباح الخير

ريم// صباح النور استاذ

أمجد// ريم ممكن بس احجي وياج...

عذراء// اني اترخص ، ريم عود تعالي بالكافتريا كاعدة اني

ريم// اوكي ... تفضل استاذ

أمجد// ارتبك شوية .... ريم ممكن نكعد بمكان نحجي شوية عادي لو عندج محاظرة

ريم// باوعت للساعة ... لا استاذ محاظرتي بعد شيي ٤٠ دقيقة يلا تبدي هسه عندي ريست

أمجد//اي زين لعد اذا مو مشغوله عادي نكعد برة الكافتريا

ريم//أوكي استاذ عادي

__________________

ريم__ تمشينة اني ويا وكعدنة برة الكافتريا على المصطبات وعادي ضلينة نسولف سوالف عادية وعلى الدراسة

أمجد// ريم سؤال ولوو مالي حق اسئل هيج سؤال

ريم// لا عادي استاذ كول

أمجد//ريم انتييي... يعنننيي ...ئئه شوون اكلج....

ريم//كوول استاذ

أمجد//يي ردت اكلج... يعني.... انتي مرتبطة ...لاتفهميني غلط .... بس اقصد انتي يعني مخطوبة حاجين بيج عالم .... كاطعه مهرر هيج قصدي

ريم//ليش هل سؤال؟؟

أمجد// لا والله هيج مو قصدي اي شي .. انسي اعتبريني محجيت شي

ريم// سكتت للحظة وراها بكل هدوء جاوبته.... لا استاذ اني لا مرتبطة ولا مخطوبة ولا متزوجة

أمجد// اهااا اسف خاف سؤالي زعجج!

ريم// لا عادي زين وانت متزوج!!

أمجد// انيي ...هههه.. لا والله امي هواية حاولت تزوجني قبل بس ماكو وحده عجبتني ... يعني بصراحة اكثر البنات الاشوفهن كلهن متشابهات بالشكل ومتشابهات بالتصرفات اني احب اتزوج وحده على طبيعتها ومتشبه اي بنية

ريم// اهاا ان شاءالله تلكه هيج وحده

أمجد// ان شاءالله وهو يباوع عليها بكل اعجاب شلون تحجي بكل هدوء وشلون نازكة وحبابة وخلوقه

ريم// يلا استاذ اني اتاخرت على صديقتي

أمجد// تمام اخذي راحتج