طلقها فعشقها ❤(مكتمله)

الحلقة٢٧

حمزة/ كعد كبالها وعيونه بعيونها رنيم بصراحه اني......

‏مليّان العالم بأشياء جميلة أوّلها عيونها 😍🤤🤍،

رنيم/ صفنت عليه يريد يحجي ويسكت..

يي كول ليش تسكت؟؟

حمزة/ رنيم اريد اتقدملج على سنه الله ورسولة...

رنيم/ ضليت ساكته احس عجزت عن الكلام اول مرة بحياتي انحط بهيج موقف... كلش خجلت وارتبكت ضليت اطكطك باصابيعي

حمزة/ رنيم ادري فاجئتج بالموضوع بس اني هيج انسان صريح ماحب اكذب عليج اني حبيتج واريد اكمل حياتي وياج بالحلال مرايد منج لا علاقة ولا اي شي رايدج بالحلال وبس

رنيم/ اذا انت رايدني بالحلال راح انطيك رقم ابوية وبيتنه تندلة تكدر تتصل ب ابوية

حمزة/ ايي ايي هذا يوم السعد... جر ورقه ملاحظات قلم بأيدة ..يي ردي الرقم

رنيم/ انطيته رقم ابوية وضحكته على وجهه 😁

حمزة/ ايي يلا رجعي لشغلج هسه وشكرا ع الرقم ست

رنيم/ هههههه اوكي اترخص
__________________________________________

احمد/ كاعد بشغلي وتفكيري وعقلي كله يم رنيم ياربييي شلون راح تنحل سالفتي

من جهه عبير يتيمه وهم ماكدر اعوفها بعد هذا وضعها ومن جهه گلبي يريد رنيم وابني

عقلي مشوش وحاير شلووون يااربي ، كملت شغلي رجعت للبيت بسرعه حتى اودي عبير للدكتورة اليوم موعدها..

عبير/ جانت لابسة دشداشه عادية ووجها تعبان كوة تمشي

_ها حبيبي

احمد/ شلون صرتي شربتي دواج؟

عبير/ اي شربت دواية بس شوية جوعانه

احمد/ تعاالي كعدي ... لزم ايدها وكعدها.. شوفي هسه راح اروح اجيب اكل وارجع زين طبي غسلي وبدلي ملابسج وجهج تعبان مااعرفج هيج اني

وين راحت عبير الي تحط ماسكات والي تهتم بروحها وبشرتها والي كل شوية تغير لبسها يلاا رجعي هيج

واريد منج تكومين تغسلين وتلتجأين لرب العالمين لازم تبدين تصلين حتى الله يوكف وياج ويسمع دعائج وان شاءالله يوم من الايام يستجيب دعائج ويصير عندج طفل

عبير/ تمامم حبيبي ... فدوة لكلامك الي يشجعني .. يلا كايمه

احمد/ طلع احمد راح شاف كوزمتك فات اشترالها شوية مكياج وماسكات ( حتى تتغير نفسيتها) لان تحب المكياج

رجع للسيارة خلة الغراض بالسيارة وراح لمطعم اخذ غدا ودجاجه مشوية للعشا

رجع للبيت...

احمد_ خلة الاكل بالمطبخ واخذ علاكة الماسكات والمكياج وفات لعبير شافها غاسلة الخاولي بعده براسها ولابسة دشداشة سودة