طلقها فعشقها ❤(مكتمله)

الحلقة٢١

سؤال / انتو الي تدرسون بالجامعات هم قسمكم خبلوكم بالتقارير لو بس اني🤦🏻‍♀️🤦🏻‍♀️🤦🏻‍♀️

استمتعو 👇👇 واهم شي تعليقاتكم والتصويت

احمد 📲 شنووووو.... شوووكت وشلووون وليشش اني مادري

ابو احمد 📲 صار كلشي بسرعة واكيد هم من حقهم ميردون يشوفوك بعد سواد وجهك وية بتهم

احمد📲 اي صح يااابة بس اني ردت بس اشوف رنيم حتى لو من بعيد

ابو احمد 📲 اصلا رنيم ما أجتي وهم من حقها البنية شون تدخل بيت طليقها

احمد 📲 اي صحيح يابة زين هم شلونهم

ابو احمد 📲 تعاال للبيت ونحجي ح تخلص رصيدي 😆

احمد 📲 حاضر يابة هسه عندي شغل باجر العصر اجيكم
___________________________________

((ثاني يوم))

عبير/ حبيبي صباح الخيررر

احمد/ صباح النور، اكلج ترة اليوم ورة الدوام اروح لبيت اهلي زين

عبير/ تمام حبيبي بس لتتاخر عليه

احمد/ حترحين للمحل اليوم؟

عبير/ لا حبيبي ان شاءالله عكب باجر توصل البضاعه الجديدة واروح

احمد/ تمام يلا رايح مع السلامه
______________________________________

رنيم/ صباح الخير

حمزة / صباح النور شلونج اليوم

رنيم/ الحمد لله زينة

حمزة/ تفضلي ، بأبتسامه خفيفية .. شنو تشربين قبل منبدي واذا ممتريكه نتريك ونبدي بالشغل بعدين

رنيم/ لاا شكرا اني متريكه

حمزة/ لعد راح اخليهم يجيبولج جاي

رنيم/ لا ماحب الجاي هواية

حمزة /گهوة عصير اي شي جاملينه 😁

رنيم/ ههه اوكي اريد عصير

حمزة/ تمام .. عاد تعذريني اني ممرتيك وراح اكل هنا

رنيم/ عاددي اخذ راحتك

حمزة/ ايي هسة وكت الحلاوة ياعيني اذا مو اكل فلا اصحصح

رنيم/ ممم زين عادي اكول شي

حمزة/ كولي عيني بلا هل رسميات بعد ح تشوفيني كل يوم كبالج بعد صار شغلنه سوة

رنيم/ يعني انت دائما تتريك هناا .. شنو ليش زوجتك متسويلك ريوك الصبح

حمزة/ زوجتي هههههههههههههههه ، خليها حسرة بالگلب

رنيم/ هنا سكتت يعني معقولة ولا مرة سوتلة ريوك الصبح ، كلت بگلبي اخ يحظي يمكن جنت هواية فطيرة من اكعد قبل احمد اسويلة ريوك تاليها مكعد حظي