طلقها فعشقها ❤(مكتمله)

الحلقة ١٥

النشر يكون بعد ميوصل هل بارت ٥٠ تصويت
مثل البارت السابق

ريم/ شنووووو ؟؟ لاااابربج لتكوليييها؟؟؟ يربييي

عذراء/ اي الطلاب كلها كالت تعين وراح يجينه

ريم/ خرب حظي خرررب حظي هاي ح يضل يلح وياية ويفشلني حتى بموادي

عذراء/ زين هو ليش هيج عيط عليج اليوم شنو السبب؟ شمسوية؟

ريم/ والله العظيم ممسوية شي اصلا قبل مااغيب جان كلش حباب ويحجي وياية ، شنو معقولة بس تعين صار حقير

عذراء(بداخلها مشمته وحاقدة وغيرانه من ريم)😆😆

_يلا لتضوجين شربي العصير هسه وخلي نرجع عدنة محاظرة الاخيرة بعد ربع ساعه.

ريم// كملت محاظراتي ورجعت البيت واني مقهورة ، اني ابوية ميعيط عليه يجي هذا الغريب يعيط عليه هيج.

رنيم// رييمة تعاالي شووفي اصيل شون حلو طالع بهل لبس

ريم// ركضت على اصيل وشلتة وضميته بقلبي احس بس هل مخلوق الي من اشوفه ترتاح نفسيتي.

رنيم/ اصيل حبيبي شوف خالتك شكد مشتاقتلك وجتي حظنتك اول مطبت

ريم/ اي والله كلش اشتاقيتلة... شوو .. افف اففف شنو هاي ولك

رنيم/ هههههههه لتحجين عليه يلا روحي بدلي لما اغيرلة الحفاظة

ريم/ ولك اصيييلووو بدل وهسه جايتك عمرييي نونو

_ دخلت غرفتي وراها اخذت ملابس طبيت سبحت نزلت جوة اشوف امي شمسوية اكل

جانت امي مسوية تمن و مسوية كبة لبنانيه يسموها دبابة ومسوية منسف (منسف يعني تشريب وبي لبن الي ممجربة عمره خسارة )

ماكلكم من الضوجة هجمت عل اكل وكعدت بالكاع وتربعت وخليت جدرية التمن بحضني

الاء/ ههههه ولج ريم شنو هل كعدة؟

ريم/ شوو اشووف نزلي الجدرية الي بايدج

الاء/ هاج هاي سويت بامية اليوم وليهسه ممتغدين لان ابراهيم مجاي من الشغل والجهال اكلو بيض ومرادو بعد

ريم/ اكلج الاء شوكت راح تجيبين؟

الاء/ بعدلي شهرين بالضبط ، ليش متشوقه اجيب

ريم/ اي والله الاطفال يريحون نفسيتي.

الاء/ يعني راح تحبين ابني الجديد لو بس تحبين اصيل

ريم/ لا شنو هل حجي، اكيد احبه هذا ابن الغالي اخوية ابراهيم

(حسيت بيها غيرانه من رنيم ومن ابنها لان ابوية وامي كلش مهتمين بيها من حملت لحد هسه مهتمين ب رنيم، احاول اوخر شوية من غيرتها )

الاء/ كلش فرحت من كلام ريم واخيرا اكو احد اهتملي واهتم ل أبني
___________________________

رباب/ زيينة زييينة تعالليي