قاعدين كلهم تحت...ابوها جا خاشي وناداها للغرفه حقتو...بقي بكورك فيها وهي ما عارفه لشنو...فضلت ساكته وبتعاين للأرض...هو بكورك فيها بصوت عالي وفيه شويه حده وعصبيه .
سالتو بصوت مبحبوح: عملت شنو انا؟ .
بعصبيه: وكمان ما عارفه عملتي شنو؟ مادلين انتي شكلك عايزاني ارجع اضربك واحبسك في البيت...خليك عاقله .
_ بس انا عملت شنو؟
مسكها من يدها بقوه: عارفك مشيتي مع آيلا عرس صحبتها ومن غير ما تكلميني...مادلين انا بحاول ابقى معاك كويس لكن انتي براك ما عايزه كدا .
فكي يدها واداها كف ومرق...مسكت خدها وبقت تبكي...غمضت عيونها بألم لانو عينها اليمين بتوجعها...غسلت وشها ونزلت تحت...شالت تلفونها وختت طرحتها في كتفها ومشت ناس آيلا متجاهله ندا امها ليها...دقت الباب ودخلت لقت البيت مضلم...طلعت غرفتها لقتها ماف قلعت طرحتها وختت التلفون في السرير ونزلت تحت...حامت البيت كلو ما لقت زول فيه...
طلعت الحديقه لقتهم قاعدين وبتونسو...ابتسمت ومشت سلمت عليهم...وقعدت...رغم أنها قاعده معاهم لكن كانت حاسه بوحده قاتله...أيان ملاحظ ليها انها ما كويسه وعينها اليمين وارمه...مسح وشو بيدينو وقام مسكها من يدها ودخل بيها جوا .
_ مادلين احكي لي مالك؟
_ ماف شي..
قاطعها: ما تكذبي يا مادلين .
حكت لي لما ابوها ضربها...فضلت خاته وشها بين يدينها وبتبكي...هو عارف معامله ابوها ليها بس ما في يدو يعمل شي غير يتكلم وبس...فضل يهدي فيها لحدي ما نامت في حضنو...شالها ومشى بيها غرفه آيلا ونزل تحت قال ليها اطلعي ليها...آيلا طلعت فوق لقتها راقده وعلامات الضرب ظاهره على يدها ووشها...قعدت في الكرسي لحدي ما نامت...
_____________________________________
قاعد في المكتب وقدامو في اوارق كتيره...ليه اسبوع ما نام ولا اكل زي الناس...من المكتب لي المحكمة...كان حاسي الدنيا خلاص أبوابها كلها قفلت في وشو ما عارف يتصروف كيف...هو اتخرج ومسك شغل اخو وابو...كان كتير وعلي ديون كتيره...
ختي راسو في الطربيزه وغطي في نوم عميق .
#Falsh-back
في بيت سامر الساعه ١٠م .
قاعدين وكالعادة قدامهم ملفات كتيره...تلفونو كان بضرب كتير بس ما برد لما زهج منو ردا .
_ مارون .
_ اها يا نبيل .
_ ما عايزك تخاف سددو القرض .
_ السددو منو؟
_ عمك .
_ عندي تلاته اعمام اي واحد فيهم؟
