طلع فوق بسرعه وبقي بعاين ليها وهي طالعه فوق للكنبه..
_ في شنو؟
_ في فاره .
سكت مسافه حتى فكى ليك ضحكه بقى يضحك بصوت عالي لانو نبره صوتها كانت بتضحك...قعد في الكنبه وهو لسه بضحك .
بقت تضرب فيو: هسي في شي بضحك .
لسه بضحك: يعني الكواريك دي كلها عشان فاره صغيره .
_ خلاص اسكت .
كان بعاين ليها ولسه بضحك...تاني في شي لمس رجلها مسكت في كتفو ورفعت رجولها في الكنبه وقالت: في فاره والله .
كان بضحك على شكلها وكيف هي ماسكه فيه...فجأة الكهرباء جات...كانت بتتكلم وهو بعاين ليها بس...ما كان عايز يشيل عيونو منها...
زحت منو: اسفه .
اكتفي بي ابتسامه بس...كان طالع وهي قالت: سوقني معاك .
_ نازل اجيب اكل .
_ ما بعرف سوقني معاك .
ضحك: الفاره ما حتاكلك .
حمرت ليه: نمشي؟
_ ارح .
نزلو تحت ومشو الكفتريا حقت الشركه وما لقو اكل مطبوخ...كان في شويه بطاطس قالو يعملو .
_ اعمل القهوه انا بعمل البطاطس .
_ بالله انتي بتعرفي؟ .
_ قصدك شنو يعني؟
ضحك: ولا شي
كانت مدنقره في عين البوتجاز عشان تشوفها ولعت ولالا...وهي مدنقره فجأه النار ولعت...شهقت ورجعت ليه ورا وهو مسكها...كانت مغمضه عيونها وهو ممشى يدو على وشها وبقول: مريم مريم انتي كويسه....ما حصل ليك شي .
هزت رأسها بمعنى أنها كويسه...ابتسم ورجع قعد مكانو .
عملت الاكل وقعدو يأكلو بسكات...تلفونو ضرب عاين للرقم وكنسل...تاتي ضرب ما اشتغل بي كتير وتاني كنسل .
ضرب ومريم شالتو وردت: الو .
_ مارون انت وين؟
عاينت ليه واشرت ليه بيدها: هو مشغول .
_ انتي منو؟...ومارون وين؟.
_ في المكتب .
قلع منها التلفون وقال: انا في المكتب عندي شغل مهم .
_ لي هسي؟
_ اي يلا مع السلامه .
_ م...
قفل وختي التلفون في جيبو...
عاين ليها وقال: ليه عملتي كدا؟
_ صوت التلفون بوترني عشان كدا .
اكتفي بي ابتسامه...سمعو صوت حركه فوق...اتزكر في ملفات مهمه شديد...جرا فوق بسرعه وفتح المكتب وبقي يبعثر في الملفات لقي الملف العايزو وحمد الله انو موجود...ختي في الخزنه وقفلها .
![](https://img.wattpad.com/cover/231161634-288-k405349.jpg)