بهمس: مادلين قومي شكلو رجال ابوك ديل هنا قومي .
بنعاس: كويس كويس بعد شويه .
لما حسي انو أصوات الرجول بتقرب شالها وبقو مارقين...يدينو وجعتو وبقي ما قادر لانو مشى مسافه طويله وهي لسه نايمه .
_ نزلني .
نزلها: انتي ابيتي تصحى وهم كأنو حجو .
_ اسفه...نحنا وين؟
بسخافه: وانا العرفني شنو؟
_ خلاص ممكن ما تتساخف وخلينا نشوف لينا شي .
بهدوء: بطنك لسه بتوجعك؟ .
_ شويه بس .
رجع شعرو لورا: وانتي ما مأكله من إمبارح .
_ وحتى انت .
مسكها من يدها: طيب ارح نشوف لينا كشك ولا شي قريب من هنا .
كانت ماشه براحه لانو رجلها واجعاها...وصلو مكان كدا ناسو بسيطين وهادين...القريه كانت صغيره بس ناسها شبه كتار .
وقف ولد صغير: لو سمحت كبير القريه دي وين؟ .
جا راجل كبير في السن مشيب وقف قدامو: انا كبير القريه دي...عايز حاجه يا ولدي .
_ طيب ممكن نبعد من الناس .
_ تعال وجيب مرتك دي .
مارون ومادلين بقو بعاينو لي بعض باستغراب .
قعدو وجابو ليهم مويه وحكي ليو القصه كلها وانو هم هربانين .
صلح قعدو: شوف يا ولدي انت حتقعد هنا لحدي ما تلقى حاجه ترجعك بيتك...واعتبر الناس الهنا ديل اهلك...نحنا هنا كلنا واحد وما بنفرق بين زول...ولو احتجت اي شي انا قاعد...وحخلي يجيبو ليكم تغيرو هدومكم ويجيبو ليكم شي تأكلو .
بأس راسو: شكرا ليك بالجد ما بتقصر...ونحنا في اقرب وقت ممكن نطلع .
_ اعتبرنا اهلك يا ولدي...وبعدين مرتك دي مالها عامله كدا .
ضحك: يا عمي دي ما مرتي .
_ كيفن يعني ما مرتك؟ .
ضحكت: انا بت الراجل الخطفنا .
_ خير خير يا أولادي...يلا اخدو راحتكم .
ابتسمو ليه ومشى...جابو ليهم هدوم وغيرو وقعدو يأكلو .
_ مادلين انتي متأكده انك كويسه...يعني ماف شي بوجعك .
_ انا كويسه شديد وماف اي شي .
_ حمد الله...يا ربي بكون عندهم تلفونات .
_ كدي امشي شوف .
_ خلي بعدين .
دقو الباب وفتحو ليهم جوا تلاته نسوان خاشات وفي يدهم في هدوم بيضاء .
