السفاح العاشق

بارت 7

ﻭﻗﻒ ﺍﻟﻄﻮﺑﻴﺲ ﻭ ﻫﺒﻄﻮ ﺍﻟﻄﻠﺒﺔ ... ﺩﺍﺭﺕ ﺟﻮﻻﻥ ﻟﻜﻴﺖ ﻓﻮﺫﻧﻴﻬﺎ ﻭ ﺗﻮﺟﻬﺎﺕ ﻟﻠﺠﺎﻣﻌﺔ ... ﺩﺧﻼﺕ ﺩﻳﺮﻳﻜﺖ ﻟﻮﻣﻔﻲ ... ﻓﻮﻗﺖ ﺍﻟﺪﺭﺍﺳﺔ ﻣﻜﺘﻌﺮﻑ ﻻ ﻫﺎﺩﻱ ﻻ ﻫﺎﺩﺍ ... ﻛﺘﺤﻀﺮ ﻟﻲ ﻛﻮﺭ ﺩﻳﺎﻟﻬﺎ ﻭ ﺗﺨﺮﺝ ... ﻣﺪﺍﻳﺮﺓ ﺻﺤﺎﺑﺎﺕ ﻭ ﻻ ﺻﺤﺎﺏ ... ﻣﻦ ﻏﻴﺮ ﺻﺎﺣﺒﺘﻬﺎ ﻷﻧﺘﻴﻢ ﻭ ﺟﺎﺭﺗﻬﺎ ﻓﻨﻔﺲ ﺍﻟﻮﻗﺖ ﻭﺋﺎﻡ ...
ﺷﺪﺍﺕ ﺑﻼﺻﺘﻬﺎ ﻭ ﺟﺒﺪﺍﺕ ﻛﺘﻮﺑﻬﺎ ﻛﺘﺴﻨﺎ ﻟﺒﺮﻭﻑ ﻳﺪﺧﻞ ... ﺣﺴﺎﺕ ﺑﺸﻲ ﺣﺪ ﭼﻠﺲ ﺟﻨﺒﻬﺎ ... ﺗﻠﻔﺘﺎﺕ ﻭ ﻫﻲ ﺗﺨﺮﺝ ﻋﻨﻴﻬﺎ ﻓﻴﻪ ... ﺑﻘﺎﺕ ﻛﺘﺸﻮﻑ ﻓﻴﻪ ﺷﺤﺎﺍﺍﺍﻝ ... ﻭﻋﺎﺕ ﻋﻠﻰ ﺭﺍﺳﻬﺎ ﺷﻨﻮ ﺩﺍﺭﺕ ﻭ ﻫﻲ ﺩﻭﺭ ﺭﺍﺳﻬﺎ ﺩﻏﻴﺎ ﻛﺘﺸﻮﻑ ﻗﺪﺍﻣﻬﺎ ... ﺟﺒﺪﺍﺕ ﺍﻟﻔﻮﻥ ﻣﻦ ﺟﻴﺒﻬﺎ ﻭ ﺳﻴﻔﻄﺎﺕ ﻣﻴﺴﺎﺝ ﻟﻮﺋﺎﻡ ...
ﺟﻮﻻﻥ : 💬 ﻋﺮﻓﺘﻲ ﺷﻜﻮﻥ ﺟﺎﻟﺲ ﺣﺪﺍﻳﺎ ... ﺯﻫﻴﺮ ﺍﺑﻨﺖ ﺍﻟﻬﻢ ... ﺟﺎﻟﺲ ﻓﺎﻟﻜﺮﺳﻲ ﺍﻟﻲ ﺟﻨﺒﻲ ... ﻳﺎﻙ ﻫﻮ ﻋﻨﺪﻭ ﻟﻤﺎﺳﺘﺮ ﺷﻨﻮ ﻛﻴﺪﻳﺮ ﻋﻨﺪﻧﺎ ﻫﻨﺎ ... ﻧﺎﺭﻱ ﻛﻨﺸﻢ ﺭﻳﺤﺘﻮ ﺍﻟﺼﮕﻌﺔ ... ﻏﺰﺍﻟﺔ ﺑﺤﺎﻟﻮﻭﻭﻭ
ﻭﺋﺎﻡ ﻛﺎﻧﺖ ﻓﺎﻟﻜﻮﺯﻳﻨﺔ ﻛﺘﻐﺴﻞ ﻟﻤﺎﻋﻦ ... ﺳﻤﻌﺎﺕ ﺍﻟﻔﻮﻥ ﻣﺴﺤﺎﺕ ﻳﺪﻳﻬﺎ ﻭ ﻫﺰﺍﺗﻮ ﻗﺮﺍﺕ ﻟﻤﻴﺴﺎﺝ ﻛﻀﺤﻚ ﻋﻠﻴﻬﺎ ... ﻭ ﺟﺎﻭﺑﺎﺗﻬﺎ ...
ﻭﺋﺎﻡ : 💬 ﺯﻫﻴﺮ ﺣﺒﻴﺒﻚ ﺟﺎﻟﺲ ﺣﺪﺍﺍﻙ ﻫﻬﻪ ... ﻭ ﺑﺎﻟﻲ ﺍﺻﺎﺣﺒﺘﻲ ﺁﺵ ﻛﺘﺴﻨﺎﻱ ... ﻫﺎﺩﻱ ﻓﺮﺻﺔ ﻻ ﺗﻌﻮﺽ ... ﻫﺎﻧﺘﻲ ﻫﺎﻩ ... ﻣﺪ ﻳﺪﻙ ﺣﺮﻛﻴﻪ ﺣﺘﺎ ﻳﺸﻮﻑ ﻓﻴﻚ ... ﻭ ﻗﻮﻟﻲ ﻟﻴﻪ ... ﺳﻤﺢ ﻟﻴﺎ ﻋﻨﺪﻱ ﺍﻋﺘﺮﺍﻑ ﻟﻴﻚ ... ﺧﻮﻳﺎ ﺯﻫﻴﺮ ﺍﻧﺎ ﻛﻨﺒﻐﻴﻚ ﻭ ﻧﻤﻮﺕ ﻋﻠﻴﻚ ... 3 ﺳﻨﻴﻦ ﻫﺎﺩﻱ ﻭ ﺍﻧﺎ ﻣﺸﺮﻭﻃﺔ ﻓﻴﻚ ... ﻭﻗﺘﻤﺎ ﺷﻔﺘﻚ ﻛﻨﺴﻬﺎ ﻓﺠﻤﺎﻟﻚ ﺍﻟﺮﺑﺎﻧﻲ ... ﻟﻌﺎﺭ ﻟﻤﺎ ﺗﺼﺎﺣﺐ ﻣﻌﻴﺎ ﻫﻬﻬﻪ
ﺟﻮﻻﻥ ﻭﺻﻠﻬﺎ ﻟﻤﻴﺴﺎﺝ ﻗﺮﺍﺗﻮ ﻭ ﻫﻲ ﻃﻠﻊ ﻟﻴﻬﺎ ﺍﻟﻘﻨﺪﻳﺸﺔ ﺟﻮﺑﺎﺗﻬﺎ ﻓﺎﻟﺤﻴﻦ ...
ﺟﻮﻻﻥ : 💬 ﺑﺎﻏﺔ ﻧﺪﻋﻲ ﻓﻴﻚ ﻭ ﻧﻐﺮﻕ ﻟﻴﻚ ﻭ ﻟﻜﻦ ﺣﺘﺎ ﺗﻜﻮﻧﻲ ﺣﺪﺍﻳﺎ ... ﺩﺍﺑﺔ ﺧﻔﺖ ﺗﺨﺮﺝ ﺷﻲ ﺣﺎﺟﺔ ﻣﻦ ﻓﻤﻲ ﻭ ﻧﺘﺸﻮﻩ ﻣﻊ ﺍﻟﺪﺭﻱ ... ﻛﺘﻔﻼﻱ ﻋﻠﻴﺎ ﻟﻤﻚ ... ﺣﺘﺎ ﺑﺎﻗﻲ ﻧﻌﺎﻭﺩ ﻟﻴﻚ ﺷﻲ ﺣﺎﺟﺔ ... ﺃﺗﻔﻮﻭﻭ ﻋﻠﻴﻚ
ﺩﺍﺭﺕ ﺟﻮﻻﻥ ﻟﻔﻮﻥ ﺳﻴﻠﻮﻧﺺ ﻭ ﺧﺸﺎﺗﻮ ﻓﺠﻴﺒﻬﺎ ... ﺗﻠﻔﺘﺎﺕ ﺑﺸﻮﻳﺔ ﺑﻼﻣﺎ ﺗﻌﻴﻖ ﻭ ﻫﻲ ﺗﻠﻘﺎﻩ ﻃﺎﺭ ... ﺩﺍﺭﺕ ﻛﻠﻬﺎ ﺑﺎﻥ ﻟﻴﻬﺎ ﺯﻫﻴﺮ ﻭﺍﻗﻒ ﻣﻊ ﻟﺒﺮﻭﻑ ﻛﻴﻬﻀﺮ ﻣﻌﺎﻩ ... ﺷﻮﻳﺔ ﺳﻠﻢ ﻋﻠﻴﻪ ﻭ ﺧﺮﺝ ... ﺑﻘﺎﺕ ﻣﺘﺒﻌﺔ ﻟﻴﻪ ﻟﻌﻴﻦ ﺣﺘﺎ ﻏﺒﺮ ... ﺭﺟﻌﺎﺕ ﻛﺘﺸﻮﻑ ﻗﺪﺍﻣﻬﺎ ﻭ ﻋﻘﻠﻬﺎ ﻣﻌﺎﻩ ... ﻏﻴﺮ ﺑﺪﺍ ﺍﻟﺪﺭﺱ ﺳﺎﺳﺖ ﻛﻠﺸﻲ ﻭ ﺭﺟﻌﺎﺕ ﻣﺮﻛﺰﺓ ...
🍂🍂🍂🍂🍂 ؛
ﻓﻲ ﻣﻜﺘﺐ ﺿﺨﻢ ﻷﺣﺪ ﺃﻛﺒﺮ ﺍﻟﺸﺮﻛﺎﺕ ﻓﻤﺠﺎﻝ ﺍﻟﺘﺮﻓﻴﻪ ... ﻣﻜﺘﺐ ﺷﺎﺳﻊ ﻋﻤﻠﻲ ﻏﺎﻟﺒﻴﻦ ﻋﻠﻴﻪ ﺍﻷﻟﻮﺍﻥ ﺍﻟﻐﺎﻣﻘﺔ ... ﺍﻟﺠﻮ ﻓﻴﻪ ﺑﺎﺭﺩ ﻧﻮﻋﺎ ﻣﺎ ... ﺗﺤﻞ ﻟﺒﺎﺏ ﻭ ﺩﺧﻞ ﺭﺟﻞ ﻓﺄﻭﺍﺧﺮ ﺍﻟﺜﻼﺛﻴﻨﻴﺎﺕ ... ﻫﺎﺯ ﻣﻌﺎﻩ ﻣﻠﻒ ﻓﻴﺪﻭ ... ﺷﺎﻑ ﺍﻟﻜﺮﺳﻲ ﺧﺎﻭﻱ ﻭ ﺩﻭﺭ ﻋﻨﻴﻪ ... ﺣﺘﺎ ﻛﻴﺒﺎﻥ ﻟﻴﻪ ﺟﺎﻟﺲ ﻓﺎﻟﺼﻮﻓﺔ ﻭ ﻫﺎﺯ ﻃﺎﺑﻠﻴﺖ ﻓﻴﺪﻭ ... ﻗﺮﺏ ﺑﺸﻮﻳﺔ ﻭ ﻫﻀﺮ ﺑﺤﺪﺭ ...
ﺍﻟﻤﺎﻧﺪﺟﺮ : ﻣﻮﺳﻴﻮ ﺍﻟﻌﺜﻤﺎﻧﻲ ... ﺟﺒﺖ ﻟﻴﻚ ﺩﺍﻛﺸﻲ ﺍﻟﻲ ﻭﺻﺘﻴﻨﻲ ﻋﻠﻴﻪ
ﻫﺰ ﺭﺍﺳﻮ ﺷﺎﻑ ﻓﺎﻟﻤﺎﻧﺪﺟﺮ ﻭ ﺭﺟﻊ ﻛﻴﺸﻮﻑ ﻓﺎﻟﻄﺎﺑﻠﻴﺖ ...
........ : ﺣﻄﻮ ﻓﻮﻕ ﺍﻟﻤﻜﺘﺐ
ﺍﻟﻤﺎﻧﺪﺟﺮ : ﺍﻭﻛﻲ ﻣﻮﺳﻴﻮ
ﻣﺸﺎ ﺣﻂ ﺍﻟﻤﻠﻒ ﻭ ﺿﺎﺭ ﺧﺎﺭﺝ ﺑﻜﻞ ﻫﺪﻭﺀ ... ﻛﻴﻒ ﺣﻞ ﻟﺒﺎﺏ ﻭ ﻫﻮ ﻳﺘﺼﺎﺩﻑ ﻣﻊ ﺳﻨﻤﺎﺭ ...
ﺳﻨﻤﺎﺭ : ﺑﻬﺎﺀ ﺗﻜﻠﻢ ﻟﻴﻬﻢ ... ﺑﻐﺎﻭﻙ ﻓﺎﻻﺳﺘﻮﺩﻳﻮ ... ﺧﻠﻴﺖ ﺍﻟﻘﺮﺑﺎﻟﺔ ﻧﺎﻳﻀﺔ ﺗﻤﺎﻙ
ﺑﻬﺎﺀ : " ﺩﻭﺯ ﻳﺪﻭ ﻋﻠﻰ ﻭﺟﻬﻮ " ﺇﻟﻴﺎﺱ ﻋﻮﺗﺎﻧﻲ
ﺳﻨﻤﺎﺭ : " ﻛﻴﻀﺤﻚ " ﺑﺎﺵ ﻋﺮﻓﺘﻲ ﻫﻮ ﻫﻬﻪ
ﺑﻬﺎﺀ : ﺷﻜﻮﻥ ﻣﻦ ﻏﻴﺮﻭ ... ﻫﺎﺩ ﺍﻟﻤﺮﺓ ﻏﻨﻮﺻﻠﻬﺎ ﻟﻠﻤﺪﻳﺮ
ﺳﻨﻤﺎﺭ : ﻭﺍﺵ ﺍﺳﺤﺎﺏ ﻟﻴﻚ ﻫﺎﺩﺷﻲ ﻣﻜﻴﻮﺻﻠﺶ ﻟﻴﻪ ... ﺭﺍﻩ ﺣﺘﺎ ﻫﻮ ﻣﻴﻚ ﻋﻠﻴﻪ ... ﺣﺘﺎ ﻧﻬﺎﺭ ﻳﻄﻠﻊ ﻟﻴﻪ ﺍﻟﺪﻡ ﻭ ﻳﺠﺮﻱ ﻋﻠﻴﻨﺎ ﻛﺎﻣﻠﻴﻦ ﻫﻬﻪ
ﺑﻬﺎﺀ : ﻧﻤﺸﻲ ﻧﺸﻮﻓﻮ ﻗﺒﻞ ﻣﺎ ﻳﺼﺪﻕ ﻣﻬﺮﺱ ﻟﻴﻨﺎ ﻟﻤﺘﺮﻳﺎﻝ ﻋﻮﺗﺎﻧﻲ
ﻣﺸﺎ ﺑﻬﺎﺀ ﻛﻴﺰﺭﺏ ﻓﺨﻄﺎﻭﻳﻪ ... ﺩﻓﻊ ﺳﻨﻤﺎﺭ ﻟﺒﺎﺏ ﻭ ﺩﺧﻞ ﻟﻠﻤﻜﺘﺐ ... ﺍﺗﺎﺟﻪ ﻟﻌﻨﺪﻭ ﻭ ﻭﻗﻒ ﻣﺮﺑﻊ ﻳﺪﻳﻪ ...
ﺳﻨﻤﺎﺭ : ﺭﺋﺒﺎﻝ ... ﺯﻋﻤﺎ ﻣﻮﺳﻴﻮ ﺍﻟﻌﺜﻤﺎﻧﻲ ﻫﻬﻪ
ﺭﺋﺒﺎﻝ : " ﺣﻂ ﻃﺎﺑﻠﻴﺖ ﻭ ﻭﻗﻒ ﺗﻘﺎﺑﻞ ﻣﻌﺎﻩ " ﺧﺎﺻﺎﻙ ﺷﻲ ﺣﺎﺟﺔ ؟
ﺳﻨﻤﺎﺭ : ﺟﻴﺖ ﻏﺎﻧﺸﻮﻓﻚ ... ﺗﻮﺣﺸﺘﻚ ﺍﻟﺼﺮﺍﺣﺔ ... ﻳﻮﻣﻴﻦ ﻫﺎﺩﻱ ﻭ ﻧﺘﺎ ﻏﺎﺑﺮ ﻋﻠﻴﻨﺎ
ﺭﺋﺒﺎﻝ : ﺷﻨﻮ ﻭﺍﻗﻊ ﻣﻊ ﺇﻟﻴﺎﺱ ؟
ﺳﻨﻤﺎﺭ : " ﺣﻂ ﻳﺪﻭ ﻋﻠﻰ ﻛﺘﻔﻮ " ﻣﺮﺓ ﻣﺮﺓ ﻛﺘﺠﻴﻪ ﺩﻳﻚ ﺍﻟﻲ ﻣﻜﺘﻌﻠﻤﺶ ... ﺧﻠﻴﺘﻮ ﻣﻨﻮﺿﻬﺎ ﻣﻊ ﺍﻟﻤﺼﻮﺭ ... ﻛﻦ ﺑﻘﻴﺖ ﺣﺪﺍﻫﻢ ﻏﻨﺠﻤﻌﻬﻢ ﺑﺠﻮﺝ ... ﺷﻨﻮ ﺑﺎﻥ ﻟﻴﻚ ﻧﻤﺸﻴﻮ ﻧﺘﻐﺪﺍﻭ
ﺭﺋﺒﺎﻝ : ﻋﻴﻂ ﻟﻴﻪ ﻳﻤﺸﻲ ﻣﻌﻨﺎ
ﺳﻨﻤﺎﺭ : ﺯﻋﻤﺎ ﺑﻐﻴﻨﺎ ﺍﻟﻬﺪﻭﺀ " ﺟﺒﺪ ﻟﻔﻮﻥ " ﻣﺎﻋﺮﻓﺘﺶ ﻛﻴﻔﺎﺵ ﺣﺘﺎ ﺻﺎﺑﺮ ﻟﻴﻪ ﻋﻠﻰ ﻫﺒﺎﻟﻮ ... ﻛﻦ ﺯﻳﺮﺗﻲ ﻣﻌﺎﻩ ﻣﻦ ﺍﻷﻭﻝ ... ﻏﻴﺪﻳﺮ ﻋﻘﻠﻮ ﻭ ﻳﺘﺒﺚ
ﺭﺋﺒﺎﻝ : " ﻗﺮﺏ ﻋﻨﺪﻭ ﻛﻴﺸﻮﻑ ﻓﻌﻨﻴﻪ ﺑﻨﻀﺮﺓ ﻏﺎﻣﻀﺔ " ﻧﻬﺎﺭ ﻳﺪﻳﺮ ﻋﻼﺵ ﻧﻴﺖ ... ﻏﻨﺠﺮﻱ ﻋﻠﻴﻪ ﻓﻤﺮﺓ ... ﺩﺍﺑﺔ ﻣﺨﻠﻴﻪ ﻋﻠﻰ ﺧﺎﻃﺮﻭ ﺣﻴﻨﺖ ﻛﻴﻠﻌﺐ ... ﻭ ﻟﻜﻦ ﻏﻴﺮ ﻳﻘﻮﺩﻫﺎ ﻳﻠﻘﺎ ﺭﺍﺳﻮ ﻋﻠﻰ ﺑﺮﺍ
ﺳﻨﻤﺎﺭ : ﻛﺘﻬﺪﺩ ﺑﻮﺍﺣﺪ ﻟﺒﺮﻭﺩ ﻛﻴﺨﻠﻊ ﻫﻬﻪ ... ﺷﺘﻲ ﺗﻬﻀﺮ ﻣﻌﺎﻩ ﻣﺮﺓ ﻭﺣﺪﺓ ﻳﺘﺠﺎﻣﻊ
ﺿﺎﺭ ﺭﺋﺒﺎﻝ ﻋﻄﺎﻩ ﺑﺎﻟﻈﻬﺮ ﻭ ﺍﺗﺎﺟﻪ ﻟﻠﻤﻜﺘﺐ ... ﻫﺰ ﺍﻟﭭﻴﺴﺖ ﻣﻦ ﻓﻮﻕ ﺍﻟﻜﺮﺳﻲ ﻭ ﻟﺒﺴﻬﺎ ﻋﻠﻰ ﺍﻟﺘﻴﺸﻮﺭﺕ ﻟﻜﺤﻞ ﺍﻟﻲ ﻻﺑﺲ ... ﺍﻟﺒﺪﻟﺔ ﻛﻠﻬﺎ ﻓﺎﻟﻠﻮﻥ ﺍﻷﺳﻮﺩ ﺣﺘﺎ ﺍﻟﺤﺬﺍﺀ ﺍﻟﻲ ﻛﻴﻠﻤﻊ ... ﺧﺮﺝ ﻭ ﺳﻨﻤﺎﺭ ﺗﺎﺑﻌﻮ ﻫﺎﺯ ﺍﻟﻔﻮﻥ ﻛﻴﻬﻀﺮ ﻣﻊ ﺇﻟﻴﺎﺱ ﻳﺨﻠﻂ ﻋﻠﻴﻬﻢ ... ﻫﺒﻄﻮ ﻓﺎﻟﻤﺼﻌﺪ ﻭ ﺧﺮﺟﻮ ﻣﻦ ﺍﻟﺸﺮﻛﺔ ...
ﺗﻮﺟﻬﻮ ﻟﺴﻴﺎﺭﺍﺗﻬﻢ ﻋﺎﺩ ﻏﻴﺮﻛﺒﻮ ﻭ ﻫﻮ ﻳﺨﺮﺝ ﺇﻟﻴﺎﺱ ... ﺷﻴﺮ ﻟﻴﻪ ﺳﻨﻤﺎﺭ ﻭ ﻃﻠﻊ ﻓﺴﻴﺎﺭﺗﻮ ... ﺗﺤﺮﻛﺎﺕ ﺳﻴﺎﺭﺓ ﺭﺋﺒﺎﻝ ﻣﻦ ﻭﺭﺍﻫﺎ ﺍﻟﻠﻮﻃﻮ ﺩﻳﺎﻝ ﺳﻨﻤﺎﺭ ﻋﺎﺩ ﺇﻟﻴﺎﺱ ﺗﺎﺑﻌﻬﻢ ﻣﻦ ﺍﻟﻠﻮﺭ ...
ﻭﺻﻠﻮ ﻟﺮﻳﺴﻄﻮ ﺣﻄﻮ ﺳﻴﺎﺭﺍﺗﻬﻢ ﻭ ﺗﻤﻮ ﺩﺍﺧﻠﻴﻦ ... ﺍﻷﻧﻈﺎﺭ ﺗﻮﺟﻬﺎﺕ ﻟﻴﻬﻢ ﺑﻄﺒﻴﻌﺔ ﺍﻟﺤﺎﻝ ... ﺳﻨﻤﺎﺭ ﻭ ﺇﻟﻴﺎﺱ ﻣﻌﺮﻭﻓﻴﻦ ﻋﻨﺪ ﺍﻟﻨﺎﺱ ... ﺧﺎﺻﺔ ﻣﻦ ﺟﻬﺔ ﺍﻟﺠﻨﺲ ﺍﻟﻠﻄﻴﻒ ... ﺩﺍﺧﻠﻴﻦ ﺑﺜﻼﺛﺔ ﻭ ﺗﻮﺟﻬﻮ ﻷﺣﺪ ﺍﻟﻄﺒﺎﻟﻲ ... ﻛﻼ ﭼﻠﺲ ﻓﺒﻼﺻﺘﻮ ﻭ ﺟﺎ ﺍﻟﻨﺎﺩﻝ ﻳﺎﺧﺪ ﻃﻠﺒﺎﺗﻬﻢ ...
ﻓﻲ ﻃﺒﻠﺔ ﻛﺎﻧﺖ ﻣﻘﺎﺑﻠﺔ ﻣﻌﺎﻫﻢ ﭼﺎﻟﺴﻴﻦ ﻣﺠﻤﻮﻋﺔ ﻣﻦ ﻟﺒﻨﺎﺕ ... ﻣﻦ ﻟﺒﺎﺳﻬﻢ ﺑﺎﻳﻦ ﻋﻠﻴﻬﻢ ﻣﻦ ﺍﻟﻄﺒﻘﺔ ﺍﻟﺮﺍﻗﻴﺔ ... ﻛﻴﻒ ﻟﺒﻘﻴﺔ ﺗﺒﻌﻮ ﻟﻴﻬﻢ ﺍﻟﻌﻴﻦ ﻭ ﻛﻴﻮﺷﻮﺷﻮ ﺑﻴﻨﺎﺗﻬﻢ ...
....... : ﺷﻔﺘﻮ ﺷﻜﻮﻥ ﺩﺧﻞ ؟
........ : ﺷﻔﺖ ﻳﺎ ﺧﺘﻲ ... ﻣﺎﺷﻲ ﻫﺪﺍﻙ ﺳﻨﻤﺎﺭ ﻭ ﺇﻟﻴﺎﺱ ﻋﺎﺭﺽ ﺍﻷﺯﻳﺎﺀ ﺻﺎﺣﺒﻮ !! ﻳﺎﺧﺘﻲ ﻛﻴﺒﺎﻧﻮ ﺣﺴﻦ ﻓﺎﻟﻮﺍﻗﻊ
........ : ﺍﻧﺎ ﻛﻴﺤﻤﻘﻨﻲ ﺳﻨﻤﺎﺭ ﻋﻨﻴﻪ ﻛﻴﻒ ﺷﻲ ﻣﺴﺘﺌﺬﺏ ... ﻋﻤﺮﻧﻲ ﺷﻔﺖ ﺑﺤﺎﻟﻬﻢ
........ : ﺣﺘﺎ ﺍﻟﻴﺎﺱ ﻏﺰﺍﻝ ﻭﺍﺧﺔ ﻣﻌﺮﻭﻑ ﻋﻠﻴﻪ ﺿﺎﺳﺮ
......... : ﻣﺎﺷﻔﺘﻮﺵ ﺩﺍﻙ ﺍﻟﻲ ﻣﻌﺎﻫﻢ
.......... : ﺁﻩ ﺷﻜﻮﻥ ﻫﺪﺍﻙ ﻣﻌﺮﻓﺘﻮﺵ
......... : ﺣﺘﺎ ﺍﻧﺎ ﻣﻌﺮﻓﺘﻮﺵ ... ﻟﻜﻦ ﻗﻠﺒﻲ ﺣﺒﻮ ﻣﻦ ﺍﻟﻨﻀﺮﺓ ﺍﻷﻭﻟﻰ
......... : ﻛﻴﻔﺎﺵ ﺯﻋﻤﺔ ﻧﺒﻘﺎﻭ ﻧﺸﻮﻓﻮ ﻓﻴﻬﻢ ﻣﻦ ﺑﻌﻴﺪ ... ﺍﻧﺎ ﺑﻐﻴﺖ ﻧﺴﻠﻢ ﻋﻠﻴﻬﻢ ﻭ ﻧﺎﺧﺪ ﺗﻮﻗﻴﻊ
........ : ﺣﺘﺎ ﺍﻧﺎ ﺑﻐﻴﺖ ... ﻳﺎﻻﻩ ﻧﻤﺸﻴﻮ ﻏﻴﺮ ﺑﺠﻮﺟﺎﺕ ... ﻣﻨﺘﻼﺣﻮﺵ ﻋﻠﻴﻬﻢ ﻛﺎﻣﻠﻴﻦ
ﻭﻗﻔﻮ ﺟﻮﺝ ﻣﻦ ﻟﺒﻨﺎﺕ ﺍﻟﻲ ﭼﺎﻟﺴﻴﻦ ... ﻛﻞ ﻭﺣﺪﺓ ﻛﺘﻘﺎﺩ ﻓﺸﻌﺮﻫﺎ ﻭ ﻏﺎﺩﻳﻴﻦ ﺑﻤﺸﻴﺔ ﺃﻧﺜﻮﻳﺔ ... ﻭﻗﻔﻮ ﻋﻠﻰ ﺍﻟﺪﺭﺍﺭﻱ ﻭ ﺗﻜﻠﻤﺎﺕ ﻭﺣﺪﺓ ﻓﻴﻬﻢ ...
....... : ﺍﻟﺴﻼﻡ
ﺗﻠﻔﺖ ﻋﻨﺪﻫﻢ ﺳﻨﻤﺎﺭ ﺍﻟﻲ ﻛﺎﻥ ﻋﺎﻃﻲ ﺑﻈﻬﺮﻭ ... ﺷﺎﻓﺖ ﻓﻴﻪ ﺍﻟﺒﻨﺖ ﻭ ﻣﺪﺍﺕ ﻳﺪﻫﺎ ...
......... : ﺳﻤﺤﻮ ﻟﻴﻨﺎ ﻋﻠﻰ ﺍﻻﺯﻋﺎﺝ ... ﻣﻲ ﺑﻐﻴﺖ ﻏﻴﺮ ﻧﺴﻠﻢ ﻋﻠﻴﻚ ... ﺍﻧﺎ ﻣﻦ ﺍﻛﺒﺮ ﻣﻌﺠﺒﻴﻚ
ﺳﻨﻤﺎﺭ ﻋﻘﺪ ﺣﺠﺒﺎﻧﻮ ﻭ ﺿﺎﺭ ﻣﻌﺎﺟﺒﻮ ﺣﺎﻝ ... ﻳﺎﻻﻩ ﺑﻐﺎ ﻳﺪﻭﺭ ﻳﻐﺴﻠﻬﺎ ﻭ ﻫﻮ ﻳﺒﺎﻥ ﻟﻴﻪ ﺭﺋﺒﺎﻝ ﻛﻴﺸﻮﻑ ﻓﻴﻪ ... ﻓﻬﻢ ﻧﻀﺮﺍﺗﻮ ﻭ ﻣﺪ ﻟﻴﻬﺎ ﻳﺪﻭ ﺻﺎﻓﺤﻬﺎ ...
....... : " ﺑﻔﺮﺣﺔ " ﻣﻌﺎﺭﻓﺶ ﺷﺤﺎﻝ ﻓﺮﺣﺎﻧﺔ ﻓﺎﺵ ﺗﻼﻗﻴﺘﻚ ﻣﺒﺎﺷﺮﺓ " ﻣﺪﺍﺕ ﻟﻴﻪ ﻣﺬﻛﺮﺓ ﺻﻐﻴﺮﺓ ﻭ ﻗﻠﻢ " ﻣﻤﻜﻦ ﺗﻮﻗﻴﻌﻚ
ﺧﺪﺍﻩ ﻣﻦ ﻋﻨﺪﻫﺎ ﻭﻗﻊ ﻟﻴﻬﺎ ﻭ ﺩﺍﺭﺕ ﻧﻔﺲ ﺍﻟﺸﻲﺀ ﻣﻊ ﺇﻟﻴﺎﺱ ... ﺻﺎﺣﺒﺘﻬﺎ ﺑﻘﺎﺕ ﻛﺘﺸﻮﻑ ﻏﻴﺮ ﻓﺮﺋﺒﺎﻝ ﺍﻟﻲ ﺷﺎﺩ ﺍﻟﻔﻮﻥ ﺩﻳﺎﻟﻮ ... ﺑﻐﺎﺕ ﺗﺠﺮﻫﺎ ﻻﺧﺮﻯ ﻣﻨﻴﻦ ﻛﻤﻼﺕ ﻭ ﻫﻲ ﺗﺨﻄﻒ ﻟﻴﻬﺎ ﺍﻟﻤﺬﻛﺮﺓ ... ﻭ ﻣﺪﺍﺗﻬﺎ ﺟﻬﺔ ﺭﺋﺒﺎﻝ ...
....... : " ﻣﻤﻜﻦ ﺗﻮﻗﻴﻌﻚ
ﺟﻤﻊ ﺳﻨﻤﺎﺭ ﺍﻟﻮﻗﻔﺔ ﻭ ﺩﻓﻌﻬﺎ ﺑﺸﻮﻳﺔ ... ﻭ ﺩﺍﺭ ﻟﻴﻬﻢ ﺑﺮﺍﺳﻮ ﺯﻋﻤﺎ ﺳﻴﺮﻭ ... ﺩﻭﺯ ﻳﺪﻭ ﻋﻠﻰ ﺷﻌﺮﻭ ﻭ ﺟﻠﺲ ...
ﺍﻟﻴﺎﺱ : ﻋﻼﺵ ﻣﺎﺧﻠﺘﻴﻬﺎﺵ ﺗﺎﺧﺪ ﺗﻮﻗﻴﻌﻮ ﺣﺘﺎ ﻫﻮ ... ﺭﺍﻩ ﻫﻮ ﺍﻟﻜﻞ ﻓﻲ ﺍﻟﻜﻞ ﻫﻬﻬﻪ
ﺳﻨﻤﺎﺭ : ﺳﻜﺘﻨﺎ ﺑﻼ ﺗﻤﺮﺿﻴﻦ ﺩﻳﺎﻟﻚ ... ﺑﺎﺭﻛﺔ ﻏﻴﺮ ﻫﺎﺩﻭ ﺍﻟﻲ ﺩﻭﺧﻮﻧﻲ ﺑﺎﻟﻬﻀﺮﺓ
ﺑﻘﺎﻭ ﻛﻴﺸﻮﻓﻮ ﺑﺠﻮﺝ ﻓﺮﺋﺒﺎﻝ ﺍﻟﻲ ﻣﺎﻧﻄﻖ ﺑﺤﺘﺎ ﻛﻠﻤﺔ ... ﻣﺎﻋﺮﻓﻮﻩ ﻭﺍﺵ ﻣﻬﺪﻥ ﻭ ﻻ ﻃﺎﻟﻊ ﻟﻴﻪ ﺍﻟﺪﻡ ... ﻣﻼﻣﺢ ﻭﺟﻬﻮ ﻣﺎﻓﻴﻬﺎ ﺣﺘﺎ ﺗﻌﺒﻴﺮ ... ﺟﺎﺑﻮ ﻟﻴﻬﻢ ﺍﻷﻛﻞ ﻭ ﺗﻐﺪﺍﻭ ... ﻛﻴﻒ ﻛﻤﻠﻮ ﻭﺟﺒﺘﻬﻢ ﺭﺟﻌﻮ ﻟﻠﺸﺮﻛﺔ ...
🌸🌸 ﺧﺮﺟﺎﺕ ﻣﻦ ﻟﻔﺎﻙ ﻏﺎﺩﺓ ﻓﺎﻟﻄﺮﻳﻖ ... ﺧﺸﺎﺕ ﻳﺪﻫﺎ ﻓﺎﻟﺠﻴﺐ ﻭ ﺟﺒﺪﺍﺕ ﺍﻟﺼﺮﻑ ﺍﻟﻲ ﺑﻘﺎ ﻟﻴﻬﺎ ...
ﺟﻮﻻﻥ : ﻓﻄﺮﺕ ﺑﻤﺴﻤﻨﺔ ﻭ ﻓﺮﻣﺎﺟﺔ ﻭ ﻛﺎﺱ ﺩﻳﺎﻝ ﺍﺗﺎﻱ ... ﺑﻘﺎﺕ ﻟﻴﺎ 15 ﺩﺭﻫﻢ " ﺗﻨﻬﺪﺍﺕ " ﻏﻨﺎﺧﺪ ﺑﻴﻬﺎ ﺑﺎﻧﻴﻨﻲ ... ﻓﺎﺍﻙ ﻣﻐﺎﺩﻱ ﻳﺸﻴﻂ ﻟﻴﺎ ﻭﺍﻟﻮ
ﻏﺎﺩﺓ ﻛﺘﻬﻀﺮ ﻣﻊ ﺭﺍﺳﻬﺎ ﻭ ﻛﺘﺸﻮﻑ ﻓﺎﻟﺼﺮﻑ ﺍﻟﻲ ﻓﻴﺪﻫﺎ ... ﺣﺘﺎ ﺧﺮﺟﺎﺕ ﻓﺸﻲ ﺣﺪ ﻭ ﺗﺸﺘﺖ ﻟﻴﻬﺎ ﻛﻠﺸﻲ ﻓﻠﺮﺽ ... ﻫﺒﻄﺎﺕ ﻛﺘﺠﻤﻊ ﻓﻠﻔﻠﻮﺱ ﻭ ﺗﻌﺎﻳﺮ ... ﻛﻤﺸﺎﺗﻬﻢ ﻓﻴﺪﻫﺎ ﻭ ﻭﻗﻔﺎﺕ ﺑﻐﺎﺕ ﺗﺴﺐ ﻭ ﺗﻐﺮﻕ ... ﺣﺘﺎ ﻛﺘﻠﻘﺎﻩ ﻭﺍﻗﻒ ﻗﺪﺍﻣﻬﺎ ... ﺗﺒﻠﻌﺎﺕ ﻟﻴﻬﺎ ﻟﻬﻀﺮﺓ ﻭ ﺑﻘﺎﺕ ﻣﺨﺮﺟﺔ ﻓﻴﻪ ﻋﻨﻴﻬﺎ ...
ﺯﻫﻴﺮ : ﺳﻤﺤﻲ ﻟﻴﺎ " ﺍﺑﺘﺎﺳﻢ " ﻭﺍﺧﺔ ﻧﺘﻲ ﺍﻟﻲ ﺧﺮﺟﺘﻲ ﻓﻴﺎ
ﺟﻮﻻﻥ : ﻫﺎﺍﺍ ... ﺁﻩ ... ﺃﻧﺘﺎﺍﺍ ... ﺃﺍ ﺳﻤﺤﻠﻴﺎ
ﻗﺎﻟﺘﻬﺎ ﻭ ﺩﺍﺭﺕ ﻏﺎﺩﺓ ﻛﺘﺠﺮﻱ ... ﻣﺸﺎﺕ ﻣﺴﺎﻓﺔ ﻋﺎﺩ ﻋﺎﻗﺖ ﺑﺮﺍﺳﻬﺎ ﺭﺍﺟﻌﺔ ﻻﻓﺎﻙ ... ﺿﻮﺭﺍﺕ ﻭﺟﻬﺎ ﺑﺸﻮﻳﺔ ﻟﻘﺎﺗﻮ ﺑﺎﻗﻲ ﻭﺍﻗﻒ ... ﺩﺍﺭﺕ ﻳﺪﻫﺎ ﻋﻠﻰ ﻭﺟﻬﺎ ﻋﻨﺪ ﺭﺍﺳﻬﺎ ﺗﺨﺒﺎﺕ ﻭ ﻗﻄﻌﺎﺕ ﺍﻟﺸﺎﻧﻄﻲ ... ﺗﻤﺎﺕ ﻏﺎﺩﺓ ﻣﻦ ﺍﻟﺠﻬﺔ ﻻﺧﺮﻯ ﻏﻴﺮ ﻗﺮﺑﺎﺕ ﻟﻴﻪ ﻭ ﺿﺮﺑﺎﺗﻬﺎ ﺑﺘﻜﻌﻴﻄﺔ ... ﺷﺎﻑ ﻓﻴﻬﺎ ﺯﻫﻴﺮ ﻣﻴﺖ ﺑﺎﻟﻀﺤﻚ ﻭ ﺿﺎﺭ ﻛﻤﻞ ﻋﻠﻰ ﻃﺮﻳﻘﻮ ...
ﻭﺻﻼﺕ ﺟﻮﻻﻥ ﻟﺴﻨﺎﻙ ﻛﺘﻨﻬﺞ ... ﺣﻴﺪﺍﺕ ﻧﻀﺮﺍﺗﻬﺎ ﻣﺴﺤﺎﺕ ﻋﻨﻴﻬﺎ ﻭ ﺭﺟﻌﺎﺗﻬﻢ ... ﺷﺪﺍﺕ ﺑﻼﺻﺔ ﻭ ﻃﻠﺒﺎﺕ ﻣﺘﺎﻛﻞ ... ﺗﻐﺪﺍﺕ ﺑﺴﺮﻋﺔ ﻭ ﺭﺟﻌﺎﺕ ﻻﻓﺎﻙ ﻭ ﺣﺎﺿﻴﺔ ﻻ ﺗﻼﻗﻰ ﺑﻴﻪ ... ﻛﺘﺪﻋﻲ ﻣﻴﻜﻮﻧﺶ ﻋﻘﻞ ﻋﻠﻴﻬﺎ ... ﺃﻭﻝ ﻣﺮﺓ ﻳﻬﻀﺮ ﻣﻌﻬﺎ ﻭ ﺑﺪﺍﺕ ﺗﻤﺘﻢ ﺑﺤﺎﻝ ﺍﻟﺤﻤﻘﺔ ﻭ ﻣﺸﺎﺕ ﻛﺘﺠﺮﻱ ...
ﻛﻴﻒ ﺗﻔﻜﺮﺍﺕ ﺍﻟﻤﻮﻗﻒ ﺿﺮﺑﺎﺕ ﺭﺍﺳﻬﺎ ﺑﺼﺒﺎﻉ ﻳﺪﻳﻬﺎ ... ﺣﺴﺎﺕ ﺑﺮﺍﺳﻬﺎ ﻣﺮﺍﻫﻘﺔ ﻏﺒﻴﺔ ﻗﺪﺍﻣﻮ ... ﻟﻜﻦ ﺷﻌﻮﺭﻫﺎ ﺍﺗﺠﺎﻫﻮ ﻭ ﺍﻹﻋﺠﺎﺏ ﺍﻟﻲ ﻛﺒﺮ ﻫﺎﺩ ﻣﺪﺓ ﺛﻼﺙ ﺳﻨﻮﺍﺕ ... ﺧﻼﻩ ﻳﻜﻮﻥ ﺷﺨﺺ ﻣﻤﻴﺰ ﻋﻨﺪﻫﺎ ... ﺃﻭﻝ ﻣﺮﺓ ﺗﺤﺲ ﺑﻌﺎﻃﻔﺔ ﻣﻦ ﺟﻬﺔ ﺷﻲ ﺣﺪ ... ﻭ ﺭﻏﻢ ﺫﻟﻚ ﻋﻤﺮﻫﺎ ﺣﺎﻭﻻﺕ ﺗﻘﺮﺏ ﻣﻨﻮ ﻭ ﻻ ﺗﻌﺘﺎﺭﻑ ﻟﻴﻪ ...
ﺍﻟﻮﺣﻴﺪﺓ ﺍﻟﻲ ﻋﺎﺭﻓﺔ ﺑﺸﻨﻮ ﻛﺘﺤﺲ ﻫﻲ ﻛﺎﺗﻤﺔ ﺃﺳﺮﺍﺭﻫﺎ ﻭﺋﺎﻡ ... ﻭ ﺑﺎﻏﺔ ﺗﺨﻠﻴﻬﺎ ﻫﻜﺬﺍ ... ﻻﻥ ﺗﺮﻛﻴﺰﻫﺎ ﺍﻷﻭﻝ ﻫﻮ ﺗﻜﻤﻞ ﺩﺭﺍﺳﺘﻬﺎ ﻭ ﺗﺤﻘﻖ ﺣﻠﻤﻬﺎ ﻭ ﺣﻠﻢ ﺍﻷﻡ ﺩﻳﺎﻟﻬﺎ ... ﺍﻟﻲ ﻫﻲ ﺍﻟﺤﺎﻓﺰ ﺍﻟﺮﺋﻴﺴﻲ ﻟﻴﻬﺎ ﺑﺎﺵ ﺗﺪﻳﺮ ﻛﻞ ﻣﺎﻓﺠﻬﺪﻫﺎ ...
ﻛﻤﻼﺕ ﺟﻮﻻﻥ ﺍﻟﺤﺼﺺ ﺍﻟﻲ ﻋﻨﺪﻫﺎ ﺧﺮﺟﺎﺕ ﻣﻊ ﺍﻟﺴﺘﺔ ﻭ ﺭﺟﻌﺎﺕ ﻟﻠﺪﺍﺭ ...
ﻏﺮﺑﺎﺕ ﺍﻟﺸﻤﺲ ﻭ ﺗﺸﻌﻠﻮ ﺍﻷﺿﻮﺍﺀ ... ﺟﻮ ﺍﻟﻠﻴﻞ ﻣﻐﺎﻳﺮ ﻋﻠﻰ ﺍﻟﻨﻬﺎﺭ ... ﻛﺎﻳﻨﻴﻦ ﻋﺸﺎﻗﻮ ﺍﻟﻲ ﻋﺎﺩ ﻛﻴﺒﺪﺍ ﻋﻨﺪﻫﻢ ﺍﻟﻴﻮﻡ ... ﺍﻟﺤﺮﻛﺔ ﻛﺘﺰﻳﺪ ﻓﻴﻪ ... ﺧﺎﺻﺔ ﻣﺤﺒﻲ ﺍﻟﺴﻬﺮﺍﺕ ﻭ ﺍﻟﻘﺼﺎﺭﻱ ... ﻳﻤﻜﻦ ﺍﻷﺷﻴﺎﺀ ﺍﻟﻲ ﻛﻨﺸﻮﻓﻮ ﺑﺎﻟﻨﻬﺎﺭ ﻋﻜﺲ ﺍﻟﻲ ﻛﻨﺸﻮﻓﻮ ﺑﺎﻟﻠﻴﻞ ...
ﻋﻨﺪ ﺃﻏﻠﺒﻴﺔ ﺍﻟﻨﺎﺱ ﻓﻬﻮ ﻧﻬﺎﻳﺔ ﻳﻮﻡ ﻣﺘﻌﺐ ... ﺑﺤﻴﺚ ﻛﻴﺮﺟﻌﻮ ﻟﺪﻳﻮﺭﻫﻢ ﻳﺮﺗﺎﺣﻮ ﻭ ﻳﺘﺠﻤﻌﻮ ﻣﻊ ﻋﺎﺋﻠﺘﻬﻢ ... ﻭ ﻋﻨﺪ ﻟﺒﻌﺾ ﻫﻮ ﻭﻗﺖ ﺍﻟﺼﻴﺪ ﻭ ﺟﻠﺐ ﻗﻮﺕ ﺍﻟﻴﻮﻡ ... ﻛﻴﻮﻗﻌﻮ ﻓﻴﻪ ﺣﻮﺍﻳﺞ ﻣﻤﻜﻦ ﺗﻜﻮﻥ ﺧﻔﻴﺔ ﻟﻠﻨﺎﺱ ... ﻟﻜﻦ ﺍﻟﻲ ﺩﺍﺧﻠﻬﺎ ﻋﺎﺭﻑ ﺷﻨﻮ ﻛﺎﻳﻦ ﺑﺎﻟﻈﺒﻂ ...
ﺗﻮﻗﻔﺎﺕ ﺳﻴﺎﺭﺓ ﺍﻣﺎﻡ ﻣﻠﻬﻰ ﻟﻴﻠﻲ ... ﻫﺒﻄﺎﺕ ﻻﺑﺴﺔ ﻓﺴﺘﺎﻥ ﺃﺳﻮﺩ ﻃﻮﻳﻞ ﺑﻔﺮﻗﺔ ﺟﻨﺐ ﻃﺎﻟﻌﺔ ﺣﺘﺎ ﻟﻔﺨﺾ ... ﻛﺘﺎﻓﻬﺎ ﻃﺎﻳﺤﻴﻦ ﺑﺎﺭﺯﻳﻦ ﺭﻗﺒﺘﻬﺎ ﺍﻟﻄﻮﻳﻠﺔ ... ﺷﻌﺮﻫﺎ ﺑﻨﻲ ﻏﺎﻣﻖ ﻭ ﻋﻴﻮﻧﻬﺎ ﻋﺴﻠﻴﺔ ... ﻓﺘﺎﺓ ﻓﻐﺎﻳﺔ ﺍﻟﺠﻤﺎﻝ ﻭ ﺍﻷﻧﻮﺛﺔ ... ﺩﺧﻼﺕ ﺑﺴﻬﻮﻟﺔ ﺑﺪﻭﻥ ﻣﺎﺗﺸﺪ ﺍﻟﺼﻒ ﻷﻥ ﺍﻟﻤﻠﻬﻰ ﻋﻠﻴﻪ ﺍﻗﺒﺎﻝ ﻛﺒﻴﺮ ...
ﻏﺎﺩﺓ ﻛﺘﻤﺨﺘﺮ ﺑﻜﻌﺒﻬﺎ ﺍﻟﻌﺎﻟﻲ ﻭ ﺧﺼﺮﻫﺎ ﻳﺘﻤﺎﻳﻞ ﻣﻊ ﻛﻞ ﺧﻄﻮﺓ ... ﺗﻮﺟﻬﺎﺕ ﻟﻄﺒﻠﺔ ﻣﻦ ﻝ VIP ﻭ ﺟﻠﺴﺎﺕ ﺩﺍﻳﺮﺓ ﺭﺟﻞ ﻋﻠﻰ ﺭﺟﻞ ... ﺣﺘﺎ ﺑﺎﻧﻮ ﺳﻴﻘﺎﻧﻬﺎ ﺍﻟﻄﻮﻳﻠﺘﻴﻦ ... ﺷﻴﺮﺍﺕ ﻟﺴﻴﺮﭬﻮﺭ ﻳﺠﻴﺐ ﻟﻴﻬﺎ ﻣﺸﺮﻭﺏ ... ﻭ ﺟﺎﺑﻮ ﻟﻴﻬﺎ ﻓﺎﻟﺤﻴﻦ ... ﻫﺎﺯﺓ ﺍﻟﻜﺎﺱ ﻛﺘﺮﺷﻒ ﻣﻨﻮ ﻭ ﻫﻮ ﻳﻮﻗﻒ ﺍﻟﺴﻴﺮﭬﻮﺭ ﻣﺮﺓ ﺃﺧﺮﻯ ... ﻫﺎﺯ ﻗﻨﻴﻨﺔ ﻣﻦ ﺍﻟﺸﺮﺍﺏ ﺍﻟﻔﺎﺧﺮ ...
ﺍﻟﻨﺎﺩﻝ : ﻣﺪﻣﻮﺯﻳﻞ ﻫﺎﺩﺍ ﻣﺸﺮﻭﺏ ﻣﻦ ﻋﻨﺪ ﺃﺣﺪ ﺍﻟﺰﺑﻨﺎﺀ
ﺩﺍﻧﺎ : ﺣﻄﻮ
ﺣﻂ ﺍﻟﺴﻴﺮﭬﻮﺭ ﺍﻟﻘﺮﻋﺔ ﻭ ﻛﺎﺱ ﺟﻨﺒﻬﺎ ﻭ ﺗﺤﺮﻙ ... ﺷﺎﻓﺖ ﺭﺟﻞ ﻣﻘﺎﺑﻞ ﻣﻌﻬﺎ ﻋﺮﻓﺎﺗﻮ ﻫﻮ ﺍﻟﻲ ﺳﻴﻔﻄﻮ ... ﺩﺍﺭﺕ ﻟﻴﻪ ﺑﺮﺍﺳﻬﺎ ﺷﻜﺮﺍ ﻭ ﻗﻠﺒﺎﺕ ﻭﺟﻬﺎ ﻟﺠﻬﺔ ﺁﺧﺮﻯ ... ﻟﻔﺖ ﺍﻧﺘﺒﺎﻫﻬﺎ ﺷﺨﺺ ﺩﺍﺧﻞ ﻣﻦ ﻟﺒﺎﺏ ... ﻻﺑﺲ ﻛﻠﺸﻲ ﺍﺳﻮﺩ ﻫﻮﺩﻱ ﻭ ﺟﺎﻛﻴﻂ ﻭ ﺩﺍﻳﺮ ﺍﻟﻘﺐ ﻋﻠﻰ ﺭﺍﺳﻮ ... ﻛﻴﺒﺎﻥ ﻓﻘﻂ ﻧﺼﻒ ﻓﻮﺟﻬﻮ ...
ﺑﻘﺎﺕ ﻣﺘﺒﻌﺎﻩ ﺑﻌﻨﻴﻬﺎ ﺣﺘﺎ ﺟﻠﺲ ﻋﻨﺪ ﻟﺒﺎﺭ ... ﻣﺎﻋﺮﻓﺎﺗﺶ ﻋﻼﺵ ﺑﻘﺎﺕ ﻛﺘﺸﻮﻑ ﻓﻴﻪ ﻫﻮ ﺑﺎﻟﺬﺍﺕ ... ﺭﻏﻢ ﺃﻥ ﻣﻌﻈﻢ ﺍﻟﺮﺟﺎﻝ ﺍﻟﻲ ﻓﺎﻟﻤﻠﻬﻰ ﺣﺎﺿﻴﻴﻨﻬﺎ ﻫﻲ ... ﻭﻗﻔﺎﺕ ﻭ ﺗﻮﺟﻬﺎﺕ ﻟﺠﻬﺔ ﻟﺒﺎﺭ ... ﺟﺮﺍﺕ ﻛﺮﺳﻲ ﻭ ﭼﻠﺴﺎﺕ ﺟﻨﺐ ﺍﻟﺸﺨﺺ ﺍﻟﻲ ﺷﺎﻓﺖ ... ﻃﻠﺒﺎﺕ ﻣﺸﺮﻭﺏ ﺁﺧﺮ ﻭ ﻛﻞ ﺳﺎﻋﺔ ﺿﻮﺭ ﺗﺸﻮﻑ ﻓﻴﻪ ... ﻣﺎﻋﺠﺒﻬﺎﺵ ﺍﻧﻮ ﻣﺎﺗﻠﻔﺖ ﻋﻨﺪﻫﺎ ﺣﺘﺎ ﻭﻟﻮ ﻣﺮﺓ ﻭﺣﺪﺓ ... ﻻﺣﺖ ﺷﻌﺮﻫﺎ ﺍﻟﻠﻮﺭ ﻭ ﻫﻀﺮﺍﺕ ...
ﺩﺍﻧﺎ : ﻣﺠﺎﻛﺶ ﺍﻟﺼﻬﺪ ﻓﻬﺎﺩ ﻟﺤﻮﺍﻳﺞ ؟
ﺍﻟﺸﺨﺺ : " ﺍﻟﺼﻤﺖ "
ﺩﺍﻧﺎ : " ﺗﻘﺮﺻﺎﺕ ﻣﻦ ﺗﺠﺎﻫﻠﻮ ﻭ ﻫﻀﺮﺍﺕ ﺑﻴﻦ ﺳﻨﺎﻧﻬﺎ " ﻣﺘﻌﺠﺮﻑ
ﺍﻟﺸﺨﺺ : " ﺿﺎﺭ ﻋﻨﺪﻫﺎ ﻭ ﻫﺰ ﺭﺍﺳﻮ ﺣﺘﺎ ﺑﺎﻥ ﻟﻴﻬﺎ ﻭﺟﻬﻮ " ﺗﺒﻌﻴﻨﻲ
ﺩﺍﻧﺎ : " ﻛﺘﺸﻮﻑ ﻓﻴﻪ ﺑﺼﺪﻣﺔ " ﻧﺘﺎﺍﺍﺍ
ﻭﻗﻒ ﺑﺪﻭﻥ ﻣﺎﻳﺠﺎﻭﺑﻬﺎ ... ﺧﺸﺎ ﻳﺪﻳﻪ ﻓﺠﻴﺎﺑﻮ ﻭ ﺧﺮﺝ ... ﻭﻗﻔﺎﺕ ﺑﺴﺮﻋﺔ ﻣﺸﺎﺕ ﻫﺰﺍﺕ ﺑﻮﺷﻴﻄﺘﻬﺎ ﻭ ﺧﺮﺟﺎﺕ ﻣﺴﺮﻋﺔ ... ﺑﻘﺎﺕ ﻭﺍﻗﻔﺔ ﻋﻨﺪ ﻟﺒﺎﺏ ﻛﺘﺸﻮﻑ ﻳﻤﻴﻦ ﺷﻤﺎﻝ ... ﺣﺘﺎ ﺑﺎﻧﺖ ﻟﻴﻬﺎ ﺳﻴﺎﺭﺓ ﻛﺤﻼ ﻭﺍﻗﻔﺔ ﺑﻌﻴﺪ ... ﺷﺎﻓﺖ ﺍﻟﻨﺎﻓﺬﺓ ﻫﺒﻄﺎﺕ ﻟﻨﺺ ﻭ ﺑﺎﻥ ﻟﻴﻬﺎ ﺟﺰﺀ ﻣﻨﻮ ... ﻫﺮﻋﺎﺕ ﻟﻌﻨﺪﻭ ﺣﻼﺕ ﻟﺒﺎﺏ ﺭﻛﺒﺎﺕ ﻭ ﻫﻲ ﺗﻨﻄﺎﻟﻖ ﺍﻟﺴﻴﺎﺭﺓ ...
ﺑﻌﺪ ﻣﺪﺓ ﺳﺎﻋﺔ ﻣﻦ ﺍﻟﻄﺮﻳﻖ ﻭﻗﻒ ﺍﻟﺴﻴﺎﺭﺓ ... ﺿﺎﺭ ﺷﺎﻑ ﻓﻴﻬﺎ ﻭ ﻧﻄﻖ ...
ﺍﻟﺸﺨﺺ : ﻧﺰﻟﻲ !
ﺷﺎﻓﺘﻮ ﻫﺒﻂ ﺣﻼﺕ ﻟﺒﺎﺏ ﻭ ﻧﺰﻻﺕ ... ﻫﺰﺍﺕ ﻋﻨﻴﻬﺎ ﻓﺎﻟﺪﺍﺭ ﺍﻟﻲ ﻗﺪﺍﻣﻬﺎ ... ﻛﺎﻧﺖ ﻓﻤﻜﺎﻥ ﺑﻌﻴﺪ ﻋﻠﻰ ﺍﻟﻤﺪﻳﻨﺔ ... ﺗﻌﺠﺒﺎﺕ ﻣﻦ ﺍﻧﻮ ﺟﺎﺑﻬﺎ ﻟﻬﻨﺎ ﻭ ﻣﻦ ﺷﻜﻞ ﻫﺎﺩ ﺍﻟﺪﺍﺭ ﺍﻟﻐﺮﻳﺐ ... ﺩﺍﻳﺮﺓ ﻛﻴﻒ ﺷﻲ ﻛﻮﺥ ﻟﻜﻦ ﻛﺒﻴﺮﺓ ﻭ ﻣﻜﻮﻧﺔ ﻣﻦ ﻃﺎﺑﻘﻴﻦ ...
ﻭ ﺍﻟﻐﺮﻳﺐ ﻫﻮ ﻟﻮﻥ ﺍﻟﺪﻫﺎﻥ ﺍﻟﻲ ﻛﻮﻟﻮ ﺃﺳﻮﺩ ... ﻟﻮﻻ ﺍﻹﺿﺎﺀﺓ ﺍﻟﻲ ﻓﺎﻟﺸﺎﺭﻉ ﻣﺘﺒﺎﻧﺶ ﻭﺳﻂ ﺍﻟﻈﻼﻡ ﺍﻟﺤﺎﻟﻚ ... ﺷﺎﻓﺘﻮ ﻃﺎﻟﻊ ﻣﻊ ﺍﻟﺪﺭﺟﺎﺕ ﻣﺘﺎﺟﻪ ﻟﺒﺎﺏ ﻭ ﺗﺒﻌﺎﺗﻮ ... ﺍﻟﺼﻤﺖ ﻭ ﺍﻟﻬﺪﻭﺀ ﺍﻟﻲ ﻓﺎﻟﻤﻜﺎﻥ ﻛﻴﺒﻌﺖ ﺍﻟﺨﻮﻑ ﻓﺎﻹﻧﺴﺎﻥ ... ﻟﻜﻨﻬﺎ ﻣﻊ ﺷﺨﺺ ﻛﺘﻌﺮﻓﻮ ﻟﺬﺍ ﺗﺸﺠﻌﺎﺕ ﻭ ﺩﺧﻼﺕ ﻣﻌﺎﻩ ... ﺳﺪﺍﺕ ﻟﺒﺎﺏ ﻭ ﺿﺎﺭﺕ ﻛﺘﺸﻮﻑ ﺍﻟﻀﻮﺍﻭ ﺑﺎﻗﻲ ﻃﺎﻓﻴﻴﻦ ...
ﻣﺪﺍﺕ ﻳﺪﻫﺎ ﺟﻨﺐ ﻟﺒﺎﺏ ﻛﺘﻘﻠﺐ ﻋﻠﻰ ﺳﺎﺭﻭﺕ ﺍﻟﻀﻮ ... ﻟﻘﺎﺗﻮ ﻭ ﺿﻐﻄﺎﺕ ﻋﻠﻴﻪ ﺣﺘﺎ ﺗﻀﻮﺍﺕ ﺍﻟﺪﺍﺭ ﻛﻠﻬﺎ ... ﺑﺎﻥ ﻟﻴﻬﺎ ﻃﺎﻟﻊ ﻣﻊ ﺍﻟﺪﺭﺝ ﻭ ﺗﺒﻌﺎﺗﻮ ... ﺩﻓﻌﺎﺕ ﻟﺒﺎﺏ ﻭ ﺩﺧﻼﺕ ﻛﺘﺸﻮﻑ ﻓﻐﺮﻓﺔ ﺍﻟﻨﻮﻡ ... ﻓﻴﻬﺎ ﺳﺮﻳﺮ ﺑﻮﺣﺪﻭ ﻭ ﺃﺭﻳﻜﺔ ﺟﻨﺐ ﺍﻟﺸﺮﻓﺔ ... ﻛﻴﺒﺎﻥ ﺷﺎﺳﻊ ﺑﺪﻭﻥ ﺍﻷﺛﺎﺙ ﻭ ﺑﺤﺎﻝ ﺷﻲ ﻣﻜﺎﻥ ﻣﻬﺠﻮﺭ ... ﺑﺪﺍ ﻛﻴﺪﺧﻞ ﻣﻌﻬﺎ ﺍﻟﺨﻮﻑ ...
ﺟﻔﻼﺕ ﻓﺎﺵ ﺣﺴﺎﺕ ﺑﻴﻪ ﻭﺍﻗﻒ ﻣﻦ ﻭﺭﺍﻫﺎ ... ﺟﺴﻤﻮ ﻻﺻﻖ ﻣﻊ ﺟﺴﻤﻬﺎ ﻭ ﻛﺘﺤﺲ ﺑﺎﻧﻔﺎﺳﻮ ﻋﻨﺪ ﺷﻌﺮﻫﺎ ... ﺣﻂ ﻳﺪﻭ ﻓﻮﻕ ﻛﺘﻔﻬﺎ ﻭ ﻫﺒﻄﻬﺎ ﺑﺸﻮﻳﺔ ﻣﻊ ﺩﺭﺍﻋﻬﺎ ... ﻏﻤﻀﺎﺕ ﻋﻨﻴﻬﺎ ﻭ ﻃﻠﻌﺎﺕ ﺍﻟﻨﻔﺲ ... ﺩﻭﺭﻫﺎ ﻋﻨﺪﻭ ﻭ ﻫﺰﻫﺎ ﻏﺎﺩﻱ ﺑﻴﻬﺎ ﻟﻠﻨﺎﻣﻮﺳﻴﺔ ... ﺳﻄﺤﻬﺎ ﻭ ﺗﻜﺎ ﻓﻮﻗﻬﺎ ﻣﻜﺎﻟﻲ ﺑﻴﺪﻳﻪ ... ﺷﺎﻓﺘﻮ ﻛﻴﻘﺮﺏ ﻭ ﺳﺪﺍﺕ ﻋﻨﻴﻬﺎ ... ﺿﺤﻚ ﺑﻄﺮﻑ ﺷﻔﺎﻳﻔﻮ ﻭ ﻫﻤﺲ ﻋﻨﺪ ﻭﺫﻧﻬﺎ ...
ﺍﻟﺸﺨﺺ : ﻣﺎﺑﻘﺘﻴﺶ ﻣﻊ ﺻﺤﻴﺒﻚ ﺍﻷﺳﻤﺮ ؟
ﺩﺍﻧﺎ : " ﺣﻼﺕ ﻋﻨﻴﻬﺎ ﻋﻠﻰ ﻭﺳﻌﻬﻢ ﻭ ﺷﺎﻓﺖ ﻓﻴﻪ " ﻑ ﻓﻴﻦ ﻙ ﻛﺘﻌﺮﻓﻮ ؟؟
ﺍﻟﺸﺨﺺ : ﻣﻨﻴﻦ ﺗﻤﺸﻲ ﻋﻨﺪﻭ ... ﺳﻮﻟﻴﻪ ﺑﻨﻔﺴﻚ
ﺩﺍﻧﺎ : ﻣﺎﻓﻬﻤﺘﺶ !!
ﺍﻟﺸﺨﺺ : " ﺣﻂ ﻳﺪﻭ ﻋﻠﻰ ﻓﻤﻬﺎ ﻣﺰﻳﺮ " ﻣﻨﺒﻘﺎﺵ ﻧﺴﻤﻊ ﺻﻮﺗﻚ
ﻫﺰﻫﺎ ﻣﻦ ﻓﻮﻕ ﻟﻔﺮﺍﺵ ﻭ ﺩﻭﺭﻫﺎ ﺣﺘﺎ ﻭﻻﺕ ﻋﺎﻃﻴﺎﻩ ﺑﺎﻟﻈﻬﺮ ... ﻏﻴﺮ ﺣﺴﺎﺕ ﺑﺎﻟﺨﻄﺮ ﺑﺪﺍﺕ ﻛﺘﺒﻌﺪ ﻟﻴﻪ ﻳﺪﻳﻪ ﺑﺎﺵ ﺗﻔﻠﺖ ... ﻟﻜﻨﻮ ﻛﺎﻥ ﺣﺎﻛﻤﻬﺎ ﻣﺰﻳﺎﻥ ... ﺟﺮﻫﺎ ﺑﺨﻔﺔ ﻭ ﺩﻓﻊ ﻟﺒﺎﺏ ﺩﻳﺎﻝ ﺍﻟﺤﻤﺎﻡ ... ﺑﻘﺎﺕ ﻣﺨﺮﺟﺔ ﻋﻨﻴﻬﺎ ﺍﻟﻲ ﺩﺍﺯﻭ ﺑﺎﻟﺪﻣﻮﻉ ...
ﻗﺎﺑﻠﻬﺎ ﻣﻌﺎﻩ ﻗﺒﻞ ﻣﺎ ﻳﺨﺸﻴﻬﺎ ﻓﺎﻟﺒﺎﻧﻴﻮ ﺍﻟﻲ ﻋﺎﻣﺮ ﻣﺎﺀ ... ﻛﻴﻒ ﺣﻄﻬﺎ ﺗﺨﻮﺍ ﺍﻟﻤﺎ ﻓﺎﻟﺠﻨﺎﺏ ... ﻇﻐﻂ ﻋﻠﻴﻬﺎ ﺣﺘﺎ ﺗﺨﺸﺎﺕ ﻛﻠﻬﺎ ... ﺑﺪﺍﺕ ﻛﻀﺮﺏ ﺑﻴﺪﻳﻬﺎ ﻭ ﺭﺟﻠﻴﻬﺎ ... ﻭ ﻫﻮ ﻏﻴﺮ ﻣﺰﺍﻳﺪ ﻣﺰﻳﺮ ﻋﻠﻴﻬﺎ ﺣﺘﺎ ﺗﻮﻗﻔﺎﺕ ﻋﻠﻰ ﺍﻟﺤﺮﻛﺔ ... ﻫﺒﻄﺎﺕ ﺩﻣﻌﺔ ﻛﺘﻠﻤﻊ ﻣﻦ ﻋﻨﻴﻪ ﺍﻟﻲ ﻣﻐﻄﻴﻴﻦ ﺑﺎﻟﻘﺐ ... ﻭﻗﻒ ﻛﻴﺸﻮﻑ ﻓﻴﻬﺎ ﻋﻨﻴﻬﺎ ﺧﺎﺭﺟﻴﻦ ... ﻭ ﺍﻟﻤﺎ ﻛﻴﻘﻄﺮ ﻣﻦ ﺣﻮﺍﻳﺠﻮ ﻓﻮﻕ ﺍﻟﺰﻟﻴﺞ ﻟﺒﻴﺾ ﻭﺳﻂ ﺍﻟﻬﺪﻭﺀ ...