السفاح العاشق

بارت 57

ﻋﻠﻰ ﻫﺎﺩ ﺍﻟﻜﻠﻤﺔ ﺍﻷﺧﻴﺮﺓ ﺍﻟﻲ ﺧﺮﺟﺎﺕ ﻣﻦ ﻓﻤﻮ ﺑﻨﺒﺮﺓ ﻫﺎﺩﺋﺔ ... ﻫﺰﺍﺕ ﻋﻨﻴﻬﺎ ﺷﺎﻓﺖ ﻓﻴﻪ ﻛﺄﻧﻬﺎ ﻣﺎﻣﺼﺪﻗﺎﺵ ﺷﻨﻮ ﻗﺎﻝ ... ﻟﻮﻻ ﻧﻈﺮﺍﺗﻮ ﻟﻴﻬﺎ ﻛﺎﻧﺖ ﺗﺸﻚ ﺑﻠﻲ ﺳﻤﻌﺎﺕ ﻏﻠﻂ ... ﻟﻜﻦ ﺍﻟﻄﺮﻳﻘﺔ ﺑﺎﺵ ﻛﺎﻥ ﻛﻴﺸﻮﻑ ﻓﻴﻬﺎ ﻛﺄﻧﻮ ﻛﻴﻌﻨﻲ ﺷﻨﻮ ﻗﺎﻝ ﻭ ﻛﻴﺄﻛﺪ ﻋﻠﻴﻪ ... ﻛﺎﻧﺖ ﻳﺪﻫﺎ ﻣﺰﺍﻝ ﻭﺳﻂ ﻳﺪﻳﻪ ... ﺳﺤﺒﺎﺗﻬﺎ ﺑﺈﺣﺮﺍﺝ ﻭ ﺑﻌﺪﺍﺕ ﻧﻈﺮﻫﺎ ﻋﻠﻴﻪ ...
ﺣﺴﺎﺕ ﺑﺰﻳﻨﺐ ﺟﺮﺍﺗﻬﺎ ﻋﻨﻘﺎﺗﻬﺎ ﻋﺎﺩ ﻗﺪﺭﺍﺕ ﺗﻄﻠﻖ ﺃﻧﻔﺎﺳﻬﺎ ﺍﻟﻲ ﻛﺎﻧﺖ ﺣﺎﺑﺴﺔ ﺗﺤﺖ ﻧﻈﺮﺍﺗﻮ ... ﺍﻟﻜﻞ ﻗﺮﺏ ﻛﻴﺒﺎﺭﻛﻮ ﻟﻴﻬﻢ ... ﺗﺴﻤﻊ ﺻﻮﺕ ﺯﻏﺎﺭﻳﺖ ﻭ ﺗﻠﻔﺘﻮ ﺟﻬﺔ ﺍﻟﺼﻮﺕ ... ﻛﺎﻧﺖ ﺯﻳﻨﺐ ﻫﺎﺯﺓ ﺭﺍﺳﻬﺎ ﻭ ﺣﺎﻃﺔ ﻳﺪﻫﺎ ﻋﻨﺪ ﻓﻤﻬﺎ ﻭ ﻃﺎﻟﻘﺔ ﺣﻠﻮﻗﻬﺎ ... ﻋﺼﺮﺍﺗﻬﺎ ﺧﻼﺕ ﺍﻟﻜﻞ ﻛﻴﻀﺤﻚ ﻭ ﻋﻠﻰ ﺭﺃﺳﻬﻢ ﺇﻟﻴﺎﺱ ﺍﻟﻲ ﻛﻴﺤﺮﻙ ﺭﺍﺳﻮ ﻳﻤﻴﻦ ﺷﻤﺎﻝ ... ﻣﺎﻣﺼﺪﻗﺶ ﺣﺒﻮ ﻋﻼﻣﻦ ﻃﺎﺡ ...
ﺑﻌﺪﻣﺎ ﻫﺪﺍ ﺍﻟﺠﻮ ﺷﻮﻳﺔ ﺭﺟﻌﻮ ﻷﻣﺎﻛﻨﻬﻢ ... ﻭ ﻛﺄﻧﻬﻢ ﻣﺨﻠﻴﻦ ﻟﻠﻤﺨﻄﻮﺑﻴﻦ ﻣﺠﺎﻝ ﻓﻴﻦ ﻳﻬﻀﺮﻭ ... ﺟﻮﻻﻥ ﺣﺎﺩﺭﺓ ﻋﻨﻴﻬﺎ ﻛﺘﺸﻮﻑ ﻓﺎﻟﺨﺎﺗﻢ ﺍﻟﻲ ﻓﺼﺒﻌﻬﺎ ... ﺣﻠﻤﺎﺕ ﺑﻬﺎﺩ ﺍﻟﻠﺤﻈﺔ ﻣﻊ ﺷﺨﺺ ﺁﺧﺮ ﺍﻟﻲ ﺻﺪﻕ ﺃﺣﻘﺮ ﻣﻦ ﺍﻟﺤﻘﺎﺭﺓ ... ﻭ ﻫﺎﻫﻲ ﻛﺘﻌﻴﺸﻬﺎ ﻣﻊ ﺷﺨﺺ ﺁﺧﺮ ﺩﺧﻞ ﻟﺤﻴﺎﺗﻬﺎ ﻓﺠﺄﺓ ... ﻛﺎﻥ ﺍﻟﺴﺒﺐ ﻓﻔﺮﺣﻬﺎ ﻭ ﺣﺰﻧﻬﺎ ﻓﻌﺪﺓ ﻣﺮﺍﺣﻞ ... ﻟﻜﻦ ﺷﻨﻮ ﺍﻟﻲ ﺧﻼﻫﺎ ﺗﻮﺍﻓﻖ ... ﻭﺍﺵ ﻓﻌﻼ ﺑﺴﺒﺐ ﻇﻐﻂ ﺑﺎﻫﺎ ﻓﻘﻂ ﻭ ﻻ ﻛﺎﻳﻦ ﺳﺒﺐ ﺁﺧﺮ ...
ﻋﻤﺮﻫﺎ ﻛﺎﻧﺖ ﻓﺤﻴﺮﺓ ﻣﻦ ﺃﻣﺮﻫﺎ ﻟﻬﺎﺩ ﺍﻟﺪﺭﺟﺔ ... ﻫﺰﺍﺕ ﻋﻨﻴﻬﺎ ﺷﺎﻓﺖ ﻓﺒﺎﻫﺎ ﻣﻦ ﺟﺪﻳﺪ ... ﻛﺎﻥ ﺑﺎﻳﻦ ﻋﻠﻴﻪ ﻓﺮﺣﺎﺍﺍﺍﻥ ﻧﻴﺖ ... ﺭﺋﺒﺎﻝ ﺍﻟﻲ ﻣﺎﺣﻴﺪﺵ ﻋﻨﻴﻪ ﻋﻠﻴﻬﺎ ... ﺷﺎﻓﻬﺎ ﻓﻴﻦ ﻛﺘﺸﻮﻑ ... ﻭﺟﻪ ﻧﻈﺮﺍﺗﻮ ﻹﺑﺮﺍﻫﻴﻢ ﺍﻟﻲ ﻛﻴﻬﻀﺮ ﻣﻊ ﻻﺣﺒﻴﺒﺔ ... ﻣﻦ ﻧﻬﺎﺭ ﻫﻀﺮ ﻣﻌﺎﻩ ﻓﺎﻟﻤﻜﺘﺐ ﻣﻴﺰﻭ ﻣﻦ ﺇﻧﺎ ﺻﻨﻒ ﻫﻮ ... ﻭﺍﻓﻖ ﻋﻠﻰ ﻃﻠﺒﻮ ﻓﻮﺭ ﻣﺎﺣﺲ ﺑﻠﻲ ﻏﻴﻔﻘﺪ ﺩﺍﺭﻭ ...
ﻋﺎﺩﺓ ﺍﻷﺏ ﻏﻴﺤﻤﻲ ﺑﻨﺘﻮ ﺧﺎﺻﺔ ﻣﻦ ﺷﺨﺺ ﺟﺎﻱ ﻳﻬﺪﺩ ﻓﻴﻪ ... ﻟﻜﻦ ﺻﺪﻕ ﻛﻴﻒ ﺗﻮﻗﻊ ﺭﺋﺒﺎﻝ ... ﺷﻔﻖ ﻋﻠﻴﻪ ﻛﺜﺮ ﻣﺎ ﻛﺮﻫﻮ ... ﻷﻥ ﻋﻨﺪﻭ ﺟﻮﻫﺮﺗﻴﻦ ﻓﺎﻟﺪﺍﺭ ﻣﺎﻋﺎﺭﻓﺶ ﺑﻘﻴﻤﺘﻬﻢ ... ﺷﺎﻑ ﻓﺤﻔﻴﻀﺔ ﺑﻨﻀﺮﺓ ﻣﺨﺘﻠﻔﺔ ... ﺑﺴﻤﺘﻬﺎ ﻭ ﻛﻼﻣﻬﺎ ﺧﻼﻭﻩ ﻳﺤﺲ ﺑﺈﺣﺴﺎﺱ ﻏﺮﻳﺐ ... ﻳﻤﻜﻦ ﺃﻭﻝ ﻣﺮﺓ ﻳﺸﻮﻑ ﻭ ﻳﺘﻔﺎﻋﻞ ﻣﻊ ﺃﻡ ﻓﻴﻬﺎ ﺟﻤﻴﻊ ﺍﻟﺼﻔﺎﺕ ﺍﻟﻲ ﺗﻤﻨﻰ ﺗﻜﻮﻥ ﻓﻤﻮ ... ﺧﺎﺻﺔ ﻓﺎﺵ ﻫﻀﺮﺍﺕ ﻣﻌﺎﻩ ﻭ ﺭﺗﺒﺎﺕ ﻋﻠﻰ ﻛﺘﻔﻮ ...
ﻧﺎﺿﺖ ﺣﻔﻴﻀﺔ ﻭ ﺯﻳﻨﺐ ﺑﺎﺵ ﻳﺤﻄﻮ ﺍﻟﻌﺸﺎ ... ﻋﺰﻟﻮ ﺍﻟﺮﺟﺎﻝ ﻓﻄﺒﻠﺔ ﻭ ﻟﻌﻴﺎﻻﺕ ﻓﻄﺒﻠﺔ ... ﻛﻴﻒ ﻛﻤﻠﻮ ﺣﻄﻮ ﻟﻴﻬﻢ ﻗﻬﻮﺓ ﻭ ﻣﻜﺴﺮﺍﺕ ﻭ ﻣﻦ ﺩﺍﻛﺸﻲ ﺍﻟﻲ ﺟﺎﺑﻮ ... ﺯﻳﻨﺐ ﺩﺧﻼﺕ ﻟﻜﻮﺯﻳﻨﺔ ﻛﺘﻐﺴﻞ ﻓﻴﺪﻳﻬﺎ ... ﻛﻴﻒ ﺿﺎﺭﺕ ﺑﺎﻥ ﻟﻴﻬﺎ ﺇﻟﻴﺎﺱ ﻭﺍﻗﻒ ﻣﻦ ﻭﺭﺍﻫﺎ ﻛﻴﻔﺮﻧﺲ ...
ﺯﻳﻨﺐ : ﻻﺵ ﺟﺎﻱ ﻟﻬﻨﺎ ... ﺁﺵ ﺑﻐﻴﺘﻲ ؟
ﺇﻟﻴﺎﺱ : " ﺣﻂ ﻳﺪﻭ ﻋﻠﻰ ﺻﺪﺭﻭ " ﺁﺍﺍﺥ ﻭ ﺗﻌﺮﻓﻲ ﺩﺍﻛﺸﻲ ﺍﻟﻲ ﺑﻐﻴﺖ
ﺯﻳﻨﺐ : " ﻛﺘﺸﻮﻑ ﺟﻬﺔ ﻟﺒﺎﺏ " ﺍﻭﻳﻠﻲ ﻣﺎﻟﻚ ﺗﺸﻴﺮﺗﻲ ... ﺩﺭﻭﻙ ﺩﺧﻞ ﺧﺎﻟﺘﻲ ﺣﻔﻴﻀﺔ ﺗﺠﻤﻌﻨﺎ ﺑﺠﻮﺝ
ﺇﻟﻴﺎﺱ : ﻣﺎﻋﻨﺪﻙ ﻋﻼﺵ ﺗﺨﺎﻓﻲ ﺭﺍﻩ ﺧﻠﻴﺘﻬﺎ ﻣﺠﻤﻌﺔ ﻣﻊ ﺟﺪﺓ ... ﻭ ﺣﻨﺎ ﻏﻴﺮ ﻛﻨﻬﻀﺮﻭ ... ﻓﻴﻦ ﻣﺸﺎ ﻋﻘﻠﻚ ﻫﺎﺍﺍ
ﺯﻳﻨﺐ : " ﻫﺰﺍﺕ ﻣﻐﺮﻓﺔ ﻛﺒﻴﺮﺓ " ﻏﺘﻤﺸﻲ ﻣﻦ ﻗﺪﺍﻣﻲ ﻭ ﻻ ﻧﺰﻝ ﻋﻠﻴﻚ ﺑﻬﺎﺩﻱ
ﺇﻟﻴﺎﺱ : ﺿﺮﺑﻲ ﻫﺎﻧﻴﺔ ... ﻏﺘﺠﻲ ﺣﻠﻮﺓ ﻣﻨﻚ
ﺯﻳﻨﺐ : ﺇﻟﻴﺎﺱ ﻭﺍﺵ ﺷﺎﺭﺏ ﺷﻲ ﺣﺎﺟﺔ !
ﺇﻟﻴﺎﺱ : " ﻛﻴﻘﺮﺏ " ﺷﺎﺭﺏ ﺍﺗﺎﻱ ﻫﻬﻬﻪ ... ﻋﺮﻓﺘﻲ ﻓﺎﺵ ﺩﺧﻠﺘﻲ ﻟﻠﺼﺎﻟﻮﻥ ﻭ ﺑﻠﻘﺘﻲ ﻋﻨﻴﻚ ﻓﻴﻨﺎ ﺷﺤﺎﻝ ﺑﻨﺘﻲ ﻛﻴﻮﻭﻭﺕ ... ﻋﺸﻘﺖ ﻧﻮﺽ ﻓﺪﻳﻚ ﺍﻟﻠﺤﻈﺔ ﻧﻌﻨﻘﻚ ﺣﺘﻰ ﻧﺒﻌﺼﻚ
ﺯﻳﻨﺐ : " ﻣﻴﻘﺎﺕ ﻓﻴﻪ " ﺗﻌﻨﻖ ... ﻫﺎﻱ ﻫﺎﻱ ... ﻋﻼﺵ ﺷﻨﻮ ﺑﻴﻨﺎﺗﻨﺎ ﺑﺎﻟﺴﻼﻣﺔ
ﺇﻟﻴﺎﺱ : ﺍﻟﻲ ﺑﻐﻴﺘﻲ ﻳﻜﻮﻥ ... ﺷﻨﻮ ﺑﺎﻥ ﻟﻴﻚ ﺣﺘﻰ ﺣﻨﺎ ﻧﻀﺮﺑﻮ ﺍﻟﻜﺤﻞ ﻓﺎﻟﺒﻴﺾ
ﺯﻳﻨﺐ : ﺑﺎﺭﻛﺔ ﻣﻦ ﻣﺰﺍﺣﻚ ﺍﻟﺒﺎﺳﻞ
ﺇﻟﻴﺎﺱ : " ﺑﺠﺪﻳﺔ " ﻓﻬﺎﺩﺷﻲ ﻣﻜﻨﻀﺤﻜﺶ
ﺯﻳﻨﺐ : " ﻗﻠﺒﺎﺕ ﺍﻟﻤﻮﺿﻮﻉ ﻭ ﺑﺪﺍﺕ ﻛﺪﻓﻊ ﻓﻴﻪ " ﺳﻴﺮ ﺳﻴﺮ ﺧﺮﺝ ... ﺧﻠﻲ ﻫﺎﺩ ﺍﻟﻨﻬﺎﺭ ﻳﻜﻤﻞ ﻋﻠﻰ ﺧﻴﺮ
ﺷﺪ ﻓﻴﺪﻫﺎ ﺍﻟﻲ ﺣﺎﻃﺔ ﻋﻠﻰ ﻇﻬﺮﻭ ... ﺿﺎﺭ ﻭ ﺟﺮﻫﺎ ﻣﻨﻬﺎ ﺣﺘﻰ ﻗﺮﺑﺎﺕ ﻋﻨﺪﻭ ... ﻫﺒﻂ ﺭﺍﺳﻮ ﻭ ﻗﺒﻞ ﺧﺪﻫﺎ ... ﺑﻌﺪ ﻣﺒﺘﺎﺳﻢ ﻭ ﺧﺮﺝ ﺧﻼﻫﺎ ﻣﺴﻤﺮﺓ ﻓﺒﻼﺻﺘﻬﺎ ... ﺭﺟﻊ ﺇﻟﻴﺎﺱ ﻟﻠﺼﺎﻟﻮﻥ ﺩﺧﻞ ﻭ ﻫﻮ ﻳﻠﻘﺎﻫﻢ ﻭﺍﻗﻴﻔﻴﻦ ﻛﻴﺘﻮﺍﺩﻋﻮ ... ﻻﺣﺒﻴﺒﺔ ﻋﻨﻘﺎﺕ ﺟﻮﻻﻥ ﻓﺮﺣﺎﻧﺔ ﺳﻠﻤﺎﺕ ﻋﻠﻴﻬﺎ ﻭ ﺗﻤﻮ ﺧﺎﺭﺟﻴﻦ ... ﻗﺮﺏ ﺇﻟﻴﺎﺱ ﺳﻠﻢ ﻋﻠﻰ ﺟﻮﻻﻥ ...
ﺇﻟﻴﺎﺱ : ﻣﺒﺮﻭﻭﻭﻙ ﻋﻠﻴﻚ ﺍﻣﺮﺕ ﺧﻮﻳﺎ
ﺳﻨﻤﺎﺭ : " ﺟﺮﻭ " ﺯﻳﺪ ﺧﺮﺝ ﺣﻴﺪ ﻃﻮﻣﻮﺑﻴﻠﺘﻚ ﺑﺎﺵ ﻧﺘﺤﺮﻛﻮ
ﺑﻘﺎﺕ ﻛﺘﺸﻮﻑ ﻓﻴﻬﻢ ﺟﻮﻻﻥ ﻭ ﺗﺒﺴﻤﺎﺕ ﺷﻮﻳﺔ ﻋﻠﻰ ﺷﻜﻞ ﺇﻟﻴﺎﺱ ﻭ ﺳﻨﻤﺎﺭ ﺟﺎﺭﻭ ﺑﺪﻳﻚ ﺍﻟﻄﺮﻳﻘﺔ ... ﺣﺴﺎﺕ ﺑﻴﻪ ﻭﻗﻒ ﺣﺪﺍﻫﺎ ﺗﻠﻔﺘﺎﺕ ﺷﺎﻓﺖ ﻓﻴﻪ ... ﻣﻦ ﻋﻨﻴﻬﺎ ﻋﺮﻑ ﺷﻨﻮ ﻛﻴﻀﻮﺭ ﻓﺒﺎﻟﻬﺎ ...
ﺭﺋﺒﺎﻝ : ﻣﻦ ﺑﻌﺪ ﻏﻨﺸﺮﺡ ﻟﻴﻚ ﻛﻠﺸﻲ
ﺩﺍﺯ ﻣﻦ ﺣﺪﺍﻫﺎ ﺣﺘﻰ ﻟﻤﺲ ﻛﺘﻔﻮ ﻛﺘﻔﻬﺎ ... ﺑﻘﺎﺕ ﻣﺘﺒﻌﻬﺎ ﻟﻴﻪ ﺍﻟﻌﻴﻦ ﺣﺘﻰ ﺧﺮﺝ ... ﺗﺴﺎﻟﻢ ﻣﻌﺎﻫﻢ ﻭ ﺗﻮﺟﻪ ﻟﺴﻴﺎﺭﺗﻮ ﺣﻞ ﻻﺣﺒﻴﺒﺔ ﻟﺒﺎﺏ ... ﺗﻤﻨﺎﺕ ﻟﻴﻬﻢ ﻟﻴﻠﺔ ﻃﻴﺒﺔ ﻭ ﻃﻠﻌﺎﺕ ﻣﻘﺪﺍﻫﺎ ﻓﺮﺣﺔ ... ﺭﻛﺐ ﺭﺋﺒﺎﻝ ﻭ ﻛﻴﻒ ﺗﺤﺮﻛﻮ ﺳﻴﺎﺭﺍﺕ ﺍﻟﺪﺭﺍﺭﻱ ﺿﺎﺭ ﻭ ﻛﺴﻴﺮﺍ ...
ﺍﻟﺤﺎﺟﺔ ﻭ ﺍﻟﺤﺎﺝ ﺣﺘﻰ ﻫﻤﺎ ﻏﺎﺩﺭﻭ ... ﺩﺧﻞ ﺇﺑﺮﺍﻫﻴﻢ ﺷﺎﻑ ﻓﺠﻮﻻﻥ ﻭﺍﻗﻔﺔ ﻓﻘﺎﻉ ﺍﻟﺪﺍﺭ ... ﺣﻂ ﻳﺪﻭ ﻋﻠﻰ ﻛﺘﻔﻬﺎ ﺭﺍﺿﻲ ﻋﻠﻰ ﻗﺮﺍﺭﻫﺎ ﻭ ﺩﺧﻞ ﻟﺒﻴﺘﻮ ... ﺣﻔﻴﻀﺔ ﻗﺮﺑﺎﺕ ﻋﻨﺪ ﺑﻨﺘﻬﺎ ﺷﺪﺍﺕ ﻓﻴﻬﺎ ﻭ ﺟﺮﺍﺗﻬﺎ ﻟﺠﻬﺔ ﺍﻟﺪﺭﻭﺝ ...
ﺣﻔﻴﻀﺔ : ﻣﺎﺷﻲ ﻫﺬﺍ ﺍﻟﻤﺪﻳﺮ ﺩﻳﺎﻝ ﺍﻟﺸﺮﻛﺔ ﻓﻴﻦ ﻛﻨﺘﻲ ﺧﺪﺍﻣﺔ ... ﻭ ﻫﻮ ﺍﻟﻲ ﻋﺎﻭﻧﻚ ﻓﺎﺵ ﺭﺟﻌﺘﻲ ﻛﺘﺎﺑﻚ ﻭ ﺗﻜﻠﻒ ﺑﺎﻟﻌﻤﻠﻴﺔ !
ﺟﻮﻻﻥ : " ﺣﺮﻛﺎﺕ ﺭﺍﺳﻬﺎ ﺑﺎﻹﻳﺠﺎﺏ "
ﺣﻔﻴﻀﺔ : ﻳﺎﺍﺍﻩ ... ﻭ ﻧﺘﻲ ﻣﻜﺎﻧﺖ ﻋﻨﺪﻙ ﺣﺘﻰ ﻓﻜﺮﺓ ﺑﻠﻲ ﻫﻮ ﺍﻟﻲ ﺟﺎﻱ ﻳﺨﻄﺒﻚ ؟
ﺟﻮﻻﻥ : ﻻ ﻣﺎﻛﻨﺘﺶ ﻋﺎﺭﻓﺔ
ﺣﻔﻴﻀﺔ : ﻳﻌﻨﻲ ﻣﺸﺎ ﻋﻨﺪ ﺑﺎﻙ ﺩﻳﺮﻳﻜﺖ ... ﺍﻟﺼﺮﺍﺣﺔ ﻓﺎﺵ ﻋﺮﻓﺖ ﺍﺭﺗﺎﺣﻴﺖ ... ﻭ ﻣﻨﻴﻦ ﻭﺍﻓﻘﺘﻲ ﻓﺮﺣﺖ
ﺟﻮﻻﻥ : ﺑﺎﻟﺼﺢ ؟ !
ﺣﻔﻴﻀﺔ : ﺟﺪﺍﻩ ﻣﺮﺍ ﺿﺮﻳﻔﺔ ﻭ ﻣﺘﻮﺍﺿﻌﺔ ﺩﺧﻼﺕ ﻟﻴﺎ ﻟﺨﺎﻃﺮﻱ ... ﻭ ﻫﻮ ﻣﺎ ﺷﻔﻨﺎ ﻣﻨﻮ ﻏﺎ ﺍﻟﺨﻴﺮ ... ﻭ ﻣﻨﻴﻦ ﻃﻠﺒﻚ ﻣﻦ ﺑﺎﻙ ﺭﺍﻩ ﻋﺎﺭﻑ ﺍﻷﺻﻮﻝ ... ﺍﻟﺼﺮﺍﺣﺔ ﻛﺒﺮ ﻓﻌﻨﻴﺎ ... " ﺳﻜﺘﺎﺕ ﺷﻮﻳﺔ " ﺟﻮﻻﻥ ... ﻭ ﻭﺍﺵ ﻛﺎﻧﺖ ﺑﻴﻨﺎﺗﻜﻢ ﺷﻲ ﺣﺎﺟﺔ ؟
ﺟﻮﻻﻥ : ﻻ ﺍﻣﺎﻣﺎ ... !
ﺣﻔﻴﻀﺔ : ﺍﻣﻢ ﺍﻭﻛﻲ ... ﻃﻠﻌﻲ ﻟﺒﻴﺘﻚ ﺗﺮﺗﺎﺣﻲ
ﻃﻠﻌﺎﺕ ﺟﻮﻻﻥ ﻟﻐﺮﻓﺘﻬﺎ ... ﺣﻼﺕ ﻟﺒﻼﻛﺎﺭ ﺟﺒﺪﺍﺕ ﺑﻴﺠﺎﻣﺘﻬﺎ ... ﺣﻴﺪﺍﺕ ﻟﻘﻔﻄﺎﻥ ﻭ ﺟﻤﻌﺎﺕ ﺷﻌﺮﻫﺎ ﻛﻮﺕ ﺷﻮﻓﺎﻝ ... ﻫﺰﺍﺕ ﻗﻄﻦ ﻭ ﺩﻳﻤﺎﻛﻴﻮﻥ ﻣﺴﺤﺎﺕ ﻭﺟﻬﺎ ﻣﻦ ﺍﻟﻤﺎﻳﻜﺎﭖ ... ﺣﻄﺎﺕ ﺩﺍﻛﺸﻲ ﻓﻮﻕ ﺍﻟﻄﺒﻠﺔ ... ﭼﻠﺴﺎﺕ ﻓﻄﺮﻑ ﺍﻟﺴﺮﻳﺮ ﻛﺘﺸﻮﻑ ﻓﻴﺪﻫﺎ ... ﺗﺤﻞ ﻟﺒﺎﺏ ﻭ ﺩﺧﻼﺕ ﺯﻳﻨﺐ ﻗﺮﺑﺎﺕ ﻋﻨﺪﻫﺎ ...
ﺯﻳﻨﺐ : ﺍﻟﺨﺎﺗﻢ ﻛﻴﺤﻤﻖ
ﺟﻮﻻﻥ : " ﻛﺘﺸﻮﻑ ﻓﻴﻪ " ﻋﻼﺵ ﻓﻨﻈﺮﻙ ﻣﻘﺎﻝ ﻟﻴﺎ ﻭﺍﻟﻮ ﻭ ﻣﺸﺎ ﻋﻨﺪ ﺑﺎﺑﺎ
ﺯﻳﻨﺐ : " ﺟﻠﺴﺎﺕ ﺟﻨﺒﻬﺎ " ﺷﻜﻮﻥ ﻋﺎﺭﻑ ﺍﻟﺴﺒﺐ ﺍﻟﻲ ﺧﻼﻩ ﻳﺘﺼﺮﻑ ﻫﺎﻛﺔ ... ﻟﻜﻦ ﺃﻧﺎ ﻣﺘﻔﺎﺟﺄﺗﺶ ﻟﺪﻳﻚ ﺍﻟﺪﺭﺟﺔ ... ﺷﺤﺎﻝ ﻣﻦ ﻣﺮﺓ ﻗﻠﺖ ﻟﻴﻚ ﺭﺍﻩ ﺍﻟﻤﺪﻳﺮ ﻣﻬﺘﻢ ﺑﻴﻚ
ﺟﻮﻻﻥ : ﻣﺎﻋﺮﻓﺘﺶ ﻭ ﻟﻜﻦ ﻋﻤﺮﻧﻲ ﺗﺨﺎﻳﻠﺖ ﻧﻜﻮﻥ ﻓﻌﻼﻗﺔ ﺍﻟﻲ ﺧﺎﺹ ﻧﻔﻜﺮ ﻓﻜﻞ ﻛﻠﻤﺔ ﻭ ﺗﺼﺮﻑ ﻏﻨﺪﻳﺮ ﻗﺪﺍﻡ ﺍﻟﺸﺨﺺ ﺍﻟﻲ ﻏﻨﺮﺗﺎﺑﻂ ﺑﻴﻪ ... ﻣﺎﻧﻘﺪﺭﺵ ﻧﺘﺼﺮﻑ ﻋﻠﻰ ﺭﺍﺣﺘﻲ ﻓﺤﻀﻮﺭﻭ
ﺯﻳﻨﺐ : ﻭ ﻋﻼﺵ ﻣﺎﺗﻘﺪﺭﻳﺶ ... ﻫﻮ ﻋﻨﺪ ﺑﺎﻟﻚ ﻻﺵ ﺑﻐﺎﻙ ... ﺣﻴﻨﺖ ﻧﺘﻲ ﺃﺻﻼ ﻣﺨﺘﻠﻔﺔ ﻭ ﺷﻔﺎﻓﺔ ... ﺍﻟﻲ ﻟﺪﺍﺧﻞ ﺑﺎﻳﻦ ﻓﺎﻟﺨﺎﺭﺝ ... ﻣﻜﺘﻤﺜﻠﻲ ﺍﻭ ﻛﺘﺪﺍﻋﻲ ﻓﺘﺼﺮﻓﺎﺗﻚ ... ﻭ ﻛﻴﻒ ﻛﻨﻌﺮﻓﻮ ﻫﻮ ﺷﺨﺺ ﺫﻛﻲ ... ﻏﻴﻜﻮﻥ ﻻﺣﻆ ﻭ ﻋﺎﺭﻑ ﺷﻜﻮﻥ ﻫﻲ ﺟﻮﻻﻥ
ﺟﻮﻻﻥ : ﺷﻔﺘﻲ ﺑﺎﺑﺎ ﺷﺤﺎﻝ ﻛﺎﻥ ﻓﺮﺣﺎﻥ
ﺯﻳﻨﺐ : ﻭﻱ ﺷﻔﺖ ﻟﻜﻦ ﺍﻟﺴﺆﺍﻝ ﺍﻟﻤﻬﻢ ﻫﻢ ﻭﺍﺵ ﻧﺘﻲ ﻓﺮﺣﺎﻧﺔ ... " ﻫﺰﺍﺕ ﻟﻴﻬﺎ ﺭﺍﺳﻬﺎ " ﺟﻮﻻﻥ ﺑﺼﺮﺍﺣﺔ ... ﺑﺸﻨﻮ ﻛﺘﺤﺴﻲ ﻣﻦ ﺟﻬﺔ ﺍﻟﻤﺪﻳﺮ ؟
ﺟﻮﻻﻥ : ﻣﺎﻋﺮﻓﺘﺶ ... !
ﺯﻳﻨﺐ : ﻓﻬﺎﺩ ﻣﺎﻋﺮﻓﺘﺶ ﻣﻦ ﻭﺭﺍﻫﺎ ﺑﺰﺍﻑ ... ﻟﻮ ﻛﻨﺘﻲ ﻣﻜﺘﺤﺴﻲ ﺑﺤﺘﻰ ﺣﺎﺟﺔ ﻣﻦ ﺟﻬﺘﻮ ﻏﺘﻌﺮﻓﻲ ﺍﻟﺠﻮﺍﺏ ﺩﻳﻚ ﺍﻟﺴﺎﻉ ... ﺃﻧﺎ ﻛﻨﻘﻮﻝ ﻟﻴﻚ ﻋﻄﻲ ﻓﺮﺻﺔ ﻟﺮﺍﺳﻚ ﻭ ﻓﺘﺤﻲ ﻗﻠﺒﻚ ... ﻳﻤﻜﻦ ﻫﻮ ﺍﻟﺸﺨﺺ ﺍﻟﻲ ﻣﻜﺘﺎﺏ ﻟﻴﻚ
ﺟﻮﻻﻥ : ﺭﺟﻌﺖ ﺧﺎﻳﻔﺔ ﻣﻦ ﺃﻱ ﺧﻄﻮﺓ
ﺯﻳﻨﺐ : ﻃﺒﻴﻌﻲ ... ﻟﻜﻦ ﺩﺍﺑﺔ ﺍﻟﻮﺿﻊ ﻣﺨﺘﺎﻟﻒ ... ﺷﻨﻮ ﻓﻴﻬﺎ ﻻ ﻟﻘﻴﺘﻲ ﺍﻟﻲ ﻳﻜﻮﻥ ﻣﻌﺎﻙ ﻭ ﻳﺴﺎﻧﺪﻙ ... ﻳﺤﻤﻴﻚ ﺃﻭ ﺣﺘﻰ ﻳﻮﻗﻒ ﺿﺪ ﺍﻟﻌﺎﻟﻢ ﻋﻠﻰ ﻗﺒﻠﻚ ... ﻣﺎﺷﻲ ﻫﺎﺩﺷﻲ ﺍﻟﻲ ﻛﻨﺘﻤﻨﺎﻭ ﻛﺎﻣﻠﻴﻦ
ﻧﺎﺿﺖ ﺟﻮﻻﻥ ﻭﻗﻔﺎﺕ ﻗﺪﺍﻡ ﻧﺎﻓﺬﺗﻬﺎ ... ﺧﻼﺕ ﺯﻳﻨﺐ ﻛﺘﺒﺪﻝ ﺣﻴﻨﺖ ﻏﺘﺒﺎﺕ ﻣﻌﻬﺎ ... ﺑﻘﺎﺕ ﻛﺘﻔﻜﺮ ﻓﻜﻼﻡ ﺯﻳﻨﺐ ... ﻭ ﺣﺘﻰ ﺑﺎﻟﺸﻌﻮﺭ ﺍﻟﻲ ﺣﺎﺳﺎﻩ ﻓﻬﺎﺩ ﺍﻟﻠﺤﻈﺔ ... ﻫﻮ ﺗﺨﻮﻑ ﻟﻜﻦ ﻣﻤﺰﻭﺝ ﺑﻤﺸﺎﻋﺮ ﺃﺧﺮﻯ ... ﺑﻴﻨﻬﺎ ﻭ ﺑﻴﻦ ﻧﻔﺴﻬﺎ ﻋﺎﺭﻓﺔ ﻣﻌﻨﻰ ﻫﺎﺩ ﺍﻹﺣﺴﺎﺱ ... ﻟﻜﻦ ﺑﺴﺒﺐ ﺗﺠﺮﺑﺘﻬﺎ ﺍﻟﺴﺎﺑﻘﺔ ﺣﺎﺑﺴﺔ ﻧﻔﺴﻬﺎ ... ﻗﺮﺭﺍﺕ ﺗﺨﻠﻲ ﺍﻷﻳﺎﻡ ﺗﺒﻴﻦ ﻟﻴﻬﺎ ... ﻭ ﺗﺼﺮﻑ ﺩﺍﻙ ﺍﻟﺨﻮﻑ ﺍﻟﻲ ﻣﺄﺛﺮ ﻋﻠﻴﻬﺎ ...
ﺗﺨﺸﺎﺕ ﻓﺒﻼﺻﺘﻬﺎ ﺟﻨﺐ ﺯﻳﻨﺐ ﺍﻟﻲ ﺑﺴﺮﻋﺔ ﻏﻔﺎﺕ ... ﻳﺎﻻﻩ ﺳﺪﺍﺕ ﻋﻨﻴﻬﺎ ﺳﻤﻌﺎﺕ ﺻﻮﺕ ﺍﻟﻔﻮﻥ ... ﻫﺰﺍﺗﻮ ﻣﻦ ﻓﻮﻕ ﻃﺎﺑﻞ ﺩﻭﻧﻮﻱ ... ﻟﻘﺎﺕ ﻣﻴﺴﺎﺝ ﻣﻦ ﻧﻤﺮﺓ ﻏﺮﻳﺒﺔ ... ﻓﺘﺤﺎﺗﻮ ﻛﺘﻘﺮﺍ ﻓﻴﻪ ...
💬 ‏« ﻏﺪﺍ ﻏﻨﺴﻴﻔﻂ ﻟﻴﻚ ﺑﻬﺎﺀ ﻳﺠﻴﺒﻚ ﻟﻠﻤﻄﻌﻢ .. ﺗﺼﺒﺤﻲ ﻋﻠﻰ ﺧﻴﺮ .. ‏»
ﻗﺮﺍﺕ ﺍﻟﻤﻴﺴﺎﺝ ﻭ ﻋﺎﻭﺩﺍﺗﻮ ﺑﺎﺵ ﺗﺄﻛﺪ ... ﻣﺎﻋﺮﻓﺎﺗﺶ ﻭﺍﺵ ﺗﺮﺩ ﻋﻠﻴﻪ ﺃﻭ ﻻ ... ﻛﺘﺒﺎﺕ ﻭ ﺭﺳﻼﺗﻮ ﻟﻴﻪ ... ﺳﺠﻼﺕ ﻧﻤﺮﺗﻮ ﻓﺎﻟﻔﻮﻥ ﻋﻨﺪﻫﺎ ﻭ ﺣﻄﺎﺗﻮ ... ﺗﻐﻄﺎﺕ ﻭ ﻫﻲ ﻛﺘﺬﻛﺮ ﺍﻷﺣﺪﺍﺙ ﺍﻟﻲ ﻭﻗﻌﻮ ﺍﻟﻴﻮﻡ ﺣﺘﻰ ﻏﻔﺎﺕ ...
ﻭﺍﻗﻒ ﻓﺎﻟﺒﺎﻟﻜﻮﻥ ﻫﺎﺯ ﻛﺎﺱ ﻓﻴﺪﻭ ... ﺟﺒﺪ ﺍﻟﻔﻮﻥ ﺣﻠﻮ ﻛﻴﻘﺮﺍ ﻓﺠﻮﺍﺑﻬﺎ ...
💬 ﺃﻭﻛﻲ ... ﺗﺼﺒﺢ ﻋﻠﻰ ﺧﻴﺮ
ﺭﺟﻊ ﺍﻟﻔﻮﻥ ﻟﺠﻴﺒﻮ ﺷﺮﺏ ﺍﻟﻲ ﻛﺎﻥ ﺑﺎﻗﻲ ﻓﺎﻟﻜﺎﺱ ﻭ ﺩﺧﻞ ... ﺣﻴﺪ ﺍﻟﺘﻴﺸﻮﺭﺕ ﻷﻥ ﺍﻟﻐﺮﻓﺔ ﺩﺍﻓﻴﺔ ... ﭼﻠﺲ ﻓﺎﻟﻔﻮﻃﻮﻱ ﺩﺍﺭ ﺍﻟﻨﻈﺎﺭﺍﺕ ﺍﻟﻲ ﻛﻴﺴﺘﻌﻤﻞ ﺑﻌﺪ ﺍﻟﻤﺮﺍﺕ ﻓﺎﺵ ﻛﻴﻜﻮﻥ ﺧﺪﺍﻡ ﻭ ﺣﻞ ﻟﺒﻴﺴﻲ ...
🍁🍁🍁 ﺍﻟﻴﻮﻡ ﺍﻟﻤﻮﺍﻟﻲ ...
ﻓﺎﻗﻮ ﻟﺒﻨﺎﺕ ﻭ ﻫﺒﻄﻮ ﻳﻔﻄﺮﻭ ... ﭼﻠﺴﺎﺕ ﺟﻮﻻﻥ ﻛﺘﺨﻤﻢ ﻓﻬﺎﺩ ﺍﻟﻘﻀﻴﺔ ﺩﻳﺎﻝ ﺍﻟﺨﺮﻭﺝ ... ﺑﺎﻫﺎ ﺃﻛﻴﺪ ﻣﻐﺎﺩﻳﺶ ﻳﺒﻐﻲ ... ﻭ ﻫﻲ ﻛﺘﺸﺮﺏ ﻓﺎﻟﻘﻬﻮﺓ ﺳﻤﻌﺎﺕ ﺇﺑﺮﺍﻫﻴﻢ ﻧﻄﻖ ...
ﺇﺑﺮﺍﻫﻴﻢ : ﻗﺎﻝ ﻟﻴﺎ ﺭﺋﺒﺎﻝ ﻏﻴﺴﻴﻔﻂ ﻟﻴﻚ ﺷﻲ ﺣﺪ ﺑﺎﺵ ﺗﻘﺪﺍﻭ ﺍﻟﻲ ﺧﺎﺻﻚ ... ﻋﻨﺪﺍﻙ ﺗﻨﺴﺎﻱ
ﺷﺎﻓﺖ ﻓﻴﻪ ﺟﻮﻻﻥ ﺑﺼﺪﻣﺔ ... ﺗﻮﻗﻌﺎﺕ ﺍﻧﻮ ﻳﻜﻮﻥ ﻣﻌﺎﺭﺽ ﺗﺨﺮﺝ ﻣﻌﺎﻩ ﻭ ﻫﻤﺎ ﺑﺎﻗﻲ ﻏﻴﺮ ﻣﺨﻄﻮﺑﻴﻦ ... ﺷﺎﻓﺖ ﻓﻤﻬﺎ ﺍﻟﻲ ﻛﺎﻧﺖ ﻣﻌﺠﺒﺔ ﻓﻴﻪ ﺣﺘﻰ ﻫﻲ ... ﺳﻜﺘﺎﺕ ﻭ ﻛﻤﻼﺕ ﻓﻄﻮﺭﻫﺎ ... ﻃﻠﻌﺎﺕ ﻟﻔﻮﻕ ﻫﻲ ﻭ ﺯﻳﻨﺐ ﻏﻴﺮ ﺩﺧﻠﻮ ﻟﺒﻴﺖ ﻭ ﻫﻲ ﺿﻮﺭ ﻋﻨﺪﻫﺎ ...
ﺟﻮﻻﻥ : ﺳﻤﻌﺘﻴﻪ ﺷﻨﻮ ﻗﺎﻝ
ﺯﻳﻨﺐ : ﻭﻳﻴﻪ ... ﻗﺎﻟﻴﻚ ﺧﺮﺟﻲ ﻣﻊ ﺧﻄﻴﺒﻚ ﺗﺸﺮﻳﻮ ﺍﻟﻲ ﺧﺎﺻﻜﻢ
ﺟﻮﻻﻥ : ﺧﻄﻴﺒﻚ !!
ﺯﻳﻨﺐ : ﻭ ﻋﻼﻩ ﺁﺵ ﻳﻜﻮﻥ
ﺟﻮﻻﻥ : ﻻ ﻣﺎﻗﻠﺖ ﻭﺍﻟﻮ
ﺯﻳﻨﺐ : ﻛﻨﺖ ﻧﺎﻭﻳﺔ ﻧﺨﺮﺟﻮ ﺍﻧﺎ ﻭﻳﺎﻙ ﺍﻟﻴﻮﻡ ﺍﻟﺤﺪ ... ﺍﻭﺍ ﺩﺍﺑﺔ ﺭﺟﻌﺘﻲ ﻣﺨﻄﻮﺑﺔ ﻭ ﺧﺎﺹ ﺗﺎﺧﺪﻱ ﻣﻦ ﻋﻨﺪﻭ ﺍﻹﺫﻥ ﻭ ﻛﺬﺍ ... ﻭ ﺩﺍﺑﺔ ﻫﺎﻫﻮ ﺳﺎﺭﻗﻚ ﻣﻨﻲ ... ﻧﻤﺸﻲ ﻟﺪﺍﺭﻧﺎ ﻋﻨﺪ ﻣﻴﻤﺘﻲ ﺗﻨﮕﺮ ﻋﻠﻴﺎ ﺷﻮﻳﺔ ... ﻛﺎﻧﺖ ﺗﻘﻮﻝ ﻟﻴﺎ ﻓﻼﻧﺔ ﺗﺨﻄﺒﺎﺕ ﻭ ﻫﺎﺩﻱ ﺗﺰﻭﺟﺎﺕ ... ﺩﺍﺑﺔ ﻣﻨﻴﻦ ﺗﺨﻄﺒﺘﻲ ﻧﺘﻲ ﺧﻼﺹ ... ﻣﺤﺎﻝ ﺗﺴﻜﺖ ﻫﻬﻬﻪ
ﺭﺟﻌﺎﺕ ﺯﻳﻨﺐ ﻟﺪﺍﺭﻫﻢ ﻭ ﺟﻮﻻﻥ ﺑﻘﺎﺕ ﻓﻐﺮﻓﺘﻬﺎ ﺣﺘﻰ ﻗﺮﺏ ﺍﻟﻮﻗﺖ ... ﻧﺎﺿﺖ ﺗﻐﻴﺮ ﺣﻮﺍﻳﺠﻬﺎ ... ﻟﺒﺴﺎﺕ ﻗﻤﻴﺠﺔ ﺩﻧﻴﻢ ﻣﻊ ﺟﻴﻨﺰ ﻭ ﺳﺒﺮﺩﻳﻠﺔ ﺑﻴﻀﺔ ... ﺳﺮﺣﺎﺕ ﺷﻌﺮﻫﺎ ﻭ ﺧﻼﺗﻮ ﻣﻄﻠﻮﻕ ... ﺩﺍﺭﺕ ﻣﺎﺳﻜﺎﺭﺍ ﻭ ﻟﻴﭗ ﮔﻠﻮﺱ ﻓﻘﻂ ... ﺳﻤﻌﺎﺕ ﺻﻮﺕ ﺍﻟﺴﻴﺎﺭﺓ ﻫﺰﺍﺕ ﺟﺎﻛﻴﻄﻬﺎ ﻭ ﺍﻟﺼﺎﻙ ﻭ ﻫﺒﻄﺎﺕ ... ﺣﻼﺕ ﻟﺒﺎﺏ ﺧﺎﺭﺟﺔ ﺑﺎﻥ ﻟﻴﻬﺎ ﺑﻬﺎﺀ ...
ﻛﻴﻒ ﻗﺮﺑﺎﺕ ﻣﺸﺎ ﻳﺤﻞ ﻟﻴﻬﺎ ﺍﻟﺒﺎﺏ ... ﺣﺴﺎﺕ ﺑﻌﺪﻡ ﺍﻟﺮﺍﺣﺔ ﻣﻦ ﻫﺎﺩ ﺍﻟﻤﻌﺎﻣﻠﺔ ﺍﻟﺠﺪﻳﺪﺓ ... ﻃﻠﻌﺎﺕ ﻭ ﺿﺎﺭ ﻫﻮ ﺭﻛﺐ ... ﺩﻳﻤﺎﺭﺍ ﻏﺎﺩﻳﻴﻦ ﻓﺼﻤﺖ ﺣﺘﻰ ﻭﻗﻒ ﻗﺪﺍﻡ ﻣﻄﻌﻢ ﻛﺒﻴﺮ ... ﺧﺮﺝ ﻭ ﻗﺒﻞ ﻣﺎﻳﻮﺻﻞ ﻋﻨﺪﻫﺎ ﺣﻼﺕ ﻟﺒﺎﺏ ﻭ ﻫﺒﻄﺎﺕ ... ﺑﺪﻭﻥ ﻣﺎﻳﺸﻮﻑ ﻓﻴﻬﺎ ﻧﻌﺖ ﻟﻴﻬﺎ ﻟﺠﻬﺔ ﺍﻟﻤﻄﻌﻢ ...
ﺑﻬﺎﺀ : ﺩﺧﻠﻲ ﺭﺍﻩ ﻛﻴﺘﺴﻨﺎﻙ
ﺟﻮﻻﻥ : ﺷﻜﺮﺍ
ﺩﺍﺭﺕ ﺻﺎﻛﻬﺎ ﻓﻜﺘﻔﻬﺎ ﻭ ﺗﻤﺎﺕ ﺩﺍﺧﻠﺔ ﻟﻠﻤﻄﻌﻢ ... ﺯﺍﺩ ﺗﻮﺛﺮﻫﺎ ﻭ ﻫﻲ ﻗﺮﻳﺐ ﺗﺸﻮﻓﻮ ... ﺃﻛﻴﺪ ﺗﺎﺑﻌﻬﻢ ﺣﺪﻳﺚ ﻣﻄﻮﻝ ﻳﻮﺿﺢ ﺷﺤﺎﻝ ﻣﻦ ﺣﺎﺟﺔ ﻣﺒﻬﻤﺔ ...
ﻭﻗﻔﺎﺕ ﻛﺘﻘﻠﺐ ﺑﻌﻨﻴﻬﺎ ﺣﺘﻰ ﻭﻗﻒ ﻋﻠﻴﻬﺎ ﻭﺍﺣﺪ ﺍﻟﻨﺎﺩﻝ ... ﺳﻮﻟﻬﺎ ﻋﻠﻰ ﺍﺳﻤﻬﺎ ﻛﻴﻒ ﻗﺎﻟﺘﻮ ﻟﻴﻪ ﻃﻠﺐ ﻣﻨﻬﺎ ﺗﺒﻌﻮ ... ﻃﻠﻌﻮ ﻣﻊ ﺍﻟﺪﺭﺝ ﻟﻠﻄﺎﺑﻖ ﺍﻟﺜﺎﻧﻲ ... ﻛﺎﻥ ﺑﺎﺏ ﻋﺮﻳﺾ ﺟﺮﻭ ﺟﻨﺐ ﻭ ﺩﺍﺭ ﻟﻴﻬﺎ ﺇﺷﺎﺭﺓ ﺗﺪﺧﻞ ... ﺩﺧﻼﺕ ﻭ ﻫﻲ ﺗﺸﻮﻑ ﻃﺒﻠﺔ ﺩﺍﺋﺮﻳﺔ ﻛﺒﻴﺮﺓ ﻓﺎﻟﻮﺳﻂ ﻣﻜﺎﻳﻨﺶ ﻏﻴﺮﻫﺎ ... ﻓﻴﻬﺎ ﺟﻮﺝ ﻛﺮﺍﺳﺎ ﻭ ﻣﺰﻳﻨﺔ ﻋﻠﻰ ﺍﻵﺧﺮ ... ﺻﺤﻮﻥ ﻭ ﻛﻴﺴﺎﻥ ﻓﺎﺧﺮﺓ ﻭ ﻣﺰﻫﺮﻳﺔ ﻛﺒﻴﺮﺓ ﻟﻮﺳﻂ ﻭ ﻓﻮﻗﻬﺎ ﻣﺒﺎﺷﺮﺓ ﺛﺮﻳﺔ ﺿﺨﻤﺔ ... ﺩﻭﺯﺍﺕ ﻋﻨﻴﻬﺎ ﻋﻠﻰ ﺍﻟﻐﺮﻓﺔ ﺣﺘﻰ ﺗﻮﻗﻔﺎﺕ ﻓﺠﻬﺔ ﺍﻟﺸﺮﻓﺔ ...
ﺑﺎﻥ ﻟﻴﻬﺎ ﻭﺍﻗﻒ ﻻﺑﺲ ﻛﻠﺸﻲ ﺃﺳﻮﺩ ... ﺗﺤﺮﻛﺎﺕ ﺟﻮﺝ ﺧﻄﻮﺍﺕ ﻭ ﻫﻮ ﻳﻀﻮﺭ ... ﺗﻢ ﺩﺍﺧﻞ ﻭ ﻣﺎﺣﺪﻭ ﻛﻴﻘﺮﺏ ﻋﻨﺪﻫﺎ ﻭ ﺩﻗﺎﺕ ﻗﻠﺒﻬﺎ ﻛﻴﺘﺴﺎﺭﻋﻮ ... ﻭﻗﻒ ﻣﻘﺎﺑﻞ ﻣﻌﻬﺎ ﻗﺮﻳﺐ ﻭ ﻛﻴﺸﻮﻑ ﻓﻴﻬﺎ ...
ﺭﺋﺒﺎﻝ : ﭼﻠﺴﻲ
ﻫﺒﻄﺎﺕ ﻋﻨﻴﻬﺎ ﻟﻘﺎﺗﻮ ﺟﺎﺭ ﻟﻴﻬﺎ ﺍﻟﻜﺮﺳﻲ ﺍﻟﻲ ﻣﻦ ﻭﺭﺍﻫﺎ ... ﭼﻠﺴﺎﺕ ﻭ ﻫﻮ ﻳﺘﻮﺟﻪ ﻟﻠﻜﺮﺳﻲ ﺍﻟﻲ ﻣﻘﺎﺑﻞ ﻣﻌﻬﺎ ... ﺑﺎﻥ ﻟﻴﻬﺎ ﻛﺎﺱ ﺩﻳﺎﻝ ﺍﻟﻤﺎ ﻫﺒﻄﺎﺕ ﻋﻠﻴﻪ ﺷﺮﺑﺎﺗﻮ ... ﺣﻄﺎﺕ ﺍﻟﻜﺎﺱ ﻭ ﺑﺪﺍﺕ ﺗﻀﻮﺭ ﻋﻨﻴﻬﺎ ﺑﺎﺵ ﻣﺘﺸﻮﻓﺶ ﻓﺎﺗﺠﺎﻫﻮ ...
ﺭﺋﺒﺎﻝ : ﻣﻐﺎﺩﻳﺶ ﺗﺤﻴﺪﻳﻪ
ﻫﺰﺍﺕ ﻋﻨﻴﻬﺎ ﻓﻴﻪ ﺑﺎﺳﺘﻔﻬﺎﻡ ... ﺷﺎﻓﺖ ﻓﺎﻟﺼﺎﻙ ﺍﻟﻲ ﺑﺎﻗﻲ ﻣﻌﻠﻖ ﻓﻜﺘﺎﻓﻬﺎ ... ﺣﻴﺪﺍﺗﻮ ﻭ ﻋﻠﻘﺎﺗﻮ ﻓﻈﻬﺮ ﺍﻟﻜﺮﺳﻲ ﻭ ﻫﻲ ﻛﺘﻌﺎﻳﺮ ﻓﺮﺍﺳﻬﺎ ﻭ ﺗﻤﺘﻢ ... ﺿﺎﺭﺕ ﻛﺘﺸﻮﻑ ﺟﻬﺔ ﺍﻟﺸﺮﻓﺔ ﺍﻟﻲ ﭼﺎﻟﺴﻴﻦ ﺑﺠﻨﺒﻬﺎ ... ﺩﺧﻞ ﺍﻟﻨﺎﺩﻝ ﻫﺎﺯ ﺍﻟﻤﻮﻧﻲ ﻓﻴﺪﻳﻪ ... ﺣﻄﻬﻢ ﻗﺪﺍﻣﻬﻢ ﻭ ﺑﻘﺎ ﻭﺍﻗﻒ ... ﺷﺎﻑ ﻓﻴﻬﺎ ﺭﺋﺒﺎﻝ ﻟﻘﺎﻫﺎ ﻣﺴﺘﻤﺘﻌﺔ ﺑﺎﻟﻤﻨﻈﺮ ﻭ ﻫﻮ ﻳﺸﻴﺮ ﻟﻴﻪ ﺑﻴﺪﻭ ﻳﺮﺟﻊ ﻣﻦ ﺑﻌﺪ ... ﺧﺮﺝ ﺍﻟﻨﺎﺩﻝ ﻭ ﺭﺋﺒﺎﻝ ﺗﻜﺎ ﺑﺎﻟﻠﻮﺭ ﻋﻠﻰ ﺍﻟﻜﺮﺳﻲ ﻛﻴﺸﻮﻑ ﻓﻴﻬﺎ ... ﺣﺎﻃﺔ ﻳﺪﻫﺎ ﺗﺤﺖ ﺫﻗﻨﻬﺎ ..
ﺭﺋﺒﺎﻝ : ﻣﺎﺑﻐﺘﻴﺶ ﺗﻌﺮﻓﻲ ﺍﻟﺴﺒﺐ
ﺟﻮﻻﻥ : " ﺿﺎﺭﺕ ﻋﻨﺪﻭ " ﻫﻮ ﻋﻼﺵ ﺟﻴﺖ
ﺭﺋﺒﺎﻝ : ﻧﻬﺎﺭ ﻗﻠﺖ ﻟﻴﻚ ﺭﺟﻌﻲ ﻟﻠﺸﺮﻛﺔ ... ﺭﻓﻀﺘﻲ ﻭ ﺧﻠﺼﺘﻲ ﺍﻟﺸﺮﻁ ﺍﻟﻲ ﻛﺎﻥ ﻓﺎﻟﻌﻘﺪ ... ﺭﻏﻢ ﺃﻧﻚ ﻛﻨﺘﻲ ﺑﺎﻏﺔ ﺗﺮﺟﻌﻲ ... ﻟﻜﻦ ﺑﺎﻙ ﺭﻓﺾ ... ﺭﻓﺾ ﺗﺮﺟﻌﻲ ﻟﻠﺨﺪﻣﺔ ﻭ ﻣﻨﻊ ﻋﻠﻴﻚ ﺍﻟﺨﺮﻭﺝ ... ﻭ ﻧﻬﺎﺭ ﺧﺮﺟﺘﻲ ﻭﻗﻊ ﻟﻴﻚ ﺍﻟﻲ ﻭﻗﻊ ﺑﺴﺒﺒﻲ ... ﻭ ﻣﻦ ﻭﺭﺍﻫﺎ ﺟﺮﺍ ﻋﻠﻴﻚ ﺑﺎﻙ ﻣﻦ ﺍﻟﺪﺍﺭ
ﺟﻮﻻﻥ : ﻣﺎﻓﻬﻤﺘﺶ ﺷﻨﻮ ﺑﺎﻏﻲ ﺗﻘﺼﺪ !
ﺭﺋﺒﺎﻝ : ﻛﻨﺖ ﻭﺍﻋﺪﺗﻚ ﻧﺮﺟﻊ ﻟﻴﻚ ﺣﻴﺎﺗﻚ ... ﻭ ﻫﺎ ﺃﻧﺎ ﻛﻨﻮﻓﻲ ﺑﺪﺍﻙ ﺍﻟﻮﻋﺪ ... ﻣﻦ ﻏﺪﺍ ﻣﻤﻜﻦ ﺗﺮﺟﻌﻲ ﻟﻠﺸﺮﻛﺔ ... ﻭ ﺗﺮﺟﻌﻲ ﺗﻜﻤﻠﻲ ﻛﺘﺎﺑﻚ ﻭ ﺗﻨﺸﺮﻳﻪ ... ﻭ ﺣﺘﻰ ﺣﺪ ﻣﻐﺎﺩﻱ ﻳﺘﺪﺧﻞ ... ﺣﺘﻰ ﻟﻮ ﻛﺎﻥ ﺑﺎﻙ
ﺟﻮﻻﻥ : " ﺑﻌﺪﻣﺎ ﺍﺳﺘﻮﻋﺒﺎﺕ ﻛﻼﻣﻮ " ﻭﺍﺵ ﻫﺎﺩﺷﻲ ﻋﻼﺵ ﺑﺎﻏﻲ ﺗﺰﻭﺝ ﺑﻴﺎ ... ؟ !
ﺭﺋﺒﺎﻝ : ﺍﻣﻢ
ﺟﻮﻻﻥ : " ﺣﺪﺭﺍﺕ ﻋﻨﻴﻬﺎ " ﺁﻩ ﻓﻬﻤﺖ ... ﺣﻴﻨﺖ ﺣﻴﺎﺗﻲ ﺗﺨﺮﺑﺎﺕ ... ﺣﺴﻴﺘﻲ ﺑﺎﻟﻤﺴﺆﻭﻟﻴﺔ ﻭ ﺑﺎﻏﻲ ﺗﺼﻠﺤﻬﺎ ﺑﺎﺵ ﺗﺒﻘﺎ ﻣﺮﺗﺎﺡ
ﺭﺋﺒﺎﻝ : ﻛﻴﺸﻮﻑ ﻓﻴﻬﺎ " ﺗﻤﺎﻣﺎ
ﺟﻮﻻﻥ : " ﻭ ﻫﻲ ﻛﺘﻠﻌﺐ ﻓﺼﺒﺎﻋﻬﺎ " ﺍﺫﻥ ﻓﻜﺮﺓ ﺍﻟﺰﻭﺍﺝ ﻓﻘﻂ ﺑﺎﺵ ﻧﻘﺪﺭ ﻧﺪﻳﺮ ﺍﻟﻲ ﺑﻐﻴﺖ ... ﻭ ﻧﺨﺮﺝ ﻣﻦ ﺗﺤﺖ ﻳﺪ ﺑﺎﺑﺎ " ﻫﺰﺍﺕ ﻓﻴﻪ ﻋﻨﻴﻬﺎ " ﻫﺎﺩﺷﻲ ﺍﻟﻲ ﺑﺎﻏﻲ ﺗﻘﻮﻝ
ﺭﺋﺒﺎﻝ : ﻓﻨﻈﺮﻙ ﻛﺎﻳﻦ ﺷﻲ ﺳﺒﺐ ﺁﺧﺮ !
ﺟﻮﻻﻥ : ﻻ ... ﻋﻼﺵ ﻏﻴﻜﻮﻥ ﺳﺒﺐ ﺁﺧﺮ ... ﺩﺍﺑﺔ ﺗﻮﺿﺢ ﻛﻠﺸﻲ ﻭ ﻟﻘﻴﺖ ﺟﻮﺍﺏ ﻟﻸﺳﺌﻠﺔ ﺍﻟﻲ ﻓﺮﺍﺳﻲ
ﻫﺰﺍﺕ ﺻﺎﻛﻬﺎ ﻭ ﺗﻤﺎﺕ ﺧﺎﺭﺟﺔ ...
ﺑﻐﺎﺕ ﺗﺤﻂ ﻳﺪﻫﺎ ﻋﻠﻰ ﻟﭙﻮﺍﻧﻲ ﺗﺤﻞ ﻟﺒﺎﺏ ﻭ ﻫﻲ ﺗﺠﺮ ﻣﻦ ﺩﺭﺍﻋﻬﺎ ... ﺩﻭﺭﻫﺎ ﻋﻨﺪﻭ ﺷﺎﻑ ﻓﻌﻨﻴﻬﺎ ﺍﻟﻲ ﻋﺎﻣﺮﻳﻦ ﺩﻣﻮﻉ ...
ﺭﺋﺒﺎﻝ : ﻋﻼﺵ ﻛﺘﺒﻜﻲ ؟
ﺟﻮﻻﻥ : " ﻛﺘﺠﺮ ﻳﺪﻫﺎ " ﻃﻠﻖ ﻣﻨﻴﻴﻲ
ﺭﺋﺒﺎﻝ : ﺟﺎﻭﺑﻲ ﻋﻠﻰ ﺳﺆﺍﻟﻲ
ﺟﻮﻻﻥ : " ﺑﻐﻀﺐ " ﺷﻜﻮﻭﻭﻭﻥ ﻗﺎﻝ ﻟﻴﻚ ﺍﻧﺎ ﻣﺤﺘﺎﺟﺔ ﻣﺴﺎﻋﺪﺗﻚ ﺑﺎﺵ ﺩﻳﺮ ﻫﺎﺩ ﺍﻟﺘﻤﺜﻴﻠﻴﺔ ﻛﺎﻣﻠﺔ ... ﺁﺧﺮ ﺣﺎﺟﺔ ﻧﺒﻐﻲ ﻫﻲ ﻧﻌﻴﺶ ﻓﻜﺬﺑﺔ ... ﻧﻔﻀﻞ ﻧﺒﻘﺎ ﻣﺤﺒﻮﺳﺔ ﻓﺪﺍﺭﻧﺎ ﻭ ﻻ ﻳﻌﺎﻣﻠﻨﻲ ﺷﻲ ﺣﺪ ﺑﺤﺎﻝ ﻟﻌﺒﺔ ﻭ ﻳﺴﻴﺮ ﺣﻴﺎﺗﻬﺎ ﻛﻴﻒ ﺑﻐﺎ ﻫﻮ ... ﻭ ﻛﻦ ﻛﻨﺖ ﻋﺎﺭﻓﺔ ﻫﺎﺩﺷﻲ ﻣﻦ ﺍﻷﻭﻝ ﻣﻜﻨﺘﺶ ﻭﺍﻓﻘﺖ ... ﻭ ﻻ ﺳﻤﻌﺖ ﻛﻼﻡ ﺯﻳﻨﺐ ﺍﻟﻲ ﺧﺮﺑﻘﻨﻲ ﻭ ﻣﺸﻴﺖ ﺑﻌﻴﺪ
ﺭﺋﺒﺎﻝ : " ﺷﺎﺩ ﻓﺪﺭﺍﻋﻬﺎ ﺑﺠﻮﺝ " ﻭ ﺷﻨﻮ ﻫﻮ ﺍﻟﺴﺒﺐ ﺍﻟﻲ ﺧﻼﻙ ﺗﻮﺍﻓﻘﻲ ؟
ﺟﻮﻻﻥ : " ﻛﺘﺸﻮﻑ ﻓﻴﻪ ﺑﺤﺪﺓ " ﺗﻔﻜﺮﺕ ﻳﻤﻜﻦ ﻳﻤﻜﻦ ... ﺑﻌﺪﻣﺎ ﺷﻔﺖ ﺍﻟﻤﻈﻠﺔ ﺩﻳﺎﻟﻲ ﺍﻟﻲ ﻣﺤﺘﺎﻓﻆ ﺑﻴﻬﺎ 5 ﺳﻨﻴﻦ ﻫﺎﺩﻱ ... ﻗﻠﺖ ﻳﻤﻜﻦ ﻋﺎﻗﻞ ﻋﻠﻴﺎﺍﺍ ﻭ ﺗﺬﻛﺮﺗﻴﻨﻲ ﻛﻴﻒ ﺗﺬﻛﺮﺗﻚ ... ﻭ ﺑﻌﺪ ﺍﻟﻮﻋﺪ ﺍﻟﻲ ﻋﻄﺘﻴﻨﻲ ... ﻭ ﺑﻌﺪﻣﺎ ﺟﺒﺘﻲ ﺛﺎﻧﺪﺭ ﻟﻠﻤﻐﺮﺏ ... ﻗﻠﺖ " ﻧﺰﻻﺕ ﺩﻣﻌﺔ ﻣﻦ ﻋﻨﻴﻬﺎ " ﻗﻠﺖ ﻳﻤﻜﻦ ﻛﻨﻌﻨﻲ ﻟﻴﻪ ﺷﻲ ﺣﺎﺟﺔ ... ﺃﻩ ﺗﻐﺎﺑﻴﺖ ﻟﻬﺎﺩ ﺍﻟﺪﺭﺟﺔ ... ﻭ ﺳﺮﺣﺖ ﺑﻤﺨﻴﻠﺘﻲ ... ﻟﻜﻦ ﻧﺘﺎ ﺍﻟﻤﺴﺆﻭﻝ ...
ﻛﻞ ﻣﺮﺓ ﻧﻘﻮﻝ ﻻ ﻣﺴﺘﺤﻴﻞ ... ﻛﺪﻳﺮ ﺷﻲ ﺗﺼﺮﻑ ﻳﺤﻴﺮﻧﻲ ﺃﻛﺜﺮ ... ﻭﻗﺘﻤﺎ ﻧﺄﻛﺪ ﻟﺮﺍﺳﻲ ﺃﻥ ﺣﺘﻰ ﺣﺎﺟﺔ ﻣﻦ ﻫﺎﺩﺷﻲ ﻣﻜﺎﻳﻨﺔ ... ﻛﺘﺠﻲ ﺗﺼﺮﻑ ﻋﻠﻰ ﻫﻮﺍﻙ ﻭ ﺗﺨﻠﻴﻨﻲ ﻧﻔﺼﻞ ﻭ ﻧﺤﻠﻞ ... ﺍﻟﻐﻠﻂ ﻣﺎﺷﻲ ﻣﻨﻲ ﺃﻧﺎ ... ﺍﻟﻐﻠﻂ ﻣﻨﻚ ﻧﺘﺎﺍﺍﺍ ... " ﻛﺘﺠﺒﺪ " ﻃﻠﻖ ﻣﻨﻴﻴﻲ ... ﺧﻠﻴﻨﻲ ﻧﻤﺸﻲ ﻣﺎﺣﺪﻱ ﺑﺎﻗﺔ ﻣﺤﺘﺎﻓﻈﺔ ﺑﺸﻮﻳﺔ ﻣﻦ ﻛﺮﺍﻣﺘﻲ
ﺭﺋﺒﺎﻝ : " ﺣﻴﺪ ﻳﺪﻭ ﻣﻦ ﺩﺭﺍﻋﻬﺎ ﻭ ﺣﻄﻬﺎ ﻋﻠﻰ ﺧﺪﻫﺎ " ﺍﻟﻮﻋﺪ ﻛﺎﻥ ﺃﺣﺪ ﺍﻷﺳﺒﺎﺏ ... ﺃﻣﺎ ﺍﻟﺴﺒﺐ ﺍﻟﺮﺋﻴﺴﻲ ﻫﻮ ﻫﺬﺍ
ﺿﻢ ﻭﺟﻬﺎ ﺑﻴﻦ ﻳﺪﻳﻪ ﻭ ﻣﻴﻞ ﺭﺍﺳﻮ ... ﻗﺮﺏ ﺣﺘﻰ ﺣﻂ ﺷﻔﺎﻳﻔﻮ ﻋﻠﻰ ﺷﻔﺎﻳﻔﻬﺎ ... ﺩﺍﺭﺕ ﻳﺪﻫﺎ ﻋﻠﻰ ﺻﺪﺭﻭ ﻛﺘﺪﻓﻊ ﻓﻴﻪ ... ﻭ ﻫﻮ ﻳﻨﺰﻝ ﻳﺪﻭ ﺩﻭﺭﻫﺎ ﻋﻠﻰ ﺧﺼﺮﻫﺎ ﻭ ﺣﻜﻤﻬﺎ ﻣﺰﻳﺎﻥ ... ﻗﺎﻭﻣﺎﺕ ﺣﺘﻰ ﻋﻴﺎﺕ ﻭ ﻓﺎﻷﺧﻴﺮ ﺍﺳﺘﺴﻠﻤﺎﺕ ... ﻟﺼﻘﻬﺎ ﻣﻊ ﺍﻟﺒﺎﺏ ﻭ ﺷﻔﺎﻳﻔﻬﻢ ﻣﻠﺘﺎﺣﻤﻴﻦ ﻓﻘﺒﻠﺔ ﺣﺎﺍﺍﺍﺭﺓ ...