السفاح العاشق

بارت 73

ﻃﻠﺐ ﺍﻟﻘﺎﺿﻲ ﻣﻨﻮ ﻳﻬﺪﺃ ﻭ ﻣﺎﻳﺘﻜﻠﻢ ﺣﺘﻰ ﻳﺘﻮﺟﻪ ﻟﻴﻪ ﺍﻟﺴﺆﺍﻝ ... ﺭﺟﻊ ﺟﺎﺑﺮ ﭼﻠﺲ ﻣﺨﺮﺝ ﻋﻨﻴﻪ ﺍﻟﻲ ﺭﺟﻌﻮ ﺣﻤﺮﻳﻦ ...
ﺍﻟﻤﺤﺎﻣﻲ : ﺍﻟﺸﺮﻃﺔ ﻓﺘﺸﺎﺕ ﺍﻟﺪﺍﺭ ﻛﺎﻣﻠﻬﺎ ﻭ ﺍﻟﻤﻜﺘﺐ ... ﻣﻜﺎﻳﻨﻴﻦ ﻻ ﻛﺎﻣﻴﺮﺍﺕ ﻭ ﻻ ﻫﺎﺩﺷﻲ ﺍﻟﻲ ﻗﻠﺘﻲ ... ﻭ ﻟﻮ ﻛﻨﺘﻲ ﻣﺤﺒﻮﺱ ﻓﺪﻳﻚ ﺍﻟﻐﺮﻓﺔ ﻛﻴﻒ ﻛﺘﻘﻮﻝ ... ﻋﻼﺵ ﻟﻘﺎﻭ ﺑﺼﻤﺎﺗﻚ ﻓﺎﻟﺪﺍﺭ ... ﻋﻠﻰ ﺍﻷﻭﺍﻧﻲ ﺍﻟﻲ ﻓﺎﻟﻜﻮﺯﻳﻨﺔ ﻭ ﻋﻠﻰ ﺍﻟﻜﺘﺐ ﻭ ﻓﺠﻤﻴﻊ ﺃﺭﺟﺎﺀ ﺍﻟﺪﺍﺭ ... ﻳﻌﻨﻲ ﻛﻨﺘﻲ ﺣﺮ ﻛﺘﺤﺮﻙ ﻛﻴﻒ ﺑﻐﻴﺘﻲ ...
ﻭ ﺗﺤﺒﺴﺘﻲ ﺗﻤﺎﻙ ﺃﻳﺎﻡ ﻓﻘﻂ ... ﻭ ﻣﻨﻴﻦ ﺧﻄﻴﺒﺔ ﺳﻲ ﺭﺋﺒﺎﻝ ﺣﻼﺕ ﻋﻠﻴﻚ ﻟﺒﺎﺏ ... ﺿﺮﺑﺘﻴﻬﺎ ﻭ ﻫﺮﺑﺘﻲ ... ﻭ ﺃﻭﻝ ﺣﺎﺟﺔ ﺩﺭﺗﻲ ﺟﻴﺘﻲ ﺑﻠﻐﺘﻲ ﺑﻮﻟﺪﻙ ﻭ ﻟﺒﻘﺘﻲ ﻟﻴﻪ ﺍﻟﺠﺮﻳﻤﺔ ﺍﻟﻲ ﺩﺭﺗﻲ ... ﺧﻮﻓﺎ ﻣﻦ ﺃﻧﻪ ﻓﻮﺭ ﻣﺎﻳﻌﺮﻑ ﺑﻠﻲ ﺧﺮﺟﺘﻲ ﻳﺒﻠﻎ ﺑﻴﻚ ... ﻭ ﻫﺎﺩﺷﻲ ﺍﻟﻲ ﻛﺎﻥ ﻏﻴﺪﻳﺮ ﻷﻧﻪ ﺍﻟﺘﺼﺮﻑ ﺍﻟﺼﺤﻴﺢ ... ﺣﺘﻰ ﻟﻮ ﻛﻨﺘﻲ ﺍﻷﺏ ﺩﻳﺎﻟﻮ ... ﺧﺎﺹ ﺗﻌﺎﻗﺐ ﻋﻠﻰ ﺟﺮﻳﻤﺘﻚ
ﺟﺎﺑﺮ : ﻛﺬﻭﻭﻭﻭﺏ ... ﻫﻮ ﺍﻟﻲ ﻗﺘﺎﺍﺍﺍﻝ ﻭ ﻣﺠﺮﻡ ... ﺭﺍﺍﺍﺍﻩ ﻣﺮﻳﺾ ﻭ ﻛﻴﻘﺘﻞ ﺃﻱ ﻭﺍﺣﺪﺓ ﺭﺷﻘﺎﺍﺍﺍﺕ ﻟﻴﻪ ﻋﻠﻴﻬﺎﺍﺍﺍ
ﺟﻌﺮ ﺟﺎﺑﺮ ﻭ ﺑﺪﺍ ﻳﻐﻮﺕ ﻭ ﻳﻀﺮﺏ ﻋﻠﻰ ﺍﻟﻄﺒﻠﺔ ... ﺿﺎﺭ ﻟﻔﻴﻦ ﭼﺎﻟﺲ ﺭﺋﺒﺎﻝ ﻭ ﻫﺰ ﺻﺒﻌﻮ ﻭ ﺍﻟﻲ ﺟﺎﺑﻬﺎ ﻓﻤﻮ ﻛﻴﻄﻠﻘﻬﺎ ... ﺗﺪﺧﻠﻮ ﻭ ﻃﻠﺒﻮ ﻣﻦ ﻳﺴﻜﺖ ... ﺍﻟﻘﺎﺿﻲ ﻫﺰ ﺍﻟﻮﺭﺍﻕ ﻭ ﺍﻷﺩﻟﺔ ﺍﻟﻲ ﺣﻂ ﻟﻴﻪ ﺍﻟﻤﺤﺎﻣﻲ ... ﺃﻱ ﺇﺩﻋﺎﺀ ﻗﺎﻝ ﺍﻟﻤﺤﺎﻣﻲ ﻛﺎﻥ ﻣﻌﺎﻩ ﺩﻟﻴﻞ ﻭ ﻭﺭﻗﺔ ﻛﺘﺄﻛﺪ ﻋﻠﻰ ﻫﻀﺮﺗﻮ ... ﻭ ﻟﺘﻮﻓﺮ ﺍﻷﺩﻟﺔ ﺍﻟﻜﺎﻓﻴﻪ ﺍﺗﺎﺧﺪ ﺍﻟﻘﺎﺿﻲ ﺍﻟﻘﺮﺍﺭ ﺩﻳﺎﻟﻮ ﺳﺎﻋﺘﻬﺎ ... ﻣﻜﺎﻧﺶ ﺩﺍﻋﻲ ﻟﺠﻠﺴﺔ ﺃﺧﺮﻯ ... ﻋﻢ ﺍﻟﻬﺪﻭﺀ ﻣﺮﺓ ﺃﺧﺮﻯ ﻓﺎﻟﻘﺎﻋﺔ ﻭ ﻧﻄﻖ ﺍﻟﻘﺎﺿﻲ ...
ﺍﻟﻘﺎﺿﻲ : ﻟﻌﺪﻡ ﻭﺟﻮﺩ ﺩﺍﻓﻊ ﻭ ﺃﺩﻟﺔ ﻛﺎﻓﻴﺔ ... ﻭ ﻷﻥ ﺍﻟﻤﺘﻬﻢ ﺗﻠﻘﻰ ﻋﻠﻴﻪ ﺍﻟﻘﺒﺾ ﻓﻘﻂ ﻋﻠﻰ ﺃﺳﺎﺱ ﺷﻬﺎﺩﺓ ﺍﻷﺏ ﺩﻳﺎﻟﻮ ... ﺳﻴﺘﻢ ﺍﻹﻓﺮﺍﺝ ﻋﻠﻰ ﺭﺋﺒﺎﻝ ﺍﻟﻌﺜﻤﺎﻧﻲ ... ﻭ ﺍﻋﺘﻘﺎﻝ ﺟﺎﺑﺮ ﺍﻟﻨﺎﺻﻴﺮﻱ ﺑﺘﻬﻤﺔ ﻗﺘﻞ ﻳﺎﺳﻤﻴﻦ ﺍﻟﻌﺜﻤﺎﻧﻲ
ﺿﺮﺏ ﺑﺎﻟﻤﻄﺮﻗﺔ ﺩﻳﺎﻟﻮ ﻭ ﻧﺎﺽ ﻏﺎﺩﺭ ... ﺍﻷﻓﻮﺍﻩ ﺗﺤﻼﺕ ﻣﻦ ﺍﻟﺼﺪﻣﺔ ... ﻻ ﻳﺎﻣﻦ ﻳﺰﻳﺪ ﻭ ﻟﻴﺎﻥ ﺍﺳﺘﻮﻋﺒﻮ ﺍﻟﻲ ﺗﻘﺎﻝ ... ﻭ ﺟﺎﺑﺮ ﺧﻼﺹ ﻭﺍﻗﻒ ﻣﺸﻮﻛﻲ ﻛﻴﺸﻮﻑ ﺭﺟﺎﻝ ﺍﻟﺸﺮﻃﺔ ﻣﻘﺮﺑﻴﻦ ﻋﻨﺪﻭ ... ﺟﺮ ﻟﻴﻪ ﻭﺍﺣﺪ ﻓﻴﻬﻢ ﻳﺪﻳﻪ ﻭ ﻫﻮ ﻳﻨﻄﺮﻫﻢ ﻭ ﺑﺪﺍ ﻛﻴﺪﻓﻊ ﺑﺎﻏﻲ ﻳﺨﺮﺝ ... ﺣﻜﻤﻮﻩ ﻭ ﺩﺍﺭﻭ ﻟﻴﻪ ﺍﻷﺻﻔﺎﺩ ...
ﻏﺎﺩﻳﻴﻦ ﺑﻴﻪ ﻭ ﺩﺍﺯﻭ ﻣﻦ ﻗﺪﺍﻡ ﺭﺋﺒﺎﻝ ... ﺗﻠﻔﺖ ﻋﻨﺪﻭ ﺟﺎﺑﺮ ﻛﻴﻠﻌﻦ ﻭ ﻳﺴﺐ ﻭ ﺍﻟﻜﺸﺎﻛﺶ ﺧﺎﺭﺟﻴﻦ ﻣﻦ ﻓﻤﻮ ... ﺭﺋﺒﺎﻝ ﻛﺎﻥ ﭼﺎﻟﺲ ﺑﻜﻞ ﻫﺪﻭﺀ ﻣﺘﺒﻌﻮ ﺑﻌﻨﻴﻪ ... ﻳﻤﻜﻦ ﺗﺮﺩﺩ ﺍﻧﻪ ﻳﻘﺘﻠﻮ ... ﻓﻬﻮ ﻓﺎﻷﺧﻴﺮ ﻛﺎﻥ ﻭ ﺑﺎﻗﻲ ﺍﻷﺏ ﺩﻳﺎﻟﻮ ... ﻟﻜﻦ ﻫﺬﺍ ﻻ ﻳﻌﻨﻲ ﺍﻧﻪ ﻣﻜﺎﻧﺶ ﺩﺍﻳﺮ ﺍﺣﺘﻴﺎﻃﻮ ﻟﻬﺎﺩ ﺍﻟﻠﺤﻈﺔ ...
ﻭ ﻣﻨﻴﻦ ﺟﺎﺑﺮ ﻫﺮﺏ ﻭ ﻣﺎﻓﻠﺘﺶ ﺑﺠﻠﺪﻭ ... ﺑﻞ ﺗﻮﺟﻪ ﻟﻠﺸﺮﻃﺔ ﻭ ﺑﻠﻎ ﺑﻴﻪ ... ﻓﻠﻲ ﻭﻗﻊ ﻛﺎﻥ ﻧﺘﻴﺠﺔ ﺍﻟﻘﺮﺍﺭ ﺍﻟﻲ ﺧﺪﺍ ... ﺑﻌﺪﻣﺎ ﺩﺧﻠﻮ ﺟﺎﺑﺮ ... ﻭﻗﻒ ﺭﺋﺒﺎﻝ ﻭ ﻗﺮﺏ ﻋﻨﺪﻭ ﺍﻟﻤﺤﺎﻣﻲ ... ﺗﺼﺎﻓﺤﻮ ﻭ ﻏﺎﺩﺭ ﻫﺎﺩ ﺍﻷﺧﻴﺮ ... ﺗﻢ ﺟﺎﻱ ﺳﻨﻤﺎﺭ ﻭ ﺇﻟﻴﺎﺱ ﻋﻨﺪﻭ ... ﻛﻞ ﻭﺍﺣﺪ ﻓﻴﻬﻢ ﻋﻨﻘﻮ ﺑﻘﻮﺓ ...
ﺳﻨﻤﺎﺭ : ﻋﻠﻰ ﺳﻼﻣﺘﻚ ... ﻛﻨﺖ ﻋﺎﺭﻑ ﻏﺎﺩﻱ ﺗﺨﺮﺝ
ﺇﻟﻴﺎﺱ : ﺩﺍﺑﺔ ﻭﻻﻭ ﻋﻨﺪﻙ ﺳﻮﺍﺑﻖ ... ﻣﻐﺎﺩﻳﺶ ﻳﻘﺒﻠﻮﻙ ﻓﺎﻟﺒﻮﻟﻴﺲ ﻫﻬﻬﻪ
ﺳﻨﻤﺎﺭ : ﻣﺎﻟﻚ ﺣﺎﻣﺾ
ﺇﻟﻴﺎﺱ : ﻫﻀﺮﺕ ﻣﻌﺎﻙ
ﺭﺋﺒﺎﻝ : " ﺣﻂ ﻳﺪﻭ ﻋﻠﻰ ﻛﺘﻒ ﺇﻟﻴﺎﺱ ﻭ ﺯﻳﺮ " ﻣﻦ ﺑﻌﺪ ﻭ ﻧﺘﻔﺎﻫﻤﻮ
ﺍﻟﻴﺎﺱ : ﺁﻱ ﺁﻱ ﺁﺍﺍﻱ ... ﻣﺎﺑﺎﻗﻴﺶ ﻧﻌﺎﻭﺩ
ﺷﺎﻑ ﺭﺋﺒﺎﻝ ﻓﺎﻟﺠﻬﺔ ﺍﻟﻲ ﻭﺍﻗﻔﺔ ﻓﻴﻬﺎ ﺟﻮﻻﻥ ﻣﻊ ﺯﻳﻨﺐ ... ﻏﻴﺮ ﺷﺎﻑ ﺟﻬﺘﻬﺎ ﻫﺒﻄﺎﺕ ﻋﻨﻴﻬﺎ ﻭ ﻛﺘﺤﻚ ﻓﻴﺪﻳﻬﺎ ... ﻫﻮ ﺑﻘﺎ ﻛﻴﺸﻮﻑ ﻓﻴﻬﺎ ﻭ ﻛﻴﺴﻤﻊ ﻟﻠﺪﺭﺍﺭﻱ ... ﻣﺎﺑﻌﺪﺵ ﻋﻨﻴﻪ ﻋﻠﻴﻬﺎ ... ﺃﺳﺒﻮﻉ ﻓﺎﻟﺤﺠﺰ ﺻﻌﻮﺑﺘﻬﺎ ﻋﻨﺪﻭ ﻫﻲ ﺍﻧﻪ ﻣﺸﺎﻓﻬﺎﺵ ﻓﻬﺎﺩ ﺍﻟﻤﺪﺓ ... ﺑﺎﻥ ﻟﻴﻪ ﻳﺎﻣﻦ ﻭ ﻳﺰﻳﺪ ﻭﻗﻔﻮ ﻋﻠﻴﻬﺎ ... ﻋﻘﺪ ﺣﺠﺒﺎﻧﻮ ﻭ ﺣﺎﻭﻝ ﻳﺤﺎﻓﻆ ﻋﻠﻰ ﻫﺪﻭﺀﻭ ...
ﻳﺎﻣﻦ : " ﻣﻮﺟﻪ ﻛﻼﻣﻮ ﻟﺠﻮﻻﻥ " ﻣﻦ ﺍﻷﺣﺴﻦ ﺗﺒﻌﺪﻱ ﻋﻠﻴﻪ ... ﺣﻴﺎﺗﻚ ﻏﺘﺒﻘﻰ ﻣﻬﺪﺩﺓ ﻻ ﺑﻘﻴﺘﻲ ﻣﻌﺎﻩ
ﺟﻮﻻﻥ : " ﺑﻨﺒﺮﺓ ﻋﺼﺒﻴﺔ " ﻛﻨﻈﻦ ﺃﻥ ﺣﻴﺎﺗﻲ ﻭ ﻗﺮﺍﺭﺗﻲ ﻣﺎﻟﻴﻚ ﺩﺧﻞ ﻓﻴﻬﻢ
ﻳﺎﻣﻦ : ﻛﻨﺘﻤﻨﻰ ﻳﻜﻮﻥ ﻛﻴﻒ ﻧﺘﻲ ﺣﺎﺳﺒﺎﻩ ... ﺣﻴﻨﺖ ﺃﻛﺜﺮ ﺷﺨﺺ ﻏﻴﺘﺂﺫﻱ ﻟﻜﺎﻥ ﺍﻟﻌﻜﺲ ﻫﻮ ﻧﺘﻲ
ﺭﺋﺒﺎﻝ : " ﻭﻗﻒ ﻋﻠﻴﻬﻢ " ﻭ ﻧﺘﺎ ﻛﺘﻬﻀﺮ ﺑﺼﻔﺘﻚ ﺑﺎﻫﺎ !
ﻳﺎﻣﻦ : " ﺿﺎﺭ ﻋﻨﺪﻭ " ﻛﻨﻬﻀﺮ ﺣﻴﻨﺖ ﺧﺎﻳﻒ ﻋﻠﻴﻬﺎ ... ﻭ ﻏﺘﻮﺻﻞ ﻋﻠﻰ ﻛﻼﻣﻲ ... " ﺗﻘﺎﺑﻞ ﻣﻌﺎﻩ " ﺗﺄﻛﺪ ﻫﺎﺩﻱ ﻣﺎﺷﻲ ﻧﻬﺎﻳﺔ ﻟﻘﺎﺀﺍﺗﻨﺎ ... ﻏﻨﺮﺟﻌﻮ ﻧﺘﺸﺎﻭﻓﻮ
ﺿﺎﺭ ﻳﺎﻣﻦ ﺷﺎﻑ ﻓﺠﻮﻻﻥ ﻭ ﻏﺎﺩﺭ ... ﻟﺤﻖ ﻋﻠﻴﻪ ﻳﺰﻳﺪ ﺧﺮﺟﻮ ﻣﻌﺼﺒﻴﻦ ﺑﺎﻟﻤﻌﻘﻮﻝ ... ﺟﺎﻫﻢ ﺩﺍﻛﺸﻲ ﻛﻤﺴﺮﺣﻴﺔ ﻣﺤﺒﻮﻛﺔ ﻣﺰﻳﺎﻥ ... ﻭ ﻫﻤﺎ ﺗﻔﺮﺟﻮ ﺑﻠﻤﺎ ﻳﻘﺪﺭﻭ ﻳﺪﻳﺮﻭ ﺷﻲ ﺣﺎﺟﺔ ... ﺍﺳﺘﺎﺧﻔﻮ ﺑﺎﻟﺨﺼﻢ ... ﺍﻟﻲ ﻛﺎﻥ ﻋﺎﺭﻑ ﺷﻨﻮ ﻛﻴﺪﻳﺮ ... ﺑﺠﻮﺝ ﻣﺄﻛﺪﻳﻦ ﻣﻦ ﺃﻥ ﺭﺋﺒﺎﻝ ﺃﺑﻌﺪ ﻣﻦ ﺃﻧﻪ ﻳﻜﻮﻥ ﺑﺮﻳﺊ ...
ﻃﻠﻌﻮ ﻓﺎﻟﺴﻴﺎﺭﺓ ﻭ ﺯﺍﺩﻭ ... ﻟﻴﺎﻥ ﻛﺎﻧﺖ ﻭﺍﻗﻔﺔ ﺟﻨﺐ ﺳﻴﺎﺭﺗﻬﺎ ... ﺧﺮﺟﺎﺕ ﺍﻟﻔﻮﻥ ﺩﻳﺎﻟﻬﺎ ﻭ ﺩﻭﺯﺍﺕ ﻵﺑﻴﻞ ﻭ ﻫﻲ ﻣﺘﺮﺩﺩﺓ ... ﺟﺎﻭﺑﻬﺎ ﺧﻠﻴﻞ ﻭ ﻫﻲ ﺗﻌﺎﻭﺩ ﻟﻴﻪ ﺷﻨﻮ ﻭﻗﻊ ... ﺑﻌﺪﺍﺕ ﺍﻟﻔﻮﻥ ﻣﻦ ﻋﻠﻰ ﻭﺫﻧﻬﺎ ﻭ ﻫﻲ ﻛﺘﺴﻤﻊ ﻓﻴﻪ ﻛﻴﻐﻮﺕ ﻭ ﻳﺨﺒﻂ ...
ﻏﺮﻕ ﻟﻴﻬﺎ ﻭ ﻟﻄﻮﺍﺳﻠﻬﺎ ... ﺷﺤﺎﻝ ﺣﺎﻭﻝ ﻳﻤﻨﻊ ﺑﺎﻩ ﺃﻧﻪ ﻣﺎ ﻳﺤﻀﺮﺵ ﻟﻠﻤﺤﺎﻛﻤﺔ ﻟﻜﻨﻪ ﻛﺎﻥ ﻣﺼﺮ ... ﻫﻮ ﺍﻟﻮﺣﻴﺪ ﺍﻟﻲ ﻣﻴﻘﺪﺭﺵ ﻳﺴﺘﺎﻫﻦ ﺑﺮﺋﺒﺎﻝ ... ﻟﻜﻦ ﻣﺎﺧﻄﺮﺵ ﻋﻠﻰ ﺑﺎﻟﻮ ﻫﻮ ﻳﺨﺮﺝ ﻭ ﺑﺎﻩ ﻳﺘﺴﺠﻦ ﺑﺘﻬﻤﺔ ﻗﺘﻞ ﻣﻮ ... ﺿﺤﻚ ﺑﺎﻟﻔﻘﺼﺔ ﻭ ﺧﺮﺝ ﺃﻋﺼﺎﺑﻮ ﻓﻠﻲ ﻟﻘﻰ ﻗﺪﺍﻣﻮ ...
ﺧﺮﺟﻮ ﻣﺠﻮﻣﻮﻋﻴﻦ ... ﺟﻮﻻﻥ ﻛﺎﻧﺖ ﻣﺘﺎﺟﻬﺔ ﻟﺴﻴﺎﺭﺓ ﺳﻨﻤﺎﺭ ﺣﺘﻰ ﺳﻤﻌﺎﺗﻮ ﺷﻨﻮ ﻗﺎﻝ ...
ﺳﻨﻤﺎﺭ : ﺟﻮﻻﻥ ﻧﺘﻲ ﺭﻛﺒﻲ ﻣﻊ ﺭﺋﺒﺎﻝ ... ﺭﺍﻩ ﺍﻟﺸﻴﻔﻮﺭ ﺟﺎﺏ ﻟﻴﻪ ﺳﻴﺎﺭﺗﻮ ﻫﺰﺍﺕ ﻋﻨﻴﻬﺎ ﻟﻘﺎﺗﻮ ﻃﻠﻊ ... ﺿﺎﺭﺕ ﻭ ﺣﻼﺕ ﻟﺒﺎﺏ ... ﻃﻠﻌﺎﺕ ﻏﻴﺮ ﺩﺍﺭﺕ ﻻﺳﻨﺘﻴﻎ ﻭ ﻫﻮ ﻳﺪﻳﻤﺎﺭﻱ ... ﻏﺎﺩﻳﻴﻦ ﻓﺼﻤﺖ ﻭ ﻫﻲ ﻗﻠﺒﻬﺎ ﻛﻴﻀﺮﺏ ﺑﺎﻟﺠﻬﺪ ﻣﺎﻋﺮﻓﺎﺗﺶ ﻋﻼﺵ ... ﻗﺎﻟﺖ ﻭﺍﻗﻠﺔ ﻳﻜﻮﻥ ﺳﻤﻌﻮ ... ﻣﺎﻗﺪﺭﺍﺗﺶ ﺗﻠﻔﺖ ﺟﻬﺘﻮ ﻧﻬﺎﺋﻴﺎً ... ﺣﺘﻰ ﺭﺋﺒﺎﻝ ﻣﻘﺎﻝ ﻭﺍﻟﻮ ﻭ ﻫﺎﺩﺷﻲ ﺯﺍﺩ ﻭﺛﺮﻫﺎ ... ﻭﺻﻠﻮ ﻟﻠﭭﻴﻼ ﻭ ﺩﺧﻠﻮ ﺍﻟﺴﻴﺎﺭﺍﺕ ﻣﺘﺎﺑﻌﻴﻦ ...
ﻛﻴﻒ ﻭﻗﻒ ﺩﻏﻴﺎ ﺣﻼﺕ ﻟﺒﺎﺏ ﻭ ﻫﺒﻄﺎﺕ ... ﻣﺸﺎﺕ ﻛﺘﺰﺭﺏ ﻋﻨﺪ ﺯﻳﻨﺐ ﺩﺧﻠﻮ ﻟﻠﺪﺍﺧﻞ ... ﻟﻘﺎﻭ ﺍﻟﺤﺎﺟﺔ ﻛﺘﺤﻂ ﻓﺎﻷﻛﻞ ... ﺍﻟﻄﺒﻠﺔ ﻋﺎﺍﺍﻣﺮﺓ ﻣﻊ ﻋﺮﻓﺎﺕ ﺍﻥ ﺭﺋﺒﺎﻝ ﺭﺍﺟﻊ ﻣﻦ ﺍﻟﺴﻔﺮ ﻛﻴﻒ ﻗﺎﻟﻮ ﻟﻴﻬﺎ ... ﻭ ﺍﻟﻜﻞ ﻏﻴﺘﺠﻤﻌﻮ ﻓﺎﻗﺖ ﺑﻜﺮﻱ ﻭ ﻣﺎﺧﻼﺕ ﻣﺎﻗﺎﺩﺍﺕ ﻫﻲ ﻭ ﺍﻟﺨﺪﺍﻣﺔ ... ﺳﻨﻤﺎﺭ ﻭ ﺇﻟﻴﺎﺱ ﻗﺮﺑﻮ ﺑﺎﻏﻴﻴﻦ ﻳﻨﻘﺒﻮ ﻭ ﻫﻲ ﺗﻬﺰ ﻋﻠﻴﻬﻢ ﻋﻜﺎﺯﻫﺎ ...
ﻻﺣﺒﻴﺒﺔ : ﺇﻟﻲ ﺣﻂ ﻓﻴﻜﻢ ﻳﺪﻳﻪ ﻧﻘﻄﻌﻬﺎ ﻟﻴﻪ ... ﻳﺨﻠﻴﻬﺎ ﻃﺒﻴﻌﺔ
ﺳﻨﻤﺎﺭ : ﻭ ﺭﺍﻩ ﺍﻟﺮﻳﺤﺔ ﻛﺘﺸﻬﻲ ﺍﻟﺤﺎﺟﺔ
ﺍﻟﻴﺎﺱ : ﺃﻧﺎ ﻣﺮﻳﺾ ... ﻫﺎﻧﻴﺔ ﻻ ﺫﻗﺖ
ﻻﺣﺒﻴﺒﺔ : ﻭ ﺗﮕﻮﻝ ... ﻧﺘﺠﻤﻌﻮ ﻭ ﺩﻳﻚ ﺍﻟﺴﺎﻉ ﺍﺭﺍ ﻣﺎﺗﻬﻨﺸﺮ ﻧﺘﺎ ﻭﻳﺎﻩ
ﺑﺎﻥ ﻟﻴﻬﺎ ﺭﺋﺒﺎﻝ ﺩﺍﺧﻞ ﻗﺮﺏ ﻋﻨﺪﻫﺎ ﺑﺎﺱ ﻟﻴﻬﺎ ﻋﻠﻰ ﺭﺍﺳﻬﺎ ...
ﻻﺣﺒﻴﺒﺔ : ﻋﻠﻰ ﺳﻼﻣﺘﻚ ﺃﻭﻟﺪﻱ " ﻛﺘﺸﻮﻑ ﻓﻮﺟﻬﻮ " ﻛﺘﺒﺎﻥ ﻋﻴﺎﻥ ... ﻳﺎﻛﻤﺎ ﻗﺎﺑﻠﺘﻲ ﺍﻟﺨﺪﻣﺔ ﺛﺎﻧﻲ ﻭ ﻫﻤﻠﺘﻲ ﻣﺎﻛﻠﺘﻚ
ﺇﻟﻴﺎﺱ : " ﺑﺼﻮﺕ ﻣﻨﺨﻔﺾ " ﻭ ﺭﺍﻩ ﺳﻴﻤﺎﻧﺔ ﻭ ﻫﻮ ﻳﻀﺮﺏ ﻓﺎﻟﻌﺪﺱ
ﺳﻨﻤﺎﺭ : " ﺿﺮﺑﻮ ﺑﻜﻮﻋﻮ ﻟﻠﺠﻨﺐ " ﺃﻧﺎ ﺍﻟﻲ ﻏﻨﻀﺮﺏ ﻃﺎﺳﻴﻠﺘﻚ ... ﺳﻜﺘﻨﺎ ﺭﺍﻩ ﻛﻠﺸﻲ ﺳﻤﻌﻚ
ﺇﻟﻴﺎﺱ : " ﻛﻴﺤﻚ ﻓﺎﻟﺪﻗﺔ " ﺗﻔﻮ ﺷﺎﻋﻞ ﻏﺎ ﺑﻮﺣﺪﻙ
ﻻﺣﺒﻴﺒﺔ : " ﺷﺎﻓﺘﻬﻢ ﻣﻨﺎﮔﺮﻳﻦ " ﺳﻴﺮﻭ ﺗﻐﺴﻠﻮ ﻳﺪﻳﻜﻢ ﻭ ﻧﺘﻮﻣﺎ ﻛﻴﻒ ﺍﻟﻤﺶ ﻭ ﺍﻟﻔﺎﺭ " ﺿﺎﺭﺕ ﻋﻨﺪ ﺭﺋﺒﺎﻝ " ﺑﺎﻳﻨﺔ ﻓﻴﻚ ﻣﺎﻛﻠﻴﺘﻲ ﻭﺍﻟﻮ ﻣﻦ ﺍﻟﺼﺒﺎﺡ ... ﻗﺎﺩﻳﺖ ﻟﻴﻚ ﮔﺎﻉ ﺩﺍﻛﺸﻲ ﺍﻟﻲ ﻛﻴﻌﺠﺒﻚ ﻭ ﻗﻠﻠﺖ ﻟﻴﺪﺍﻡ ﻋﻠﻰ ﻭﺩﻙ ... ﺩﺭﺕ ﻏﺎ ﺯﻳﺖ ﺍﻟﻌﻮﺩ ﺭﺍﻩ ﺻﺤﻴﺔ
ﺭﺋﺒﺎﻝ : " ﺍﺑﺘﺎﺳﻢ ﻟﻴﻬﺎ ﺍﺑﺘﺴﺎﻣﺔ ﺧﻔﻴﻔﺔ " ﻧﺪﻭﺵ ﻭ ﻧﺠﻲ
ﻻﺣﺒﻴﺒﺔ : ﻭﺍﺧﺔ ﺍﻭﻟﺪﻱ ... ﻧﺘﺴﻨﺎﻭﻙ ﺣﺘﻰ ﺗﻬﺒﻂ
ﺗﻮﺟﻪ ﺭﺋﺒﺎﻝ ﻟﻠﺪﺭﺝ ﻭ ﻃﻠﻊ ﻟﺒﻴﺘﻮ ... ﻛﻴﻒ ﺳﺪ ﻟﺒﺎﺏ ﻭﻗﻒ ﺳﺎﺩ ﻋﻠﻰ ﻋﻨﻴﻪ ﻣﺰﻳﺮ ﻋﻠﻴﻬﻢ ... ﺩﻭﺯ ﻳﺪﻭ ﻋﻠﻰ ﺷﻌﺮﻭ ﻭ ﻣﺸﺎ ﻣﺒﺎﺷﺮﺓ ﻟﻠﺪﺭﻳﺴﻴﻨﻎ ﺭﻭﻡ ... ﺣﻞ ﺍﻟﺨﺰﻧﺔ ﺍﻟﻲ ﻋﻨﺪﻭ ﺗﻤﺎﻙ ... ﺟﺒﺪ ﻓﻮﻥ ﺁﺧﺮ ﻣﻦ ﻏﻴﺮ ﺍﻟﻲ ﺧﺪﺍﻭ ﺍﻟﺒﻮﻟﻴﺲ ﺧﻼﻝ ﺍﻟﺘﺤﻘﻴﻖ ... ﻛﺘﺐ ﺷﻲ ﺣﺎﺟﺔ ﺭﺳﻠﻬﺎ ﻭ ﺣﻄﻮ ﻓﻮﻕ ﺍﻟﻄﺎﺑﻞ ...
ﺗﻮﺟﻪ ﻟﻠﺤﻤﺎﻡ ﺧﺪﺍ ﺩﻭﺵ ... ﻟﻮﺍ ﻓﻮﻃﺔ ﻋﻠﻰ ﻧﺼﻮ ﻭ ﺧﺮﺝ ... ﻟﺒﺲ ﺳﺮﻭﺍﻝ ﻛﺤﻞ ﻣﻊ ﺗﺮﻳﻜﻮ ﺩﻳﺎﻝ ﺍﻟﺨﻴﻂ ﺑﻴﺾ ... ﻫﺰ ﻓﻮﻃﺔ ﺻﻐﻴﺮﺓ ﻛﻴﻨﺸﻒ ﺑﻴﻬﺎ ﺷﻌﺮﻭ ﻭ ﺧﺮﺝ ﻣﻦ ﺍﻟﺪﺭﻳﺴﻴﻨﻎ ... ﻻﺡ ﻋﻨﻴﻪ ﺟﻌﺔ ﺍﻟﺴﺮﻳﺮ ﻭ ﻗﺮﺏ ... ﻛﺎﻥ ﺍﻟﻔﺮﺍﺵ ﻣﻘﺎﺩ ... ﺑﺎﻧﺖ ﻟﻴﻪ ﻓﻮﻕ ﺍﻟﻮﺳﺎﺩﺓ ﺷﻌﺮﺓ ﻃﻮﻳﻠﺔ ﺫﻫﺒﻴﺔ ...
ﺳﻤﻊ ﺍﻟﺪﻗﺎﻥ ﻭ ﻫﻮ ﻳﺤﻂ ﺍﻟﻔﻮﻃﺔ ﻭ ﻣﺸﺎ ﻓﺎﺗﺠﺎﻩ ﺍﻟﺒﺎﺏ ... ﺣﻠﻮ ﻭ ﻫﻲ ﺗﺒﺎﻥ ﻟﻴﻪ ﻭﺍﻗﻔﺔ ... ﺟﻮﻻﻥ ﻛﺎﻧﺖ ﭼﺎﻟﺴﺔ ﻓﺎﻟﻄﺒﻠﺔ ﻛﻴﻒ ﺍﻟﻜﻞ ﻛﻴﺘﺴﻨﺎﻭﻩ ... ﺣﺘﻰ ﻗﺎﻟﺖ ﻟﻴﻬﺎ ﻻﺣﺒﻴﺒﺔ ﻃﻠﻌﻲ ﻋﻴﻄﻲ ﻋﻠﻴﻪ ... ﻣﺎﻛﺮﻫﺎﺗﺶ ﺗﻬﺮﺏ ﻭ ﻣﺎﻃﻠﻌﺶ ﻋﻨﺪﻭ ... ﺑﻘﺎﺕ ﻭﺍﻗﻔﺔ ﻗﺪﺍﻡ ﺑﺎﺏ ﻏﺮﻓﺘﻮ ﺷﺤﺎﻝ ﻋﺎﺩ ﺩﻗﺎﺕ ... ﻧﻄﻘﺎﺕ ﺑﺼﻮﺕ ﺧﺎﻓﺖ ...
ﺟﻮﻻﻥ : ﺟﺪﺓ ﻗﺎﻟﺖ ﻟﻴﻚ ﻻ ﺳﺎﻟﻴﺘﻲ ﻫﺒﻂ
ﺩﺍﺭﺕ ﺧﻄﻮﺓ ﺑﻐﺎﺕ ﺗﻤﺸﻲ ﻭ ﻫﻲ ﺗﺤﺲ ﺑﺮﺍﺳﻬﺎ ﺗﺠﺮﺍﺕ ... ﺟﺮﻫﺎ ﻣﻦ ﻳﺪﻫﺎ ﺩﺧﻠﻬﺎ ﻭ ﺩﻓﻊ ﻟﺒﺎﺏ ... ﺳﻤﻌﺎﺗﻮ ﺗﺴﺪ ﻭ ﻫﻲ ﺗﺠﻔﻞ ... ﻣﻨﺰﻟﺔ ﻋﻨﻴﻬﺎ ﻛﺘﺸﻮﻑ ﻓﻴﺪﻭ ﺍﻟﻲ ﺷﺎﺩﺍﻫﺎ ﻣﻦ ﻣﻌﺼﻤﻬﺎ ... ﺣﺎﺟﺔ ﻭﺣﺪﺓ ﺍﻟﻲ ﺧﻄﺮﺍﺕ ﻋﻠﻰ ﺑﺎﻟﻬﺎ ﻫﻮ ﺃﻧﻪ ﻏﻴﻀﻮﺭ ﻓﻴﻬﺎ ﺑﻌﺪ ﺩﺍﻛﺸﻲ ﺍﻟﻲ ﺩﺍﺭﺕ ... ﻟﻜﻦ ﺗﻮﻗﻌﻬﺎ ﻣﻜﺎﻧﺶ ﻓﻤﺤﻠﻮ ...
ﺟﺮﻫﺎ ﻋﻨﺪﻭ ﺣﺘﻰ ﺗﺨﺒﻄﺎﺕ ﻣﻊ ﺻﺪﺭﻭ ... ﻭ ﺿﻮﺭ ﻳﺪﻳﻪ ﻋﻠﻴﻬﺎ ﺣﺎﺿﻨﻬﺎ ﺑﻘﻮﺓ ... ﺧﺸﺎ ﺭﺍﺳﻮ ﻓﻌﻨﻘﻬﺎ ﻭ ﺳﺪ ﻋﻨﻴﻪ ... ﺟﻮﻻﻥ ﺣﺎﺳﺔ ﺑﻴﻪ ﻋﺎﺻﺮﻫﺎ ﻣﺎﺑﻴﻦ ﻳﺪﻳﻪ ... ﻗﻠﺒﻬﺎ ﺗﺴﺎﺭﻋﻮ ﻧﺒﻀﺎﺗﻮ ... ﻫﺰﺍﺕ ﻳﺪﻳﻬﺎ ﺩﻭﺭﺍﺗﻬﻢ ﻋﻠﻰ ﻛﺮﺷﻮ ﻭ ﺑﺎﺩﻻﺗﻮ ﺍﻟﻌﻨﺎﻕ ... ﺷﻮﻳﺔ ﺣﺴﺎﺕ ﺑﺸﻔﺎﻳﻔﻮ ﺗﺤﻄﻮ ﻋﻠﻰ ﻛﺘﻔﻬﺎ ﺍﻟﻌﺎﺭﻱ ﻭ ﻃﺒﻊ ﻗﺒﻠﺔ ... ﻃﻠﻌﺎﺕ ﻣﻊ ﺟﺴﺪﻫﺎ ﺍﻟﺘﺒﻮﺭﻳﺸﺔ ...
ﺑﻌﺪ ﺭﺍﺳﻮ ﻭ ﺗﻘﺎﺑﻞ ﻣﻌﻬﺎ ﻭ ﻫﻤﺎ ﻣﺰﺍﻝ ﻗﺮﺍﺍﺍﺏ ﻟﺒﻌﺾ ... ﺣﻂ ﻳﺪﻭ ﻋﻨﺪ ﺧﺪﻫﺎ ﻭ ﻫﻲ ﺗﻬﺰ ﻋﻨﻴﻬﺎ ﺷﺎﻓﺖ ﻓﻴﻪ ... ﻛﺎﻥ ﺷﻌﺮﻭ ﺍﻟﻲ ﺑﺎﻗﻲ ﻣﺒﻠﻞ ﺷﻮﻳﺔ ﻫﺎﺑﻂ ﻋﻠﻰ ﻋﻨﻴﻪ ... ﺷﺎﻓﺘﻮ ﻛﻴﻘﺮﺏ ﻭ ﻫﻲ ﺗﺴﺪ ﻋﻨﻴﻬﺎ ... ﺭﺋﺒﺎﻝ ﻃﺒﻊ ﻗﺒﻠﺔ ﻋﻠﻰ ﻧﻴﻔﻬﺎ ﻭ ﻫﺒﻂ ﻟﺸﻔﺎﻳﻔﻬﺎ ... ﻛﻴﻘﺒﻞ ﻓﻴﻬﻢ ﺑﺒﻂﺀ ﻭ ﻫﻮ ﻛﻴﻘﺮﺑﻬﺎ ﻟﻴﻪ ﺃﻛﺜﺮ ... ﺑﺎﺩﻻﺗﻮ ﺍﻟﻘﺒﻞ ﺍﻟﺤﺎﺍﺍﺭﺓ ... ﺗﺒﻌﺎﺕ ﻗﻠﺒﻬﺎ ﻭ ﻣﺸﺎﺕ ﻣﻌﺎﻩ ﻟﻠﻌﺎﻟﻢ ﺍﻟﻲ ﺧﻠﻖ ﻟﻴﻬﺎ ...
ﺑﺠﻮﺝ ﻣﻨﺪﺍﻣﺠﻴﻦ ... ﺣﺘﻰ ﺗﺴﻤﻊ ﺃﻧﻴﻨﻬﺎ ﻓﺎﺵ ﺗﺨﺒﻂ ﻇﻬﺮﻫﺎ ﻣﻊ ﻟﺒﺎﺏ ... ﺑﻌﺪ ﺳﻨﺘﻴﻤﺎﺕ ... ﺣﺴﺎﺕ ﺑﻴﻪ ﻭ ﻫﻲ ﺗﺤﻞ ﻋﻨﻴﻬﺎ ... ﻟﻘﺎﺗﻮ ﻛﻴﺸﻮﻑ ﻓﻴﻬﺎ ﺑﺘﻤﻌﻦ ... ﺭﺟﻌﻮ ﺧﺪﻭﺩﻫﺎ ﻣﺰﻧﮕﻴﻦ ... ﺣﺪﺭﺍﺕ ﺭﺍﺳﻬﺎ ﺣﺘﻰ ﻫﺒﻂ ﺷﻌﺮﻫﺎ ﻣﻦ ﺍﻟﺠﻨﺎﺏ ... ﺯﻋﺠﻮﻩ ﺩﻭﻙ ﺍﻟﺨﺼﻼﺕ ﺍﻟﻲ ﻏﻄﺎﻭ ﻭﺟﻬﺎ ... ﻣﺪ ﻳﺪﻭ ﻛﻴﺒﻌﺪﻭ ﻭﺭﺍ ﻭﺫﻧﻬﺎ ... ﺗﻨﻬﺪ ﺑﺼﻮﺕ ﻣﺴﻤﻮﻉ ﻭ ﻃﺒﻊ ﻗﺒﻠﺔ ﺧﻔﻴﻔﺔ ﻋﻠﻰ ﺷﻔﺎﻳﻔﻬﺎ ﺍﻟﺤﻤﺮﻳﻦ ﻭ ﺑﻌﺪ ...
ﺭﺋﺒﺎﻝ : ﻛﻨﺘﻲ ﻛﺘﻨﻌﺴﻲ ﻫﻨﺎ
ﺟﻮﻻﻥ : " ﺑﻠﻘﺎﺕ ﻓﻴﻪ ﻋﻨﻴﻬﺎ ﻣﺴﺘﻐﺮﺑﺔ ﻛﻴﻔﺎﺵ ﺣﺘﻰ ﻋﺮﻑ " ﺁﺍ
ﺭﺋﺒﺎﻝ : " ﺍﺑﺘﺎﺳﻢ ﺑﺠﻨﺐ " ﻳﺎﻻﻩ ﻧﻬﺒﻄﻮ