السفاح العاشق

بارت 95

ﺭﺩﺍﺕ ﻣﺮﻳﻢ ﺍﻟﺒﺎﻝ ﻟﺮﺋﺒﺎﻝ ﺍﻟﻲ ﺳﻬﻰ ﻟﻠﺤﻈﺎﺕ ... ﻛﺄﻧﻪ ﺗﺬﻛﺮ ﺷﺨﺺ ﻣﺎ ... ﻭ ﻣﻦ ﺍﻟﻠﻤﻌﺔ ﺍﻟﻲ ﻧﺎﺩﺭﺍ ﻣﺎ ﻛﺘﺒﺎﻥ ﻓﻌﻨﻴﻪ ... ﺷﻜﺎﺕ ﺃﻧﻬﺎ ﺇﻣﺮﺍﺓ ... ﺇﻣﺮﺃﺓ ﻣﻬﻤﺔ ﻟﺪﺭﺟﺔ ﻛﺒﻴﺮﺓ ... ﺣﺴﺎﺕ ﺑﺸﻌﻮﺭ ﻏﺮﻳﺐ ﺩﺍﺧﻠﻬﺎ ... ﺷﻜﻮﻥ ﻫﺎﺩﻱ ﺍﻟﻲ ﺧﻼﺕ ﻋﻨﻴﻪ ﺍﻟﻲ ﻛﺘﺨﻄﻒ ﺃﻧﻔﺎﺱ ﺍﻹﻧﺎﺙ ﻭ ﻣﻨﻬﻢ ﺍﻟﻤﻤﺮﺿﺎﺕ ﻭ ﻫﻲ ﻧﻔﺴﻬﺎ ... ﻳﻠﻤﻌﻮ ﺑﻬﺎﺩ ﺍﻟﻄﺮﻳﻘﺔ ﻟﻤﺠﺮﺩ ﺫﻛﺮﺍﻫﺎ ... ﺣﻄﺎﺕ ﺍﻟﻜﻮﺏ ﺩﻳﺎﻟﻬﺎ ﺑﻘﻮﺓ ﺣﺘﻰ ﺗﻜﺐ ﻣﻨﻮ ﺷﻮﻳﺔ ... ﻫﺰﺍﺕ ﻋﻨﻴﻬﺎ ﻟﻘﺎﺗﻮ ﻛﻴﺸﻮﻑ ﻓﻴﻬﺎ ﻭ ﻫﻲ ﻛﺘﻤﺴﺢ ﺑﻜﻠﻴﻨﻴﻜﺲ ...
ﺭﺋﺒﺎﻝ : ﺍﻟﻴﻮﻡ ﺍﻫﺘﻤﻴﺘﻲ ﺑﻤﻈﻬﺮﻙ ﺃﻛﺜﺮ ... ﻭﺍﺧﺔ ﻣﺎﻋﻨﺪﻙ ﺳﻮﻕ ﺑﺎﻟﻤﻮﺿﺔ
ﻣﺮﻳﻢ : " ﺍﺳﺘﻐﺮﺑﺎﺕ ﻟﻬﺎﺩ ﺍﻟﺸﺨﺺ ﺍﻟﻲ ﺷﺪﻳﺪ ﺍﻟﻤﻼﺣﻈﺔ " ﺣﻴﻨﺖ ﻓﺮﺣﺎﻧﺔ ... ﻟﺪﺭﺟﺔ ﻣﺎﻛﺮﻫﺘﺶ ﻧﺪﻳﺮ ﺣﻔﻠﺔ
ﺭﺋﺒﺎﻝ : ﻭ ﺷﻨﻮ ﺍﻟﺴﺒﺐ ؟
ﻣﺮﻳﻢ : ﺍﻟﻴﻮﻡ ﻭﺻﻠﻨﻲ ﻃﻼﻗﻲ ﻣﻦ ﺭﺍﺟﻠﻲ ﺍﻟﺴﺎﺑﻖ ... ﻳﻤﻜﻦ ﺗﺒﺎﺭﻙ ﻟﻴﺎ ... ﺃﺧﻴﺮﺍ ﺭﺟﻌﺖ ﺣﺮﺓ
ﻫﺎﺩ ﺍﻟﻜﻠﻤﺔ ﺍﻷﺧﻴﺮﺓ ﺧﻼﺗﻮ ﺳﻬﻰ ﻣﺮﺓ ﺃﺧﺮﻯ ﻭ ﻫﻮ ﻛﻴﺘﺬﻛﺮ ﻟﻘﺎﺀﻭ ﺍﻷﺧﻴﺮ ﺑﺠﻮﻻﻥ ... ﻛﺎﻧﺖ ﺁﺧﺮ ﻣﺮﺓ ﺷﺎﻑ ﻓﻌﻨﻴﻬﺎ ﻭ ﺣﻀﻨﻬﺎ ... ﺁﺧﺮ ﻣﺮﺓ ﺍﺳﺘﻨﺸﻖ ﺭﻳﺤﺘﻬﺎ ﻭ ﻗﺒﻠﻬﺎ ... ﻭ ﻫﻮ ﺳﺎﻫﻲ ﺍﻛﺘﻔﺖ ﻣﺮﻳﻢ ﺑﻤﺮﺍﻗﺒﺘﻮ ﺑﺮﺍﺣﺔ ... ﻭ ﻣﺎﻛﺮﻫﺎﺗﺶ ﻟﻮ ﺗﻌﺮﻑ ﺷﻜﻮﻥ ﻭﺍﺧﺪ ﻛﻞ ﻫﺎﺩ ﺍﻟﺤﻴﺰ ﻣﻦ ﺗﻔﻜﻴﺮﻭ ...
ﻭﺍﻗﻔﻴﻦ ﻭﺳﻂ ﺍﻟﺤﺪﻳﻘﺔ ﻭ ﺿﺎﻳﺮﻳﻦ ﺑﻄﺒﻠﺔ ﻛﺒﻴﺮﺓ ... ﻋﺎﻣﺮﺓ ﺃﻛﻞ ﻣﻦ ﻣﻘﺒﻼﺕ ﻭ ﻣﺨﺒﻮﺯﺍﺕ ... ﺍﻟﻌﺎﺻﻴﺮ ﻭ ﺍﻟﺤﻠﻮﻳﺎﺕ ... ﻭ ﻓﺎﻟﻮﺳﻂ ﻗﺎﻟﺐ ﺣﻠﻮﻯ ﻣﺮﺑﻊ ﺗﻌﻠﻮﻩ ﺷﻤﻌﺔ ﻋﻠﻰ ﺷﻜﻞ ﺭﻗﻢ ﻭﺍﺣﺪ ... ﺳﻤﻴﺔ ﻫﺎﺯﺓ ﻋﺎﺻﻢ ﻓﻴﺪﻫﺎ ﻭ ﺟﻨﺒﻬﺎ ﺳﻨﻤﺎﺭ ﻣﺤﺎﻭﻁ ﺧﺼﺮﻫﺎ ﺑﺪﺭﺍﻋﻮ ...
ﺟﻨﺒﻬﻢ ﺇﻟﻴﺎﺱ ﻭ ﺯﻳﻨﺐ ﻭ ﺟﻮﻻﻥ ... ﺑﻌﺪﻣﺎ ﻏﻨﺎﻭ ﻟﻴﻪ ﺃﻏﻨﻴﺔ ﻋﻴﺪ ﺍﻟﻤﻴﻼﺩ ... ﻗﻄﻌﻮ ﺍﻟﻜﻴﻚ ﻭ ﻛﻞ ﻭﺍﺣﺪ ﺧﺪﺍ ﺻﺤﻨﻮ ... ﺟﻠﺴﻮ ﻓﺎﻟﭽﻠﻴﺴﺔ ﺍﻟﻲ ﺗﻤﺎﻙ ﻓﻮﻕ ﻟﻲ ﻓﻮﻃﻮﻱ ... ﻣﺠﻤﻌﻴﻦ ﻭ ﻛﻴﻀﺤﻜﻮ ﻋﻠﻰ ﺣﺮﻛﺎﺕ ﻋﺎﺻﻢ ... ﻭ ﻛﻞ ﺷﻮﻳﺔ ﻫﺎﺯﻭ ﺷﻲ ﻭﺍﺣﺪ ﻓﻴﻬﻢ ... ﻛﺎﻥ ﻋﻨﺪ ﺟﻮﻻﻥ ﻛﺘﺒﻮﺱ ﻓﻴﻪ ﻭ ﺗﻌﻨﻖ ﺣﺘﻰ ﺧﺴﺮﺍﺕ ﻣﻼﻣﺢ ﻭﺟﻬﺎ ...
ﺳﻤﻴﺔ : " ﺍﻧﺘﺎﺑﻬﺎﺕ ﻟﻴﻬﺎ " ﺩﺍﺭﻫﺎ ﻳﺎﻙ !
ﺟﻮﻻﻥ : ﺁﻩ ﻫﻬﻪ
ﺳﻤﻴﺔ : ﺁﺭﻳﻪ ﻟﻴﺎ ﻧﻄﻠﻊ ﻧﺒﺪﻝ ﻟﻴﻪ
ﺟﻮﻻﻥ : ﻻ ﻏﻴﺮ ﺧﻠﻴﻚ ... ﺃﻧﺎ ﺍﻟﻲ ﻏﻨﻄﻠﻊ ﻧﺒﺪﻝ ﻟﺤﺒﻴﺐ ﺧﺎﻟﺘﻮ
ﺩﺧﻼﺕ ﺟﻮﻻﻥ ﻟﭭﻴﻼ ﻭ ﻃﻠﻌﺎﺕ ﻟﻔﻮﻕ ... ﺩﺧﻼﺕ ﻟﺒﻴﺖ ﻋﺎﺻﻢ ﺣﻄﺎﺗﻮ ﻓﺎﻟﻜﻮﻧﺔ ﺩﻳﺎﻟﻮ ﻭ ﺑﺪﻻﺕ ﻟﻴﻪ ... ﻫﺰﺍﺕ ﺍﻟﻜﻮﺷﺔ ﻭ ﺩﺧﻼﺕ ﻟﻠﺤﻤﺎﻡ ﻻﺣﺘﻬﺎ ... ﻏﺴﻼﺕ ﻳﺪﻳﻬﺎ ﻭ ﺗﻤﺎﺕ ﺧﺎﺭﺟﺔ ... ﺩﺍﺯﺕ ﻣﻦ ﺟﻨﺐ ﻃﺒﻠﺔ ﺟﻨﺐ ﺍﻟﺤﻴﻂ ﺧﺒﻄﺎﺕ ﻓﻴﻬﺎ ﻭ ﺿﺮﺑﺎﺕ ﺑﻤﺮﻓﻘﻬﺎ ﺷﻲ ﻛﺘﻮﺑﺔ ﻛﺎﻧﻮ ﻓﻮﻗﻬﺎ ﺣﺘﻰ ﻃﺎﺣﻮ ...
ﺿﺮﺑﺎﺕ ﺟﻮﻻﻥ ﺟﺒﻬﺘﻬﺎ ﺑﺮﺍﺣﺔ ﻳﺪﻫﺎ ... ﻻ ﻣﺎﺧﺮﺟﺎﺕ ﻓﺸﻲ ﺣﺎﺟﺔ ﻣﺎ ﺗﻬﻨﻰ ... ﺗﺤﺪﺭﺍﺕ ﺟﻮﻻﻥ ﻛﺘﺠﻤﻊ ﻓﻴﻬﻢ ... ﻫﺰﺍﺕ ﺁﺧﺮ ﻭﺍﺣﺪ ﺍﻟﻲ ﻛﺎﻥ ﻃﺎﻳﺢ ﻣﻔﺘﻮﺡ ... ﻳﺎﻻﻩ ﻏﺘﺴﺪﻭ ﻭ ﺗﺤﻄﻮ ﻓﻮﻕ ﻻﺧﺮﻳﻦ ... ﺷﺎﻓﺖ ﺍﺳﻢ ﻟﻔﺖ ﺍﻧﺘﺒﺎﻫﻬﺎ ﻣﻜﺘﻮﺏ ﺑﺎﻟﺨﻂ ﺍﻟﻴﺪﻭﻱ ... ﺳﺎﺑﻘﺎﻩ ﻋﺒﺎﺭﺓ ' ﻭﻟﺪﻱ ﺇﻳﻠﻴﺎ ‘ ... ﻭ ﻫﻲ ﺗﺮﺟﻊ ﺣﻼﺗﻮ ...
ﻛﺎﻧﻮ ﻭﺳﻂ ﺣﺪﻳﺜﻬﻢ ﻭ ﺻﻮﺕ ﺿﺤﻚ ﺍﻟﺒﻨﺎﺕ ﻛﻴﺘﺴﻤﻊ ﻓﺄﺭﺟﺎﺀ ﺍﻟﺠﺮﺩﺓ ... ﻋﻠﻰ ﺇﺛﺮ ﻛﻼﻡ ﺇﻟﻴﺎﺱ ﺍﻟﻤﺎﺯﺡ ... ﺩﻭﺯﺍﺕ ﺳﻤﻴﺔ ﻳﺪﻫﺎ ﻋﻠﻰ ﻋﻨﻴﻬﺎ ﻛﺘﻤﺴﺢ ﺍﻟﺪﻣﻮﻉ ﻣﻦ ﻛﺜﺮﺓ ﺍﻟﻀﺤﻚ ... ﺗﻠﻔﺘﺎﺕ ﺷﺎﻓﺖ ﻓﺠﻬﺔ ﺍﻟﭭﻴﻼ ﻭ ﺭﺟﻌﺎﺕ ﺿﺎﺭﺕ ﻋﻨﺪ ﺳﻨﻤﺎﺭ ﺍﻟﻲ ﻣﺘﻜﻲ ﻋﻠﻰ ﺍﻟﻔﻮﻃﻮﻱ ﻭ ﺩﺍﻳﺮ ﻳﺪﻭ ﺧﻠﻔﻬﺎ ... ﻣﺎﻟﺖ ﻋﻠﻴﻪ ﺷﻮﻳﺔ ﻭ ﻗﺎﻟﺖ ...
ﺳﻤﻴﺔ : ﺟﻮﻻﻥ ﻣﺰﺍﻝ ﻣﺎﺭﺟﻌﺎﺕ ... ﻧﻄﻠﻊ ﻧﺸﻮﻑ ﻋﻼﺵ ﺗﻌﻄﻼﺕ
ﻧﺎﺿﺖ ﺳﻤﻴﺔ ﻭ ﺗﻤﺎﺕ ﺩﺍﺧﻠﺔ ... ﻃﻠﻌﺎﺕ ﻣﻊ ﺍﻟﺪﺭﻭﺝ ﻭ ﻫﻲ ﻏﺎﺩﺓ ﻓﺎﻟﻜﻮﻟﻮﺍﺭ ... ﺳﻤﻌﺎﺕ ﺻﻮﺕ ﺑﻜﺎﺀ ﻭﻟﺪﻫﺎ ﻋﻠﻰ ﺍﻟﺠﻬﺪ ... ﺳﺮﻋﺎﺕ ﻓﺨﻄﻮﺍﺗﻬﺎ ﻭ ﺣﻼﺕ ﻟﺒﺎﺏ ﻭ ﺍﻟﺨﻮﻑ ﺭﻛﺒﻬﺎ ...
ﻣﺸﺎﺕ ﻓﺎﺗﺠﺎﻩ ﺳﺮﻳﺮ ﻭﻟﺪﻫﺎ ... ﻃﻼﺕ ﻋﻠﻴﻪ ﻟﻘﺎﺗﻮ ﺣﻤﺮﺭﺭﺭ ﻭ ﻭﺟﻬﻮ ﻋﺎﻣﺮ ﺩﻣﻮﻉ ... ﻫﺰﺍﺗﻮ ﻋﻨﺪﻫﺎ ﻛﻄﺒﻄﺐ ﻋﻠﻴﻪ ﻭ ﻛﺘﺤﺎﻭﻝ ﺗﺴﻜﺘﻮ ... ﺑﺪﺍ ﻛﻴﻨﻘﺺ ﺻﻮﺕ ﺑﻜﺎﺀﻭ ﺣﺘﻰ ﺳﻜﺖ ... ﺣﺴﺎﺕ ﺑﻠﻲ ﻋﻔﻄﺎﺕ ﻋﻠﻰ ﺷﻲ ﺣﺎﺟﺔ ... ﺷﺎﻓﺖ ﻓﺎﻷﺭﺽ ﻭ ﻫﻲ ﺗﻠﻘﻰ ﺳﻜﺎﺗﻮ ﺍﻟﻲ ﻃﺎﺣﺖ ... ﺗﺤﻨﺎﺕ ﻫﺰﺍﺗﻬﺎ ﻭ ﻛﺎﻧﺖ ﻏﺎﺩﺓ ﻟﺠﻬﺔ ﺍﻟﻄﻮﺍﻟﻴﺖ ﺗﻐﺴﻠﻬﺎ ...
ﺣﺘﻰ ﺗﻮﻗﻔﺎﺕ ﻭ ﻫﻲ ﻛﺘﺸﻮﻑ ﻓﺠﻮﻻﻥ ﭼﺎﻟﺴﺔ ﻓﻠﺮﺽ ... ﺷﺎﺩﺓ ﺷﻲ ﺣﺎﺟﺔ ﺑﻴﻦ ﻳﺪﻳﻬﺎ ﻭ ﻣﺨﺮﺟﺔ ﻋﻨﻴﻬﺎ ... ﺩﻣﻮﻋﻬﺎ ﻛﻴﻄﻴﺤﻮ ﻏﻴﺮ ﺑﻮﺣﺪﻫﻢ ... ﻗﺮﺑﺎﺕ ﻋﻨﺪﻫﺎ ﺳﻤﻴﺔ ﻭ ﻋﻴﻄﺎﺕ ﻋﻠﻴﻬﺎ ﻭ ﻫﻲ ﻣﺼﺪﻭﻣﺔ ﻣﻦ ﺷﻜﻠﻬﺎ ...
ﺳﻤﻴﺔ : ﺟﻮﻻﻥ ... ﺟﻮﻻﺍﺍﺍﻥ
ﻣﻨﻴﻦ ﻣﺠﺎﻭﺑﺎﺗﻬﺎﺵ ﻭ ﻣﺘﺤﺮﻛﺎﺗﺶ ﻛﺄﻧﻬﺎ ﻣﺮﻓﻮﻋﺔ ... ﺗﺤﺪﺭﺍﺕ ﺳﻤﻴﺔ ﻭ ﺣﻄﺎﺕ ﻳﺪﻫﺎ ﻋﻠﻰ ﻛﺘﻔﻬﺎ ﻭ ﺣﺮﻛﺎﺗﻬﺎ ﺷﻮﻳﺔ ...
ﺳﻤﻴﺔ : ﺟﻮﻻﺍﺍﻥ ... ﻣﺎﻟﻜﻲ ﺷﻨﻮ ﻭﺍﻗﻊ ﻟﻴﻚ ؟ !
ﺟﻮﻻﻥ ﻫﺰﺍﺕ ﻋﻨﻴﻬﺎ ﺷﺎﻓﺖ ﻓﺴﻤﻴﺔ ﻭ ﻛﺄﻧﻬﺎ ﻋﺎﺩ ﺣﺴﺎﺕ ﺑﻮﺟﻮﺩﻫﺎ ... ﺷﺎﻓﺖ ﻓﻴﻬﺎ ﻟﻠﺤﻈﺔ ﻭ ﻧﻄﻘﺎﺕ ﺑﺼﻮﺕ ﻛﻴﺮﺟﻒ ...
ﺟﻮﻻﻥ : ﻩ ﻫﺬﺍ ﺩ ﺩﻳﺎﻝ ﺭ ﺭﺑﺎﺏ ... ﻣﺎﻣﺎﺕ ﺭﺋﺒﺎﻝ ... ﻫﺮﺑﺎﺕ ﻋﻠﻰ ﻗﺒﻠﻮ ﻭ ﺧﻼﺕ ﻭﺍﻟﺪﻳﻬﺎ ﻭ ﻫﻮ ﺗﺨﻠﻰ ﻋﻠﻴﻬﺎ ... ﻭ ﻭﻋﻠﻰ ﻭ ﻭﻟﺪﻭ ... ﺗﺨﻠﻰ ﻋﻠﻴﻬﻢ ﻭ ﻫﻲ ﺍﻧﺘﺎﺣﺮﺍﺕ ﻭ ﺧﻼﺕ ﻭ ﻭﻟﺪﻫﺎ ... ﺧﻼﺗﻮ ﺏ ﺏ ﺑﻮﺣﺪﻭﻭﻭ ... " ﺣﺮﻛﺎﺕ ﺭﺍﺳﻬﺎ ﻳﻤﻴﻦ ﺷﻤﺎﻝ " ﻣﺎﻳﻤﻜﻨﺶ ﻙ ﻛﺎﻧﺖ ﺑﺎﻏﺔ ﺗﻘﺘﻠﻮﻭﻭ
ﺑﻌﺪ ﻫﺎﺩ ﺍﻟﻜﻠﻤﺔ ﺍﻷﺧﻴﺮﺓ ﺍﻧﻔﺎﺟﺮﺍﺕ ﺟﻮﻻﻥ ﺑﺎﻟﺒﻜﺎ ... ﻛﺘﺒﻜﻲ ﺑﺼﻮﺕ ﻣﺮﺗﺎﻓﻊ ﺣﺘﻰ ﺗﺨﻠﻊ ﻭﻟﺪ ﺳﻤﻴﺔ ﻭ ﺭﺟﻊ ﻛﻴﺒﻜﻲ ... ﺑﻌﺪﺍﺕ ﺳﻤﻴﺔ ﻭ ﺧﺮﺟﺎﺕ ﻣﻦ ﺍﻟﻐﺮﻓﺔ ... ﻭﻗﻔﺎﺕ ﻋﻨﺪ ﺍﻟﺪﺭﻭﺝ ﻛﺘﻌﻴﻂ ﻟﺴﻌﺎﺩ ... ﺍﻟﻲ ﻛﻴﻒ ﺳﻤﻌﺎﺗﻬﺎ ﻃﻠﻌﺎﺕ ﻋﻨﺪﻫﺎ ﻛﺘﺠﺮﻱ ...
ﻣﺪﺍﺕ ﻟﻴﻬﺎ ﺳﻤﻴﺔ ﻋﺎﺻﻢ ﻭ ﺭﺟﻌﺎﺕ ﻛﺘﺠﺮﻱ ﻋﻨﺪ ﺟﻮﻻﻥ ... ﻗﺮﺑﺎﺕ ﻟﻌﻨﺪﻫﺎ ﻭ ﺟﻠﺴﺎﺕ ﻓﻠﺮﺽ ... ﺣﻴﺪﺍﺕ ﻟﻴﻬﺎ ﺍﻟﻤﺬﻛﺮﺓ ﻣﻦ ﺑﻴﻦ ﻳﺪﻳﻬﺎ ﺑﺼﻌﻮﺑﺔ ... ﻷﻧﻬﺎ ﻛﺎﻧﺖ ﻣﺰﻳﺮﺓ ﻋﻠﻴﻬﺎ ... ﺣﻄﺎﺗﻬﺎ ﺟﻨﺐ ﻭ ﻋﻨﻘﺎﺗﻬﺎ ﺳﻤﻴﺔ ﻭ ﻫﻲ ﻛﺘﺤﺎﻭﻝ ﺗﻬﺪﺃﻫﺎ ...
ﺗﺤﻞ ﻟﺒﺎﺏ ﺑﺎﻟﺠﻬﺪ ﻭ ﺩﺧﻞ ﺳﻨﻤﺎﺭ ... ﺷﺎﻑ ﺩﺍﻙ ﺍﻟﻤﻨﻈﺮ ... ﺟﻮﻻﻥ ﻛﺘﺒﻜﻲ ﻓﺤﻀﻦ ﺳﻤﻴﺔ ﻭ ﻛﺪﺧﻞ ﻭ ﺗﺨﺮﺝ ﻓﺎﻟﻬﻀﺮﺓ ... ﻣﺎﻓﻬﻢ ﺣﺘﻰ ﺣﺎﺟﺔ ... ﺣﺘﻰ ﺷﺎﻑ ﺍﻟﻤﺬﻛﺮﺓ ﻓﻠﺮﺽ ... ﺯﻓﺮ ﺑﺎﻟﺠﻬﺪ ﻭ ﺩﻭﺯ ﻳﺪﻭ ﻋﻠﻰ ﺷﻌﺮﻭ ... ﺗﻤﺘﻢ ﺑﻐﻀﺐ ﻛﻴﺸﺘﻢ ﺭﺍﺳﻮ ﻷﻧﻪ ﺧﻼﻫﺎ ﻫﻨﺎ ﻓﻐﺮﻓﺔ ﻭﻟﺪﻭ ﻓﺎﺵ ﻗﺮﺍﻫﺎ ﺁﺧﺮ ﻣﺮﺓ ...
ﺑﻘﺎ ﻭﺍﻗﻒ ﻋﻨﺪ ﻟﺒﺎﺏ ﻣﻌﺎﺭﻑ ﺷﻨﻮ ﺍﻟﻤﻌﻤﻮﻝ ... ﺟﺰﺀ ﻣﻨﻮ ﺯﺍﻋﻒ ﻭ ﺟﺰﺀ ﺁﺧﺮ ﺑﻐﺎﻫﺎ ﺗﻌﺮﻑ ﻣﻦ ﺷﻨﻮ ﻣﺮ ﺭﺋﺒﺎﻝ ... ﺑﺎﻏﻴﻬﺎ ﺗﻌﺮﻑ ﻋﻠﻰ ﺍﻷﻗﻞ ﻫﺎﺩﺷﻲ ... ﻭﺍﺧﺔ ﻣﺘﺄﻛﺪ ﺃﻥ ﺭﺋﺒﺎﻝ ﻣﻐﺎﺩﻳﺶ ﻳﺪﻭﺯﻫﺎ ﻟﻴﻪ ... ﻭ ﻫﻮ ﻭﺳﻂ ﻫﺎﺩ ﺍﻟﺼﺮﺍﻉ ﺑﻴﻨﻮ ﻭ ﺑﻴﻦ ﺭﺍﺳﻮ ... ﻟﻤﺤﺎﺗﻮ ﺟﻮﻻﻥ ... ﺑﻌﺪﺍﺕ ﻋﻠﻴﻬﺎ ﺳﻤﻴﺔ ﻭ ﻧﺎﺿﺖ ﻋﻨﺪﻭ ﺑﺴﺮﻋﺔ ... ﺷﺪﺍﺕ ﻓﺪﺭﺍﻋﻮ ﻭ ﻗﺎﻟﺖ ﺑﺼﻮﺕ ﻛﻴﺮﺟﻒ ...
ﺟﻮﻻﻥ : ﻓﻴﻨﺎﻫﻮﺍ ... ﺳﻨﻤﺎﺭ ﻓﻴﻨﺎﻫﻮﺍ ﺭﺋﺒﺎﺍﺍﺍﻝ ؟
ﺳﻨﻤﺎﺭ : " ﺍﻟﺼﻤﺖ "
ﺟﻮﻻﻥ : " ﺟﺮﺍﺗﻮ ﻣﻦ ﺍﻟﺘﻴﺸﻮﺭﺕ ﻭ ﻗﺎﻟﺖ ﺑﺼﻮﺕ ﺃﻋﻠﻰ " ﻓﻴﻨﺎﻫﻮﺍﺍﺍﺍ ... ﺑﻐﻴﺖ ﻧﺸﻮﻓﻮ ﻭﺍﺧﺔ ﻣﺎﻳﺒﻐﻴﺶ ﻳﺸﻮﻓﻨﻲ ... ﺧﺎﺍﺍﺍﺹ ﻧﺸﻮﻓﻮﻭﻭ " ﻛﺘﻤﺴﺢ ﺍﻟﺪﻣﻮﻉ ﺍﻟﻲ ﺿﺒﺒﻮ ﻋﻠﻴﻬﺎ ﺍﻟﺮﺅﻳﺔ " ﻋﻔﺎﺍﺍﻙ ﻗﻮﻝ ﻟﻴﺎﺍ ﻓﻴﻦ ﻛﺎﺍﻳﻦ ... ﺧﺎﺍﺍﺹ ﻧﺸﻮﻓﻮﻭﻭ
ﺳﻨﻤﺎﺭ : " ﺷﺪﻫﺎ ﻣﻦ ﻛﺘﺎﻓﻬﺎ " ﺟﻮﻻﻥ ﺗﻬﺪﻧﻲ
ﺟﻮﻻﻥ : " ﻛﺘﺤﺮﻙ ﺭﺍﺳﻬﺎ ﺑﻼ " ﻻﺍﺍ ﺧﺎﺹ ﻧﺸﻮﻑ ﺭﺋﺒﺎﻝ ... ﻛﻠﺸﻲ ﻫﺎﺩﺷﻲ ﺩﺍﺯ ﻋﻠﻴﻪ ... ﻥ ﻧﺘﺎﺍﺍ ﻛﻨﺘﻲ ﻋﺎﺭﻑ ﻳﺎﻙ ... ﻉ ﻋﻼﺵ ﺃﻧﺎ ﻣﻘﺎﻟﻲ ﻭﺍﻟﻮ ... ﻟﻬﺎﺩ ﺍﻟﺪﺭﺟﺔ ﻣﺎﻋﻨﻴﺖ ﻟﻴﻪ ﻭﺍﻟﻮ ﺣﺘﻰ ﻣﺸﺎﺭﻛﺶ ﻣﻌﻴﺎ ﺃﺣﺰﺍﻧﻮ ... ﻱ ﻳﺎﻙ ﻭﻗﻒ ﻣﻌﻴﺎ ﻭ ﻭﺍﺳﺎﻧﻲ ﻓﻤﻮﺕ ﻣﺎﻣﺎﺍﺍ ... ﻋﻼﺵ ﺃﻧﺎﺍﺍ ﻣﻴﻌﺎﻭﺩﺵ ﻟﻴﺎﺍﺍ ... ﻋﻼﺍﺍﺍﺵ ...
ﻭ ﻭﺟﺪﺍﻩ ﻭ ﺟﺪﻭ ﻋﺎﻳﺶ ﺑﻌﻴﺪ ﻋﻠﻴﻬﻢ ﻭ ﻫﻤﺎ ﻛﻴﺘﺤﺮﻗﻮ ﻋﻠﻰ ﺑﻨﺘﻬﻢ ... ﻣﺎﻋﺎﺭﻓﻴﻦ ﻭﺍﺵ ﺣﻴﺔ ﻭﻻ ﻣﻴﺘﺔ ... ﻭ ﻣﺎ ﻣﻌﺎﺭﻓﻴﻨﺶ ﻋﻨﺪﻫﻢ ﺣﻔﻴﻴﻴﺪ ... ﻋﻼﺍﺍﺵ ﻛﻴﻈﻠﻤﻬﻢ ﻣﻌﺎﻩ ﻫﺎﺍﺍﻛﺔ ... ﻋﻼﺍﺍﺍﺍﺵ ... ﺧﺎﺹ ﻧﺸﻮﻓﻮ ﻭ ﻏﺎﺩﻱ ﻧﻌﺎﻭﺩ ﻟﻴﻬﻢ ﻋﻠﻴﻪ ... ﺧﺎﺹ ﻳﻌﺮﻓﻮ
ﺳﻨﻤﺎﺭ : " ﺯﻳﺮ ﻋﻠﻰ ﻛﺘﺎﻓﻬﺎ ﺑﻘﺒﻈﺘﻮ " ﻻﺍﺍ ... ﻫﻮ ﺭﺍﻓﺾ ﻳﻌﺮﻓﻮ ﻭ ﻋﻨﺪﻭ ﺍﺳﺒﺎﺑﻮ ... ﺍﺣﺘﺎﺭﻣﻲ ﺭﻏﺒﺘﻮ
ﺟﻮﻻﻥ : ﺁﺷﻤﻦ ﺍﺳﺒﺎﺏ ﺍﻟﻲ ﺗﺨﻠﻴﻪ ﺑﻌﻴﺪ ﻋﻠﻰ ﻋﺎﺋﻠﺘﻮ ﺍﻟﺤﻘﻴﻘﻴﺔ ﻭ ﻋﺎﺵ ﻭﺳﻂ ﺍﻟﻐﺮﺑﺎﺀ ... ﺁﺷﻤﻦ ﺃﺳﺒﺎﺏ ﻭ ﻻ ﺃﻋﺬﺍﺍﺍﺭ ... ﻫﺎﺍﺍ !
ﺣﺪﺭ ﺳﻨﻤﺎﺭ ﺭﺍﺳﻮ ﻭ ﻫﻮ ﻣﻘﺎﺩﺭﺵ ﻳﻨﻄﻖ ﻭﺍﺧﺔ ﺑﻐﺎﻫﺎ ﺗﻌﺮﻑ ﻛﻠﺸﻲ ... ﺑﻘﺎﺕ ﺟﻮﻻﻥ ﻛﺘﺸﻮﻑ ﻓﻴﻪ ﻛﺘﺴﻨﻰ ... ﺣﺘﻰ ﺗﺪﺧﻼﺕ ﺳﻤﻴﺔ ﻭ ﺷﺪﺍﺕ ﻓﺠﻮﻻﻥ ﺣﺘﻰ ﺗﻠﻔﺘﺎﺕ ﻋﻨﺪﻫﺎ ...
ﺳﻤﻴﺔ : ﺟﻮﻻﻥ ﺁﺟﻲ ﺗﭽﻠﺴﻲ ﻭ ﺗﻬﺪﻧﻲ ﺷﻮﻳﺔ
ﺟﻮﻻﻥ : ﻻﺍﺍ ... ﻛﻨﺘﺴﻨﺎﻩ ﻳﻬﻀﺮ ... ﺇﻣﺎ ﻳﻘﻮﻝ ﻟﻴﺎ ﻓﻴﻦ ﻛﺎﻳﻦ ... ﻭ ﻻ ﻏﻨﻤﺸﻲ ﻋﻨﺪ ﺟﺪﻱ ﻭ ﻧﻤﺪ ﻟﻴﻪ ﺍﻟﻤﺬﻛﺮﺓ ﺩﻳﺎﻝ ﺑﻨﺘﻮ ﺭﺍﺳﻲ ... ﻣﻦ ﺣﻘﻬﻢ ﻳﻌﺮﻓﻮ ﺷﻨﻮ ﻭﻗﻊ ﻣﻊ ﺑﻨﺘﻬﻢ ﻭ ﺃﻥ ﻋﻨﺪﻫﻢ ﺣﻔﻴﺪ ﺭﺍﻓﺾ ﻳﻌﺮﻓﻮ ﺑﻮﺟﻮﺩﻭ ﺳﻨﻤﺎﺭ : ﺳﻤﻴﺔ ﺧﻠﻴﻨﺎ ﺑﻮﺣﺪﻧﺎ
ﺧﺮﺟﺎﺕ ﺳﻤﻴﺔ ﻭ ﺳﺪﺍﺕ ﻣﻦ ﻭﺭﺍﻫﺎ ﺍﻟﺒﺎﺏ ... ﻣﺸﺎﺕ ﻟﻠﻤﻄﺒﺦ ﻟﻘﺎﺕ ﺳﻌﺎﺩ ﻫﺎﺯﺓ ﻋﺎﺻﻢ ... ﺧﺪﺍﺗﻮ ﻣﻦ ﻋﻨﺪﻫﺎ ﻭ ﺧﺮﺟﺎﺕ ﻣﻦ ﻟﺒﺎﺏ ﺩﻳﺎﻝ ﺍﻟﻤﻄﺒﺦ ...
ﺯﻳﻨﺐ ﻟﻤﺤﺎﺕ ﺳﻤﻴﺔ ﺧﺎﺭﺟﺔ ﻭ ﻫﻲ ﺗﺪﻓﻊ ﺇﻟﻴﺎﺱ ﻋﻠﻴﻬﺎ ... ﺩﻭﺯﺍﺕ ﻳﺪﻫﺎ ﻋﻠﻰ ﺷﻔﺎﻳﻔﻬﺎ ﻭ ﺧﻨﺰﺭﺍﺕ ﻓﻴﻪ ... ﺍﺑﺘﺎﺳﻢ ﺑﺠﻨﺐ ﻗﺒﻞ ﻣﺎﺗﻬﺰ ﻛﻠﻴﻨﻴﻜﺲ ﺧﺒﻄﺎﺗﻮ ﻟﻴﻪ ﻋﻠﻰ ﻭﺟﻬﻮ ...
ﺯﻳﻨﺐ : ﻣﺴﺢ ﻓﻤﻚ ﺷﻮﻫﺘﻴﻨﺎ
ﺇﻟﻴﺎﺱ : ﺧﻄﻴﺒﺘﻲ ﻭ ﺑﺴﺘﻬﺎ ﺷﻐﻞ ﺷﻲ ﺣﺪ ﻓﻴﻨﺎ
ﺯﻳﻨﺐ : ﺍﻟﻠﻘﻮﺓ ... ﺳﻤﻴﺔ ﺟﺎﻳﺔ
ﺗﻠﻔﺘﻮ ﺑﺠﻮﺝ ﻓﺎﺗﺠﺎﻩ ﺳﻤﻴﺔ ... ﺍﻟﻲ ﻛﻴﻒ ﻭﺻﻼﺕ ﻋﻨﺪﻫﻢ ﺑﺎﻧﻮ ﻣﻼﻣﺤﻬﺎ ﺍﻟﺤﺰﻳﻨﺔ ... ﭼﻠﺴﺎﺕ ﺟﻨﺐ ﺯﻳﻨﺐ ﻭ ﻫﻲ ﺗﺴﻮﻟﻬﺎ ...
ﺯﻳﻨﺐ : ﺳﻤﻴﺔ ... ﺷﻨﻮ ﻭﺍﻗﻊ ... ؟
ﺳﻤﻴﺔ : ﺟﻮﻻﻥ ﻣﺎﻋﺮﻓﺖ ﻣﺎﻟﻬﺎ ... ﺩﺧﻠﺖ ﻟﻘﻴﺘﻬﺎ ﻛﺘﺒﻜﻲ ﻭ ﻫﺎﺯﺓ ﺷﻲ ﻛﺘﺎﺏ ﻓﻴﺪﻫﺎ ﺑﺤﺎﻝ ﻣﺬﻛﺮﺓ ... ﺧﻠﻴﺖ ﻣﻌﻬﺎ ﺳﻨﻤﺎﺭ ... ﻣﺎﻋﺮﺕ ﺷﻨﻮ ﻗﺮﺍﺕ ﻓﺪﻳﻚ ﺍﻟﻤﺬﻛﺮﺓ !
ﻗﺒﻞ ﻣﺎ ﺗﻨﻄﻖ ﺯﻳﻨﺐ ... ﻧﺎﺽ ﺇﻟﻴﺎﺱ ﻓﺠﺄﺓ ﻭ ﺗﻮﺟﻪ ﻟﺪﺍﺧﻞ ﺍﻟﭭﻴﻼ ...
ﻛﺎﻧﺖ ﭼﺎﻟﺴﺔ ﻓﻮﻕ ﺍﻟﻔﻮﻃﻮﻱ ﺑﻌﺪﻣﺎ ﻫﺪﺍﺕ ﺷﻮﻳﺔ ... ﺳﻨﻤﺎﺭ ﭼﺎﻟﺲ ﻣﻘﺎﺑﻞ ﻣﻌﻬﺎ ﻣﺴﻨﺪ ﻋﻠﻰ ﺭﻛﺎﺑﻴﻪ ﻭ ﻛﻴﺸﻮﻑ ﻓﺎﻷﺭﺽ ... ﻟﺤﻈﺎﺕ ﻗﺒﻞ ﻣﺎ ﻳﻬﺰ ﺭﺍﺳﻮ ﻭ ﻗﺎﻝ ﺑﺠﺪﻳﺔ ...
ﺳﻨﻤﺎﺭ : ﻣﺴﺘﺎﻋﺪﺓ ﺗﺴﻤﻌﻲ ﻫﺎﺩﺷﻲ ﺍﻟﻲ ﻏﺎﺩﻱ ﻧﻘﻮﻝ !
ﺟﻮﻻﻥ ﻭﺍﺧﺔ ﻛﺎﻧﺖ ﻣﺘﺨﻮﻓﺔ ﻣﻦ ﺷﻨﻮ ﻏﻴﻘﻮﻝ ... ﺧﻮﻓﺎ ﻣﻦ ﺃﻧﻬﺎ ﺗﻌﺮﻑ ﺑﻠﻲ ﺭﺋﺒﺎﻝ ﺗﺠﺎﻭﺯ ﻛﻠﺸﻲ ﻭ ﻗﺮﺭ ﻳﻌﻴﺶ ﺑﻌﻴﺪ ... ﻭ ﺧﻮﻓﻬﺎ ﺍﻷﻛﺒﺮ ﺍﻧﻬﺎ ﺗﻌﺮﻑ ﺑﻠﻲ ﻟﻘﻰ ﺇﻣﺮﺃﺓ ﺃﺧﺮﻯ ﻧﺴﺎﺗﻮ ﻓﻜﻠﺸﻲ ... ﺩﺍﻛﺸﻲ ﺍﻟﻲ ﺑﻌﺪﺍﺕ ﺗﻔﻜﻴﺮﻫﺎ ﻋﻠﻴﻪ ﻫﺎﺩ ﺍﻟﻌﺎﻣﻴﻦ ... ﺟﺎ ﻗﺪﺍﻡ ﻋﻨﻴﻬﺎ ﻓﻬﺎﺩ ﺍﻟﻠﺤﻈﺔ ... ﻟﻜﻨﻬﺎ ﺧﺎﺹ ﺗﻌﺮﻑ ... ﻭ ﺑﺎﻏﻴﺔ ﺗﺸﻮﻓﻮ ﻭ ﺗﻬﻀﺮ ﻣﻌﺎﻩ ﻭ ﻟﻮ ﻵﺧﺮ ﻣﺮﺓ ... ﺷﺎﻓﺖ ﻓﺴﻨﻤﺎﺭ ﻭ ﻗﺎﻟﺖ ...
ﺟﻮﻻﻥ : ﺑﻐﻴﺖ ﻧﻌﺮﻑ ﻛﻠﺸﻲ ... ﺑﻠﻴﺰ ﻣﺎﺗﺨﺒﻲ ﻋﻠﻴﺎ ﺣﺘﻰ ﺣﺎﺟﺔ
ﺳﻨﻤﺎﺭ : ﻭﺍﺧﺔ ﻋﺎﺭﻑ ﺭﺋﺒﺎﻝ ﻣﻐﺎﺩﻳﺶ ﻳﻐﻔﺮ ﻟﻴﺎ ﻫﺎﺩﺷﻲ ... ﻟﻜﻦ ﺧﺎﺻﻚ ﺗﻌﺮﻓﻲ ﻓﻴﻦ ﻫﻮ ﻭ ﺷﻨﻮ ﻭﺍﻗﻊ ﻣﻌﺎﻩ
ﺗﺤﻞ ﻟﺒﺎﺏ ﻭ ﺩﺧﻞ ﺇﻟﻴﺎﺱ ... ﺳﻤﻊ ﺁﺧﺮ ﻛﻠﻤﺎﺕ ﻗﺎﻝ ﺳﻨﻤﺎﺭ ﻭ ﻫﻮ ﻳﻨﻄﻖ ...
ﺇﻟﻴﺎﺱ : ﺳﻨﻤﺎﺭ
ﺳﻨﻤﺎﺭ : " ﺿﺎﺭ ﻋﻨﺪﻭ "
ﺇﻟﻴﺎﺱ : ﻓﻜﺮ ﻣﺰﻳﺎﻥ ﻓﻬﺎﺩﺷﻲ ﺍﻟﻲ ﻛﺪﻳﺮ ... ﺳﻤﻌﺘﻴﻪ ﺷﻨﻮ ﻗﺎﻝ ﻗﺒﻞ ﻣﺎ ﻳﻤﺸﻲ
ﺳﻨﻤﺎﺭ : ﻣﻨﺴﻴﺘﺶ ... ﻣﺸﺎ ﻭ ﻃﻠﺐ ﻣﻨﺎ ﻧﺴﺎﻭﻩ ... ﻭ ﻣﻨﻊ ﺃﻧﻨﺎ ﻧﺰﻭﺭﻭﻩ ... ﻭ ﻣﻨﺠﺒﺪﻭﺵ ﺳﻴﺮﺗﻮ ﻗﺪﺍﻡ ﺟﻮﻻﻥ ﻭ ﻣﺎﻧﻌﺎﻭﺩﻭ ﻟﻴﻬﺎ ﻭﺍﻟﻮ ﻋﻠﻰ ﺍﻟﻲ ﻭﻗﻊ ... ﻭ ﻟﻜﻦ ... ﻋﺎﺟﺒﻚ ﻧﺘﺎ ﻫﺎﺩ ﺍﻟﻮﺿﻊ ... ﺃﻧﺎ ﻻ
ﺟﻮﻻﻥ : ﻋﻼﺵ ﻛﺘﻬﻀﺮ ... ﻣﻤﻜﻦ ﺷﻲ ﻭﺍﺣﺪ ﻓﻴﻜﻢ ﻳﺸﺮﺡ ﻟﻴﺎ
ﺳﻨﻤﺎﺭ : " ﺷﺎﻑ ﻓﺈﻟﻴﺎﺱ ﻭ ﺭﺟﻊ ﺿﺎﺭ ﻋﻨﺪﻫﺎ " ﺟﻮﻻﻥ ... ﺭﺋﺒﺎﻝ ﻛﺎﻳﻦ ﻓﻤﺼﺤﺔ ﻟﻸﻣﺮﺍﺽ ﺍﻟﻨﻔﺴﻴﺔ
ﺟﻮﻻﻥ : " ﺑﺎﺳﺘﻔﻬﺎﻡ " ﻫﺎﺍ ... ﻣﺼﺤﺔ ... ! ﻳﺎﻙ ﺭﺋﺒﺎﻝ ﻣﺴﺎﻓﺮ
ﺳﻨﻤﺎﺭ : ﺭﺋﺒﺎﻝ ﻣﺎ ﺳﺎﻓﺮ ﻣﺎﻭﺍﻟﻮ ... ﻗﺒﻞ ﻋﺎﻣﻴﻦ ﻫﺎﺩﻱ ... ﺳﻠﻢ ﺭﺍﺳﻮ ﻟﻠﺒﻮﻟﻴﺲ
ﻛﻤﻞ ﺳﻨﻤﺎﺭ ﻋﻠﻰ ﻛﻼﻣﻮ ﻭ ﻣﻊ ﻛﻞ ﻛﻠﻤﺔ ﻛﺎﻥ ﻳﻨﻄﻖ ﺑﻴﻬﺎ ... ﻛﺎﻧﻮ ﻋﻨﻴﻦ ﺟﻮﻻﻥ ﻛﻴﺰﻳﺪﻭ ﻳﺘﻮﺳﻌﻮ ﻣﻦ ﺍﻟﺼﺪﻣﺔ ... ﺇﻟﻴﺎﺱ ﻭﺍﻗﻒ ﻋﻨﺪ ﻟﺒﺎﺏ ﻣﺘﻜﻲ ﻋﻠﻰ ﺍﻟﻜﺎﺩﺭ ﻭ ﻣﺮﺑﻊ ﻳﺪﻳﻪ ... ﻛﻴﺴﻤﻊ ﻟﺴﻨﻤﺎﺭ ﺍﻟﻲ ﻣﺎﻗﺪﺭﺵ ﻳﻤﻨﻌﻮ ﻣﻦ ﺃﻧﻪ ﻳﻌﺎﻭﺩ ﻟﻴﻬﺎ ﻛﻠﺸﻲ ... ﻛﻞ ﻳﻮﻡ ﻛﻴﺪﻭﺯ ﻋﻠﻴﻬﻢ ﻛﻴﺤﺴﻮ ﺑﻐﻴﺎﺑﻮ ...
ﻛﻴﻒ ﺷﺎﻓﻮ ﺷﻮﻗﻬﺎ ﻟﻴﻪ ﻣﻦ ﻋﻨﻴﻬﺎ ﻭﺍﺧﺔ ﻋﻤﺮﻫﺎ ﺗﻜﻠﻤﺎﺕ ﻋﻠﻴﻪ ... ﺣﺘﻰ ﻫﻤﺎ ﺧﻠﻰ ﻋﻨﺪﻫﻢ ﻓﺮﺍﻍ ﺣﺘﻰ ﺣﺎﺟﺔ ﻣﺎﻳﻤﻜﻦ ﺗﻤﻠﺆﻭ ... ﻛﺒﺮﻭ ﻣﻊ ﺑﻌﺾ ﺑﺪﻭﻥ ﻣﺎﻳﺘﻔﺎﺭﻗﻮ ... ﺣﺘﻰ ﻓﺎﺵ ﻛﺎﻧﻮ ﻓﺎﻟﻤﻴﺘﻢ ﻭ ﻏﺎﺩﺭ ﻣﻊ ﻋﺎﺋﻠﺘﻮ ﺍﻟﺠﺪﻳﺪﺓ ﺭﺟﻊ ﻋﻨﺪﻫﻢ ... ﻭ ﻣﻨﺤﻬﻢ ﻣﻦ ﺩﺍﻛﺸﻲ ﺍﻟﻲ ﺗﻮﻓﺮ ﻟﻴﻪ ... ﻛﻴﻔﺎﺵ ﻳﻘﺪﺭﻭ ﻳﻨﺴﺎﻭﻩ ﻛﻴﻒ ﻗﺎﻝ ﻟﻴﻬﻢ ...
ﻭ ﺭﻏﻢ ﻃﻠﺒﻬﻢ ﺍﻟﻤﺴﺘﻤﺮ ﻣﻦ ﺍﻟﻤﺤﺎﻣﻲ ﺩﻳﺎﻟﻮ ... ﺍﻟﻮﺣﻴﺪ ﺍﻟﻲ ﻛﻴﺘﻮﺍﺻﻞ ﻣﻌﺎﻩ ... ﺑﺎﺵ ﻳﻘﺪﺭﻭ ﻳﺰﻭﺭﻭﻩ ... ﻛﺎﻥ ﻛﻴﺮﻓﺾ ﺗﺤﺖ ﺁﻭﺍﻣﺮ ﺭﺋﺒﺎﻝ ...
ﺑﻌﺪﻣﺎ ﻛﻤﻞ ﺳﻨﻤﺎﺭ ﺣﺪﻳﺜﻮ ... ﺑﻘﻰ ﻛﻴﺸﻮﻑ ﻓﺠﻮﻻﻥ ﻭ ﻣﺎﻗﺪﺭ ﻳﻌﺮﻑ ﺷﻨﻮ ﻛﻴﻀﻮﺭ ﻓﺮﺍﺳﻬﺎ ﻓﻬﺎﺩ ﺍﻟﻠﺤﻈﺔ ... ﻣﺨﺮﺟﺔ ﻋﻨﻴﻬﺎ ﻭ ﻧﻈﺮﻫﺎ ﻣﺸﺘﺖ ﻛﺄﻧﻬﺎ ﻣﺮﻓﻮﻋﺔ ... ﻟﻠﺤﻈﺔ ﻧﺪﻡ ﻷﻧﻪ ﻋﺎﻭﺩ ﻟﻴﻬﺎ ... ﺑﺎﻧﺖ ﻟﻴﻪ ﻭﻗﻔﺎﺕ ﻭ ﺗﻤﺎﺕ ﻏﺎﺩﺓ ﺟﻬﺔ ﻟﺒﺎﺏ ... ﺩﺍﺯﺕ ﻣﻦ ﺟﻨﺐ ﺍﻟﻴﺎﺱ ﺑﺪﻭﻥ ﻣﺎﺗﺸﻮﻑ ﻓﻴﻪ ﻛﺄﻧﻪ ﻣﻜﺎﻳﻨﺶ ﺗﻤﺎﻙ ...
ﻫﺒﻄﺎﺕ ﻣﻊ ﺍﻟﺪﺭﻭﺝ ﻭ ﺧﺮﺟﺎﺕ ﻟﻠﺠﺮﺩﺓ ... ﻣﺸﺎﺕ ﻓﺎﺗﺠﺎﻩ ﺍﻟﭽﻠﻴﺴﺔ ﻓﻴﻦ ﻛﺎﻳﻨﻴﻦ ﻟﺒﻨﺎﺕ ... ﺑﺪﻭﻥ ﻣﺎﺗﻨﻄﻖ ﺑﻜﻠﻤﺔ ﻫﺰﺍﺕ ﺻﺎﻛﻬﺎ ﻭ ﺗﻤﺎﺕ ﺧﺎﺭﺟﺔ ... ﺯﻳﻨﺐ ﺑﺪﺍﺕ ﻛﺘﻌﻴﻂ ﻋﻠﻴﻬﺎ ﻫﻲ ﻭ ﺳﻤﻴﺔ ... ﻣﺘﻠﻔﺘﺎﺗﺶ ﻭ ﻣﺎ ﻭﻗﻔﺎﺗﺶ ... ﺧﺮﺝ ﺳﻨﻤﺎﺭ ﻣﻦ ﻟﭭﻴﻼ ﺷﺎﻓﻬﺎ ﻏﺎﺩﺓ ﺟﻬﺔ ﻟﺒﺎﺏ ﻭ ﺳﺮﻉ ﻧﺎﺣﻴﺘﻬﺎ ...
ﺳﻨﻤﺎﺭ : " ﺷﺪﻫﺎ ﻣﻦ ﺩﺭﺍﻋﻬﺎ " ﺟﻮﻻﻥ ... ﻓﻴﻦ ﻏﺎﺩﻳﺔ
ﺟﻮﻻﻥ : " ﺷﺎﻓﺖ ﻓﻴﻪ " ﻏﺎﺩﻳﺔ ﻟﻠﺪﺍﺭ ... ﺗﻌﻄﻠﺖ ﻋﻠﻰ ﺑﺎﺑﺎ
ﺳﻨﻤﺎﺭ : ﺗﺴﻨﺎﻱ ﻧﻮﺻﻠﻚ
ﺟﻮﻻﻥ : ﻻ ﺑﻼﺵ ... ﻏﺎﺩﻱ ﻧﺎﺧﺪ ﻃﺎﻛﺴﻲ
ﺳﻨﻤﺎﺭ : ﻣﻜﺎﻳﻦ ﻃﺎﻛﺴﻲ ﻓﻬﺎﺩ ﺍﻟﻮﻗﺖ ... ﻣﺘﺤﺮﻛﻴﺶ ﻣﻦ ﻫﻨﺎ ... ﻧﺠﻴﺐ ﺍﻟﻜﻮﻧﻄﺎﻛﺖ ﻭ ﻧﺠﻲ
ﻣﺸﺎ ﻛﻴﺴﺮﻉ ﻓﺨﻄﺎﻭﻳﻪ ﺩﺧﻞ ﻟﻠﻤﻜﺘﺐ ... ﻫﺰ ﺍﻟﻜﻮﻧﻄﺎﻛﺖ ﻭ ﺧﺮﺝ ... ﺩﺍﺯ ﻣﻦ ﺣﺪﺍﻫﻢ ﻗﺎﻟﻴﻬﻢ ﻏﺎﺩﻱ ﻳﻮﺻﻞ ﺟﻮﻻﻥ ﻭ ﻃﻠﻊ ﻓﺴﻴﺎﺭﺗﻮ ... ﻭﻗﻒ ﻋﻨﺪ ﻟﺒﺎﺏ ﺍﻟﻲ ﺗﺤﻞ ﻭ ﻣﺪ ﻳﺪﻭ ﺣﻞ ﻟﻴﻬﺎ ﺍﻟﺒﺎﺏ ... ﻃﻠﻌﺎﺕ ﻭ ﻫﻮ ﻳﺪﻳﻤﺎﺭﻱ ...
ﻏﺎﺩﻱ ﺳﺎﻳﻖ ﻭ ﻣﺮﺓ ﻣﺮﺓ ﻳﻀﻮﺭ ﻋﻨﺪﻫﺎ ... ﻛﺎﻧﺖ ﺣﺎﻃﺔ ﺭﺍﺳﻬﺎ ﻋﻠﻰ ﺍﻟﺰﺍﺟﺔ ﻭ ﺳﺎﺩﺓ ﻋﻨﻴﻬﺎ ... ﻣﺎﻛﺮﻫﺶ ﺳﻨﻤﺎﺭ ﻳﻌﺮﻑ ﻓﺎﺵ ﻛﺘﻔﻜﺮ ﻭ ﻻ ﺷﻨﻮ ﻛﻴﻀﻮﺭ ﻓﺮﺍﺳﻬﺎ ... ﻭﺍﺵ ﺧﻄﺄ ﻓﺎﺵ ﻋﺎﻭﺩ ﻟﻴﻬﺎ ... ﺯﻳﺮ ﺑﻴﺪﻳﻪ ﻋﻠﻰ ﻟﻔﻮﻟﻮﻥ ... ﺷﻮﻳﺔ ﻭﻗﻒ ﻗﺪﺍﻡ ﺍﻟﻤﻮﺑﻞ ﻓﻴﻦ ﺳﺎﻛﻨﺔ ... ﺷﺎﻓﻬﺎ ﻣﺎﺗﺤﺮﻛﺎﺗﺶ ﻭ ﻧﻄﻖ ﺍﺳﻤﻬﺎ ...
ﺳﻨﻤﺎﺭ : ﺟﻮﻻﻥ !
ﺟﻮﻻﻥ : " ﺷﺎﻓﺖ ﻓﻴﻦ ﻫﻤﺎ ﻭ ﻫﻲ ﺗﺤﻞ ﻟﺒﺎﺏ " ﺷﻜﺮﺍ
ﻫﺒﻄﺎﺕ ﻭ ﺩﺧﻼﺕ ﻣﻊ ﺍﻟﻌﻤﺎﺭﺓ ... ﺩﻳﻤﺎﺭﺍ ﺳﻨﻤﺎﺭ ﻏﺎﺩﻱ ﻣﻜﺴﻴﺮﻱ ... ﺣﻼﺕ ﻟﺒﺎﺏ ﻭ ﺩﺧﻼﺕ ... ﻛﻮﺛﺮ ﻛﺎﻧﺖ ﭼﺎﻟﺴﺔ ﻓﻮﻕ ﺍﻟﻔﻮﻃﻮﻱ ﻓﺎﻟﺼﺎﻟﺔ ... ﺷﺎﻓﺘﻬﺎ ﻭ ﻫﻲ ﺗﻬﺰ ﺻﺎﻛﻬﺎ ﻭ ﻗﺮﺑﺎﺕ ﻋﻨﺪﻫﺎ ...
ﻛﻮﺛﺮ : ﺧﺘﻲ ﺟﻮﻻﻥ ﺟﻴﺘﻲ ... ﺃﻧﺎ ﻏﻨﻤﺸﻲ ﺗﻌﻄﻠﺖ ... ﺳﻲ ﺇﺑﺮﺍﻫﻴﻢ ﺭﺍﻩ ﺗﻌﺸﺎ ﻭ ﻧﻌﺲ
ﺟﻮﻻﻥ : ﺷﻜﺮﺍ ﺑﺰﺍﻑ ﺍﻛﻮﺛﺮ ... ﻭ ﺳﻤﺤﻲ ﻟﻴﺎ
ﻛﻮﺛﺮ : ﻣﻜﺎﻳﻦ ﻣﺸﻜﻴﻞ ... ﺑﺴﻼﻣﺔ
ﺑﻌﺪﻣﺎ ﺧﺮﺟﺎﺕ ﻛﻮﺛﺮ ﻣﺸﺎﺕ ﺟﻮﻻﻥ ﺣﻼﺕ ﺑﻴﺖ ﺑﺎﻫﺎ ... ﺑﺎﻥ ﻟﻴﻬﺎ ﻧﺎﻋﺲ ﻭ ﻫﻲ ﺗﺴﺪ ﻟﺒﺎﺏ ... ﺩﺧﻼﺕ ﻟﺒﻴﺘﻬﺎ ﻭ ﻻﺣﺖ ﺍﻟﺼﺎﻙ ﻓﻮﻕ ﺍﻟﻔﻮﻃﻮﻱ ... ﻫﺰﺍﺕ ﺑﻴﻨﻮﺍﺭ ﻭ ﺗﻮﺟﻬﺎﺕ ﻟﻠﺤﻤﺎﻡ ... ﺣﻴﺪﺍﺕ ﺣﻮﺍﻳﺠﻬﺎ ﻭ ﻭﻗﻔﺎﺕ ﺗﺤﺖ ﺍﻟﺮﺷﺎﺷﺔ ... ﻫﺒﻂ ﻋﻠﻴﻬﺎ ﻟﻤﺎ ﺩﺍﻓﻲ ﺣﺘﻰ ﺗﺒﻠﻞ ﺷﻌﺮﻫﺎ ﻭ ﺟﺴﺪﻫﺎ ...
ﺳﺪﺍﺕ ﻋﻨﻴﻬﺎ ﻭ ﻛﻼﻡ ﺳﻨﻤﺎﺭ ﻛﻠﻤﺔ ﺑﻜﻠﻤﺔ ﻛﻴﺘﻌﺎﻭﺩ ﻓﺪﻣﺎﻏﻬﺎ ... ﻓﻴﻮﻡ ﻭﺍﺣﺪ ﺗﻠﻘﺎﺕ ﺟﻮﺝ ﺻﺪﻣﺎﺕ ... ﺍﻟﻲ ﻓﺎﻟﻤﺬﻛﺮﺓ ﻋﻠﻰ ﻃﻔﻮﻟﺔ ﺣﺒﻴﺒﻬﺎ ﺍﻟﺒﺎﺋﺴﺔ ﺍﻟﻲ ﻛﻠﻬﺎ ﻣﻌﺎﻧﺎﺓ ... ﻭ ﺍﻟﻤﻜﺎﻥ ﺍﻟﻲ ﻛﺎﻳﻦ ﻓﻴﻪ ﻃﻮﻝ ﻫﺎﺩ ﺍﻟﻤﺪﺓ ... ﻭ ﻫﻲ ﻋﻨﺪ ﺑﺎﻟﻬﺎ ﻋﺎﻳﺶ ﺣﻴﺎﺗﻮ ﺧﺎﺭﺝ ﺍﻟﺒﻼﺩ ... ﻓﺮﺣﺎﻥ ﻭ ﻫﺎﻧﻲ ... ﻭ ﻫﻮ ﻓﻤﺼﺤﺔ ﺃﻭ ﺳﺠﻦ ...
ﻛﻴﻌﺎﻧﻲ ﺑﻮﺣﺪﻭ ﻓﺼﻤﺖ ﻣﺮﺓ ﺃﺧﺮﻯ ... ﻭ ﻣﻦ ﺟﻬﺔ ﺃﺧﺮﻯ ﻛﺘﻔﻜﺮ ﻓﺎﻟﺠﺮﺍﺋﻢ ﺍﻟﻲ ﺍﺭﺗﺎﻛﺐ ... ﻭﺋﺎﻡ ﻭ ﺯﻫﻴﺮ ﻫﻮ ﺍﻟﻲ ﻗﺘﻠﻬﻢ ﺑﺪﻡ ﺑﺎﺭﺩ ... ﻧﺰﻟﻮ ﺩﻣﻮﻋﻬﺎ ﺍﻟﻲ ﺗﺨﺎﻟﻄﻮ ﻣﻊ ﺍﻟﻤﺎﺀ ... ﺣﻄﺎﺕ ﻳﺪﻳﻬﺎ ﻋﻠﻰ ﻭﺟﻬﺎ ﻭ ﻫﺒﻄﺎﺕ ﻷﺭﺽ ... ﺑﻜﺎﺕ ﺑﺤﺮﻗﺔ ﻭ ﻛﺎﻧﺖ ﻫﺎﺩﻱ ﺁﺧﺮ ﻣﺮﺓ ﺗﺪﺭﻑ ﺩﻣﻮﻋﻬﺎ ﻋﻠﻴﻪ ﻭ ﺑﺴﺒﺒﻮ ...