السفاح العاشق

بارت 74

ﺗﺤﻞ ﻟﺒﺎﺏ ﻭ ﺩﺧﻼﺕ ﺍﻟﺨﺪﺍﻣﺔ ﻫﺎﺯﺓ ﺑﻼﻃﻮ ﻓﻴﻪ ﻓﻨﺎﺟﻴﻦ ﺍﻟﻘﻬﻮﺓ ... ﺣﻄﺎﺗﻬﻢ ﻭ ﺧﺮﺟﺎﺕ ... ﻫﺰﻭ ﺍﻟﺪﺭﺍﺭﻱ ﻗﻬﻮﺗﻬﻢ ﻛﻴﺸﺮﺑﻮ ﻓﺼﻤﺖ ﻭ ﺭﺋﺒﺎﻝ ﻛﻴﻘﺮﺍ ﺷﻲ ﻭﺭﺍﻕ ... ﺟﻤﻊ ﺩﺍﻛﺸﻲ ﺣﻄﻮ ﻭﺳﻂ ﻣﻠﻒ ﻭ ﺣﻄﻮ ﻋﻠﻰ ﺟﻨﺐ ... ﺧﺪﺍ ﻗﻬﻮﺗﻮ ﺭﺷﻒ ﻣﻨﻬﺎ ﻭ ﺗﻜﺎ ﺍﻟﻠﻮﺭ ﻋﻠﻰ ﻇﻬﺮ ﺍﻟﻜﺮﺳﻲ ...
ﺭﺋﺒﺎﻝ : ﺷﺘﻜﻢ ﻣﺎﺳﻮﻟﺘﻮﻧﻴﺶ
ﺇﻟﻴﺎﺱ : " ﺑﺒﻼﻫﺔ " ﻋﻠﻰ ﺷﻨﻮ ؟ !
ﺳﻨﻤﺎﺭ : " ﺷﺎﻑ ﺳﻨﻤﺎﺭ ﻓﺈﻟﻴﺎﺱ ﺯﻋﻤﺎ ﻣﻦ ﻧﻴﺘﻚ " ﻭ ﺍﻟﻰ ﻧﺘﺎ ﻣﺒﺎﻏﻴﺶ ﺗﻌﺎﻭﺩ ... ﻣﺎﺷﻲ ﻣﻦ ﺣﻘﻨﺎ ﻧﺴﺘﻔﺴﺮﻭ
ﺭﺋﺒﺎﻝ : ﻣﻨﻴﻦ ﻳﺠﻲ ﺍﻟﻮﻗﺖ ﺍﻟﻤﻨﺎﺳﺐ ﻏﺘﻌﺮﻓﻮ ﻛﻠﺸﻲ
ﻓﺎﻟﺼﺎﻟﺔ ﻛﺎﻧﺖ ﭼﺎﻟﺴﺔ ﺟﻮﻻﻥ ﻭ ﺯﻳﻨﺐ ﻣﻊ ﻻﺣﺒﻴﺒﺔ ... ﻣﺠﻤﻌﻴﻦ ﻭ ﻻﺣﺒﻴﺒﺔ ﻛﺘﺴﻮﻝ ﺟﻮﻻﻥ ﻋﻠﻰ ﺷﻨﻮ ﻛﻴﻌﺠﺒﻬﺎ ... ﺑﻐﺎﺕ ﺗﻮﺟﺪ ﻟﻴﻬﺎ ﺩﻫﺎﺯﻫﺎ ﻛﻴﻒ ﺃﻱ ﻋﺮﻭﺱ ... ﺟﻮﻻﻥ ﺧﺠﻼﺕ ﻣﻨﻬﺎ ﻭ ﺭﻓﻀﺎﺕ ... ﻟﻜﻦ ﻻﺣﺒﻴﺒﺔ ﻛﺎﻧﺖ ﻣﺼﺮﺓ ... ﺍﺗﺎﻓﻘﻮ ﻓﺎﻟﻐﺪ ﻟﻴﻪ ﻳﺨﺮﺟﻮ ﺑﺎﺵ ﺗﺎﺧﺪ ﺍﻟﻲ ﺧﺎﺻﻬﺎ ...
ﻣﻦ ﺑﻌﺪ ﻧﺎﺿﺖ ﻻﺣﺒﻴﺒﺔ ﺗﻮﺟﻬﺎﺕ ﻟﻐﺮﻓﺘﻬﺎ ﺑﺎﺵ ﺗﺮﺗﺎﺡ ... ﻧﺎﺿﻮ ﻟﺒﻨﺎﺕ ﺣﺘﻰ ﻫﻤﺎ ﺧﺮﺟﻮ ﻟﻠﺠﺮﺩﺓ ﻛﻴﺘﻤﺸﺎﻭ ...
ﺯﻳﻨﺐ : ﺑﻌﺪ ﺃﺳﺒﻮﻉ ﻏﺘﻮﻟﻲ ﻣﺪﺍﻡ ﺍﻟﻌﺜﻤﺎﻧﻲ ... ﺑﺸﺎﺍﺍﺥ ﺷﻜﻮﻥ ﻗﺎﻝ
ﺟﻮﻻﻥ : ﺣﺎﺳﺔ ﺑﺸﻌﻮﺭ ﻓﺸﻲ ﺷﻜﻞ
ﺯﻳﻨﺐ : ﻫﺪﺍﻙ ﻏﻴﺮ ﺍﻟﺤﺐ ﻃﻠﻊ ﻣﻌﺎﻙ ﺍﺑﻨﺘﻲ
ﺟﻮﻻﻥ : " ﺍﺑﺘﺎﺳﻤﺎﺕ "
ﺯﻳﻨﺐ : ﻛﺘﻔﺮﻧﺴﻲ ﻫﻬﻪ ... ﺷﺒﻌﻚ ﺣﺐ ﻗﺒﻴﻠﺔ
ﺟﻮﻻﻥ : " ﺧﺮﺟﺎﺕ ﻓﻴﻬﺎ ﻋﻨﻴﻬﺎ " ﻫﺎﺍ
ﺯﻳﻨﺐ : ﻫﻮﻭ ... ﻧﺰﻟﺘﻲ ﻛﻠﻚ ﺣﻤﺮﺍ ﻭ ﺷﻔﺎﻳﻔﻚ ﺣﺘﻰ ﻫﻤﺎ ... ﻣﻮﺭﻗﺔ ﺍﻟﺴﺎﻃﺔ
ﺟﻮﻻﻥ : ﺣﻠﻔﻲ ... ﻳﻌﻨﻲ ﻛﻠﺸﻲ ﻋﺮﻑ !!
ﺯﻳﻨﺐ : ﺑﺎﻳﻨﺔ ﻣﻦ ﺍﻟﻄﻴﺎﺭﺓ ... ﻣﺎﺑﻘﻴﺘﻮ ﺗﺤﺸﻤﻮ ﻫﻬﻬﻪ
ﺟﻮﻻﻥ : ﻣﺎﺷﻲ ﺃﻧﺎ ... ﺭﺍﻩ ﻫﻮ ﺍﻟﻲ
ﺯﻳﻨﺐ : ﻫﻮ ﺍﻟﻲ ﺷﺪﻙ ﻫﻬﻬﻬﻪ ... ﻭﺍﻃﺮﻧﻲ ﺍﻟﺴﻲ ﺍﻟﻤﺪﻳﺮ ﻣﺴﺎﻫﻠﺶ ... ﻋﺸﻘﺖ ﻏﺎﻧﺸﻮﻑ ﺍﻟﺮﻭﻣﻨﺴﻴﺔ ﺩﻳﺎﻟﻮ ﻛﻴﻒ ﺩﺍﻳﺮﺓ ... ﻭ ﻧﺴﻤﻌﻮ ﻛﻴﻘﻮﻝ ﻛﻼﻡ ﺍﻟﻐﺰﻝ ... ﺑﺤﺎﻝ ﻛﻨﺒﻐﻴﻚ ... ﺁﺟﻲ ﺑﻌﺪﺍ ﻗﺎﻟﻬﺎ ﻟﻴﻚ ... ﻗﺎﻟﻴﻚ ﻛﻨﺒﻐﻴﻚ ؟
ﺟﻮﻻﻥ : " ﺟﻤﻌﺎﺕ ﺍﻹﺑﺘﺴﺎﻣﺔ " ﻻ
ﺯﻳﻨﺐ : ﺍﻣﻤﻢ ﻳﻤﻜﻦ ﻫﻮ ﻣﻦ ﺍﻟﻨﻮﻉ ﺍﻟﻲ ﻣﺎﻋﻨﺪﻭﺵ ﻣﻊ ﺍﻟﺸﻔﻮﻱ ... ﻛﻴﺪﻭﺯ ﺩﻳﺮﻳﻜﺖ ﻟﻠﺘﻄﺒﻴﻘﻲ ... " ﻏﻤﺰﺍﺗﻬﺎ " ﺑﺤﺎﻝ ﻗﺒﻴﻠﺔ
ﺟﻮﻻﻥ : ﻓﺎﻷﻭﻝ ﻛﺎﻥ ﻛﻴﺒﺎﻥ ﻟﻴﺎ ﻛﻮﻟﻮ ﺃﻟﻐﺎﺯ ﻭ ﻣﺤﻴﻂ ﺑﻴﻪ ﻭﺍﺣﺪ ﺍﻟﻐﻤﻮﺽ ... ﻟﻜﻦ ﻣﺆﺧﺮﺍ ﻭﻟﻴﺖ ﻛﻨﺸﻮﻑ ﺟﻮﺍﻧﺐ ﺃﺧﺮﻯ ﻣﻦ ﺷﺨﺼﻴﺘﻮ ... ﻫﻮ ﺑﺎﻟﺼﺢ ﻗﻠﻴﻞ ﺍﻟﻜﻼﻡ ... ﻭ ﺃﻧﺎ ﻣﻜﻨﻌﺮﻑ ﻣﻨﻘﻮﻝ ﻓﺎﺵ ﻛﻨﻜﻮﻥ ﻣﻌﺎﻩ ... ﻣﻲ ﺣﺴﻴﺖ ﺑﻠﻲ ﺗﻘﺮﺑﻨﺎ ﻟﺒﻌﺾ ﺃﻛﺜﺮ
ﺯﻳﻨﺐ : ﻫﺎﻱ ﻫﺎﻱ ... ﻫﺎﺩ ﺍﻟﺤﺐ ﺩﻳﺎﻟﻜﻢ ﻣﻔﺸﻜﻞ ... ﻭ ﻟﻜﻦ ﺣﻠﻮ ... ﺣﺴﺪﺗﻚ ﺍﻟﻀﻬﺼﻴﺼﺔ
ﺟﻮﻻﻥ : ﻟﻜﻦ ﺑﺎﻗﻲ ﻋﻨﺪﻱ ﺗﺨﻮﻓﺎﺕ ... ﺑﺎﻳﻨﺔ ﻣﻌﺎﺵ ﺣﻴﺎﺓ ﻋﺎﺩﻳﺔ ... ﺧﻮﻩ ﻭ ﺑﺎﻩ ﺑﺠﻮﺝ ﺑﺎﻏﻴﻴﻦ ﻳﺂﺫﻳﻮﻩ ... ﻣﻮ ﻣﺴﻜﻴﻨﺔ ﻣﺎﺗﺖ ﻣﻨﺘﺎﺣﺮﺓ ... ﻭ ﺍﻟﻲ ﻣﺨﻮﻓﻨﻲ ﺃﻛﺜﺮ ﻫﻮ ... ﻻ ﻳﻜﻮﻥ ﺩﺍﻛﺸﻲ ﻓﺎﺵ ﻛﻨﻔﻜﺮ ﺃﻛﺜﺮ ﻣﻦ ﻣﺠﺮﺩ ﺻﺪﻓﺔ ﻭ ﺗﺸﺎﺑﻪ ﻓﺎﻷﺳﻤﺎﺀ
ﺯﻳﻨﺐ : ﻋﻼﺵ ﻛﺘﻬﻀﺮﻱ ؟
ﺟﻮﻻﻥ : ﺑﻐﻴﺖ ﺣﺘﻰ ﻧﺘﺄﻛﺪ ... ﻏﻴﺮ ﻣﺠﺮﺩ ﻓﻜﺮﺓ ﺍﻧﻬﺎ ﺗﻜﻮﻥ ﻧﻔﺲ ﺍﻟﺸﺨﺺ ﻛﻴﻀﺮﻧﻲ ﻗﻠﺒﻲ
ﺯﻳﻨﺐ : ﻧﺘﻲ ﻋﻼﻣﻦ ﻛﺘﻬﻀﺮﻱ ... ﻭﺿﺤﻲ ﻛﻼﻣﻚ ؟
ﺟﻮﻻﻥ : ﻣﻦ ﺑﻌﺪ ... ﺩﺍﺑﺔ ﻣﺎﻧﻘﺪﺭ ﻧﻘﻮﻝ ﻟﻴﻚ ﻭﺍﻟﻮ
ﺯﻳﻨﺐ : ﻣﺎﺗﺒﻘﺎﻳﺶ ﺷﺎﻏﻠﺔ ﺭﺍﺳﻚ ﺑﻘﻮﺓ ﺍﻟﺘﻔﻜﻴﺮ ... ﺧﻠﻴﻬﺎ ﻓﻴﺪ ﺍﻟﻠﻪ ... ﻧﺘﻲ ﻣﺤﺘﺎﺟﺎﻩ ﺑﻘﺪﺭ ﻣﺎ ﻫﻮ ﻣﺤﺘﺎﺟﻚ ... ﺣﻴﻨﺖ ﺑﺎﻳﻦ ﺩﺍﺯﺕ ﻋﻠﻴﻪ ﺣﺘﻰ ﻫﻮ ... ﻭﺍﺧﺔ ﻋﺎﻳﺶ ﻓﻬﺎﺩ ﺍﻟﺨﻴﺮ ... ﻟﻜﻦ ﺍﻟﻔﻠﻮﺱ ﻋﻤﺮﻫﺎ ﺗﻌﻮﺽ ﺍﻟﺤﺐ ﺍﻟﻐﻴﺮ ﺍﻟﻤﺸﺮﻭﻁ ﺍﻟﻲ ﻛﻨﻠﻘﺎﻭﻩ ﻓﺎﻟﻌﺎﺋﻠﺔ ﻭ ﻓﺎﻻﺷﺨﺎﺹ ﺍﻟﻲ ﻛﻴﺒﻐﻴﻮﻧﺎ
ﺟﻮﻻﻥ : ﻓﺎﺵ ﺳﻤﻌﺖ ﺑﻠﻲ ﻣﺴﺎﻓﺮ ﻣﺎﻋﺠﺒﻨﻴﺶ ﺍﻟﺤﺎﻝ
ﺯﻳﻨﺐ : ﻭﻟﻔﺘﻴﻪ ﺟﻨﺒﻚ ﻫﻬﻬﻪ ... ﻏﺘﻮﺣﺸﻴﻪ !
ﺟﻮﻻﻥ : " ﺣﺮﻛﺎﺕ ﺭﺍﺳﻬﺎ ﺑﺎﻹﻳﺠﺎﺏ "
ﺑﻘﺎﺕ ﺯﻳﻨﺐ ﺷﺎﺩﺓ ﻓﻴﻬﺎ ﻭ ﻣﻴﺘﺔ ﻋﻠﻴﻬﺎ ﺑﺎﻟﻀﺤﻚ ... ﺗﻤﺸﺎﻭ ﺷﻮﻳﺔ ﻓﺎﻟﺠﺮﺩﺓ ﻭ ﻃﻠﻌﻮ ﻟﻐﺮﻓﺔ ﺟﻮﻻﻥ ... ﺩﻭﺯﺍﺕ ﻣﻌﻬﺎ ﺍﻟﻌﺸﻴﺔ ﻛﺎﻣﻠﺔ ... ﻏﻴﺮ ﺑﻐﺎ ﺇﻟﻴﺎﺱ ﻳﻐﺎﺩﺭ ﻭ ﻫﻮ ﻳﻌﻴﻂ ﻋﻠﻴﻬﺎ ... ﻭﺩﻋﺎﺕ ﺟﻮﻻﻥ ﻭ ﻫﺒﻄﺎﺕ ﻟﻘﺎﺗﻮ ﻛﻴﺘﺴﻨﺎﻫﺎ ... ﻛﺎﻥ ﺳﻨﻤﺎﺭ ﺳﺒﻖ ... ﺭﻛﺒﺎﺕ ﻭ ﻫﻤﺎ ﻳﺘﺤﺮﻛﻮ ... ﻗﺒﻞ ﻣﺎ ﻳﻮﺻﻠﻬﺎ ﻟﺪﺍﺭﻫﻢ ﻣﺸﺎﻭ ﺗﻌﺸﺎﻭ ﻣﻊ ﺑﻌﺾ ...
ﻃﻠﻌﺎﺕ ﺍﻟﺨﺪﺍﻣﺔ ﺗﻌﻴﻂ ﻟﺠﻮﻻﻥ ﺗﻬﺒﻂ ﺗﺘﻌﺸﺎ ... ﻗﺎﻟﺖ ﻟﻴﻬﺎ ﻣﺎﻓﻴﻬﺎﺵ ... ﺭﺟﻌﺎﺕ ﻭ ﻫﻲ ﺗﺴﻮﻟﻬﺎ ﻻﺣﺒﻴﺒﺔ ...
ﻻﺣﺒﻴﺒﺔ : ﻓﻴﻨﺎﻫﻴﺎ ﺟﻮﻻﻥ ؟
ﺍﻟﺨﺪﺍﻣﺔ : ﻗﺎﻟﺖ ﻟﻴﻜﻢ ﻏﻴﺮ ﺑﺎﻟﺼﺤﺔ ﻣﺎﻓﻴﻬﺎﺵ ﺍﻟﻲ ﻳﺎﻛﻞ
ﻻﺣﺒﻴﻴﺔ : ﻣﺎﻋﺮﺕ ﻣﺎﻟﻬﺎ ﻣﺎﺑﻐﺎﺗﺶ ﺗﻌﺸﺎ
ﺍﻟﺨﺪﺍﻣﺔ : ﺳﻤﻌﺘﻬﺎ ﻛﺘﺮﺩ ﻓﺎﻟﻄﻮﺍﻟﻴﺖ ... ﻭﺍﻗﻠﺔ ﻣﺮﻳﻀﺔ
ﻻﺣﺒﻴﺒﺔ : ﺍﻟﻠﻪ ﻳﺎﺭﺑﻲ ... ﻏﻴﺮ ﺷﻮﻳﺔ ﻫﺬﺍ ﻛﺎﻧﺖ ﺻﺤﺔ ﺳﻼﻡ
ﺭﺋﺒﺎﻝ : " ﻣﺴﺢ ﻓﻤﻮ ﻭ ﻧﺎﺽ "
ﻻﺣﺒﻴﺒﺔ : ﻛﻤﻞ ﻋﺸﺎﻙ
ﺭﺋﺒﺎﻝ : ﻛﻠﻴﺖ ... " ﻗﺮﺏ ﺑﺎﺱ ﻟﻴﻬﺎ ﻋﻠﻰ ﺭﺍﺳﻬﺎ " ﻏﻨﺴﺎﻓﺮ ﺑﻜﺮﻱ ... 3 ﺃﻳﺎﻡ ﻭ ﻏﻨﺮﺟﻊ ... ﺗﻬﻼﻱ ﻓﺮﺍﺳﻚ ﻭ
ﻻﺣﺒﻴﺒﺔ : " ﺷﺎﻓﺖ ﻓﻌﻨﻴﻪ " ﻣﺘﺨﺎﻓﺶ ... ﺟﻮﻻﻥ ﺑﺤﺎﻟﻬﺎ ﺑﺤﺎﻟﻚ ... ﻣﺎﺗﺤﺘﺎﺟﺶ ﺗﻮﺻﻴﻨﻲ ﻋﻠﻴﻬﺎ
ﺭﺟﻊ ﺑﺎﺱ ﻟﻴﻬﺎ ﻋﻠﻰ ﺭﺍﺳﻬﺎ ﻭ ﺍﺗﺎﺟﻪ ﻟﻠﺪﺭﺝ ... ﻭ ﻫﻮ ﻃﺎﻟﻊ ﺟﺒﺪ ﺍﻟﻔﻮﻥ ﻭ ﺩﻭﺯ ﺁﭘﻴﻞ ... ﻭﺻﻞ ﻟﺒﺎﺏ ﻏﺮﻓﺘﻬﺎ ... ﺣﻂ ﻳﺪﻭ ﻋﻠﻰ ﻟﭙﻮﺍﻧﻲ ﺣﻞ ﻟﺒﺎﺏ ﻭ ﺩﺧﻞ ... ﺑﺎﻧﺖ ﻟﻴﻪ ﺑﻼﺻﺘﻬﺎ ﺧﺎﻭﻳﺔ ... ﺳﻤﻊ ﺑﺎﺏ ﺍﻟﺤﻤﺎﻡ ﺗﺤﻞ ﻭ ﻫﻲ ﺗﺨﺮﺝ ... ﻻﺑﺴﺔ ﻛﻮﻟﻮﻥ ﺻﻮﻓﻲ ﻛﺤﻞ ﻣﻊ ﺗﺮﻳﻜﻮ ﮔﺮﻭﻧﺔ ﺩﻳﺎﻝ ﺍﻟﺨﻴﻂ ... ﺟﺎﻣﻌﺔ ﺷﻌﺮﻫﺎ ﺫﻳﻞ ﺣﺼﺎﻥ ...
ﺷﺎﻓﺘﻮ ﻭ ﻫﻲ ﺗﺒﻘﺎ ﺟﺎﻣﺪﺓ ﻓﺒﻼﺻﺘﻬﺎ ... ﻗﺮﺏ ﻋﻨﺪﻫﺎ ﻭ ﻭﻗﻒ ﻗﺪﺍﻣﻬﺎ ﻛﻴﺘﻔﺤﺺ ﻭﺟﻬﺎ ﺍﻟﻲ ﺻﻔﺮ ... ﺧﺮﺝ ﻳﺪﻭ ﻣﻦ ﺍﻟﺠﻴﺐ ﻭ ﺣﻄﻬﺎ ﻋﻠﻰ ﺟﺒﻬﺘﻬﺎ ... ﻟﻘﻰ ﺑﻠﻲ ﺣﺮﺍﺭﺗﻬﺎ ﻃﺎﻟﻌﺔ ﺷﻮﻳﺔ ...
ﺭﺋﺒﺎﻝ : ﺷﻨﻮ ﺿﺎﺭﻙ ؟
ﺟﻮﻻﻥ : " ﺗﺰﻧﮕﺎﺕ ﺩﻳﺎﻝ ﺍﻟﻤﻌﻘﻮﻝ " ﻻ ﻣﺎ ﺿﺮﻧﻲ ﻭﺍﻟﻮ
ﺭﺋﺒﺎﻝ : ﻭ ﻋﻼﺵ ﻣﺎﻧﺰﻟﺘﻴﺶ ﺗﻌﺸﺎﻱ ؟
ﺟﻮﻻﻥ : ﻣﺎﻓﻴﺎﺵ ﺍﻟﻲ ﻳﺎﻛﻞ ... ﻭ ﻛﻨﺖ ﻏﻨﻌﺲ ﺩﺍﺑﺔ
ﻻﺣﻆ ﺭﺋﺒﺎﻝ ﺍﻟﻌﺮﻕ ﺍﻟﻲ ﻓﺠﺒﻬﺘﻬﺎ ... ﺍﻟﻐﺮﻓﺔ ﺳﺨﻮﻧﺔ ﻭ ﻟﻜﻦ ﻣﺎﺷﻲ ﻟﺪﺭﺟﺔ ﺗﻌﺮﻕ ... ﺣﺮﺍﺭﺗﻬﺎ ﻃﺎﻟﻌﺔ ﺷﻮﻳﺔ ﻭ ﻭﺟﻬﺎ ﺷﺎﺣﺐ ... ﻗﺮﺏ ﺧﻄﻮﺓ ﻟﻌﻨﺪﻫﺎ ﻭ ﺷﺪ ﻓﻴﺪﻫﺎ ... ﺟﺮﻫﺎ ﻟﺠﻬﺔ ﺍﻟﺴﺮﻳﺮ ﺗﺤﺖ ﺍﺳﺘﻐﺮﺍﺑﻬﺎ ... ﻫﺰ ﺍﻟﻐﻄﺎﺀ ﻭ ﺷﺎﺭ ﻟﻴﻬﺎ ﺑﻌﻨﻴﻪ ... ﺗﺨﺸﺎﺕ ﻓﺒﻼﺻﺘﻬﺎ ﻭ ﺩﺍﺭ ﻋﻠﻴﻬﺎ ﺍﻟﻐﻄﺎ ...
ﺧﻼﻫﺎ ﻏﻴﺮ ﻣﺒﻠﻘﺔ ﻋﻨﻴﻬﺎ ﻭ ﻣﺸﺎ ﺟﺎﺏ ﻏﻄﺎﺀ ﻵﺧﺮ ... ﺯﺍﺩﻭ ﻋﻠﻴﻬﺎ ﻣﻦ ﺍﻟﻔﻮﻕ ... ﺗﺴﻤﻊ ﺍﻟﺪﻗﺎﻥ ﻓﺎﻟﺒﺎﺏ ﻭ ﻣﺸﺎ ﻳﺤﻞ ... ﻛﺎﻧﺖ ﺍﻟﺨﺪﺍﻣﺔ ﻣﺪﺍﺕ ﻟﻴﻪ ﺑﻼﺳﺘﻴﻜﺔ ﻭ ﻛﺮﻃﻮﻧﺔ ﺩﻳﺎﻝ ﺍﻟﺒﻴﺘﺰﺍ ... ﺳﺪ ﻟﺒﺎﺏ ﻭ ﺗﻢ ﺩﺍﺧﻞ ... ﺣﻂ ﺩﺍﻛﺸﻲ ﻓﺎﻟﻄﺎﺑﻞ ﺟﻨﺐ ﺭﺍﺳﻬﺎ ﻭ ﺟﻠﺲ ﺣﺪﺍﻫﺎ ...
ﺭﺋﺒﺎﻝ : ﺩﻳﻤﺎ ﻛﻴﻮﻗﻊ ﻟﻴﻚ ﻫﺎﻛﺔ
ﺑﻘﺎﺕ ﻛﻀﻮﺭ ﺷﻨﻮ ﻗﺎﻝ ﻓﺮﺍﺳﻬﺎ ﺣﺘﻰ ﻃﺮﻃﻘﺎﺕ ﻓﻴﻪ ﻋﻨﻴﻬﺎ ... ﺑﺪﺍﺕ ﺗﻮﻟﻮﻝ ﻓﺨﺎﻃﺮﻫﺎ ﻛﻴﻔﺎﺵ ﺣﺘﻰ ﻋﺮﻑ ﺑﻠﻲ ﺟﺎﺗﻬﺎ ﻟﻲ ﻏﻴﮕﻞ ... ﻧﺰﻻﺕ ﻋﻨﻴﻬﺎ ﻟﺘﺤﺖ ﻣﺎﺑﻘﺎﺕ ﻫﺰﺍﺗﻬﻢ ...
ﺭﺋﺒﺎﻝ : " ﻋﺮﻓﻬﺎ ﺗﺤﺮﺟﺎﺕ " ﻛﻮﻟﻲ ﻫﻮ ﺍﻷﻭﻝ ﻋﺎﺩ ﺷﺮﺑﻲ ﺍﻟﺪﻭﺍ
ﻧﺎﺽ ﻭ ﺗﻢ ﺧﺎﺭﺝ ... ﺗﺴﺪ ﻟﺒﺎﺏ ﻋﺎﺩ ﺭﺟﻌﺎﺕ ﻓﻴﻬﺎ ﺍﻟﻨﻔﺲ ... ﻣﺎﺑﻐﺎﺗﺶ ﺗﺤﻂ ﻓﻬﺎﺩ ﺍﻟﻤﻮﻗﻒ ... ﺭﻏﻢ ﺃﻧﻪ ﻋﺎﺭﻑ ﻭ ﻣﻘﺎﻟﻬﺎﺵ ﻣﺒﺎﺷﺮﺓ ... ﺍﻻ ﻭ ﺍﻧﻬﺎ ﺣﺴﺎﺕ ﺑﺎﻹﺣﺮﺍﺝ ... ﺿﺎﺭﺕ ﻛﺘﺸﻮﻑ ﻓﺪﺍﻛﺸﻲ ﺍﻟﻲ ﺟﺎﺏ ... ﺣﻼﺕ ﺍﻟﺒﻼﺳﺘﻴﻜﺔ ﻟﻘﺎﺕ ﺍﻟﺪﻭﺍ ﺩﻳﺎﻝ ﻟﻮﺟﻊ ﻭ ﺩﻳﺎﻝ ﺍﻟﺴﺨﺎﻧﺔ ... ﻫﺰﺍﺕ ﺍﻟﻜﺎﺭﻃﻮﻧﺔ ﺣﻄﺎﺗﻬﺎ ﻓﻮﻕ ﺭﺟﻠﻴﻬﺎ ...
ﻣﻊ ﺃﻧﻬﺎ ﻛﺘﺤﻤﺎﻕ ﻋﻠﻰ ﻟﺒﻴﺘﺰﺍ ... ﻛﻼﺕ ﻏﻴﺮ ﺟﻮﺝ ﻃﺮﺍﻑ ﺑﺎﺵ ﺗﺸﺮﺏ ﺍﻟﺪﻭﺍ ... ﺩﻳﻤﺎ ﻛﺘﺠﻴﻬﺎ ﺑﻠﻮﺟﻊ ﻭ ﺍﻟﺮﺿﺎﻥ ... ﺧﺪﺍﺕ ﺍﻟﺪﻭﺍ ﻭ ﺗﺨﺸﺎﺕ ﺗﺤﺖ ﺍﻟﻐﻄﺎ ... ﻟﻮﺟﻊ ﻓﺎﻷﻭﻝ ﻛﺎﻥ ﺧﻔﻴﻒ ﻭ ﻟﻜﻦ ﻏﻴﺮ ﻣﺰﺍﻳﺪ ﻭ ﻳﺘﺠﻬﺪ ... ﻣﺎﺧﻼﺕ ﻛﻴﻒ ﻧﻌﺴﺎﺕ ﻭ ﻛﻞ ﺳﺎﻋﺔ ﺗﻘﻠﺐ ...
ﺗﺰﺍﺩ ﻋﻠﻴﻬﺎ ﺣﺘﻰ ﺑﺪﺍﺕ ﻛﺘﺒﻜﻲ ... ﻋﺎﺭﻓﺔ ﻻ ﻣﻀﺮﺑﺶ ﺑﺠﻬﺪﻭ ﻣﻐﺎﺩﻳﺶ ﻳﻤﺸﻲ ﻭﺍﺧﺔ ﺗﺸﺮﺏ ﺍﻟﺪﻭﺍ ... ﺣﺎﺳﺔ ﺑﺄﻟﻢ ﻛﻴﻘﻄﻊ ﺗﺤﺖ ﻛﺮﺷﻬﺎ ... ﺣﺘﻰ ﻫﺒﻄﻮ ﺩﻣﻮﻋﻬﺎ ...
ﺭﺋﺒﺎﻝ ﻛﻴﻒ ﺩﺧﻞ ﻟﻐﺮﻓﺘﻮ ... ﻣﺸﺎ ﻟﻠﺪﺭﻳﺴﻴﻨﻎ ﺭﻭﻡ ﺟﻤﻊ ﺣﻮﺍﻳﺠﻮ ﻓﺸﺎﻧﻄﺔ ﺻﻐﻴﺮﺓ ... ﺑﺪﻝ ﻋﻠﻴﻪ ﻟﺒﺲ ﺗﺮﻳﻜﻮ ﻗﻄﻨﻲ ﻛﺤﻞ ﺑﻜﻮﻝ ﻃﺎﻟﻊ ﻣﻊ ﺳﺮﻭﺍﻝ ﺩﻳﺎﻝ ﺍﻟﺴﻮﺭﭬﻴﺖ ﻧﻔﺲ ﺍﻟﻠﻮﻥ ... ﺧﺮﺝ ﻣﻦ ﺍﻟﺪﺭﻳﺴﻴﻨﻎ ﺷﺎﻑ ﻓﺎﻟﺴﺎﻋﺔ ﻛﺎﻧﺖ 11 ﺩﻳﺎﻝ ﺍﻟﻠﻴﻞ ... ﻭ ﺍﻟﺮﺣﻠﺔ ﻋﻨﺪﻭ ﻣﻊ 4 ﺩﻳﺎﻝ ﺍﻟﺼﺒﺎﺡ ... ﺍﺗﺎﺟﻪ ﻟﻠﺒﺎﺏ ﺧﺮﺝ ﻭ ﺣﻞ ﺑﺎﺏ ﺑﻴﺘﻬﺎ ﺑﺸﻮﻳﺔ ﻻ ﺗﻜﻮﻥ ﻧﺎﻋﺴﺔ ...
ﻛﺎﻥ ﺍﻟﻀﻮ ﻃﺎﻓﻲ ... ﻗﺮﺏ ﺑﺨﻄﻮﺍﺕ ﻫﺎﺩﺋﺔ ... ﺟﻮﻻﻥ ﻛﺎﻧﺖ ﻣﺰﺍﻟﺔ ﻓﺎﻳﻘﺔ ﺑﺴﺒﺐ ﻟﻮﺟﻊ ... ﺳﻤﻌﺎﺗﻮ ﻓﺎﺵ ﺩﺧﻞ ﻭ ﻫﻲ ﺗﻐﻤﺾ ﻋﻨﻴﻬﺎ ... ﻋﻠﻰ ﺃﻣﻞ ﺃﻧﻪ ﻳﺸﻮﻓﻬﺎ ﻧﺎﻋﺴﺔ ﻭ ﻳﻐﺎﺩﺭ ... ﻣﺎﻗﺎﺩﺭﺓ ﺣﺘﻰ ﺍﻧﻬﺎ ﺗﻈﺎﻫﺮ ﺑﻠﻲ ﻫﻲ ﺑﺨﻴﺮ ... ﻭ ﻣﺎﺑﻐﺎﺗﻮﺵ ﻳﺸﻮﻓﻬﺎ ﻓﻬﺎﺩ ﺍﻟﺤﺎﻟﺔ ...
ﺣﺴﺎﺕ ﺑﻴﻪ ﺟﻠﺲ ﺟﻨﺒﻬﺎ ... ﻧﺎﻋﺴﺔ ﻋﻠﻰ ﺟﻨﺒﻬﺎ ﻭ ﻭﺟﻬﺎ ﻋﺎﻃﻴﺎﻩ ﻟﻠﺠﻬﺔ ﻻﺧﺮﻯ ... ﻣﺮﺭ ﻳﺪﻭ ﻋﻠﻰ ﺷﻌﺮﻫﺎ ﺑﺮﻓﻖ ... ﻭ ﻟﻤﺲ ﺟﺒﻬﺘﻬﺎ ﻣﺮﺓ ﺃﺧﺮﻯ ... ﻟﻘﻰ ﺣﺮﺍﺭﺗﻬﺎ ﻧﺰﻻﺕ ﻋﻠﻰ ﻗﺒﻞ ... ﺟﻮﻻﻥ ﻗﺎﻃﻌﺔ ﺍﻟﺤﺲ ﻭ ﻛﺘﺄﻟﻢ ﻓﺼﻤﺖ ... ﺷﻮﻳﺔ ﺣﺴﺎﺕ ﺑﻴﻪ ﻛﻴﺤﻴﺪ ﺍﻟﻐﻄﺎ ...
ﺭﺋﺒﺎﻝ ﺗﺨﺸﻰ ﺣﺪﺍﻫﺎ ﻭ ﺩﺍﺭ ﻋﻠﻴﻬﻢ ﺍﻟﻐﻄﺎ ... ﻣﺴﻨﺪ ﻋﻠﻰ ﻳﺪﻭ ﻓﻮﻕ ﺍﻟﻮﺳﺎﺩﺓ ﻭ ﺣﻀﻨﻬﺎ ﻣﻦ ﺍﻟﻠﻮﺭ ﺑﺎﻟﻴﺪ ﻻﺧﺮﻯ ﻣﻘﺮﺑﻬﺎ ﻋﻨﺪﻭ ... ﺣﺴﺎﺕ ﺑﻴﻪ ﺣﻂ ﻳﺪﻭ ﻋﻠﻰ ﻛﺮﺷﻬﺎ ... ﻣﺎﻋﺮﻓﺎﺕ ﺷﻨﻮ ﺑﻐﺎ ﻳﺪﻳﺮ ... ﺣﺘﻰ ﺑﺪﺍﺕ ﻛﺘﺤﺲ ﺑﻴﻪ ﻛﻴﺤﺮﻛﻬﺎ ﻓﻮﻕ ﻛﺮﺷﻬﺎ ﺑﺸﻜﻞ ﺩﺍﺋﺮﻱ ... ﺑﻘﺎ ﻛﻴﺤﺮﻛﻬﺎ ﺑﺪﻭﻥ ﺗﻮﻗﻒ ﺣﺘﻰ ﺑﺪﺍ ﺍﻟﻮﺟﻊ ﻛﻴﺨﻔﺎﻑ ...
ﻓﺎﻷﻭﻝ ﻛﺎﻧﺖ ﻣﺘﺼﻠﺒﺔ ﻭ ﻛﻴﻒ ﺑﺪﺍﺕ ﻛﺘﺤﺲ ﺑﺎﻟﺮﺍﺣﺔ ﺗﺮﺧﺎﺕ ... ﺍﺳﺘﺤﻼﺕ ﺣﺮﻛﺔ ﻳﺪﻭ ﻋﻠﻰ ﻛﺮﺷﻬﺎ ﻭ ﺍﻟﺪﻓﺊ ﺍﻟﻲ ﺍﺳﺘﺸﻌﺮﺍﺕ ﺑﻴﻪ ﻭ ﻫﻲ ﻓﺤﻀﻨﻮ ... ﻋﻨﻴﻬﺎ ﺑﺪﺍﻭ ﻛﻴﺘﺴﺪﻭ ... ﻣﺪﺍﺯﺵ ﺑﺰﺍﻑ ﺣﺘﻰ ﻏﻔﺎﺕ ... ﺳﻤﻊ ﺻﻮﺕ ﺃﻧﻔﺎﺳﻬﺎ ﻋﻼﻭ ﻋﺮﻑ ﺑﻠﻲ ﻧﻌﺴﺎﺕ ...
ﺧﻠﻰ ﻳﺪﻭ ﻋﻠﻰ ﺧﺼﺮﻫﺎ ﻭ ﻗﺮﺏ ﻭﺟﻬﻮ ﻟﻌﻨﺪ ﻭﺟﻬﺎ ... ﻃﺒﻊ ﻗﺒﻠﺔ ﻋﻠﻰ ﺧﺪﻫﺎ ... ﻭ ﻧﺰﻝ ﺭﺍﺳﻮ ﺧﺸﺎﻩ ﻓﻌﻨﻘﻬﺎ ﻛﻴﺴﺘﻨﺸﻖ ﻋﺒﻴﺮﻫﺎ ... ﺳﺎﺩ ﻋﻨﻴﻪ ﻛﻴﻄﺒﻊ ﻗﺒﻞ ﺧﻔﻴﻔﺔ ﻣﺎﺑﻴﻦ ﻋﻨﻘﻬﺎ ﻭ ﻛﺘﻔﻬﺎ ﺍﻟﻌﺎﺭﻱ ... ﺑﻌﺪ ﻭ ﺣﻂ ﺭﺍﺳﻮ ﻋﻠﻰ ﺍﻟﻮﺳﺎﺩﺓ ... ﺫﻗﻨﻮ ﺟﺎ ﻋﻨﺪ ﺭﺍﺳﻬﺎ ... ﻭ ﻣﺮﺓ ﻣﺮﺓ ﻛﻴﻘﺒﻞ ﺭﺍﺳﻬﺎ ﺣﺘﻰ ﻣﺸﺎﺕ ﺑﻴﻪ ﻋﻴﻨﻴﻪ ...
ﻧﻌﺲ ﺑﺮﺍﺣﺔ ﻭﺻﻼﺕ ﺩﻳﻚ ﺍﻟﺜﻼﺛﺔ ﻭ ﻫﻮ ﻳﻨﻮﺽ ﻣﺴﺎﺧﻴﺶ ... ﻏﻄﺎﻫﺎ ﻣﺰﻳﺎﻥ ﻗﺒﻞ ﺟﺒﻬﺘﻬﺎ ﻭ ﺧﺮﺝ ... ﻣﺸﺎ ﻣﺒﺎﺷﺮﺓ ﻟﻠﺤﻤﺎﻡ ﺩﻭﺵ ﻭ ﻟﺒﺲ ﺣﻮﺍﻳﺠﻮ ... ﻫﺰ ﺍﻟﺸﺎﻧﻄﺔ ﻭ ﻫﺒﻂ ... ﺧﺮﺝ ﻭ ﻫﻮ ﻳﻠﻘﻰ ﺍﻟﺴﺎﺋﻖ ﻛﻴﺘﺴﻨﺎﻩ ... ﺧﺪﺍ ﻣﻦ ﻋﻨﺪﻭ ﺍﻟﺸﺎﻧﻄﺔ ﻭ ﺭﺋﺒﺎﻝ ﻃﻠﻊ ﺍﻟﻠﻮﺭ ... ﺧﺮﺟﺎﺕ ﺍﻟﺴﻴﺎﺭﺓ ﻣﻦ ﺍﻟﭭﻴﻼ ﻗﺒﻞ ﺷﺮﻭﻕ ﺍﻟﺸﻤﺲ ...

🍁 ﺃﺻﺒﺤﻨﺎ ﻭ ﺃﺻﺒﺢ ﺍﻟﻤﻠﻚ ﻟﻠﻪ ...
ﻓﺎﻗﺖ ﻛﺘﺮﻣﺶ ﻓﻌﻮﻳﻨﺎﺗﻬﺎ ... ﻛﻴﻒ ﺣﻼﺗﻬﻢ ﺑﺪﺍﺕ ﻛﺘﺬﻛﺮ ﺷﻨﻮ ﻭﻗﻊ ﻟﺒﺎﺭﺡ ... ﺗﮕﻌﺪﺍﺕ ﭼﺎﻟﺴﺔ ﻣﺮﺑﻌﺔ ﺭﺟﻠﻴﻬﺎ ... ﻭ ﻛﺘﻔﻜﺮ ﻓﺪﺍﻛﺸﻲ ﺍﻟﻲ ﻭﻗﻊ ﻭﺍﺵ ﻧﻴﺖ ﻃﺮﺍ ﻭ ﻻ ﻏﻴﺮ ﻛﺎﻧﺖ ﻛﺘﺤﻠﻢ ... ﻭﺍﺵ ﻓﻌﻼ ﺭﺟﻊ ﻋﻨﺪﻫﺎ ﺑﺎﻟﻠﻴﻞ ... ﻧﻌﺲ ﺟﻨﺒﻬﺎ ﻭ ﻛﺎﻥ ﻛﻴﻤﺴﺪ ﻟﻴﻬﺎ ﻛﺮﺷﻬﺎ ... ﺍﺑﺘﺎﺳﻤﺎﺕ ﻓﺎﺵ ﺗﺄﻛﺪﺍﺕ ﺍﻧﻪ ﻣﺎﺷﻲ ﺣﻠﻢ ...
ﻻﺣﺖ ﺍﻟﻐﻄﺎ ﻭ ﻣﺸﺎﺕ ﻟﻠﺤﻤﺎﻡ ... ﺩﺧﻼﺕ ﻃﺮﻓﺎﺕ ﺣﺎﻟﺘﻬﺎ ﻭ ﻏﺴﻼﺕ ﻭﺟﻬﺎ ... ﻫﺒﻄﺎﺕ ﻟﺘﺤﺖ ﻟﻘﺎﺕ ﻻﺣﺒﻴﺒﺔ ﻛﺘﻔﻄﺮ ... ﺳﻠﻤﺎﺕ ﻋﻠﻴﻬﺎ ﻭ ﺟﻠﺴﺎﺕ ﺟﻨﺒﻬﺎ ...
ﻻﺣﺒﻴﺒﺔ : ﻛﻴﻒ ﺑﻘﻴﺘﻲ ﺍﺑﻨﺘﻲ ... ﺷﻮﻳﺔ ؟
ﺟﻮﻻﻥ : " ﺑﺎﺳﺘﻐﺮﺍﺏ " ﺷﻜﻮﻥ ﻗﺎﻝ ﻟﻴﻜﻢ ﺑﻠﻲ ﺍﻧﺎ ﻋﻴﺎﻧﺔ ؟
ﻻﺣﺒﻴﺒﺔ : ﻧﻮﺍﻝ ﻗﺎﻟﺖ ﻟﻴﻨﺎ ﻛﻨﺘﻲ ﻛﺘﺮﺩﻱ ... ﻭ ﻫﺎﺩ ﺍﻟﺼﺒﺎﺡ ﻗﺎﻟﺖ ﻟﻴﺎ ﻟﺒﺎﺭﺡ ﺭﺋﺒﺎﻝ ﺻﻴﻔﻂ ﻟﻠﺪﻭﺍ ﺩﻳﺎﻝ ﺍﻟﺴﺨﺎﻧﺔ ... ﻛﻨﺖ ﻏﻨﻔﻄﺮ ﻭ ﻧﻄﻠﻊ ﻋﻨﺪﻙ ﻧﻄﻞ ﻋﻠﻴﻚ ... ﻛﻴﻒ ﺣﺎﺳﺔ ﺩﺍﺑﺔ ؟
ﺟﻮﻻﻥ : ﻣﺰﻳﺎﻥ ﺍﺟﺪﺓ
ﻻﺣﺒﻴﺒﺔ : ﻭ ﻓﻄﺮﻱ ﻣﺰﻳﺎﻥ ﺑﺎﺵ ﻧﺨﺮﺟﻮ ﻧﺘﻘﺪﺍﻭ ﺷﻲ ﺣﺎﺟﺔ ﺍﻟﻴﻮﻣﺎ
ﺟﻮﻻﻥ : " ﺑﻌﺪ ﺗﺮﺩﺩ ﺳﻮﻻﺕ " ﻭﺍﺵ ﺭﺋﺒﺎﻝ ﺳﺎﻓﺮ ؟
ﻻﺣﺒﻴﺒﺔ : ﺁﻩ ﻣﺸﺎ ﺍﻟﺼﺒﺎﺡ ﺑﻜﺮﻱ
ﻓﻄﺮﺍﺕ ﺟﻮﻻﻥ ﻭ ﻃﻠﻌﺎﺕ ﻟﺒﻴﺘﻬﺎ ... ﺑﺪﻻﺕ ﺣﻮﺍﻳﺠﻬﺎ ﻳﺎﻻﻩ ﻛﺘﻘﺎﺩ ﺷﻌﺮﻫﺎ ﺳﻤﻌﺎﺕ ﺯﻳﻨﺐ ﻛﺘﻌﻴﻂ ﻭ ﻫﻲ ﻃﺎﻟﻌﺔ ﻣﻊ ﺍﻟﺪﺭﻭﺝ ... ﺩﻓﻌﺎﺕ ﻟﺒﺎﺏ ﺩﺍﺧﻠﺔ ﺑﻌﺠﺎﺟﺘﻬﺎ ...
ﺯﻳﻨﺐ : ﻋﺮﻭﺳﺘﻨﺎﺍﺍ ﻭﺟﺪﺍﺕ ﻭ ﻻ ﻣﺰﺍﺍﺍﻝ
ﺟﻮﻻﻥ : ﻣﺎﻟﻚ ﻣﺤﻴﺤﺔ ﻋﻠﻰ ﺍﻟﺼﺒﺎﺡ
ﺯﻳﻨﺐ : ﻳﺎﺧﺘﻲ ﻓﺮﺣﺎﻧﺔ ﻟﺼﺎﺣﺒﺘﻲ ﻏﺘﺰﻭﺝ ... ﻭ ﻏﻀﺮﺑﻨﻲ ﺑﺠﻼﻳﻠﻬﺎ ﺑﺎﺵ ﻧﺘﺒﻌﻬﺎ ... ﺭﺍﻩ ﺻﺎﻓﻲ ﻣﻠﻴﺖ ﻣﻦ ﺍﻟﻌﺰﻭﺑﻴﺔ
ﺟﻮﻻﻥ : " ﻛﻀﺤﻚ " ﻋﻠﻰ ﻫﺎﺩ ﺍﻟﺤﺴﺎﺏ ﻧﺘﻲ ﺍﻟﻲ ﻏﺘﺨﻄﺒﻴﻪ
ﺯﻳﻨﺐ : ﻭ ﻣﺎﻟﻬﺎ ﻓﻴﻬﺎ ﺷﻲ ﻋﻴﺐ ... ﻻ ﻣﺎﻃﺮﺣﺶ ﺍﻟﺴﺆﺍﻝ ﻫﻮ ﺍﻧﺎ ﻧﻄﺮﺣﻮ ... ﻧﺒﻘﻰ ﻧﺘﺴﻨﺎﻩ ﺣﺘﻰ ﻳﻤﺸﻲ ﺍﻟﺠﻬﺪ
ﺟﻮﻻﻥ : ﺍﻟﺠﻬﺪ ﻫﻬﻬﻪ
ﺯﻳﻨﺐ : ﻭ ﺷﻨﻮ ... ﺑﻐﻴﺖ ﻧﺘﺰﻭﺝ ﻣﺎﺣﺪﻱ ﺷﺎﺑﺔ ﻫﻬﻬﻪ ... ﺁﻩ ﻟﺒﺎﺭﺡ ﺧﻠﻴﺘﻚ ﻓﻴﻚ ﻟﻮﺟﻊ ... ﻳﺎﻛﻤﺎ ﺳﻬﺮﻙ ﺑﺎﻟﻠﻴﻞ ؟
ﺟﻮﻻﻥ : " ﻛﺘﻀﻮﺭ ﻓﻌﻨﻴﻬﺎ " ﻻ ... ﺩﻏﻴﺎ ﻓﺎﺗﻨﻲ
ﺯﻳﻨﺐ : ﺍﻭﺍ ﻟﺒﺎﺱ ... ﻳﺎﻻﻩ ﺳﺮﺑﻲ ﺭﺍﺳﻚ

ﻫﺒﻄﻮ ﺑﺠﻮﺟﺎﺕ ﻟﻘﺎﻭ ﻻﺣﺒﻴﺒﺔ ﻻﺑﺴﺔ ﺟﻼﺑﺘﻬﺎ ... ﺧﺮﺟﻮ ﻣﻦ ﺍﻟﭭﻴﻼ ﻟﻘﺎﻭ ﺍﻟﺸﻴﻔﻮﺭ ﻛﻴﺘﺴﻨﺎﻫﻢ ... ﻃﻠﻌﺎﺕ ﺯﻳﻨﺐ ﻟﻘﺪﺍﻡ ﺣﺪﺍﻩ ﻭ ﺟﻮﻻﻥ ﻭ ﻻﺣﺒﻴﺒﺔ ﺭﻛﺒﻮ ﺍﻟﻠﻮﺭ ... ﻭ ﻫﻤﺎ ﺧﺎﺭﺟﻴﻦ ﻣﻦ ﺍﻟﭭﻴﻼ ﺑﺎﻧﻮ ﻟﻴﻬﻢ ﺟﻮﺝ ﺭﺟﺎﻝ ﺿﺨﻤﻲ ﺍﻟﺒﻨﻴﺔ ﻗﺪﺍﻡ ﺍﻟﺒﺎﺏ ... ﻣﻜﺎﻧﻮﺵ ﻗﺒﻞ ... ﻣﻮﺍﻟﻒ ﻏﻴﺮ ﺍﻟﻌﺴﺎﺱ ﺍﻟﻲ ﻛﻴﻜﻮﻥ ﻋﻨﺪ ﻟﺒﺎﺏ ...
ﺳﻮﻻﺕ ﻻﺣﺒﻴﺒﺔ ﺍﻟﺴﺎﺋﻖ ﻗﺎﻟﻴﻬﺎ ﺑﻠﻲ ﺟﺎﻭ ﻋﻠﻰ ﺣﺴﺐ ﺃﻭﺍﻣﺮ ﺭﺋﺒﺎﻝ ... ﻣﺸﺎﻭ ﻟﻠﻤﺪﻳﻨﺔ ﺍﻟﻘﺪﻳﻤﺔ ﻓﻴﻦ ﻛﺎﻳﻨﻴﻦ ﺍﻟﻘﻴﺼﺎﺭﻳﺎﺕ ﺍﻟﺨﺎﺻﻴﻦ ﺑﺎﻟﻠﺒﺎﺱ ﺍﻟﺘﻘﻠﻴﺪﻱ ... ﺩﺧﻠﻮ ﻛﻴﻘﻠﺒﻮ ﻭ ﻻﺣﺒﻴﺒﺔ ﻛﺘﺨﻴﺮ ﻭ ﺗﺴﻮﻝ ﺟﻮﻻﻥ ﻋﻠﻰ ﺭﺃﻳﻬﺎ ...
ﺟﻮﻻﻥ ﻭﺍﺧﺔ ﻫﻜﺎﻙ ﻣﻜﺎﻧﺶ ﻣﺮﺗﺎﺣﺔ ﺗﺎﺧﺪ ﺍﻛﺜﺮ ﻣﻦ ﺣﺎﺟﺔ ﻭﺣﺪﺓ ... ﺗﺒﻌﺎﺕ ﺭﻏﺒﺔ ﻻﺣﺒﻴﺒﺔ ﺍﻟﻲ ﻣﺎﺧﻼﺕ ﻣﺎﺧﺪﺍﺕ ... ﺧﻠﺼﺎﺕ ﺑﺎﻟﻜﺎﺭﻁ ﺍﻟﻲ ﺧﻠﻰ ﻟﻴﻬﺎ ﺭﺋﺒﺎﻝ ... ﺧﺮﺟﻮ ﻣﻦ ﺗﻤﺎﻙ ﻭ ﺗﻮﺟﻬﻮ ﻟﻌﻨﺪ ﺍﻟﺬﻫﺎﺑﻴﺔ ... ﺧﺪﺍﺕ ﻟﻴﻬﺎ ﻛﻮﻟﻲ ﺩﻳﺎﻝ ﺍﻟﺬﻫﺐ ... ﻓﻀﻼﺕ ﺟﻮﻻﺕ ﺗﺎﺧﺪ ﻭﺍﺣﺪ ﺑﺴﻴﻂ ... ﺧﺮﺟﻮ ﻣﻦ ﺗﻤﺎﻙ ﻭ ﻫﻲ ﺗﻨﻄﻖ ﻻﺣﺒﻴﺒﺔ ...