عارفين يابنات انا غصب عني النهارده شوفت صور مصطفي الحفناوى اكتر من ٢٠ مره وكنت بقلب بسرعه عشان غض البصر ويكاد اني فعلا اركز علي صوره الشاب ده بالغصب ولكن ربنا لطف بي..
انا ذنبي ايه الاقي صوره شاب في وشي كل ما افتح الفيس اه انا معاكم أننا ندعيله بالرحمه وده توفي وخلاص وفين اللي يفتن اصلا ده مات!!
عارفين ان غض البصر بيشمل الميت والحي
الفكره مش عشان هو ميت الفكره أنها صوره شاب!!
ولو انتي شايفه أن الموضوع عادى تبقي مصيبه وراجعي نفسك!
عايزين تنزلو عن اى شاب توفي عشان الناس تدعيله بلاش صور ليه..
واللي وجع قلبي اكتر البنات المستهونه بالموضوع ومختارين صور للشاب ده تفتن اى حد عادى واللي منزله صوره وهو بيضحك واللي منزله صوره مقربه من وشه او وهو ف المصيف..!!
فين غض البصر يابنات..فين اعانه اختك علي غض البصر؟!!!
ليه شايفين غض البصر أنه موضوع هين عادى!!
انتي عارفه أن ممكن واحده تفتن بسببك بعد ما كانت بتغض بصرها وممكن تقتص منك يوم القيامه؟!
الموضوع مش هين يابنات انا كنت هقع النهارده وابص عليه بسببكم!!
تخيلي كام واحده بتتفتن بأى صوره شاب انتي بتنشريها؟!!
وكام واحده ممكن تقتص منك اصلا؟!!
وملناش دعوه بجمله ده ميت لان في الاخر دى صوره شاب!!
اتقوا الله يابنات في قلوبكم وقلوب غيركم وان والله الموضوع ليس بهين...
واذكركم بقول الله تعالي...
(وَتَحْسَبُونَهُ هَيِّنًا وَهُوَ عِندَ اللَّهِ عَظِيمٌ)
"احذفوا صور الشاب ده يابنات من صفحاتكم احذفوها لله..✨
"واسال الله ان يرحمه ويرحمنا ويغفر لنا جميعا اللهم امين"
#منقول
YOU ARE READING
🌸 السابقات إلى الجنة 🌸..(الجزء1)
Randomمن أجلكِ يا ملگة👑أنشأنا هذا الكتاب🙈 لتسعدي💞وترتقي💞وعلى الطاعات تثبتي💪 ومن المكاره تُحفظي🌈 وبإذن ربي في الجنان سنلتقي♥️ مع بعضنا🌷 فريق👈أنتي مـــ👑ــلگة
