أحيانًا بنت بتقول أنا مش بعرف أتكلم مثلاً كويس أو أكتب بس نفسي أسد الثغر في الدين وأكون سبب في هداية حد بس مش عارفة !
هو مش لازم تكوني بتعرفي تتكلمي كويس وقاعدة علي كرسي وبتدي حلقة وقدامك طالبات !
إنتِ ممكن تدعي بأخلاقك إن حد يشوف أخلاقك جميلة وطيبة ما شاء الله فـ تحب الإلتزام وتحب إنها تدخل الطريق ☘️
ممكن بلبسك الزي الشرعي الفضفاض الجميل تحبه جدًا وتلبسه
أعرف أخت كانت سبب في إني أحب الملحفة وألبسها من مجرد صور لها 🌸
ممكن تعملي جروب وتجمعي فيه صحابك وأخواتك بس تستأذينهم الأول وتاخدي سلسلة معينة العقيدة أسماء الله الحسنى وتجمعيهم وكل يوم تنشري درس وتسمعي معاهم دي دعوة ممكن إسم واحد يغير حياة بنت وتهتدي 🌸
إنك تذكري بـ صيام الخميس والاثنين أو قيام الليل أو صلاة الضحي أو الوتر باستوري أو بوست علي الفيس دي دعوة في ناس بتبقي ناسية وتشوف الاستوري تفتكر وتصوم بسبب التذكير ويكون في ميزانك 🌸
تشوفي فضل ذكر ويكون صحيح وتنشرية للناس تدلي بنت علي حلقة لدرس أو درس تسمعه ممكن يغير حياتها
لاقيتي بنوتة لبست الخمار أو النقاب أو حتى قالت إنها بطلت أغاني ادخلي وكلميها وشجعيها خليها تحس إنها مش لوحدها ويكون كلامك سبب في تثبيتها لأن هتلاقي حرب عليها وممكن بسبب اللي حواليها ترجع !
خلي الفيس بتاعك والواتس عليه منشورات دينية ومقاطع دينية بتتكلم عن الدين وعن ربنا ✨
ممكن تحفظي طفل سورة الفاتحة 🌸
ممكن تجيبي مجموعة أطفال وتحفظيهم القرآن لو ما شاء الله كويسة في التجويد أو علي الأقل هتحفيظهم صح مش طريقة الكر وخلاص
ممكن تحفظي طفل ذكر بسيط قبل ما يدخل الخلاء يقول اي وهو خارج يقول اي بعد ما يخلص أكل اللي هي أذكار بسيطة وهكذا حاجة هتفضل معاه وفاكرها ويعمل بيها بإذن الله ☘️
متسبيش الدعوة ولو بالقليل تذكير حتىٰ لأنها هتفضل حسنات جارية لكِ وبنيتك الصالحة وصدقك مع الله هيفتح لكِ أبواب كتير بس الصدق والإخلاص
ممكن عمل بسيط جدًا بالنية الصالحة الإخلاص يكون سبب في دخولك الجنة 🌸
ومع إننا بردو لازم نطلب العلم الشرعي لأنه فرض علينا يعني جاهدي إنك تعرفي عن ربك ودينك ونبيك لأنهم أول حاجة هنسأل عنها في القبر والعلم اللي بتاخديه تنشرية لصحابك وسبحان الله لعل بطلبك العلم ربنا يفتح لكِ باب كبير في الدعوة بردو بس الأهم تشوفي إنتِ بتاخدي العلم من مين لأن في فرق ضآلة دلوقت مع إنهم بيدرسوا العلم بس علي عقائد ضآلة وعلي غير منهج أهل السنة والجماعة!
(قُلْ هَٰذِهِ سَبِيلِي أَدْعُو إِلَى اللَّهِ ۚ عَلَىٰ بَصِيرَةٍ أَنَا وَمَنِ اتَّبَعَنِي ۖ وَسُبْحَانَ اللَّهِ وَمَا أَنَا مِنَ الْمُشْرِكِينَ)
#مقتبس
YOU ARE READING
🌸 السابقات إلى الجنة 🌸..(الجزء1)
Randomمن أجلكِ يا ملگة👑أنشأنا هذا الكتاب🙈 لتسعدي💞وترتقي💞وعلى الطاعات تثبتي💪 ومن المكاره تُحفظي🌈 وبإذن ربي في الجنان سنلتقي♥️ مع بعضنا🌷 فريق👈أنتي مـــ👑ــلگة
