س:💥
لو حد عايز يلتزم و يبدأ علاقته مع ربنا كويس ايه الخطوات اللى هوا يقرب ازاى وميبعدش تانى ؟
ج:
🌸هوا الطريق سلمة سلمة
بمعنى ان مفيش حد هيطلع خطوة واحدة لقدام...لا ده هي
خطوات بسيطة هتبدأي بيها الاول وبعد كده هتزودي
و الموضوع محتاج مجاهدة وصبر
-بصى انت اول حاجة لازم يكون ليكى خطوط حمراء بمعنى حاجات لازم تعمليها فى يومك مهما حصل
مثلا اذكار الصباح والمساء..صلاة الوتر.. ورد قراءة القرآن وهكذا
وطبعا تبقى حاطة عبادات وحاجات تانية برده، بس قصدى الخطوط الحمرا دى هى اللى تعمليها لو مقدرتيش فى يومك ع باقى الحاجات.
باقى العبادات بقا اللى عايزة تعمليها
✨لو قيام ليل ابداى بركعتين بسيطين الاول وبعد كده لما تثبتى عليهم زودى .
✨مثلا عايزة يبقى ليكى ورد ثابت من قراءة القران ممكن تبدأى بصفحة وبعد كده لما تثبتى على الصفحة زودى بالتدريج
✨-مثلا عايزة تصلى سنن الرواتب ابدأي مثلا بسنة الفجر والمغرب الاول وبعد كده صلى سنة العشاء وبعدها سنة الظهر وهكذا ..الموضوع واحدة واحدة.
فاهمة!
يعنى اى عادة او اى عبادة عايزة تعمليها اعملى القاعدة دى ابداى بحاجة بسيطة الاول واعمليها لمدة شهر عشان تتحول لعادة وبعد كده زودى.
🌸وطبعا متسبيش نفسك من غير تخطيط لان احيانا كلنا بنغفل عنه
يعنى هاتى ورقة وقلم وشوفى ناوية تعملى ايه فى اسبوعك او شهرك
وقسمى خطتك دي ع جوانب حياتك ال8
ساعتها هتبقى عارفة انتى ماشية ازاى.
-وطبعا انت عارفة اهمية الصحبة الصالحة لازم تصاحبيهم عشان تشجعوا بعض...
وابعدى عن اي صحبة سوء مهما كلفك الامر .
وافتكرى من ترك شيئا لله عوضه الله خير منه.
-واسمعى سلسلة هل انت فاشل مدتها قصيرة جدا بس مفيدة جدا لد.حازم شومان+سلسلة التزمت ثم ماذا
#مشكلة_وحلها
YOU ARE READING
🌸 السابقات إلى الجنة 🌸..(الجزء1)
Randomمن أجلكِ يا ملگة👑أنشأنا هذا الكتاب🙈 لتسعدي💞وترتقي💞وعلى الطاعات تثبتي💪 ومن المكاره تُحفظي🌈 وبإذن ربي في الجنان سنلتقي♥️ مع بعضنا🌷 فريق👈أنتي مـــ👑ــلگة
