على وتر الحب
للكاتبة:هبة من السماء
"hibasky4"
....................
لانا
بتول:لانا يله اكعدي ولج لانا راح اروح للجامعه اتأخرت اني بعد لتكليلي كعديني وياج اذا كعدتي
لانا:اف يله كايمه
بتول:توصليني وياج
لانا:هستوج كلتي اتأخر
بتول:اي عادي انتضرج
لانا:اوك خلي اكوم بس واتريك وابدل واروح
بتول:اف تتاخرين عليه بعد ورايه نص ساعه بس
لانا:اي نص ساعه واخلص يمته تجي سيارتج والله راح اتخبل
بتول:كال بابا بعد يومين تخلص
لانا:اوك
تريكت وبدلت علمود اطلع ورايه تصوير كليب
شغلت اغاني تيم نجم وبقيت اسمع بيهن واغني وياهن
بتول:فد يوم اريد اصعد وياج واشوف غير مغني ماكو ابد نعرفه خوش مغني بس اغانية حفظتهن بيوم واحد احفظ الاغنية من وراج
لانا:ليش اكو احلى من هذا الصوت يله وصلنه انزلي
بتول:تتفيك علينه ويله انزلي ياربي يمته تجي سيارتي
لانا:ههه خلصتي ام السان يله انزلي اتأخرت
لانا:السلام عليكم
الكل:وعليكم السلام
المخرج:ها نبدي
لانا:اي يله
المخرج:يله خلي يسوولج تعديل علمود نبدي
لانا:اوك
رحت علمود اصور الكليب الكليب جان بسيط
كملت تصوير اريد اطلع
حسين:اكدر احجي وياج
لانا:اكيد
حسين:اني احبج يمته تحسين بحبي الج ها كم مرة اكلج احبج بعد وانتِ بكل مرة ترفضين حبي الج لشوكت تبقين ترفضيني هيج اني كلش زين اعرف انتِ متحبين احد ليش هيج ترفضيني
لانا:ومنو كال اني مااحب احد
حسين:تحبين منو كليلي
لانا:احب احد وخلص
حسين:لا مو خلص اعرف محد بحياتج ليش مترديني اليه بحياتج ها
لانا:لان مااريد احد بحياتي ابد
حسين:اني ادري بيج محد بحياتج راح انتضرج شكد مااكدر لحد متقتنعين بحبي
لانا:لتنضرني ابد
حسين:راح انتضرج
لانا:يله اني اروح باي
رحت صعدت بسيارة اتصلت على بتول
لانا:الو ها بتول اجيج لو تجين وحدج
بتول:لا تعالي منتضرتج
رحت علمود اجيب بتول من الجامعة
بتول:هلو
لانا:هلو بيج
بتول:يله ميته جوع اخذيني للمطعم
لانا:احلفي امي منتضرتنه على الغداء وغداء امي تدرين ميتفوت مو مثل اكل المطعم
بتول:الي يسمعج يكول انهار كله تاكل من اكل امي
لانا:تدرين بيه حته ملحك اكل من اكلها هسه اجتي الفرصه صدك عندي سفرة راح اكل الاهلي تروحين
بتول:هاي يمته قررتو
لانا:لسه ممقررين بشي بس صار هوايه مطالعه وياكم وكلت نسافر سوه كم يوم قبل حفلات الصيف
بتول:اذا بس كم يوم عادي اخذ اجازه
لانا:اوك لعد خلي اشوف اهلي كون يوافقون بس
وصلنه للبيت
لانا وبتول:السلام عليكم
ام لانا :وعليكم السلام هله والله
لانا:اروح ابدل واجي اساعدج ماما
ام لانا:بتول كافي تاكلين وتمشين راح نصب الغداء روحي بدلي وتعاي
بتول:مااريد ابدل اريد اكل اول ميته جوع
لانا:ماما رادتني اوديها للمطعم بلموت جبتها وهسه باعي اشلون تاكل
بتول:يمه جذابه لصدكين بيها
لانا:ها هسه صرت جذابه اني
ريان:السلام عليكم
ام لانا:وعليكم السلام هله بوليدي وشمعة بيتي
بتول:ها ماما هذا كله لريان واحنه شنو بس هله والله
ريان:شكد تغارين من عندي لعد امي شعدها غيري بس كولي
بتول:هاصدك ماما اذا عندج ولد واحد هيج يصير اعتبريني ابنج الثاني
ريان:يله راح نخليلج شوارب ههه
ام لانا:كافي بس تتعاركون
لانا:هله والله بحبيبي
ريان:هله بيج يعمري
بتول:باع الواكه باع والله لو اني كايلتله حبيبي
ريان:غير اختي الجبيره
بتول:واني مو اختك الجبيره
ريان:لا مو هوايه فرق بيناتنه ماما لعد ريتاج وبابا وين
ام لانا:ريتاج اجتي من المدرسه ونامت وابوك كاعد جوه بلغرفة ميدري بيكم اجيتو يمكن
ريان:رايح اشوفه
ام لانا:بتول كعدي ريتاج روحي خلي تجي تتغداء
بتول:اوك
ريان:اشلونك بابا وبسته من راسه
ابو لانا:هله بيك وليدي اشلونك ويه الدوام
ريان:تمام يله بابا تعال تغداء
ابو لانا:يله جاي
بتول:يله ريتاج كومي ماما اصيحلج تكول تعالي تغدي
ريتاج:مااريد غداء اريد انام
بتول:ولج كومي لتعبيني
ريان:ها حبيبت كلبي نايمه لسه يله حبيتي كومي نتغداء
ريتاج:اي كايمه
بتول: هاي من كومتج اني مكمتي بس من اجه ريان
ريان :تعلمي تكعديها اول وراح تكعد،غمزتهاا وطلعت
بتول:ههه مخبل
بتول:اشلونك بابا
ابو لانا:هلو حبيبت كلبي
ريتاج :حضنت ابوها اشلونك حبيبي
ابولانا:هله بروحي
صبينه الاكل وكعدنه ناكل
لانا:بابا انريد نطلع سفره صار هوايه مطالعين سوه شنو تكول
ابو لانا:اي انشاءالله يمته
لانا:بعد لمن يخلصون امتحانات نصف السنه
ابو لانا:وين راح نروح
لانا:شنو تكولون نروح لتركيا
ابولانا:اوك
بعد كم يوم خلصت الامتحانات رحنه لتركيا
تونسنه سوه لان جنه محتاجين السفره لان صار هوايه مملتمين سوه خلصنه ١٠ ايام ورجعنه لان جان عندي حفلات بس هلمرة الحفلات اهلي ويايه
خلصت شهر كلة حفلات
