على وتر الحب
للكاتبة:هبة من السماء
"hibasky4"
....................
ليث
رسل وين يمامه
رسل:صعدت تغسل وتبدل هسه تجي
ليث:صعدت علمود اشوفها
مريم:شفتي راحلها
زهراء:مبين يحبها بس هسه راح نخلي يكرها ويكره اليوم الي اجت بي
ليث:دكيت الباب
يمامه:تفضل
ليث:هاكملتي لان مستعجل اريد ارجع
يمامه:اي كملت،نزلنه علمود نطلع من المطبخ
زهراء:هاوين عايفه الشغل وطالعه مو انت الفصليه جايبيج علمود تشغلين
ليث:جنت ورا يمامه بس مشافني سمعت كل حجيهن،مرتي هاي مو فصليه ولاخدامه فهمتي واذا ميته على الشغل هم بيتج هذا اشتغلي انتِ بي
يمامه:من سمعته حجه هيج اتمنيت احضنه كدامهن نعجبت بي اكثر من قبل ولا حسيته نفسه المغرور
ليث:لزمت ايدها كدامهن وطلعت
يمامه:بقيت بس اتباوعله،ياربي يمكن اليوم ناوي يخليني اموت بمكاني انوبه يكول مرتي اول مرة اسمعها منه
رسل:زين الي سوا بيج ليث
زهراء:اني جنت احجي علمودج الضاهر مستغلتج ومخليتج بس انتِ الي تشتغلين والله انتِ شكد مسكينه لعد عايفه الشغل كله براسج وطالعه
رسل:اولا رايحه تمتحن موتتونس وثانيا تعرفني مو بس وحدي بت عمي وبت خالي ويايه ميعوفني مو صح،غمزتلهن
مريم:هذوله اليوم ناوينها علينه خليهم ينتضرون الي راح يصير بيهم
ليث:وديتها للجامعه يله اني راح اروح من تخلصين دكي عليه
يمامه:اوك
ليث:السلام عليكم
الكل:وعليكم السلام
تيم:هاوصلتها للجامعه
ليث:اي
تيم:لعد اشبيك مو على بعضك
ليث:بعدين احجيك
تيم:احجي ماطول بس احنه
ليث:زهراء ومريم خايف ليسون شي ليمامه لان تعرفهن انت مصيبه وحجيتله كلشي صار
تيم:اعرفهن ميسكتن ولازم يسون مصيبه بس ديري بالك يدمرن علاقتكم وانت رجال اعرفك متخلي احد يدخل بيك وبعلاقاتك وفوك كلشي اذا صار اذيه من يمامه حاول تفتهمها اول قبل لتصرف بشي لان اكيد هنه ورا
ليث:راح ابقه خايف رام كلشي راح اكل لرسل تحاجي يمامه خاف يدخلا لغرفتنه
تيم:احجي انت ويه يمامه احسن
ليث:اوك مثل مشوف
يمامه:طلعت من الامتحان دكيت على ليث علمود يجيني رحت امشي علمود اطلع شفت مهيمن كدامي هوه وصديقه
مهيمن:اشلونج يمامه هاوين رايحه هسه
يمامه:الحمد لله رايحه لان اليوم الاربعين مالت عمي واجيت امتحن واطلع
مهيمن:اني اوصلج محمد روح انت اوصل اختي واجي
محمد:والمحاضره
يمامه:روح انت للمحاضره هسه الكاه برا اصلا اني من زمان دكيت عليه
مهيمن:اني اجي وراك،اتاكد صعدتي ويا يله ارجع انتِ اختي ترا
يمامه:بعد عمري واحلى اخو بلعالم،وكفنه بلشارع نحجي اني ويا شفت ليث وكف بلسايد الثاني،يله اني لروح اجه ليث
مهيمن:يعني تعبرين وحدج اني اعبرج امشي
ليث:شفت اخوها يحجي وياها باب الجامعه ورا شويه عبرها الشارع هوه وياها
مهيمن:السلام عليكم
ليث:شفت كاتل ابويه كدامي هوه الي حرمني من ابويه ويجي هسه يسلم عليه،يمامه اصعدي
مهيمن:يله روحي حبيبتي اني راح ادخل للمحاضره
ليث:ياربي يكلها حبيبتي كدامي والله لو مو اخوها لعد عرفت شنو اسوي هسه،صعدت بس ابد محجينه وصلت نص الطريق واذكرت الي كاله تيم،يمامه الغرفه مالتنه ماريد احد يدخلها ابد فهمتي
يمامه:بس اصلا محد يدخللها غيرنه
ليث:اعرف بس اذا اجه خطار النه وانتِ جوه متنزلين اذا متقفلين الباب وهسه هم تقفلي وياج
يمامه:صاير شي
ليث:سوي الي اكلج عليه بس
يمامه:صار
ليث:جاوبتي بالامتحان
يمامه:اي الحمدلله،وصلنه للبيت دخلت للمطبخ كبل،ها رسل شو وحدج وين البنات
رسل:عن يابنات تحجين صدكتي يشتغلا ويايه الحمدلله اني مو بعازتهن وهسه اتصلت عليه مرت عمي ام جود وكالت اتاخرت لان جان عندي شغل وهسه اكمل واجي
يمامه:اسفه عفتج وحدج بس هسه بس ابدل واجيج مااتاخر عليج،صعدت ابدل
ام جود:السلام عليكم،اعرف تاخرت عليج بس مو باايدي رحت جبت جود من المدرسه واجيت
رسل:اصلا كملت اني عمه مبقالي شي
تيم:اشلونج ام جود،رسل سوي جاي للولد
ام جود:الحمدلله،خلي اني اسوي كملي انتِ شغلج
يمامه:ها رسل اجيت اني
ام جود:انتِ زوجة ليث
يمامه:اي وانتِ
ام جود:اني مرت عم ليث
يمامه:اشرف بيج عمه،خلي اودي المي للنسوان واجي،وديت المي والكل وحده تكل للثانيه منو البنيه الكل عرفني بس كلها جانت اشوفني بنضره غريبه ويحجون بيناتهم عرفت لان فصليه مهتميت لهذا الشي لان اهم شي عندي بلبيت محد يشوفني هيج
ليث:وكفت يم يمامه وحجيت وياها بصوت ناصي قفلتي الباب
يمامه:اي
ليث:وين خاله المفتاح اريد ابدل
يمامه:طلعته من جيبي ونطيتهيا
رسل:مفتاح الغرفه هذا ليش قافلتها
يمامه:ليث كلي اقفلها
رسل:اخواني مهووسين بلقفل يعني جنت افكر بس تيم طلع حته ليث
يمامه:ههه والله معرف بعد
،كمل اليوم عادي بليل كملنه وكل واحد راح لبيته بقينه اني ورسل بلمطبخ لحد مكملنه وهم صعدنه دخلت للحمام غسلت وطلعت
ليث:خو محاجنج شي زهراء ومريم
يمامه:لابس انت ليش كتلي اقفل الباب
ليث:ديري بالج منهن خاف ياذنج والباب خاف يدخلا للغرفه هم يله طفي الضوء تعبان اريد انام
يمامه:طفيت الضوء ونمت
ليث:كعدت على صوت يمامه اصيح،يمامه اشبيج
يمامه:لزمت ايده حباب لتعيفي اخاف وحدي
ليث:معايفج اني اهنا نايم يمج هذا فراشي هذا مجرد كابوس
يمامه:لا لتعيفني
ليث:حضنتها ونامت على صدري واني العب بشعرها ونمت بدون ماادري بنفسي كعدت واني مرتاح اول مره بحياتي احس بهاي الراحه ردت اكوم بس مكدرت لان يمامه لسه لازمه ايدي وعلى صدري بقيت اتأملها يمامه:كعدت واني اشوف قربي من ليث واني على صدره صار وجهي احمر من الخجل،اسفه جنت حيل خايفه
ليث:لا اصلا ارتاحيت بهاي النومه حيل ممرتاح قبل هيج ابد
يمامه:سمعته صار وجهي احمر وكمزت من مكاني بقه يباوع عليه ويضحك
ليث:شفت الخجل بعيونها متت اتمنه اخذها هسه واصير من صدك مرتي،ادخلين للحمام لو ادخل يله متروحين للدوام
يمامه:لا لا اني ادخل اريد اروح اسوي ريوك
"تسريع الاحداث"
وديتهن للجامعة ورحت لدوامي .
...........
مهيمن
جنت واكف من بعيد واتباوع على اسراء الي منطتني عين طول هاي الفتره وكل مره احاول احاجيها اصدني ومتحجي ويايه
نور بهمس:لازم تتحرك ترا مخليت شي مسويته علمودك ومقبلت هلمره لازم ترجعلها اوك اني رايحه لشوفني وياك
نور:تجين نكعد بلنادي نشرب شي
اسراء:اوك
نور:كعدنه بلنادي رحت اطلب شي نشربه بس جانت نيتي علمود يكعد مهيمن ويحجي وياها
مهيمن:شفت نور كامت كعدت ابمكانها
اسراء:شسوي اهنا الف مرة كتلك ماعدنه حجي نحجي سوه افهم انت طلعت منةحياتي كافي تلحكني
مهيمن:جان المفروض تكليلي راح يجي رجل اختي للجامعه علمود من اشوفه مسوي الي سويته
اسراء:الي سويته من قلة ثقتك بيه هسه فهمت الي سويته شنو جان المفروض تسمع من عندي ماعندي حجي وياك
مهيمن:كامت من الطاوله لزمت ايدها وبقيت اباوع بوجها واصيح تفهمين اني شسويت من وراج حرمت رجال من اهله وانحرمت من اختي وانطيتها فصليه تفهمين الي احجي الكل يباوع علينه واني ممهتم الاحد
اسراء:هذا كله من ايدك انت المفروض جنت اثق بيه مو علاقتنه هيج جانت
مهيمن:اعرف حقج عليه وشوفيني هسه اوعدج مراح اسوي هيج بعد وراح اسمع منج بس محتاجج حيل ويايه وتعرفين بيه شكد كرامتي عزيزه عليه بس يمج مبقت كرامه تعرفين شنو اني بعيون الناس بس يمج اضعف والله
اسراء:مااكدر انطيك فرصه مااكدر لان انت معندك ثقة بيه ملازم اجرع لنفس الخطا
مهيمن:يعني اني خطا بحياتج
اسراء:مااعرف خليني بحالي وخرت ايدي وطلعت .
..................
ساره
كعدت من النوم كلشي نشاط للي راح اسوي الوقت هسه لازم اخذ ليث مستحيل اخلي وحدة اصير زوجته غيري مستحيل وراح انتقم من اخته على الي سوته بيه هم نزلت لجوه،ماما صباح الخير
ام ساره:صباح النور ماما ها رايحه للدوام
ساره:اي ماما قصي وين
ام ساره:راح يطلع متتريكين
ساره:لا ماما خلي الحك بقصي قصي اريد سيارتك
قصي:سيارتي تدرين ممسويلها ارقام شسوين بيها
ساره:اي اعرف بس سيارتي يم صديقتي واليوم اجيبها لان عطلت يمها مااعرف شنو صار بيها وهيه جابتني
قصي:اوك ماعندي شي مهم بيها راح اطلع بلدراجه اخذيها هذا السويج
ساره:طلعت واني قاصدة شي واحد اخلص من مرت ليث واخته مداومت بهذا اليوم رحت للجامعة مالتهم لان عرفت وين يداومون بقيت منتضره لحد ميطلعاً
لمن طلعن وشفتهن دست دست سرعة ومشيت بدون مشوف كدامي اهم شي عندي اكتلهن .
..............
احمد
جنت لابس بدله الجيش والرتبه وسلاحي على خصري اريد اروح للدوام .
صاعد بلسيارة واشوف ولد ثنين يتحارشون ببنيه متحملت الي شفته ونزلت،
شسوون اهنا ها،شافو اللبس وركضو بدون حتى مالحك بيهم
البنيه:شكرا لان ساعدتني ماجنت اعرف اشلون ابعدهم عني لاحكيني من طلعت من المدرسه لسه
احمد:شفت البنيه تلبكت لان من صدك حلوه ولايهمج اذا تحبين اوصلج
البنيه:لاهذا بيتنه قريم شكرا الك مره لخ
احمد:الصراحه مكدر اعوفج وامشي راح امشي بسيارتي لحد متوصلين لان اعرف يمكن تخافين
البنيه:شكرا اتعبك ويايه
احمد:لا ولا يهمج مشيت وراها لحد موصلت للبيت جان اكو رجال واكف بلباب هم دخلت هيه ويا عرفت اكيد ابوها رحت للدوام والدوام كله افكر بيها صرت اشتغل فوك شغلي علمود ماافكر اكثر .
...............
ليث
دكت عليه رسل علمود اخذهن من الجامعه وكفت على السايد الثاني انتضرهن
رسل:طلعت اني ويمامه علمود نعبر الشارع واجت سيارة وبعد مااعرف شنو الي صار
ليث:شفت يمامه بلكاع والشارع متروس بدمعها ورسل نفس الحاله
مهيمن:شفت يمامه واكعه بلكاع والكل ملتم عليهم ركضتلها،يمامه ردي عليه يعمري ردي لاتخبليني
ليث:كمت اكلب بيمامه ورسل اثنينهن بلكاع وميتحركن
مهيمن:هاا هسه ارتاحيت متكدر الى تخلي السيارة بلسايد الثاني صرت ابجي واصيح ماادري بنفسي شنو احجي
ليث:شيل يمامه خلي ناخذهن للمسشفى،شلت رسل صعدتها بلسدر ويمامه ومهيمن ورا
مهيمن:امشي حيل راح يخلص دمها متمشي
ليث:بلكوه مركز على السياقه وامشي سرعه ومااعرف وين اروح رحت الاقرب مستشفى بقيت اصيح جابولنه سديات ثنين ودخلوهن للطوارئ واحنه منعرف شي وملابسي كلها دم اتصلت على تيم ميرد اتصلت مرتين يله جاوب كتله
مهيمن:اتصلت على ابويه وكتله
........
ام تيم:بصياح وبجي،بناتي وين ليث
ليث:يمه بلطوارئ
ام تيم:يمه خو مابيهن شي
ليث:حظنتها اذكرت كلشي صار ويايه بجيت من كل كلبي لان حتى من توفه ابويه مبجيت كدام احد،مااعرف يمه لسه مطلعوا الدكاتره
تيم:اشلون صار الحادث
بهاي الاثناء دخل ابو مهيمن وعائلته
ام مهيمن:ابجي،يمه وين اختك
مهيمن:لسه مطلعوا الدكاتره
ابومهيمن:السلام عليكم،اشلون هيج صار
الكل:وعليكم السلام
ليث:جنت خال السيارة بلسايد الثاني واجن علمود ايعبرن والشارع اصلا شارع جامعة ميصير احد يسرع بي واجت سياره ودعمتهن
ابومهيمن:الشرطه وين مو اكو شرطه
ليث:لا مجان اكو من طلعن يله اجو وحتى رقم السياره منتبهنالها
مهيمن:اكيد هاي مقصوده بس اعرفه اعرفه لان مستحيل شخص يمشي سرعه يم الجامعه وطلاب جاي تطلع
ابومهيمن:شنو المقصود بابا منو يريد يوكعنه يعني
مهيمن:ردت احجي واكول انو ممكن من عدهم العدوه مو من عدنه بس اتراجعت لان مبينه مقصوده وانا اريد اعرفه اجت الشرطه اخذت افادتنه وبقت بس افادت البنات
ليث:طلع الدكتور
ام تيم:ها دكتور بناتي مابيهن شي مو
الدكتور:وحده من البنات بس كسر باايدها وبرجلها ورضوض خفيه مابيه شي وهسه انطيناها ابرة مهدئه من تصحه راح ادخلكم الها
ليث:والثانيه
الدكتور:عند الكتور الثاني من يطلع اسالو عنها
ام تيم:احنه امهاتهن نكدر بس نشوف الي وضعها زين علمود نعرف منو
الدكتور:بس انتن ادخلا بس خمس دقائق مو اكثر
ام تيم:دخلنه شفت رسل الي نايمه
ام مهيمن:لعد بتي بسلا صاير بيها شي
ام تيم:لاانشاءالله مابيها شي ادعي رب العالمين ميطلع بيها شي والله ماكو منها طلعت ام مهيمن
ليث ومهيمن:منو بلغرفه
ام تيم:رسل
ام مهيمن:بقيت ابجي ياربي خاف بنتي بيها شي ياربي لاتحرمني منها
ابومهيمن:ام مهيمن اتقي الله انشاءالله مابيها شي ادعيلها بس
اماني:رحت حظنت مهيمن لا شكله حيل تعبان رغم اني عيوني موكفت من البجي ابد
مهيمن:شفت اماني اجت حظنتني بقيت امسح على راسها .
