على وتر الحب
للكاتبة:هبة من السماء
"hibasky4"
..............
ليث
نمت واني اذكر كل الي صار ويانه بهاي الفتره كلها ..
ليث
من طلع تيم من الديوان
عمي الفصليه اني اخذها لان مستحيل اخلي اخويه يخسر اكثر من الي خسره
ابو محمد:بس عمي ميصير وهوه اخوك الجبير هوه اوله بيها
ليث:اسمحلي عمي اخويه من الصغر ميت على مياخذ الي يحبها ومن لكاها نحرمه منها مستحيل اخلي هذا يصير واني موجود
ابو محمد:عمي مثل متريد هاهيه صارت عندك
ليث:دكيت على تيم تلفونه مغلق حاولت احاجي مكدرت اذكرت اكيد بيته رحت على بيته
تيم:اشجابك مالي خلك احد
ليث:مالك خلك حته اخوك عندي حجي وياك لازم نحجي سوه حجي مهم
تيم:يله ادخل
ليث:اني راح اخذ الفصليه وحجيت ويه عمي وقنع بهذا الشي
تيم:بس اني سالفة الفصليه كلها ممقتنع بيها ولك نخرب حياة بنيه تعرف شنو يعني هاي وراها حساب
ليث:لتخاف انشاءالله ميصير هيج شي ولا راح نخليها تحس انو هيه فصليه بس اني ماكدر اخليها اصير مرتي واني معرفها تدري بيه
تيم:اعرفها امان يمك ومينخاف عليك انت بطل
ليث:يله اني اروح الساعه١٢صارت وامي واختي وحدهم متجي ويايه
تيم:لامراح اوصل للبيت لان مالي خلك احد خليني اهنامرتاح خاف اصيرلي سالفة ثانيه واني حيل تعبان هلايام
ليث:سلامتك يله اني اروح دير بالك على نفسك ولتخلي امي تفتقدك
ثاني يوم عقدت على البنيه بس ماشفتها ابد حتى من دخلت علمود احاجي امي علمود نعقد
الساعه بل ١٢:٣٠ تقريباً دخلت للبيت لكيت عشاء بس جنت مااشتهي شي خليته بلثلاجه وبقيت بلصاله نايم على القنفه واكلب بلمبايل
ام تيم:يمه شسوي نايم اهنا ليش متصعد تنام بغرفتك
ليث:البنيه معرفها اكيد مراح انام بلغرفه
ام تيم:يمه البنيه مرتك صارت وبعدين لازم تتعودون واحد على الاخ والبنيه كلش حبابه ويمكن لو مزوج وحده متطلع مثلها على الجمال ولاخلاق
ليث:صار يمه بس مستحيل اخليها اصير مرتي مرتي بالاسم بس
ام تيم:مثل متريد يمه بس اصعد نام بغرفتك هسه
صعدت للغرفه شفتها نايمه ومغطيه وجها يعني ممبين منها شي اخذت المخده ونمت بلكاع
الصبح كعدت على صوت المنبه بدون ماادري بنفس كمت اصيح حسبالي منبه مالتي لان نسيت كلشي،يعني حته بلجمعه ماارتاح ولا انام زين اف اشويه واذكرت كلشي عرفت مو مالتي المنبه كمت علمود اطفي المنبه مالتها شفت مي على الميز اخذت شويه ورشيت عليها
يمامه:هاي شكو شصاير،كعدت مثل المخبله شفت واكف على راسي ولد مااعرفه،انت منو واشجابك على غرفتي واشلون تجرا اذب هيج المي عليه
ليث:بقيت صافن عليها وعلى الجمال الي شايلته،غرفتج وحدج يعني ولتحجين ويايه بهلسلوب هذا فهمتي لو افهج
يمامه:هاي غرفة الي ازوجته وانت بصفتك منو تحجي ويايه هيج حجي
ليث:واكو وحده متعرف الي ازوجته منو بصفتي زوجج يحلوه
يمامه:من الصدمه عدلت كعدتي لان مجنت اعرف اصلا المنو مزوجه كل وبالي لتيم لانو اكبر واحد الي اعرفه،هامجنت اعرف لانو معرفك
ليث:وشسوين كاعده هيج وقت متعرفين اليوم جمعه
يمامه:اي كعدت اسوي ريوك لانو رسل كلتي عليج اليوم
ليث:ها اوك،اخذت ملابسي ودخلت للحمام علمود اغسل لانو ميجيني نوم بعد
يمامه:اف اشلون تحجين ويا هيج غير تعرفي منو بلاول صرت اضرب باايدي على راسي،عادتي انو من اتفشل اضرب وجهي وبقيت احجي ويه نفسي بس وربي حلو وشخصيه مجنت اعرف تيم عنده هيج اخو ضربت نفسي مره لخ،اشبيج تخبلتي مشوفي شكد مغرور وشايف نفسه خلي اكوم ابدل واسوي ريوك احسن اليه كملت الريوك اجت ام تيم
ام تيم:صباح الخير بنيتي
يمامه:صباح النوم ماما
ام تيم:حبيبتي تيم هم راح يجي يتريك ويانه لان اتصلت عليه وكال جاي
يمامه:اجاني الفضول ليش تيم معايش وياهم بلبيت بس محجيت،انشاءالله ماما
ليث:صباح الخير يمه وبست ايدها
ام تيم:صباح النور يروح امك،يمامه يمه تكدرين اصعدين لرسل تكعديها لان هايه تنبل مالت نوم ومتكعد بسهوله وابتسمتلها
يمامه:انشاءالله ماما من عيوني
ليث:هااتكلج ماما من شوكت انتِ امها
ام تيم:اي اول مااجت كتلها اعتبريني مثل امج ولتكليلي غير ماما
ليث:ها،حجيت بيبني وبين نفسي لعد اني مو رجلها متحترمني مثل متحترمج لو اني اختلف يله يمكن لسه ممتعلمه عليه
يمامه:دكيت الباب ودخلت، رسل اكعدي حبيبتي
يله
رسل:ماماخليني نايمه نعسانه
يمامه:اني يمامه منتضرينج على الريوك
رسل:هاحبيبتي ماادري يله اغسل واجي
يمامه:براحتج يعمري،نزلت ويه نزلتي دخل تيم
تيم:السلام عليكم
الكل:وعيكم السلام
تيم:اشلونها مرت اخويه خو مضوجج اخويه من اول يوم اعرفه ميكعد راحه وابتسم
يمامه:خجلت اني من حجيه،اكيد يعرف اخو هيج من اول يوم ضوجني باوعت على ليث،لا مضوجني
تيم:ادري بي راح يخبلج تحملي شويه ههه
ليث:هابعد مصار شي كلكم صرتو ضدي لان اني فرحتكم مو وغمز التيم
تيم:ههه
ام تيم:ههه اكيد فرحتنه يمه انت الاصل شعدني غيركم اني
يمامه:شفتهم شكد حلوين سوه مجنت اعرف هيج علاقتهم حلوه ومن كال ليث اني فرحتكم عرفته هوه اكثر واحد يمكن يضحكهم بس ويايه مغرور خليت الاكل
رسل:صباح الخير بست تيم يمه فديت اكول البيت منور اليوم
تيم:يعمري انتِ منور بيج يروح اخوج،يمه اني راح اروح لااربيل اليوم
ام تيم:ها بعد متصبر وابتسمتله
مشايفيك يمه من الفاتحه لسه احنه ماالنه حق يمه
تيم:يمه وربي انتو الاصل شعندي غيركم بس والله كلبي طاك خلي اروح اغير جو وهم اشوف لانا كم يوم مراح اتاخر وبعدين ارجع اهنا
ام تيم:براحتك يمه مثل متريد اهم شي دير بالك على نفسك
تيم:انشاءالله يمه،رسل اشلونج بدراسج
رسل:الحمدلله
تيم:اي بعد روحي اريدج احسن صيلانيه بلعراق
رسل:انشاءالله يعمري
ام تيم:احنه راح يصير عدنه ثنين دكاتره
ليث:ليش يمه منو الثاني
ام تيم:مرتك يمه هم تدرس طب عام
ليث:ها ممبين
يمامه:اباوعله واحجي بكلبي،المغرور ممبين عليه يريد بس يضوجني
ام تيم:يمه هاي الاخلاق والجمال كله وممبين عليها لعد منو الي مبين عليه
تيم:هايمه اني مرتي هم هيج راح تمدحيها من تجي
ام تيم:اني طول عمري امدح بيها يمه وانشاءالله الله يجمعكم سوه يارب ويفرح كلبك يمه
تيم:امين يمه
يمامه:بيني وبين نفسي،تيم مرتبط ممبين عليه ابد ولا يبين للعالم هذا الشي اكول ليش داما يتهرب من هذا السوال ب الاعلام
تيم:يمه صاعد اخذ جنطتي تاخرت سيف واحمد منتضريني وعمي هم علمود نروح لمركز الشرطه اني وعمي علمود نسحب الشكوه اول
ام تيم:الله يسهل طريقكم يمه يمته يطلع الولد يمه
تيم:معرف شوكت ميكملون كل الاجراءات
ام تيم:اليوم احمد وياكم ودوامه
تيم:اخذ اجازه وكلناله يروح ويانه يله يمه اني طالع،بست ايدها وطلعت
ليث:يمه اني هم طالع
ام تيم:وين يمه مو اليوم جمعه
ليث:اي يمه طالع للجيم
يمامه:فرحت من عرفت راح يطلعون اخويه بس لسه معرف يمته يطلع،سمعت ليث يكول طالع للجيم حجيت بيني وبين نفسي اي وبعد يطلع للجيم المغرور والله ياالله ودكيت على راسي،الكل طلع بقيت اني ورسل الم الاماعين واحجي بكلبي
رسل:اشبيج ادكين على راسج
يمامه:هالاماكو شي افكر بااخويه صدك اريد باسورد النت نسيت اكلج البارحه
رسل:اي ادللي الباسورد ليث٢٠٢ بلنكليزي
يمامه:ها اوك بس شنو الرقم معنا
رسل:يوم ميلاده لتخافين معنده شي اخويه
يمامه:ها لا شعندي بي
رسل:ههه تعاي اراويج صفحته على الانستا
يمامه:ها لا شسوي بيها
رسل:من مبايلي ارويج اياها
يمامه:اها ومعروف بعد مااعرفه اني اصلا مجنت اعرف عنده اخو تيم
رسل:ههه اي حلوه الصدفه الهايلايت تلكين بي كل سفراته وطلعاته
يمامه:هاا
رسل:صدك انطيني يوزرج خلي ادزلج فولو
يمامه:انطيتها اليوزر
رسل:حسابج هم عالي وبي يومياتج
يمامه:اي اكثر شي احب التصوير وداما اصور
رسل:اي حلو حسبالي بس اني زين علمود نصور سوه ههه
يمامه:يله خلي نغسل الاماعين علمود انظف البيت
،سمعتنه ام تيم
ام تيم:يمه لتنظفين شي عدنه مره بين يوم ويوم تجي تنظفلنه بس الطبخ علينه
يمامه:شتحبون اطبخلكم
ام تيم:اكو دجاج وسمج بلثلاجه والي يعجبج علمود نذوق اكلج اليوم
رسل:لعد اني راح اغسل الاماعين
يمامه:دك تلفوني شفتها هاي اماني،الو هلو حبيبتي اشلونج امي اشلونها وابويه
اماني:تمام يروحي وانتِ شفتج فاتحه نت كلت اشوف اشلونج امي على فراكج وافراك مهيمن مو كلش زينه وابويه تعرفي ميحجي بس ادري بي متاذي
يمامه:يعمري اني الحمدلله لايروحي لتخافون عليه والله يعاملوني مثل بتهم وانتِ طمني امي عليه وابويه
اماني:هاي امي تحاجيج
ام مهيمن:اشلونج حبيبة كلبي
يمامه:ماماوالله زينه اني وحته على مهيمن لتخافين اليوم راحو يسحبون الشكوه عنه
ام مهيمن:صدك يمه متاكدا
يمامه:اي والله يمه بس مااعرف يمته يطلع
ام مهيمن:الله يفرح كلبج يمه ورجلج اشلونه وياج
يمامه:الحمدلله يمه بس لشيلين هم
ام مهيمن:يمه اهم شي عندي سمعت صوتج روحي هسه خاف يحتاجوج
يمامه:يله يمه باي ديري بالج على نفسج
ام تيم:بالهم يمكم حاسه بيها والله كل ام اتخاف على جهالها هيج حته مزفتج بيدها وتطمن عليج وزواجج صار مو مثل كل بنيه بس انشاءالله نكدر نعوضج
يمامه:اهم شي عندي انتو كلش زينين ويايه تسوه كلشي عندي يمكن لو ازوج وعرس بس مستحيل الكه مثل حنيتكم
سويت الغداء وكملته
يمامه:رسل اني رايحه اغسل اني كملت كلشي بس بقه التمن من يتهدر سدي
رسل:انشاءالله
يمامه:صعدت غسلت ولبست البرنص وطلعت
ليث:دخلت للغرفه اريد اغسل لانو هستوني جاي من الجيم سمعت صوت الدوش عرفت انو هيه جاي تسبح بقيت اكلب بلمبايل
يمامه:طلعت واشوف ليث كدامي بقيت اضم بنفسي وردت ارجع للحمام
ليث: شفتها هيج وتريد ترجع للحمام،اخذي راحتج طالع اني اف ليث انت لازم تعزل نفسك عنها هيج اذا تبقه وياها اتموت اف سيقانها تموت
يمامه:اي المغرور طلع بدلت لبست تراك وشديت شعري وخليت مكياج خفيف ونزلت جان كاعد بلصاله شافني نزلت صعد هوه عرفته ايريد يسبح دخلت للمطبخ احضر الغداء
ام تيم:يمه عيفي الغداء رسل اسوي روحي لرجلج خاف يريد شي لانو دخل للحمام
يمامه:بيني وبين نفسي ياربي هسه شسوي خو مااكله شنو تريد ولا اكدر ابقه بلغرفه وهوه بلحمام ساعدني يربي صعدت للغرفه بقيت اكلب بلمبايل اذكرت اليوزر مالته دخلته علمود اشوف حسابه احجي بيني وبين نفسي باع اشلون لبسه حلو وشكد شخصيه بس والله لو يعرفنه بلحقيقه محد اتابعه مغرور
هاي صورته ابو حيل يشبهله الله يرحمه خلي اتباعه من حسابي الاحتياط علمود ميعرفني متابعته وكاتله روحي بس حابه اشوف يومياته
ليث:طلعت من الحمام وملابس شي بس الشورت حته بدون تشيرت
يمامه:عزا هاي شنو اشلون تطلع هيج،غمضت عيوني
ليث:نفس مطلعين انتِ بلبرنص وبعدين انتِ حظرت جنابج شسوين اهنا مو نزلتي جوه وبعدين اشلون اطلع يعني اكيد ابدل برا ويله اطلعي بسرعه
يمامه:باع المغرور فوك مطالع بدون ملابس يحاسبني اني عود شوفو عضلاتي
والله ياالله ونزلت
ام تيم:ها يمه اشبيج وجهج اصفر حاجاج شي ليث ادري بي ميسكت
يمامه:لا ماما ماكو شي
خلينه الاكل على الطاوله اجه ليث كعد بس الوقت كله اني مشلت عيني
ام تيم:يمه الاحد اداومين انتِ ورسل مو
يمامه:اي عندي امتحان الاحد
ام تيم:اي يمه اكعدي اقري اهم شي دراستج
رسل:يمه اريد اروح اشتري كم شغله للجامعه تدرين ملابسي السود كلهن لبستهن
ام تيم:اي يمه روحي انتِ ويمامه واشتروا ثنينكم الي يعجبكم
يمامه:لا ماما اني اول البارحه جنت بلسوق وشتريت
خليها بس لرسل
ام تيم:حتلو يمه يجوز يعجبج شي
ليث:اني اخذكم لعد
رسل:بس اني راح اروح اختار براحتي
ليث:متروحين اني اخذكم وارجعكم
ام تيم:يمه شتريد منها خليها تروح بس وصلهم انت
ليث:الي سمعتي فهمتي رسل واذا حجيتي كلمه زياده مراح اخليج تروحين
رسل:انت اشبيك اليوم ويايه
ام تيم:يمه يخاف عليج مهما يكون
رسل:مو هيج تدرون بيه مسوي شي من وراكم بعدين شنو مثلا توفه ابويه تتحكم بيه
ليث:احترميني اخوج الجبير فهمتي لو لا عمري وحياتي محبيت اضوجج وانتِ هسه كلمه مسمعتي من عندي
يمامه:بقيت صافنه لانو اشوف علاقتهم حلوه معرفت شنو الي صار بي ليث وليش هيج سوه
ليث:يمه اريد احجي وياج تعاي للديوان
رسل:اني اهنا احجي كدامي شنو الي متريد تحجي كدامي يعني ليش هيج تصرف ويايه .
