على وتر الحب
للكاتبة:هبة من السماء
"hibasky4"
..............
..بعد ماشاف تيم حسين ..
تيم
لانا:تيم عيفه معليك بي
تيم:شنو اعيفه راح اعلمه اشلون يلحكنه بعد
لانا:من شفته راحله متت خوف عليه ليسويله شي وانوبه هوه ينحبس لان اهنا مشددين بلنضام،سيف حباب روح لتيم راح يسوي عركه
تيم:شسوي اهنا تلحكنه مثلا شتريد ها مديت ايدي واشوف سيف لازمني
سيف:تيم شنو جاي اسوي انت مشوف الشرطه قريبه
تيم:عيفني سيف خلي اربي هذا الضاهر ممتربي
سيف:امشي يله خلي نرجع،اجه الشرطي من شاف هوسه
الشرطي:شصاير اهنا
حسين:اجه يتهددلي يريد يكتلني
سيف:لافاهم الموضوع خطا مجرد حجي والضاهر الولد فهم غير شي،يله خلي نروح احمد جيب الغراض انت وريان والحكونه للسياره يله بنات خلي نروح لمن وصلنه للسياره
تيم:ليش هيج مخليتني اربي
سيف:اي وربيته مثلا وين اتبات اليوم عاجبك تبات بلسجن
تيم:لانا شيسوي هذا لاحكنه مو قطعتي علاقتج بي
لانا:اي بس يجوز جاي ويه احد مو شرط انو لاحكنه
تيم:لسه تكول ملاحكنه وهوه بعيني شفته يباوع علينه
سيف:على كيفك اشبيك بدون عصبيه خلي يولي
تيم:مراح يبطل راح يبقه لاحكها
لانا:اني اعرف شنو اسوي بس انت لسوي مشكله
تيم:مستحيل تتقربيله بعد فهمتي
احمد:يله اجينه مصعدون
تيم:لانا اصعدي ويايه
لانا:بس انت طريقك غير عن طريقي
تيم:اصعدي،راح نروح عدنه كم شغله ونجي
سيف:وين
تيم:بعدين اكلك انتو روحو،صعدنه صرت لسوق سرعه
لانا:تيم على كيفك راح اسويلنه حادث هيج، طول الطريق احجي ويا ميخفف السرعه ولايحجي وين رايحين
تيم:يله انزلي
لانا:بيت منو هذا وليش جايبني اهنا اكيد ماانزل وياك اله اعرف كلشي
تيم:تخافين من عندي
لانا:هوه هذا تصرف كلشي مااعرف وجايبني لبيت معرف منو
تيم:دكيت الباب
زيد:هله والله منورنه اليوم اهنا
تيم:هله بيك حبيبي اشلونك
زيد:تمام البقيه بحياتك
تيم:وبحياتك الباقيه
لانا:من شفت زيد اطمنت لان هوه عرفني عليه وعندي اغنيه سجلتها يمه قبل كم يوم نزلت علمود اسلم عليه،اشلونك زيد
زيد:تمام،تفضلو
لانا:زاد فضلك
ماريا:اشلونج حبيبتي اشلونك تيم
لانا:تمام عمري وانتِ
ماريا:الحمدلله
زيد:زين من شفناك صار شكد مشايفك حته من تجي الااربيل متجينه
تيم:والله حقك عليه مشتاقلك شكد بس تدري اجي لشغل واروح حته ملحك اشوف احد
زيد:اي والله اعرفك ماعندك وقت عاد مطولك اهنا معزوم على العشاء
تيم:لاوالله ابد مااكدر جنه بلمصيف وهسه اجينه وهم عندي كم شغله لازم اطلع منا اسويهن بس اشتاقيتك وكلت اجي اشوفك
زيد:حبيبي والله واني اكثر مشتاقلك
تيم:اشلونها لانا ويه اول تسجيل الها
زيد:لا كلش زين خو هيه بعد موجديد عليها
تيم:اريد اغنيه اني ولانا ورا الاربعين عندك اغاني حلوه هاي الايام
لانا:صدك نغني سوه تريد
زيد:شكلها متدري
تيم:ههه اي والله متعرف بشي بس اريدها الاغنيه بلاستوديو مالتك مااريد اسجل كليب الها تصوير بسيط اريده
زيد:ادلل بس اشوف اغنيه حلوه راح ادزها اشوفها انت ولانا
تيم:حبيبي،بقينه نحجي شي نص ساعه،لانا يله انكوم احنه
ماريا:بعدكم كاعدين
تيم:لاوالله اتاخر عندي كم شغله اريد اسويها
زيد:براحتكم بس ترا وعدتنه المره الخ معزم يمنه من هسه
تيم:ادلل حبيبي اذا اجيت لبغداد هم كلي يله مع السلامه
زيد:انشاءالله الله وياك
.......
سيف:اول منزلنه من السياره لكينه الشرطه باب الفندق حسين:جان وياهم سيدي
سيف:شنو الصاير شنو يحجي هذا
الشرطه:امر قبض على تيم نجم
سيف:ليش على شنو امر قبض
احمد:شمسوي وامر قبض
الشرطه:معتدي على هذا الشخص
احمد:ماكو هيج شي احنه جنه اليوم ويا ومجرد حجه ويا اشتكه غير عنده دليل
الشرطه:اكو دليل من ايروح للمركز راح يعرفه وينه هوه
سيف:ماموجود
الشرطه:انهزم يعني
احمد:بعصبيه اصلا منعرف بهذا كله شنو ينهزم
سيف:راح ادك عليه
الشرطه:لا مدك عليه لان راح ينهزم اذا ميعرف بشي اذا هذا مكانه ننتضره
تيم:يله انزلي
لانا:سيارتي ماهيه معقوله اخواني لسه مااجو
تيم:يجوز مدخليها جوه
لانا:معرف خلي اشوف هم ماهيه جوه خلي ادك عليهم محد يشيله ياربي خاف صاير وياهم شي
تيم:بس لتتوترين هسه ادك على سيف
لانا:ها ميرد مو
تيم:خلي اشوف احمد امشي ويايه يجوز وصلو ومسمعو تلفوناتهم للفندق بس لتوترين
لانا:مامعقوله كلهم ميردون ياربي اكيد اكو شي
تيم:بس لتتفاولين شبيج هسه نوصل ونعرف كلشي،صرت امشي سريع لان حيل خفت عليهم بس مبينت الانا شي تيم اكو شرطه اهنا وذوله كلهم واكفين اهنا
لانا:ياربي خو مصاير شي
تيم:انشاءالله ماكو شي،نزلت علمود اشوف شنو الصاير،صاير شي اهنا
حسين:هذا سيدي
تيم:شكد نذل لعد انت
الشرطه:احنه واكفين وتحجي ويا هيج يله اخذو
لانا:هاي شنو صاير على شنو تاخذو مسواله شي
تيم:لتخافين روحي للبيت بس
لانا:كعدت ابجي من كد منصدمت بلي سوا حسين وخوفي على تيم
سيف:لتبجين لانا هسه اكيد اليوم يطلع ميبقه بلسجن انتِ روحي للبيت ريان اخذهن للبيت
ريان:يله لانا امشي علمود احاجي ابويه واليوم يطلعه
لانا:صدك ابويه بس يكدر يطلعه،ريان امشي سرعه حباب
ريان:جاي امشي سريع
لانا:وصلنا للبيت امي فتحت الباب
ام لانا:ماما شبيج اشبي وجهج شصاير
ريان:ماما تعاي جوه اسولفلج ابويه موجود
ام لانا:اي ماما موجود صاير شي احجي اكو شي ماما
ريان:ماما هسه اسمعين كلشي،الله يساعدك بابا
ابولانا:هلو بابا
ريان:باباحسين مشتكي على تيم وهسه تيم اخذو للسجن وتكول الشرطه انو عدهم دليل بس اني كدامي مضربه تيم
ابو لانا:بابا فهمني ليش شنو صاير وياهم
لانا:بابا تيم من اجه اول مره علمود يدور عليه من لكاني وحجيت كلشي لحسين متقبل الموضوع وكال انو هوه يحبني وهسه جاي يسوي مشاكل لتيم وتيم بوقتها ضربه واليوم لكينا بلمصيف وتيم راد يضربه بس سيف منعه
ابو لانا:بعصبيه اني وين عن هذا كله ها الف مره كايلكم لحد يضم عليه شي مهما يكون اني اصرف
لانا:بابا والله خفت اكلك وبعدين السالفه بوقتها خلصت ماادري هيج راح يصير
ابو لانا:وصار هسه منطيكم صح كل حريتكم بس لازم اكون اني بلصوره داماً هاي اخر مره اسونها بيه وانت ريان بعدين احجي وياك امشي خلي نروح لمركز الشرطه
ريان:صار بابا
لانا:اروح وياكم
ابو لانا:ماكوحركه لأي مكان اكعدي اهنا مطلعين
لحد مااجي اني
لانا:ماما ليش هيج يعاملني بابا يعرف مو بقصدي والله خفت احجي اعرفه عصبي
ام لانا:ماما حقه اكثر من مره كالكم لضمون عليه لو مهما يكون حته اني معرف بشي ولا حاجيتلي
ابولانا:خلي اتصل على المحامي صديقي يحللنه الموضوع الو ابو سامي تكدر تلحكني لمركز الشرطه
ابو سامي:خير ابو لانا صاير شي
ابو لانا:لا بس صديقنه مو من اربيل وجاي سياحه ونحبس بتهمه هوه مو يمها من تجي افهم كلشي
ابو سامي:يله جاي
