على وتر الحب
للكاتبة:هبة من السماء
"hibasky"
.............
محمد
طلعت من الغرفه شفت ليث كدامي
ليث:شفت محمد بصدمه،انت شسوي اهنا بغرفة رسل الف مره كلنالك لتتقرب منها انت متفهم يعني فوك كل الي سويته بيها
محمد:احتراماً لعمي الله يرحمه ولمرت عمي مراح احاجيك شي انتو اكثر ناس تعرفوني شكد احبها وابوك بعدها عني
ليث:كلش شفنه حبك الها مبين بس دمرت حياتها ياحب هذا الي تحجي عنه انت ليش تعرف الحب شنو انت
اخر تحذير هذا الك اذا شفتك متقربلها يصير غير حجي وياك ويله روح منا
محمد:تجي الحقيقه فد يوم وتتندم على كل كلمه حجيتها ويايه واروح لتكعد رسل وامك ويصير غير حجي وياك،صرت نار بس مكدرت احاجي احتارماً لمرت عمي واول يوم الفاتحه ومو مالت اكبرها طلعت لكيت سيف منتضرني
سيف:شافك ليث
محمد:ليش مدزيتلي رساله
سيف:دزيتلك اشلون مدزيتلك خاف مشفتها
محمد:فتحت المبايل لكيته دازلي اف وليث شافني سيف:اشلون شصار كتلك لتدخل راح توكع براسي اهم شي تيم ميعرف
محمد:لتخاف هوه اصلا خاف واحد يعرف مراح يكول الاحد متوقعت من اولاد عمي هيج ابد ولا واحد عنده ثقه بيه ابد
سيف:الي سويته انت مو سهل عليهم ابد ترا خلي كلشي حلو هسه فاتحه ومو سهله خلي اشوف ابويه يروح لو لا لان متت تعب
محمد:اوك
سيف:ها بابا تروح لو بعدك
ابو محمد:روحو انتو اني اجي وراكم رحنه اني ومحمد للبيت
ثاني يوم
تيم:كعدت الساعه ٧ الخط لكيت الخط لسه مفتوح سديته من عندي دخلت للحمام سبحت وبدلت دكيت الباب على رسل
رسل:تفضل
تيم:دخلت كاعده حبيبتي
رسل:اي كاعده
تيم:اشلونج اليوم البارحه مشفتج زين
رسل:زينه هسه اغسل وانزل اشوف امي
تيم:اوك حبيبتي ديري بالج على نفسج اني هم نازل اشوف امي
رسل:اوك
تيم:نزلت علمود اشوف امي لكيتها خاله السجاده وتبجي نزلت دموعي بس مسحتهن خاف اشوفني دخلت
تيم:اشلونج يمه
ام تيم:هله بيك يمه اشلونك
تيم:تمام يمه وانتِ
ام تيم:الحمد لله على كلشي
تيم:بست ايدها وحضنتها يمه اني طالع للديوان خاف يجي احد طلعت واجه ورايه ليث
ليث:صباح الخير
تيم:صباح النور،دخل عمي ابو محمد وعمي ابو علي اولاد عمي كلهم
الكل السلام عليكم
ليث،تيم:وعليكم السلام
جان اكو نسوان جوه مدخلنه سوينه الفاتحه بلجامع الكل عزانه خلصنه ورا الاذان المغرب رجعت ميت تعب اريد اصعد للغرفه سمعت صوت احد صاحني درت وجهي
لانا:تيم
تيم:هاي انتِ يمته اجيتي رحت حضنتها بدون ماافكر بشي
لانا:تيم ليجي احد ويشوفنه هيج
تيم:اف متدرين شكد محتاجج
لانا:يعمري البقيه بحياتك
تيم:وبحياتج الباقيه
لانا:اخذ راحتك شكلك تعبان حيل اني هم اروح للفندق لان اجيت اني وبتول وبتول يم رسل
تيم:ليش الفندق وبيتنه موجود
لانا:لاميصير وانتو عدكم فاتحه هيج اضغط عليكم اكثر باجر هم اجي انشاءالله
تيم:انتِ شنو تحجين وبعدين مشفتج زين لسه
لانا:باجر اجي من الصبح انشاءالله اخذ راحتك احبك
تيم:شنو كلتي
لانا:الي سمعته
تيم:عيدي مسمعت شي
لانا:ببتسامه خفيفه كافي حباب ليسمعنه احد
تيم:اول مره اسمعها ورا مشفتج اريد اسمعها بعد لو العالم كله يسمع
لانا:بخجل،احبك
تيم:اروح فدوه لهل كلمه منج اني هم احبج
لانا:اني رايحه يله باي تصبح على خير
تيم:اوك وانتِ بالف خير، اف ربي شكد تخبل واصير احلى من تخجل،صعدت للغرفه سبحت وبدلت ردت انام حاولت بس مكدرت اتصلت على لانا مغلق اتصلت على بتول
تيم:الو اشلونج بتول
بتول:تمام وانت
تيم:الحمدلله اتصل على لانا مغلق
بتول:لانا نايمه
تيم:ها اوك ازعجتج بهيج وقت
بتول:لا على شنو ماكو ازعاج
تيم:نمت ثاني يوم الثالث ف سوينا بيتنه جنت ميت على مااشوف لانا بس مكدرت اشوفها واليوم اخر يوم تروح بليل صعدت لغرفتي
بتول:اختنكت من جوه شويه طلعت بلحديقه شفت سيف كاعد رحت اسلم عليه، اشلونك سيف
سيف:تمام وانتِ انتو اهنا ماادري بيكم
بتول:اي من البارحه اجينه وباجر اروح انشاءالله،بقينه نحجي اني وسيف لحد مطلع ولد بقه يباوع عليه اني مدرتله بال
سيف:شفت علي ابن عمي يباوع على بتول متحملت وهوه اشلون نضراته عليها،بتول ادخلي جوه
بتول:دخلت جوه
سيف:انت شوكت تبطل هاي سوالف ولك احنه ناس معروفين وعدنه كلمتنه ولد شيوخ وانت تباوع على مره بهيج نضره ولك احترم نفسك احنه بفاتحه وعندك اخوات متخاف عليهن
علي:الي يشوفك ولا يكول هذا نفسه الواكف وياها ويحجي صار ساعه لو حبيبة الكلب متقبل عليها
سيف:ولك احترم نفسك اجيت اضربه
محمد:سيف شنوجاي اسوي وصوتك وين واصل احنه بفاتحه نسيت شنو
سيف:هذا ممحترم نفسه ابد ولا يعرف شنو اعراض الناس
محمد:عيفه عليه يله وروح انت واحمد للبيت مريد مشاكل اهنا
سيف:بس
محمد:بدون بس يله
سيف:طلعت بس اخاف اذا ابقه انجن اكثر ويمكن اسوي بي شي بس بقه بالي يم بتول خاف يشوفها بعد
احمد:شنو الصاير مفهمت شي
سيف:متعرف ابن عمك عينة زايغه وممخلي بنيه من شره
احمد:بس ماكو احد جان بس انتو
سيف:لا بتول جانت واكفه يمي واجه هوه
احمد:بتول وابتسم
سيف:راح تنكتل هسه اطلع حركة علي بيك
احمد:ههه السالفه اضحك مو معرفت منو بتول
سيف:شنو الي يضحك بلموضوع بتول اخت لانا حبيبة تيم
احمد:ليش لكيتو لانا
سيف:اي قبل ليتوفه عمي من جنه بااربيل
احمد:ها
بتول:دخلت للبيت لكيت رسل ولانا يريدون يصعدون يرتاحون فوك صعدت وياهم
لانا:شسوين جنتي برا
بتول:اختنكت شويه وطلعت اشم شويه هوى
لانا:مشفتي تيم برا
بتول:لا مشفته بس شفت سيف،دخلنا لغرفة رسل
لانا:اريد اشوف تيم بالي يمه اليوم مشفته ابد بس اشوفه وين واجي
تيم:دخلت للبيت بس اتلفت بلكي اشوفها مشفتها جوه صعدت اريد ادخل الغرفتي واشوفها طالعه من غرفة رسل،ها انتِ اهنا
لانا:اي تعبت شويه وصعدت ارتاح اشلونك
تيم:مو زين
لانا:اشبيك حياتي
تيم:من سمعت حياتي من عدها متحملت سحبتها ودخلتها لغرفتي وسديت الباب
لانا:انت شسوي تيم ليجينه احد
تيم:لو يجي العالم كله هسه مااهدج
لانا:لاحباب
تيم:اني تعبان متردين تخليني ارتاح شويه
لانا:يعمري سلامتك
تيم:انتِ شكلج تردين تخبليني بستها من خدها
لانا:حباب اريد اروح
تيم:ماكو روحه اريد حضن من عندج هسه
لانا:وربي هسه يجينه احد
تيم:حضنتها لانا تدرين هسه شنو محتاج
لانا:شنو
تيم:انام بحضنج للصبح
لانا:عفته واريد اطلع
تيم:لزمتها من ايدها،ها وين يحلوو
لانا:لاحباب اريد اروح بعدين باجر ورايه سفر
تيم:ماكو طلعه منا بعد دخلتي ب ممتلكاتي
لانا:تعتبرني من ممتلكاتك يعني
تيم:لا اعتبرج اهم ممتالكتي
لانا:اها،وبرطمت عليه
تيم:ترا هسه يصير غير شي تعاي خلي انام بحضنج
لانا:لاحباب
تيم:يله بدون اعذار
لانا:نام على رجليه،وبقه يلعب بشعري
تيم:تعرفين شكد احبج مو
لانا:لامعرف
تيم:اكثر واحد جان يعرف بحبي الج هوه ابويه وامي
لانا:الله يرحمه اذكر بس شفته اخر مره جان بعيد ميلادك حته مو كلش اذكر شكله
تيم:ابويه فهمني لان مر تقريبا بنفس الشي الي مريت بي اني هم اخذ امي على حب وجان الكل معارض لا اهلها ولا اهله جانو موافقين ترك العراق سنتين يدرس بلخارج ومن رجع هم عانه هوايه يله اخذها
لانا:انشاءالله احنه منعاني اكثر لان عانينه هوايه
تيم:انشاءالله يعمري،عرفتج امي لو لا
لانا:اي اول مشافتني عرفتني بس خطيه بقت تبجي تكول جان منتضر الحضه الي تكونين بيها انتِ وتيم سوه
تيم:اكثر شي ياذيني لان جان منتضر الحضه الي نكون بيها سوه وشكد فرحلي من كتله رايح اشوفج
لانا:الله يرحمه ويجعل مثواه الجنه
تيم:امين
لانا:يله اني اروح ليشوفنه احد حباب
تيم:متكومين لحد ماانام
لانا:والله هيج راح يشوفونه
تيم:محد يدخل الغرفتي ابد
لانا:هاي صورنا من جنه صغار
تيم:اي شوفي شكد حلوين جنه صغار
لانا:هسه احلى ههه
تيم:اي
لانا:بقينه نحجي لحد منام بس بقه لازم اخلي المخده جوه بلموت يله كدرت اطلع طلعت واشوف بنيه مااعرفها
زهراء:انتِ شسوين بغرفة تيم ومنو سمحلج ادخلين
لانا:عفتها ومشيت بقت تحجي ورايه
زهراء:انتِ اصلا مو شريفه بعد مغنيه شنو يطلع منج ادخلين لغرفة واحد مبيناتكم شي اصلا متستحين
لانا:احترمي نفسج واعرفي حدودج لتجاوزين فهتي ومنو كلج المغنيه مو شريفه اعرفي احدوج
زهراء:اني اعرف حدودي بس انتِ متستحين وكل شرف معندج
تيم:سمعت الصياح والحجي اني ونايم طلعت واشوف الي يحجي زهراء وضربتها راشدي،تحترمين نفسج وتمشين عدل لو اعرف شنو اسوي بيج
لانا:طلعت بتول ورسل من سمعن الصوت .
زهراء:مشوفها متحترم نفسها وداخله على غرفتك
تيم:لتخليني هسه ابتلي بيج واطلع حركتي كلها بيج انتِ منو وتحجين هيج ها وبعدين لانا حبيبي وبعد كم يوم اصير مرتي والله اذا سمعتج بعد تطاولين عليها وربي هذا لسانج اكصه فهمتي لو لا ويله انزلي،معليج بحجيها متعرف شتحجي هاي
لانا:عادي مصار شي اني رايحه للفندق وباجر الصبح اسافر
تيم:ديري بالج على نفسج بس مااحصلي بوسة الوداع
لانا:تريد توكعنه بمشكله اكبر يعني انوبه اختك واختي واكفات
تيم:ميهمني بستها من خدها سريعه،اف ماريد تروحين بس اعرف عندج شغل ديري بالج على نفسج زين
لانا:بخجل انشاءالله،كملنا انريد نطلع ودعنه الكل
رسل:معرف اشلون اخويه راح يعيفج تروحين هيج
لانا:يمعوده ليسمعج انوبه ميخليني اروح،ودعت ام تيم وطلعت ثاني يوم رجعت الااربيل
..................
يمامه
جنت كاعده ادرس وماادري بشي بس سمعت صوت صياح وبجي نزلت خايفه اريد بس اعرف شنو صاير
يمامه:ها شنو صاير احجو اماني شصاير
اماني:مهيمن مسوي حادث وداعم رجال والرجال ميت وهسه هوه بلسجن
يمامه:انتو شنو تحجون بقيت بس ابجي رحت الاامي واشوفها بس ادك وتلطم حضنتها واني بس ابجي اخويه الوحيد بلسجن ومنعرف راح نشوفه بعد لو لا
الوضع ابد مو زين بلبيت
اماني:وين رايحه انتِ
يمامه:راح اصعد فوك راسي حيل يااذيني متحمل اكعد اهنا بعد
صعدت بس ابجي لان اخويه بلسجن ومعرف شراح يصير بي غفيت بدون محس على نفسي
الصبح
اماني:يمامه يله متروحين للجامعة باعي الساعه اني هم اتاخرت راح اروح للمدرسه
يمامه:مكدر اروح والله
اماني:بس مو كلتي عندج امتحان
يمامه:اي والله نسيت
رحت امتحن بس ورجعت لان حيل تعبانه مكدر ابقه اكثر بلجامعة مر ١٠ ايام على هاي الحاله
ابومهيمن:ام مهيمن باجر رايحين مشية للجماعة هم نواسيهم وهم نشوف الي يطلبو لان خو منخلي ابنه بلسجن لو اصير دم
ام مهيمن:اني اريد ابني خو ابني ميضل هيج والله اموت اني
ابو مهيمن :انشاءالله ميبقه بلسجن ادعيله بس
ام مهيمن:انشاءالله
ابو مهيمن:يله احنه رايحين ادعيلنه
طلع بابا واني كلبي نار معرف شراح يصير .
....................
تيم
مرت تسع ايام واني مشتاق الاابويه والدنيا احسها كلها واكفه بيه طلعو متفقين على مشيه بس اني معرف شنو راح يصير بيها لان ماادري بشي حضرنه البيت ثاني يوم اجو مشو علينه كاعدين بلديوان
ابومحمد:احنا اخونه مات ونريد ابدال الدم 200 مليون وفصليه
تيم:انت شتحجي عمي احنه ماعدنه هيج شي وابوية ميرجع بلفلوس ابويه اغلى من هذا كله وبعدين اني مستحيل اوافق على هذا الشي
ابو محمد:هذا الاصح وابنهم بلسجن واذا بقه اكثر تعرف اصير دم
تيم:بس هوه لازم يتحاسب عن القانون مو احنه نحاسبه ونخلي ينحرم من اخته اذا عنده اخت
ابو محمد:اكطع السالفه بعدين نحجي بهذا الشي
خلص الحجي صاحب العشيره مالتهم كال مثل متردون وانشاءالله محلوله ورا مطلعو الناس
تيم:اني مااقبل بهذا القرار بنات العالم مو لعبه وبعدين اني احب وحده مستحيل اقبل بهذا الشي تفهمون لو لا
ابو محمد:هذا القرار لازم يمشي لصير دم
تيم:ومنو كال اني راح اخليها اصير دم اذا ابويه راح ليش نخلي كل واحد ينحرم من اليحبه شنو هلقرار هذا
ابو محمد:اذا متاخذها راح اصير دم وانت السبب بهذا كله
تيم:عفتهم وطلعت بدون مباوع ورايا
سيف وليث بقو يصحولي واني مسمعلهم صرت امشي سرعه طلعت لبيتي حته اهلي موصلتلهم واني الدمار بيه معرف شنو اسوي خسرت ابويه ومستحيل اخسر لانا بعد معولت الكاها .
