على وتر الحب
للكاتبة:هبة من السماء
"hibasky4"
.................
"ثاني يوم الصبح"
يمامه:كعدت علمود اروح للجامعه واول يوم اليه ورا ماازوجت اداوم سويت ريوك نزل ليث
ليث:صباح الخير
يمامه:صباح النور
ليث:رسل مانزلت لسه
يمامه:لالسه
ليث:خلي اشوفها،دكيت الباب رسل حبيبتي متروحين للدوام
رسل:اي اروح هسه بس خلي ابدل
ليث:لسه ممبدله
رسل:اي مو اخذتني النومه يله هسه مااتاخر
ليث:نزلت اتريك نضراتي بقت تلحك يمامه وين متروح وكعدت تاكل وبس اتباوعلها بدون محس بنفسي
يمامه:اشوف ليث بس يتباوع عليه طول مااني كاعده اكل غصيت كمت اكح
ليث:شبيج غير تنتبهين على نفسج هاج هذا مي اشربي
يمامه:هوه بس يتباوعلي ومن غصيت صار يلومني اليه والله ياالله ضربت راسي
رسل:ها بيمن صافنه اليوم
يمامه:بيمن صافنه مصافنه
رسل:اي مو ضربتي راسج صرت افهمج
يمامه:ههه لا لان غصيت ضربت راسي بس
رسل:ها صحه حبيبتي
ليث:ابتسمت من ورا حجهم،يله رسل تريكي بسرعه خلي نروح
رسل:لامااشتهي اكل بلجامعه
ليث:ميصير اكلي يله علمود اروح اتاخرنه
رسل:والله مكدر هسه
ليث:يله امشو لعد،وصلتهم انتبهو على نفسكم
رسل:انشاءالله وانت هم،يمامه متكليله شي
يمامه:ها وانت هم انتبه على نفسك،راح بسياره
رسل ليش هيج فشلتيني اف هوه احنه مثل الغربه استحي منه
رسل:شنو مثل الغربه غير مرته انتِ
يمامه:بعدين احجيلج خلي ندخل هسه كملنه دوامنه شفت مهيمن منتضرني باب الجامعه فز كلبي
وحضنته نسيت الكل
مهيمن:يعمري ولج ليش هيج سويتي بنفسج لو مخليتني بلسجن ولا هيج تروحين فصليه
يمامه:بقيت بس ابجي من الفرحه حبيبي لتحجي هيج اصلا اني مرتاحه والله لتخلي ابالك واصلا هذا شي قليل اسوي اني الك والله شكد مسوي معوض حنانك
مهيمن:ياروح اخوج انتِ ديري بالج على نفسج
يمامه:انشاءالله يمته طلعت انت
مهيمن:البارحه طلعت
يمامه:ديربالك على اهلي يله اجه رجلي اروحله
مهيمن:هذا خال السياره بلسايد الثاني خلي اعبرج
يمامه:لا لا كلشي ولا تعبرني ثنينكم مينكدرلكم ههه،خفت على اخويه يتعارك ويا وادري بااخويه هم ميسكت
مهيمن:ههه يله روحي ديري بالج على نفسج
ليث:شفت يمامه حاضنه واحد وبلشارع دمي نشف اعصابي صارت نار متحملت نزلت جاي امشي واشوفها شافتني واجت،بعصبيه وبلشارع منو هذا الي حاضنته ولا كانو انت مزوجه لا وبنص الشارع بعد
يمامه:بس لتعصب امشي واحجيلك
ليث:خلي اروح اربي واربيج ورا
يمامه:خفت على اخويه واعرف ليث عصبي واخويه هم عصبي لزمته من ايده اخويه هذا اشبيك اخويه
ليث:من سمعت اخوها شويه ارتاحيت،بعصبيه يله اصعدي بسيارة
يمامه:صعدت بس بخوف لان شكله ميطمن
ليث:واذا اخوج تحضني هيج بنص الشارع وكدام العالم كلها
يمامه:اخويه وصار ١٤ يوم مشايفته وجان بلسجن شتريدني اعوفه مثلا ترا انت متملكني وذوله اهلي ومستحيل اتخله عنهم
رسل:اشبيكم شصاير
ليث:مصاير شي،ذبيتهن بلباب واتصلت على ايهاب
ليث:انت وين اكدر اشوفك
ايهاب:هسه اكمل كم شغله بيدي واجيك
ليث:اوك منتضرك،بقيت بس افتر بلحديقه اعصابي نار مااعرف شنو بيه
ايهاب:اشبيك اشصاير اليوم هم سالفة محمد
ليث:لاراح اتخبل مااعرف اشبيه شفت اليوم يمامه حاضنه واحد واعصابي صارت نار ولمن ردت اروحله مخلتني وكالت هذا اخويه
ايهاب:اخوها نفسه الي جان بلسجن
ليث:اي نفسه بس شنو تحضنه بنص الشارع حتلو اخوها
ايهاب:يجوز متحملت ونست انو هيه بلشارع وحضنته عادي اصير بس انت شكلك غيران حته من اخوها
ليث:لاتخليني بعد مااحجيلك مو بكلشي اطلعها حب وغيره ولك مهما يكون تبقى مرتي وبااسمي صدك تكدر تحصلي معلومات عنه
ايهاب:ليش شسوي بيهن
ليث:هيج اريد اعرفه من بعيد لان هوه هم ميعرفني
ايهاب:اي اعرفلك ليش لا
ليث:هوه احمد يكدر بس مسافر ومااصبر
ايهاب:باجر تلكاهن يمك بس شنو اسمه
ليث:مهيمن علي عاشت اديك خو وجهي ممبين بي اثر علمود اداوم باجر
ايهاب:خليك باجر لداوم لان اخذتلك اجازه يومين كتلهم مريض
ليث:يله لعد اني اروح للبيت
يمامه:دخلت للبيت كلش مخنوكه بس محبيت ابين لاامه اعرف مراح تقبل على الي سوا،ماما هاي شسوين بلمطبخ
ام تيم:يمه غير اطبخ يله انتن بدلاً وتعالاً صبن،لعد ليث وين
يمامه:لا ماما ترا مااقبل هيج والله يعني صح احنه نداوم بس عادي نكدر من نجي نطبخ
رسل:ذبنه ليث وطلع مدري اشبي اليوم
ام تيم:لايمه لتحجين هيج انتو اهم شي تتخرجون وترفعون راسي شبي رجلج يمه
يمامه:بقيت افكر شنو اكلها لان مااريد تعرف شي،مااعرف ماما،رحت بدلت ونزلت اصب الغداء والكل كاعد
ليث:السلام عليكم
ام تيم:وعليكم السلام يمه اشبيك اليوم بيك شي
ليث:من حجت هيج امي عرفت انو رسل مسولفتلها ويمامه محاجيه شي،لايمه بس تعبان راح اروح انام
ام تيم:وين صاعد يمه كمل الغداء متتغداء
ليث:لايمه من اكعد اكل
يمامه:حسيته حيل عصبي صاير ويتباوعلي من طرف عينه سويت نفسي مويمه تغديت وغسلت الاماعين ولازم ادرس معرف اشلون اصعد خاف كاعد
ام تيم:راح انام اني يمه انتِ روحي لرجلج خاف كعد شسوين اهنا كاعده
يمامه:اي ماما صاعده،يربي اشلون اصعد وامي تباوعلي لازم اصعد كلت اروح يم رسل صعدت اريد ادك الباب ومااحس غير ايد جرتني
ليث:جنت منتضرها مكدرت حته انام سمعت صوت احد يصعد عرفت يمامه صعدت طلعت واشوفها تريد تدخل لغرفة رسل عرفتها علمود تشرد من عندي جريتها ودخلتها للغرفه صارت على الباب وخليت اديه على الباب بقيت بس اباوع عليها واشلون تباوعلي بخوف
يمامه:انت شسوي وخر عني
ليث:اولا مو ميت عليج اني وثانيا احترمي نفسج واعرفي اشلون تحجين ويايه فهمتي اني رجلج وبعدين سوالفج بطليها حتلو اخوج اشوفي بعد وتحضني بشارع شوفين غير شي من عندي فهمتي
يمامه:عفته ورحت اقرا بقه بس يتباوع عليه واني مدرتله بال
ليث:ياربي اشجاي يصير بيه اني ليش اتباوعلها هيج شنو اريد من عدها بقيت اكلب بلمبايل بعدين جعت كمت اريد انزل علمود اتغداء واشوفها نايمه على الكتب غطيتها ونزلت صبيت غداء وكعدت اكل اتصلت عليه ساره
يمامه:نمت اني وماادري بنفسي وبسرعه كعدت لان عندي كومه تحاضير شفته مموجود كلت انزل اشوفه جوه لولا لان لسه بدون غداء نزلت اسمعه يحجي
ساره:اشلون صرت كالو مريض بلدوام
ليث:لاالحمدلله زين شكرا على السوال
ساره:تجي باجر لان اكو اوراق مهمه اني شفتهن بقيت انت مشايفهن
ليث:لا مااجي راح تحلون كلشي انتِ وايهاب لان اخذلي اجازه يومين
ساره:لعد باجر اجي اجيبهن الك اكيد تعبان ومتكدر نلتقي برا
ليث:اوك مع السلامه
يمامه:سمعته يحجي وصعدت عرفته تغداء رحت كملت اقرايتي بس الوقت كله مااعرف ليش بقيت افكر بي وصرت احجي بيني وبين نفسي اكيد هاي حبيبته افف يمامه انتِ شعليج
خلص اليوم عادي ثاني يوم كعدت بدلت وسويت ريوك
رسل:ها حبيبتي اساعدج بشي
يمامه:لاخلصت اكعدي اتريكي
رسل:ليث ماكعد لعد
يمامه:مااعرف عفته لسه مكاعد
رسل:امشي كعدي ياله
يمامه:شنو لا عيفي هوه يكعد وحده
رسل:ولج لشوكت تبقون هيج ديله تحركي
يمامه:هاي علمودج راح اروح،صعدت علمود اكعده دكيت الباب كلت اكيد لسه نايم دخلت واشوفه لسه مكاعد ليث يله اكعد تاخرنه على الدوام
ليث:هم هسه لازم اكعد خليني انام نعسان
يمامه:لعد راح نروح وحدنه
ليث:من سمعت كالت هيج صحيت على نفسي لزمتها من ايدها عثرت اوكعت عليه صار شعرها فوك وجهي شلت شعرفها وبقيت اتامل بوجها
يمامه:من لزمني من ايدي مكدرت اسيطر على نفسي وكعت عليه بقيت من الخجل حسبالك خشبه متتحرك بعدين صحيت على نفسي وكمت ردت اروح حجه ورايه
ليث:هسه جاي لطلعون
رسل:اشبيج ترجفين شسوالج اخويه وتغمزلي هااحجي
يمامه:من وراج تفشلت هسه يكول عليه ثوله
رسل:ههه ليش
يمامه:حجيتلها كلشي
رسل:يااي باع الرومانسيه
يمامه:يارومانسيه اكلج عثرت تكليلي رومانسيه
رسل:هوه لسه ممتقربلج
يمامه:اي
رسل:واخويه اشلون متحمل كل هذا الجمال
يمامه:وربي هيج اخجل دكافي هوه اصلا ميطيقني اكيد
رسل:لاحبي دشوفي نضرت عينه من يشوفج كدامه
ليث:سمعتها من جانت تحجي وياها،صباح الخير
رسل:صباح النور اخويه اليوم حليان
ليث:ابتسمتها وبقيت اباوع على يمامه مدنكه راسها،بست رسل من راسها اي غير طالع على اختي كعدت تريكت وكملت يله نمشي
رسل:يله اي
يمامه:من الخجل ابد مشلت راسي عليه ولا باوعتله صعدت بسيارة بسكته لحد موصلنه مباوعله منتضره بس اوصل للجامعه وصلنه نزلت رسل واني فتحت الباب لزمني من ايدي
ليث:مو اليوم اشوفج هم حاضنتلي غير واحد
يمامه:باوعتله بحقد وردت احجي وقاطعتنه رسل
رسل:يله يمامه
يمامه:بقيت طول الدوام افكر بلي كاله اكثر من الموقف الي صار ويايه اول مكعدت شكد مغرور وشايف نفسه شنو يقصد بهذا الكلام قصده اني مو شريفه اعلمه اشلون يحجي هيج ويايه بعد،خلصت الدوام وطلعت لكيت رسل منتضرتني برا
رسل:اشبيج وجهج مو طبيعي بسلا على سالفة الصبح لسه
يمامه:لا ماكو شي
رسل:يله هذا ليث اجه
يمامه:رجعت للبيت تغدينه وكملت
ليث:يمه اني راح للجيم ها وصدك اليوم تجي زميلتي بلدوام علمود تنطيني اوراق مهمه لان صار يومين ممداوم
ام تيم:يمه ميصير تجي للبيت وبعدين انت شاب ومزوج هم اشلون تجي هيج
ليث:محد يعرف اصلا يمه اني مزوج وبعدين هيه بس تنطيني الاوراق وتروح متتاخر ليش اني حاب تجي اصلا يله مع السلامه
يمامه:كملت الشغل وصعدت فوك علمود اقرا خلصت قرايتي دكيت على امي
يمامه:اشلونه ست الحبايب
ام مهيمن:حبيبة كلبي مشتاقتلج يمه اشلونج انتِ
يمامه:الحمدلله يمه واني هم مشتاقتلكم اشلونه ابويه
ام مهيمن:راح افتح كامره كلهم كاعدين يمي يريد يحاجوج
يمامه:فتحت كامره وياهم اشلونك بابا مشتاقتلك
ابومهيمن:هله باامي وابوي اشلونها حبيبة كلبي
يمامه:زينه باباوالله مرتاحه ليضل بالكم يمي
مهيمن:اشلونج يعمري ولج خو ماحاجاج شي رجلج لان شافج واكفه ويايه
يمامه:لاكتله اخويه ماحجه
اماني:ولج مشتاقتلج ماتجين انشوفج
يمامه:مااعرف والله اذا كدرت احاجيهم واشوف
ابو مهيمن:رجلج اشلونه وياج
يمامه:زين بابا
ابو مهيمن:بابااسمعي كلمته رجلج وديري بالج عليه هوه بعد صار رجلج واحنه رافعين راسنه بيج داما بابا
ليث:رجعت من الجيم دخلت للغرفه سمعت ابوها يحجي وياها اشرتلها بااصبعي انو عود اسمعي كلام ابوج شنو يكلج عليه ودرت وجهي وابتسمت
يمامه:شكد مغرور لعد
ابومهيمن:بيج شي بابا
يمامه:لاباباماكو شي،مهيمن رجعت اداوم لا
مهيمن:باجر اداوم راح اجي على القسم مالتج علمود اشوفج
يمامه:اوك راح انتضرك
ابومهيمن:يله بابا اخذي راحتج خاف رجلج يريدج
يمامه:اوك بابا باي
ليث: سمعت حجيهم هيه واهلها واني بلحمام من سدته يله سبحت وخلصت ردت انشف طلعت ناسي المشفه يمامه نسيت المنشفه انطيني اياها
يمامه:صاير يتحرش هوايه وقبل شويه ياشرلي هسه لو اكدر ماانطي المشفه اف لا اشلون اخلي هيج المغرور،انطيته المشفه وطلعت من الغرفه خاف يريد يبدل نزلت وشفت رسل وامي
ام تيم:هايمه مساء الخير
يمامه:مساء النور ماما شنو جاي اسوون وليش مصحتولي اسوي وياكم
ام تيم:جاي اسوي كيك ورسل اسوي حلويات لان راح تجي زميلة ليث
يمامه:زميلته،من سمعت هيج معرف ليش ضجت
ام تيم:يمه لضوجين اصلا هوه عنده مجرد زميلة ويا بلدوام جايه اشوفه لان كلولها مريض وماخذ اجازه وتنطي اوراق مهمه وتروح
يمامه:سمعت هيج رحت للصاله حتى مساعدتهن واحس نفسي اختنكت
رسل:ماما وهيه شسوي جايه متعرف مزوج وبعدين اشلون اثق بولد وتجي للبيت وشعرفها هوه شنو ويمامه خطيه اني اريدها تتقرب منه وانوبه تجي هاي اف
ام تيم:ماتعرف مزوج اصلا والله اني مثلج اريدهم يتقربون لان ليث مستحيل يلكه احسن من يمامه
يمامه:بقيت احجي بيني وبين نفسي اني شعليه وليش اضوج خلي شيسوي يسوي خلي اكوم اساعدهم،ماما عدكم شي اسوي
ام تيم:لايمه ارتاحي انتِ
رسل:اندك الباب خلي اشوف منو
ساره:اني ساره زميلة ليث بلدوام
رسل:اني اخته اشرف بيج تفضلي
ام تيم:يمه اطلعي لازم اشوفج
يمامه:لاماما شريد منها هيه جايه ليث مو اليه
ام تيم:حتلو يمه تعاي نطلع اني وياج
يمامه:ماحبيت اطلع بس لان امي اصرت عليه طلعت .
