ليته لم يولد

﮼البارت،الثاني

مساء الخير
ليته لم يولد. البارت الثاني
دانية رسول

فادية

اجى عمي بالصدفة وشاف العركة
وطبعا طب بينهم يفاككهم

عزام : ولكم انتووو شنو من بــنـات شمخلف
اخويه الله يرحمه مصيبةةة انتو

فاطمة : والله  عمو هي تتحارش
لو متدخل وتحجي كلام اكبر من راسها
محد يطخها

عزام : انتي انجبي ساس البلة
ضَل عمي يعيط وامي جتي هُم
اني عفتهم وطلعت برا البيت بالطرمة

بس عمي ضاج من السالفة وقرر يطلع بيت وحدة
وبصراحة احسن لان اني هُم ما اطيقها للمرته
أبداً فهو بلش بقرار العزل

صح بعدين راحت فاطمة اعتذرت منهم
باجبار من امي حتى لا نطلع انو
احنا صلفات ومو متربيات
بس هُو كال

- ميخالف بس الاحسن كل واحد يروح
بيت وحده وهذا الشي افضل للجميع

من انتقل عمي صار البيت بس النا
واخذنا راحتنا بيه ومحد يحجي ويانا

واكثر وحدة فرحت هي فاطمة طبعا
الا شوية تركص بچفية علمودها
ماعرف ليش هلكد تكرهها
هسة صح اني ماحبها بس ما اسوي هلكد
مشاكل بس فاطمة وسعادة يمة يمة

عبالك عدوتهم مدري يغارون منها
مدري هُم هيج ميحبوها او يجوز
هي تسوي وياهم مشاكل من جوه لليجوه

امي كالت خلي نروح للسوك نشوف
شكو ماكو هناك وهم صار هواي مطالعين

صعدنا نبدل ملابسنا

لبست تنورة قصيرة للحد الركبة وقميص
بلون ازرق فاتح
سابقاً اللبس بحرية جان عادي جداً محد يباوع
على الثاني يعني سافرة تلبس تنورة قصيرة
عادي وحتى الحجاب جان قليل بوكتها
مِو مثل هسة لو تلبس نقاب هُم يباوعون
عليها

اخذت تراچي مال فاطمة
ولبستهم هي متحب تلبسهم
وهاي بوكتها جتها هدية ماتذكر من منو
واني كمت البسها دائما

فجاءة كبت العيطة بين التوم كالعادة
كل مرة نريد نطلع تصير عركة
لان هُم يلبسون نفس القياس
فتصير دائما مشاكل بيناتهم

رحت الهم لكيت منى لازمة
فستان اصفر منقط بوردي
وخالته ورى ظهرها وسهى تحاول تاخذه منهما

سهى : هُو هذا مالتي امي خيطته علمودي
منى : لا والله عيني هي امي اصلا كالت هذا يلوك
بس للمنى يلا روحي شوفيلج شي ثاني اني البسه

على صوتهم صعدت امي
وردة : شكوو شكو هرجتونا بصوتكم
مكافي كل يوميا مشكلة وعياط

منى : ماما هذا اليه اني البسه
سهى : لا معليه هي لبسته ذَاك الاسبوع
وردة : اش اش سكتوا عاااد شو جيبي