ليته لم يولد

﮼البارت،الثامن،عشر

مساء الخير
ليته لم يُلد. البارت الثامن عشر
دانية رسول

كافي

مر يمكن بالشهر لا اعرف اخباره ولا يعرف اخباري تعبنا واذا سالت امي متعرف وابويه ما اتجرء حتى اساله بقيت  اعرف الحجي من الجيران من يحولون

فلان ابنها مريض ابقى حاطه اذني يمهم عسى ولعل اسمعلي خبر عنه وللاسف كل الكلام الي يكولوه مو خير بالعكس يدل على الشر واني باقية مشتعلة جواي ومابيدي شي

بيوم  طلعت بالليل والجو بيه برودة اشتم بالهوا النظيف بلكي يطفي النار الشاعلة بداخلي ويهديها
ماعرف شلون اجتني فكرة اروح اشوفه

اتذكرت بيتهم بيه باب
صغيرة ليورى هاي الباب من زمن جدي المرحوم موجودة

عدهم جان جدي مسوي منور خالين بيه غراضهم وهم علمود من  يفوت الاغراض على راحته تجي بيبتي تساعده وهيج

واني كلت والله لاروح اليوم
اشوفه واجرب هاي الباب تنفتح لو لا رحت على كيفي اخذت عباتي وطلعت وسديت

الباب وتاكدت اذا امي نايمة والبقية لو لا كلشي
يصير اروح بين الرجلين بعد شخلصني

لفيت نفسي زين بعبايتي وطلعت الشارع فارغ ماكو احد بيه غير الچلاب ينبحون

واني بردانة وملفلفة روحي وكل مرة چلب يسوي 'هوهوهو' اني افز واكله 'هو هو هو ' هو يروح يمكن عبالي اعرف احجي لغتهم هههههههههههههه

وصلت للبيت فتحت الباب لكيتها مقفولة بس عايفين شباك يمها مفتوح عاد اني مديت ايدي من الشباك وفتحت السرگي بالكوة الف الحمدلله والشكر محد حس عليه

دخلت بكيتهم منوميه بالهول دمعت عيني رحت اتقربت منه جان نايم بفراشه والتعب بملامحه مبين من شافني

بقت مصدوم وميعرف شيحجي بس ضحكته مبينة على وجهه نصار: انتي شلون كدرتي تجين

كافي :  عوفك شلون جيت وشلون كدرت اني اذا خليت سالفة براسي انفذها لو شما يصير وانت تعرف كلش زين بيه غمضت عيني وحجيت نصار بس كلي شنو البيك  ؟

شنو  الي وصلك لهل حالة مو جنت مابيك شي والله تعبت اني هم مرضك ياكل بيه اكثرمن  مابيك اني الي داموت كل دقيقة وكل ثانية

لا تتصور اني مرتاحة
بالبعد ولا زينة ولا دانام ليلي ولا صبحي مثل البشر تنهدت. الله يخليك كوم اليه ولابنك هواي هواي محتاجيك احنا كال