حبايبي اعتذر عّن التاخير
بس نت مجان موجود مشكلة
بالشبكة وهسة يلى كدرت انشره
♥️♥️♥️♥️♥️♥️♥️♥️♥️
قراءة ممتعة
دانية رسول - ليته لم يولد
﮼البارت،الرابع
فادية
كعدت الصبح
حالمه بحلم موزين ما اتذكره
كُلش بس جنت خايفة منه
تجيني لمحات بس عنه
مِو هواي
نزلت جوه ورحت المسجل
شغلته حتى اسمع الاخبار
بس هُم جانوا مطلعين اغنية للفيروز
رحت للمطبخ
وخليت الچاي على النار
ووكفت كدام الشباك
اباوع على الرايح وعلى الجاي
طلعت للحديقة
وبايدي الاستكان
اشرب شوية وبعدها اكل من
لفة البيض الي سويتها للنفسي
اسمع صوت عياط سهى ومنى
وفاطمة تصيح عليهم متعودة
على هذا الشي كل صباح بعد
لازم العركة اليومية مالتهم
الظهر كاعدين كلنا بالهول
ورى الغدا
اجى كمال والدم على وجه
مالي ملي
وردة : يمةةة اسم الله وليدي شبيك
لج فاطمة كومي جيبي شي بسررررعة
فاطمة : هُو شنو الشي يا يمة
وردة : شو تعال حبيبي شبيك
منو مسوي هيج
كمال : هذا الناقص ابن عالية يكلي ماعدكم
مثل سيارتنا كتله اي بس على الاقل
مِو حرامية مثل ابوك
فهو شال حجارة وشمرها
عليه
وردة : انييي وردة ابني ينضرب
من ابن عالية العوبة بسيطة اذا ما اوريهم
لج فطيمة جيبي عباتي
فاطمة : يمة وَيَن رايحة
وردة : انتو امشوا ويايه نروح نفزع للاخوكم
باعي دمه صاير بطوله
تريديني اسكت
كمنا كلنا طلعنا هداده على عالية
عالية : شكو عيني جايتني بعز الظهر
وردة : هذا ابنج الاحول شلون يتجرا
يفشخ ابني
عالية : ترحين فدوة للعيون ابني
هُو ابنج طايح حظ يستاهل
وردة : يستاهل مِو شو تعاي
لزمتها امي من شعرها وذيج
هُم تسحل بامي
واحنا واكفين نتفرج
وسعادة وفاطمة راحوا يفاكوكون
وردة : لج اني تحجين على وليدي
بسيطة الا انتف شعرج
هذا المحروك
عالية : واني اذا ما اسحلج
جاية تتهجم عليه ببيتي
اخر شي اجى زوجها وامي استحيت
وطلعت وتسوي بحركة البسيطة
للعالية
رجعنا للبيت خربانين ضحك
CZYTASZ
ليته لم يولد
Literatura Faktuحكاية حقيقية ( باللهجة العراقية ) تبدا من السبعينات الى يومنا الحالي عّن الحياة وكيف تدور ومن يكّون في الاعلى سياتي يوم ويكون في الاسفل تتحدث القصة عّن امراتان ترويان قصة حياتهم في زمنين مختلفين ( الجزء الاول) بين خدع وحيل بين نكران الجميل وعقوق...
